角落 三二 (已結業)

大角咀區雖然唔係特別就腳，但搵食兵團間中都會去八卦下有咩好野食同新餐廳～尤其完全諗唔到食咩嘅時候，行過去就到睇下都無妨～雖然呢間Corner 32唔算新開，但係搵食兵團就從來無試過～內裏位置不多，但的的色色cafe感覺都幾舒服，於是就入去試下啦！------------------------------因為隊長B好中意食菇菇，所以叫左兩個菇菇大餐：-焗意大利飯配芝士半熟蛋焗大啡菇配黑醋沙律（$108）由於佢地嘅野全部都係即叫即整，加上店主話一隻大啡菇工序超繁複，所以味道係超好食的～飯硬度偏濕但蕃茄味超強，初時隊長B都見唔到隻蛋，但原來奧妙在於大菇入面，因為一篤開隻菇就會見到黃色的蛋汁一瀉而出～同埋菇菇一齊食好滿足的說～不能用語言表達，但好滑好creamy好惹味-芝士大啡菇煙肉全麥漢堡配脆薯條及田園沙律（$98）薯條架好得意～兩邊裝住唔同嘅醬汁，一邊係茄汁一邊係他他醬，薯條好脆點兩邊醬都好食～好驚喜係個包都係脆嘅，漢堡醬好足夠，不過塊扒就略微唔夠味，亦唔夠juicy，不過仍然好味～另外再加個菇菇小食～（隊長B懷疑如果有菇菇特飲，隊長B都會揀⋯）-焗原粒新鮮白菌（芝士、肉醬）（$35）因

今晚是母親節，出去食餐好的，到了大角咀的角落三二。哈，好得意的店名，店很少，只有八張二人枱，店員似是一家三口，感覺很家庭式。七點多來到餐廳，坐低不久後便全店滿坐，開放式的廚房看得出店家很忙，人手不足下食物制作需時。先來個跟餐的沙律，菜爽脆，酸酸的黑醋很開胃。跟餐的蜜糖香烤雞翼，有三隻之多甜甜的烤得香脆。自己點了呢個德國咸豬手黑椒忌廉汁燴意（$88），意粉份量不少，數片咸豬手，咸香嫩滑又幾正喎，餐牌上寫著非一般的辣，哈哈，又真係好辣喎，係黑椒個種，好刺激，不過非一般人口味吧跟餐的薯條，炸得香脆，附上他他醬同茄汁，熱辣辣的薯條點上兩種醬汁都好味。朋友點了呢樣香橙燒汁烤豬肋骨（$148），好香的橙味啊。份量意外地大份竟然有兩排骨，切開來有十條多，嘩，呢個價錢好抵食呀！雖然打開錫紙後水很多，但很入味，燒烤醬加上香橙味好正，不過肉太多了，多人share會好一點再加了一份炸物，角落參貳°肆炸盤（$108），滿滿的炸物！有雞翼，洋蔥圈，薯條，炸魚，大烤菇，再配上四種店家秘制醬料，茄汁，他他醬，蜜糖芥末醬，還有很特別的酸忌廉。炸大烤菇，很juicy，厚肉的菇菇咬落好滿足呀～炸魚塊很嫩滑，正。另外的炸物

星期五放工，和朋友經過大全街，發現一間售賣特色手工啤酒餐廳，決定入內試試。一看餐牌，見到有手打牛漢堡及豬仔骨。立即order各一客試試。個鮮牛漢堡餐更附送即炸薯條及沙律，好味非常，絕對驚喜。配上floris 手工啤酒，一流。十五分鐘後，再來一客香燈焗豬仔骨。豬肉入口即化，橙香味滲入醬汁，加上一杯merlot 。掂呀最後，即使胃已沒有空間，都忍不住叫了一客心太軟，加上雪糕，真的有初戀的感覺。現在租金爆高的香港，有誠意的小店，真的要廣傳及多加支持

大角咀是美食天堂，新舊食店林立，要一一試畢也要好幾星期！在大全街的轉角就有一間外表醒目的小店，能容納約十人左右，主打西式料理，見價錢合理，今天決定由這裡試起！ 食物附送沙律，沙律餐牌上是有田園和海撒之分，不過上桌覺得又沒什麼分別。菜新鮮的，配黑醋亦不錯。 有些主菜送雞翼三隻，蜜糖香草烤焗，微焦，非常棒！ 自覺餐牌有少許難懂，吃罷沙律和雞翼突然有薯條送上。「咦？為什麼呢？」原來其中有一份主菜是奉送薯條的（黑人問號）薯條有點炸過頭，不過同時配茄汁和他他醬誠意加分！ 正是因為不知道有些主菜已附炸物和雞翼，傻傻的我們另外點了一份炸物併盤。這個我建議四人以上分享，起級大份！有洋蔥圈，薯條，炸大草菇和炸魚！當中炸大草菇最為驚喜！材料是用上新鮮大草菇，咬下依然有肉汁！不要以為炸物就用上「賣剩蔗」啊！（其實在餐廳用餐過程中，一直見到店員到外面蔬果店「補給」物資，已經知道餐廳少量入貨用最新鮮的食材！）配上四款醬汁，除了剛才的他他和茄汁外，還有cream cheese和蜜糖芥末醬，好好味～（充滿罪惡感…） 說起來今晚可能特別爆場？廚師和服務員共三人完全忙得不可開交，食物上桌就有點緩慢，但個人覺

奧海城行完街，之後去大角咀搵嘢食，幾年冇黎大角咀，依家變到好似食街咁旺，睇到呢間有人排隊，二話不說就鎖定鳥。因為餓到一個點，所以餐牌入邊樣樣都想試。炸魚薯條沙律白身魚混咗調味先炸，香口唔死鹹，薯條係我最愛粗身個種，外脆內軟，沙律菜非常新鮮，配埋黑醋汁，清新醒胃。芝士流心蛋大啡菇配意大利飯鐵板上熱辣辣，咪睇個樣平平無奇，一切個大啡菇蛋汁爆出黎真心堅秋，意大利飯濕潤程度剛剛好，有咬口但唔會太硬。非一般的辣黑椒意粉配豬手真心！非一般的辣！程度似放咗半樽黑椒！同餐廳職員傾計，先知之前再辣一啲，已經聽取意見改良過，撇除辣意粉煮得好彈牙，不過豬手切片上份量略嫌少。蜜糖/韓式雞翼上枱嗰陣黑蚊蚊好似滷水雞翼咁，但食落充滿蜜糖味，好似用蜜糖醃左一段時間；另外韓式雞翼其實就係蜜糖雞翼上面加一啲韓式辣醬，原本以為好似 oppa 炸雞加韓式辣醬，同我想像中有少許出入，都係蜜糖雞翼好食啲。椰汁雪條菠蘿沙冰 & 冰蜜糖菊花特飲推！心機製作，跟餐只需要加＄25好抵飲。小本經營，睇得出好有誠意去提供食物俾客人，下次可以再試。

黃色店面 响大角咀舊區 / 工業區 當中好搶眼啊~店名又得意, 位置又真係講得上角落頭仔嘅... 我地就係因為咁嘅簡單原因決定今餐食呢間... 哈哈~ 門外嘅彩色黑板仔 吸引住我嘅眼球~角落 32 - 青檸 . 薄荷 . 蘋果西打佢好鍾意飲, 話好清新 好舒緩 同埋好夾食佢嗰個 rich rich burger, 只係爭在要吐核 爭小小咁姐~(我飲咗一啖, 即時確認唔係我呢個甜怪杯茶~ XD 覺得酸酸澀辣辣地... )蜜瓜雪糕棒棒牛奶沙冰呢個我好鍾意飲!!! 牛奶沙冰中間插住平時成日食嘅韓國蜜瓜雪條~ 估唔到係咁夾喎~ ^0^ 飲落香香滑滑微微甜 啱曬少女心~(平時呢 2款特飲係計 $38/杯, 但跟餐所以 $25/ 杯蚊啫~)佢嗰跟餐嘅 脆脆薯條 同埋田園沙律~薯條真係好好味, 我哋兩個都推介!!! (其實仲出現咗爭食嘅情況... XD)炸得好香脆, 唔油膩!!!佢幼身得黎 都食得出外皮脆卜卜 內裏薯肉軟嘅口感, 凍咗都仲係脆, 正! 香烤蜜糖雞中翼香香甜甜, 外脆內嫩~普羅旺斯慢煮豬脾仔 配番茄釀意大利飯 及 焗香蒜對肉冇特別偏好同興趣嘅我, 大 力 推 介 啊!!!黎食! 記得黎

在大角咀覓食基本上不用愁的，因為這邊地方細細，但食肆的總類繁多，而且多是店主們悉心經營的小店，對於食物質素都有所要求。故此，有時間的話都會跑來這邊看看。無他的，大角咀位處鄰近鬧市的地方，步行多一點，就有個公園可散步、野餐，又或者可以到海濱公園閒逛、跑步、看日落，視乎不同的心情，而選擇自己當天要走的東、南、西、北，總會找到自己想要去的地方。今次我們在閒逛著的時候，就被這家叫Corner32的小店吸引著。 小店內的座位不多，大概就只有十多個位子，餐廳內盡是悠閒的氛圍，在餐廳裡面好像忙了時間一樣，儘管在這邊繼續休息，繼續享受這邊的氣氛似的。然而這邊的廚房是開放式，基本上能看到工作人員煮食時的狀況。而我，就是喜歡看著別人煮食，那份專注是相當吸引的。 田園沙律配煙雞肉及炸意大利飯球 ($59) 沙律菜相當新鮮，配合自家調製的黑醋，酸甜度適中，這個味道沖擊著每一個味蕾，相當討好之餘，開胃感亦大增。旁邊的煙雞肉相當鹹香，一點也不油膩，也不算很「鞋身」，加上雞肉上面加入點點胡椒，令味道變得相當吸引；旁邊金黃色的炸意大利飯球，外表令人忍不住想要探視它，金黃色底下的是一粒粒的意大利飯，中間

開業只有9個月嘅小店，座落於大角咀食肆林立嘅大全街。食飯當晚，因為樓面少咗個人，只有其中一位主理人阿影及大廚partner 擔正，雖然係咁，不過由落單，烹調，上菜，執拾，到招呼客人，都無'踢腳'情況出現，而2位亦盡顯默契，每份食物上枱時，仍然新鮮熱辣，品質及服務都一流👏🏽！至於食物方面，品質同味道都絶不遜色，款式選擇亦不少，部分餐更配有雞翼或田園沙律，熱辣辣，香噴噴，上到枱手快有手慢無😋。所以話小店精神，絶不欺人👍🏽👍🏽

難得係本地小店，當然要去撐~ 咁岩去大角咀, 見到食評唔錯, 梗係要試一試首先飲品揀左大路的新鮮雜果冰果茶,佢將雜果雪成一大嚿冰,即使冰融都唔會沖淡冰果茶的味道!普羅旺斯慢煮豬脾仔配蕃茄釀意大利麵及焗香蒜豬脾仔嫩滑夠腍, 一咬就扯甩大啖肉, 香草調味令豬脾仔更入味蕃茄意大利麵未食前已經聞到好濃烈既"真"蕃茄味, 將蕃茄作容器盛著意粉,可以每啖都食到蕃茄。焗原粒大啡菇(芝士肉醬)呢個極度推薦!! 原先MENU應該偽焗新鮮白菌,但白菌無哂就轉大啡菇,但係煮出黎菇同醬汁配合好好,食落一啲都唔"漏"而且菇既處理做得好好,唔會焗到乾水,而且無草青味,加上肉厚軟滑,食落口仍然覺得夠juicy香烤蜜糖雞中翼真心覺得"角落"小食幾有水準! 因為蜜糖雞翼係第2推薦的美食蜜糖雞翼烤得夠香,皮脆肉滑,蜜糖落得夠,咬落去仲有少少痴牙,但我鍾意流心焦糖朱古力心太軟伴雲呢拿雪糕其實小妹一直覺得心太軟做甜品係西餐黎講係好普通的甜品,但角落32的心太軟用焦糖做餡,而且食落有少少咸,感覺似落埋海鹽同普通朱古力心太軟有啲特別。

用corner名命的餐廳都有幾間，觀塘有corner 90，天后有corner 18，而大角咀就有這間corner 32，不約而同，三間食評都是不錯。來到角座32，位置不多，可能只有十數個位置 (這一期我去的食店都是小店)，廚房是開放式，與樓面面積各佔一半。廚房內有兩位女廚師，其中一位負責炸物加焗的食物，另一位(我覺得是主廚或負責人)則負責飲品及其他菜式，樓面則另一人負責。坐下便看看午餐有什麼可叫，特色午餐也有幾款，我點了一個原個磨菇白汁飯，友人則點了辣香腸意粉，不同餐所跟的配菜也不同，我的有一個沙律加多士，而友人則配有薯條。每樣菜式都是一碟碟的上，相信是因為得兩個廚師的關係，當同一時間有很多order，而每種食物都即做，要等待也是必然，都是那一句：這也是一間急不來的餐廳。

只要走在大角咀大全街的路上，便不難發現這一間開在橫巷角落旁的亮黃色小店。而我這一夜，便是在這兒吃了一頓晚餐。 「普羅旺斯慢煮豬仔髀配蕃茄釀意大利飯及焗香蒜」有四隻豬仔髀之多，豬髀肉早已慢煮至軟腍，輕輕一咬便可離骨，釀入了原個蕃茄之中的意大利飯沒有一般的膩，較為清新，大大個的焗蒜，蒜粒甜而不辣，絕對是最佳配角。 以錫紙包裹上桌的「香橙燒汁烤豬肋骨配脆薯條及黑醋沙律」的香橙燒汁盡情浸泡在金屬托盤之上，豬肋骨顏色淡淡的，不及常見的塗以燒烤醬的豬肋骨般吸引，香橙燒汁也只能停留在烤豬肋骨的表面，未能滲進豬肋骨的裡面，豬肋骨味道雖過得去，我覺得還有一定的改善空間。相比起主菜，另上的脆薯條炸得很不錯，反而帶來了意外驚喜。 也點了一款喜歡的小食，是「芝士、肉醬焗原隻大啡菇」。這伴以大量沙律菜的小食，大啡菇爽甜多汁，芝士肉醬又香濃惹味，不但我很喜歡，老婆仔也甚為鍾意。 飲品方面，老婆仔的「檸檬雜飲」酸味甚重，我只嚐了一口，便立即遞給她。我的「角落32」以店名命名，成份有青檸、薄荷和蘋果西打，味道沒有那麼酸，也較有層次感，我都幾喜歡。一向喜歡亮麗的黃色，覺得這顏色充滿活力和朝氣。這間亮黃色的小店

今晚同女友黎支持特色小店，座位不算多，十多個位，但環境很好，乾淨俐落。晚餐款式多，有飯/意粉/ 漢堡餐，想健康有沙律餐，飲品方面有好多特色飲品，例如：mocha / fruit punch，我地最後叫左炸魚漢堡同角落（牛肉）漢堡餐。牛奶朱古力奶味香濃，幼滑，Mocha  咖啡味重，很有咖啡味！沙律蔬菜爽甜，醒胃薯條夠熱夠脆，鹹度適中 雞翼夠熱，蜜糖味夠Juice,  好入味到角落（牛肉）漢堡，份量絕不欺場，牛肉夠味，鬆軟，配上拉打芝士同特制醬汁，再加上脆脆既全麥包，很邪惡呀！魚柳漢堡，大大塊既即炸魚柳，配上沙律醬同蔬菜，感覺好fresh, 魚柳一點雪藏味都冇！最後，價錢非常合理，食左咁多好味既野，仲要唔收加一，$300 都唔洗，下次絕對會再黎惠顧！

入大角嘴搵食，朋友推薦一間西式小店。bizi 係澳洲生活過5年，對西式食物都有一定要求。入店內雖不大，但五臟俱全，頗有西方cafe 小店氣息，燈光足夠，唔會亂搞氣氛，專注食物先係最重要。唔好意為店仔細細，但其實一收工就好多客幫襯，好快就滿座。好在今日準時收工衝去。先黎前菜沙津，有沙津醋另外上，唔怕味太濃。再黎炸薯條必需一提，熱辣辣好香脆，配上茄汁及我最愛的tartar sauce, 感覺返左澳洲咁。（最後掛住主菜，薯條涼晒但仍保持到香脆，勁)橙肉焗豬肋骨非常香，一般出面都係烤豬肋骨，第一次見感覺好新鮮。外面一層錫紙包裹住黎焗，完全鎖住肉汁，非常野味。比烤既冇咁油，肉質非常嫩滑。漢堡包係今晚既亮點，面包味香，用料新鮮。漢堡肉應係店內自己打/握制，非常香牛味及鮮嫩，一食難忙。絕對係用心之作。整體係非常滿意，小小的店但比高級/有名餐廳做更用心，味道誠意都滿分。最重要係以咁既質素，價錢卻非常貼地！值得推薦！

呢個星期叫做終於得閒d 可以同朋友去食餐好傾下計放鬆下唔知係咪好耐冇黎大角咀呢頭發覺好似有d餐廳係新開而呢間就係其中一間***

平日很少會在區內“搵食”，這天因為被新買的鞋子刮傷，原來約好朋友在旺角開餐的我，只好臨時改變地點，改到家附近的餐廳開餐。這家餐廳已經開了接近半了，但一直沒有機會吃過，這天經過時見餐廳內人客不多，而門外的餐牌又好像挺吸引，所以就來這裏試試。 說實，舖面的佔地不算很大，不過，枱與枱之間有一定的分隔，坐下時感覺舒適，而且餐廳的大門以落地玻璃設計，可以清楚看到街上境色，令餐廳變得更開揚，更有特色。 而食物方面，款式並不算很多，基本上的小食、意粉、意大利飯及廚師推介等是有的，但奇怪的是餐牌上好像找不到牛扒及三文魚之類的菜式。好吧。先點小食，再點兩個主菜分著吃~ 香烤蜜糖雞中翼 - 雞翼送上來時，顏色不會像坊間吃到的，帶點金黃色，相反，它的顏色偏深，感覺是有點怪怪的，但雞翼的味道不錯，入口帶有香甜的蜜糖香味，而且雞肉非常滑嫩，肉汁豐富，個人認為挺美味的，值得一試。 普羅旺斯慢煮豬脾仔配蕃茄釀意大利飯及焗香蒜 - 慢煮豬脾仔的賣相不錯，除了有豬脾仔外，最特別就是在原隻的蕃茄內釀上意大利飯，而旁邊還有大大個的焗香蒜，令餸菜的整體感覺變得非常豐富。 慢煮豬脾仔的份量不少，一碟就已經有4隻，以