許祥昌食店

营业中

休息中

是日長周, 要返半日~放工後返到元朗, 要搵地方醫肚~但已好幾個Wkend都去快餐店食下午茶~唔想再去了然後諗到個好好嘅選擇: 許祥昌食店!星期六嘅下午時間~ 好多人呀~ 店外都開左幾張枱~不過我一個人, 好易就搵到位~咁呢~ 呢度有餐牌嘅~如果你只係想食某幾個餸,可以同店員照講照落單嘅~但呢度唔同出面d店, 唔係逐個餸收$的~就算你叫幾多個餸,都係跟size 收費的~同埋其實, 都冇乜人會睇餐牌因為來得呢度, 識食當然係食雜麵!(姐係咩都要!)而我今日就叫左大雜油麵!(size:大; 雜: 咩都要; 油麵)大雜油麵 ($28)點解話佢平靚正, 又講到大滿足咁?話說呢碗野只係$28, 但我專登記低左佢有d咩餸:1. 魚蛋2 .豬皮3. 豬紅4. 豬腸5. 鳳爪6. 羅白7. 雲吞8. 豆卜9. 冬菇10.雞尖冇錯! 係10樣餸!只係$28, 有足足10樣餸!真係不得了!樣樣都有得食下,滿足感當然大味道係舊式車仔麵嘅味道,係冇而家出面D貴價車仔麵咁講究了~但呢度食嘅係小店人情味, 懷舊嘅味道然後我仲叫多左杯涼粉紅豆冰($15)話說呢度D冰, 同車仔麵一樣, $15係任溝的!我見有人會叫紅

細個屋企人已經帶黎食雖然系一間平常既面檔但充滿人情味一慣平時叫開都系叫大雜米「雜」既意系佢所有餸都有一d好豐富夠飽滿足又抵食👍🏿👍🏿有豬紅、魚蛋、豬皮、蘿蔔、鳳爪、雞翼尖、豆卜、豬腸......佢既咖喱汁都夠野味👍🏿配埋佢多元化配搭既野飲 完全系捧住個肚走🤤🤤

許祥昌開左真係好多年，😂😂由細食到大啦，有人話好咪，有人話唔好咪，當然人人口味唔同，各有各說法，成日拎乜乜乜車仔麵去比，講真，人情味麵好重要，老闆娘好好👍👍👍它以前是擺街之後是一間小小小店，經過咁多年一步一腳印走來，已經有自己的店面己，而且都幾大間。可以選擇麵、米粉、河粉、大碗、小碗、要咖哩汁咁樣。竟有細、大、加大size之分。$21就可吃到細麵，配埋香香的咖哩汁雜麵有大小之分，單單一個小碗的車仔麵，什麼料都來一些，豬皮、蘿蔔、魚蛋、魚肉、鳳爪、豬紅……每個餸有一兩件，分量十足。最啱選擇困難症嘅我食😝豬紅滑而不腥、滷水豬腸亦很入味，還有自製的雲吞🤤🤤🤤劃一配上咖喱湯底，濃香惹味。二十多元吃到飽😘

位於元朗廣場巴士總站附近的許祥昌車仔麵，曆史久遠，食左十幾年還是一樣，現在這個年頭，能不倒下一定是有他的過人之處。車仔面講求效率，快來快去，對於上班族是最簡單直接，簡簡單單又一餐的心態。這個道地車仔麵，如何道地？就餸的選擇就已經有十幾樣。豬皮，羅白，魚蛋，腸仔，紅腸，支竹，冬菇，凰瓜，雲呑，魚肉，魚片，翼尖，豬腸。是不是花多眼亂呢？可以基本選四樣餸，或者簡單啲來碗雜錦。這次我就點了大雜油麵，加杯豆漿，成為33元。

許祥昌由中學食到而家，當年會特登走過黎，一張廿蚊紙就可以食到一碗車仔麵，對學生黎講簡直係恩物。而家已經加價加到26 28 30 (中、大、加大)，但對比出面市區依然算平，而且好食D份量亦夠。(係出面食一碗車仔麵有時都要40幾50蚊，心諗駛唔駛呀......)印象中食左十幾年都無飲過D冰，雖然大家極讚，但十幾蚊一杯，黎得呢度食就係想慳錢哈哈，所以無試過。每次都叫足5個餸，見有D post話一碗有晒十幾樣，我就真係未試過，唔知點做到，可能十幾年黎都蝕左。我通常都係揀豬紅、豬皮、豬腸、蘿蔔，最後一樣可能會搭下魚蛋或雲吞或什麼的，但前4款感覺車仔麵一定要有，而且呢度係最地道最好食(唔知係咪由細食到大食慣左)。麵一定揀油麵，因為細細個已經好鍾意食油麵，而油麵係呢個世代好似買少見少咁。如圖，D餸多到"責"住晒D麵，要食得好小心，唔係D湯會飛落件衫度。湯底會有少少"辣味"，個"辣味"岩岩好唔會辣到食唔到但又有D調味(用引號引住個辣味係因為佢唔係真係辣椒個種好辣既感覺，唔知點形容總之試下就明)。有人鍾意食永年，但我係元朗咁多年食永年既次數應該兩隻手數得晒，基本上食永年既人都係鍾意食永年既辣。當年青春期

元朗人一定聽過許祥昌，元朗人想吃地道車仔麵第一時間一定會想起許祥昌，除左許祥昌無第間！許祥昌地道車仔麵有幾地道？地道在於配料，一碗車仔麵究竟可以有幾款配料？答案是14款！有豬皮、蘿蔔、魚蛋、腸仔、紅腸、魚蛋、支竹、冬菇、鳳爪、云吞、魚肉、魚片、亦尖和豬腸。 這14款配料也可根據自己口味去選擇，有人會只係揀幾款配料，又有人只會揀唔要幾款配料。無選擇既話就會有齊14款配料，許祥昌車仔麵除左配料地道，車仔麵既湯底也是重點，非常惹味！還有許祥昌值得一讚提供左細碗、大碗以及加大碗三項選擇，的確係幾貼心，適合唔同人需要。

如果同人講入元朗食車仔麪，大部分人都會講永X。永X好唔好食，我唔知。因為次次去親都排哂隊，我無耐性等。今次同朋友係偶然機會下路過入去食，食完先知佢原來都咁多粉絲。為左支持小店，決定開始我的食評生涯。去許祥昌的車仔麪，第一樣就係無得揀餸。決定左SIZE(小/大/加大)同麪底，就唔需要再揀，咁樣真係幫到好多有選擇困難症既朋友。我叫了一個大麪, 再加一杯紅豆奶茶，朋友要左一碗細。我做過對比，其實大同細，真係除左麪底以外，餸係無分別的。真係樣樣都有齊。除左車仔麪，佢既紅豆奶茶又係值得推介的。好多茶記/連鎖店的紅奶茶，我都覺得太甜。甚至有部分專做飲品既茶店，標榜用日本既紅豆去沖奶茶，我飲落口，除左甜，還是甜。呢度既紅豆奶茶就唔同，茶真係有茶味，唔係得個色。紅豆唔會過甜，無喧賓奪主既感覺。最後，其實食車仔麪，就係要咩餸都有先好食。而家坊間食車仔麪每叫一款餸就加幾蚊，想食多幾款就貴過叫小菜食飯。呢度廿幾蚊有成十款餸，性價比極高。

得閒無事都會入元朗搵野食, 元朗車仔麵好多人只知永年，其實元朗仲有一間值得介紹的車仔麵店--- 許永昌有時去餐廳睇餐牌都好傷腦筋 去許永昌就好啦 佢只有三款; 細碗，大碗和加大碗。今日好肚餓所以叫左個加大碗, 裡面有超多料!! 抬頭望一望餐牌有成13款!!!如果出去食其他車仔麵好像想像叫13樣野...... 好特別竟然有隻鳳爪!!! 又完全無違和感跟手叫左杯招牌咖啡紅豆冰!! 正呀又夠紅豆，咖啡就正常茶記水準, 忽然間諗如果"星巴巴" 出咖啡紅豆冰會係點?最後衣碗加大碗比我的胃還要大.... 平時車仔麵十五分鐘一定清曬.....加大碗我估有兩個兩底..我都要用25分鐘先KO 佢!!!食辣既朋友枱上有辣椒醬。 

《許祥昌食店》 #元朗📍元朗擊壤路17號順發大廈地下B舖-呢間車仔麵出名夠平夠多餸就好多人都知今次就試下d特飲 好多野可以溝😂-🔹紅豆奶茶 $15之前飲過呢到嘅紅豆冰就覺得甜左d 今次飲紅豆奶茶又唔錯wo 茶味中和左紅豆嘅甜成杯野幾夾幾好飲😋 下試可以配珍珠/涼粉90sfoodieshare: 7/10

啱啱搭巴士返到元朗肚餓~即刻諗起呢間地道車仔麵~ 完全懷舊feel~ 黎呢度唔使擔心叫多幾樣餸會好貴， 只需要知道自己肚餓程度， 決定個面嘅size大,中,細。 跟住就可以叫你自己想食嘅餸， 個價錢只係按你叫嘅size大中細黎收費渣~ 而呢度最值得一試嘅我覺得係豬腸~ 夠晒腍唔un~ 蘿蔔亦都係好腍又夠入味~ 諗起都流口水😋😋仲有杯紅豆冰， 又係必飲! 大大粒紅豆好腍~ 完全係細個嗰時飲嘅味， 係大型連鎖餐廳飲唔到嘅。 依家夏天， 飲一杯成過人即刻舒服曬😎😌

友人介紹而來，見鋪面滿座就知深得街坊歡迎。好在之前做過資料搜集，知道點叫，所以一坐低就叫了細雜點咗5餸。好快就送到。$26一碗5餸麵，真係開心價，味道算可以，湯底較杰。如果可以用清湯會較徍。亮點反而係各式各樣嘅凍飲。飲品隻杯真係用嚟飲冰的，夠認真，涼粉冰不過甜，好飲，可惜唔夠凍。

今日男友帶我到他小孩時吃的車仔麵店吃午餐。店內有冷氣，不過我們坐在門口位，門口是傳統的透明膠片遮住，所以被門口的熱風吹入內熱著。車仔麵分三個size，中、大、加大。中的$26，大的好像$30吧。我叫了個中的，男友大的、一碟菜、一杯菠蘿波。魚肉冬菇豬腸油麵 - 豬腸算淋，幾入味；魚肉切得一小條一小條，都ok，但個人覺得配魚肉翅搭些；冬菇切片，都入味，個人還是覺得一整個咬較有口感。油麵不錯，有咬口，湯是咖喱湯底，頗濃，味道不錯。豬皮魚旦蘿蔔粗麵 - 豬皮爽口，本人還是覺得要淋小小，入味些更好手，魚旦很彈牙，不會粉，不錯；蘿蔔都算甜，還算淋、無渣，幾好味。粗麵我無吃到，不知味。菠蘿冰 - 傳統味道，以菠蘿罐頭糖水開，說不上好味，冰冰的一杯，夏天喝很爽就是。咖喱汁生菜 - 生菜都新鮮，滿滿一大碟，$17。全部不用$90，抵到爛！男友說小時候這兒是是看碗收錢，分size，今日這樣價錢都應該是看碗收錢的。下次可以跟對面叫的十個八個款配料的雜錦，兩個人share吃，再加菜、小食，都不錯！

突然間係隱蔽既角落見到好多人食一大碗既車仔麵，所以今次決定外賣一碗試一試先叫左一碗大既！回到公司，即時打開個蓋！嘩左一聲，史上第一次見咁滿一碗既車仔麵，30元就有交易，未道如何呢？要小心咁夾野食，因為一大力左d既不話就會跌d餸，第一啖試左粗麵先！冇鹼水味啊⋯⋯蘿蔔都好林身索埋湯底正！豬腸都整得好好啊！有豬紅，腐竹，豬皮，雞尖，魚蛋同紅腸等......已30元依個價出面冇可能食到咁多配料！所以呢依間店就算加價大碗30元都係好抵食的！味道ok！

入到元朗，搵到呢間非常出名既車仔麵店～👉🏿✨細雜錦麵 Hkd 26 💸📌問過職員，原來自己可以揀5樣送，又或者可以俾職員自由發揮，啲送通常都超過5款喔☺️味道仲要十分唔錯呢！好中意佢既湯底會有小小辣，而且粗都都做到好好食！送真係好多，細碗已經非常飽喇！同埋老闆娘都好好食😭勁有人情味呀👉🏿✨椰果西米 Hkd 15 💸📌價錢又唔算貴喎，好似食緊西米露咁，有啲似煉奶😭but啲西米煮到好林，好好食👍🏿

車仔麵就食得多，但係咩都包既車仔麵就唔係間間餐廳都食到。尼間車仔麵有得揀細雜($25)，即係咩材料都有哂，eg魚蛋，豬皮，豬紅，蘿蔔，雲吞，雞翼尖，豆卜，豬大腸......仲有好多。仲有得揀size添，total有3個size可以揀，不過細size已經好滿，夠哂飽。原來個湯底係咖哩底，少少辣，但對食得辣既人係講，應該少兒科。佢既辣唔係西川辣，會愈食愈有味。食唔到辣既人，可以講唔辣。嗌左辣既，如果食唔落，可以叫侍應幫你沖走辣，好貼心。除左雜麵外，都可以揀配料既，eg有common既材料，竟然有火腿......等。亦叫左紅豆涼粉($15)，珍珠紅豆奶茶($15)，係特別既配搭，不過貴左dd咁，冇必要可以唔叫。總體，真心元朗人未食過既話就走寶啦，食佢個湯底咖哩已經回本，又足料大份，哄係好多人，要搭枱，逼逼地食，但尼d就係風味