許祥昌食店

营业中

休息中

元朗廣場巴士站後，隱藏了一間中學時期的飯堂。麵店最與別不同之處是，麵只有3個價錢。細，大，加大。回想當初中學時期大碗麵只是十多元。今時今日物價高漲，大碗叫價27元。今次我點了幼麵，走豬腸，走紅腸。等了不用5分鐘，一碗滿到爆既麵已經送到。餸料多到見唔到底下既麵，以下是比例有印象的餸。豬紅，有咬口鳳爪，十分入味，骨肉輕易分離。雲吞，一入口就嚐到麻油香，然後是爽口既鮮蝦。冬菇，肉厚，炆得十分入味。幼麵，比較硬身，不入味。但很飽肚！

去元朗食車麵，好多人會揀永年或者榮興。而我就鐘情呢間：許祥昌車仔麵。許祥昌賣點絕對係佢咖哩口味既湯底！除左唔係到到都食到既味道，濃濃既咖哩但又唔會太辣，而且仲好入味！由細食到大，價錢唔貴又可以一個價錢揀好多款餸，嫌唔夠多餸仲可以整碗大雜，咁就可以每款都試下，十分抵食！細碗HKD24、大碗HKD26、加大碗HKD28；飲品HKD14。個人推介：豬紅同翼尖必食，其次我個人口味就魚肉同豬腸。食得辣，記得多咖哩汁啵！介紹番個豬紅真係相當入味同有口感，食豬紅既你一定唔可以錯過；至於雞翼尖呢，肉好嫩同入味，一吸就可以食到哂啲肉，唔洗慢慢損到個嘴都痛。食到咁上下覺得口渴，仲可以叫番杯野飲，呢到又好多選擇：菠蘿冰、紅豆冰、咖啡涼粉冰...但我就必定會叫「珍珠奶茶」，因為絕對係港式奶茶！下次入元朗食車仔麵，唔好咁少選擇喇，試下呢間啦！

許祥昌係我由細食到大~因為太平啦~真係平價取勝有時諗唔到食乜餸就會點細雜麵因為雜麵就係乜餸都有唔洗煩~有豬紅、豬皮、蘿蔔、魚旦、雞翼尖、豆卜、雲吞等等雖然每款都得1-2粒咁但都足夠你飽~又可以咩都試下個湯底其實味道唔濃~同埋冇乜辣味~就算加辣都唔係太辣~都係自己加辣油啦~咖啡紅豆d紅豆都幾大粒幾甜咖啡味都幾濃~而涼粉冰係超多涼粉~比例係大半杯~好抵~好鮮渴

一個人晚餐，要在半小時內完成，本想食附近那間餃子，但見太多人，必會等一些時間，見呢間車仔麵幾抵食，就試下。細碗$24 大碗$26 特大$28 揀左大碗雜錦幼麵，咩都試D，餸有豬皮、豬腸、魚旦、豬紅、豆卜，雲吞、冬菇、鳳爪、雞翼尖等，第一啖覺得味道較淡，有少少辣，聽說是加了咖哩汁，材料每樣都中規中矩，唔突出，雖然淡淡地，但這是無加太多調味同味精先會咁，感覺較健康，價錢超抵食，如果有菜就更好。

每次一諗唔到食乜既時候都會食呢間!!因為食物好味~地方都算係乾淨,而且價錢都適中,夠晒大眾。叫左魚蛋、雞翼尖、紅腸-米粉(細)$24。(舊蘿蔔同豬腸係同朋友一齊食既時候佢比我食的,哈哈~都好YUMMY^^~)再加上佢地既咖哩辣汁 真係特別惹味~坐低+叫埋野食等2-3分鐘就已經有得食~雖然係叫細碗但都已經填滿左我個肚!特別鍾意食佢既魚蛋同雞翼尖,魚蛋實得尼又彈牙,雞翼尖就係滷水個隻,淋淋地。

許祥昌食店不嬲系元朗都幾出名，小弟我都好耐都未食過，今次再試試睇下仲有無以往肉準／價錢方面，好似加左幾蚊，但都叫抵食，一個價錢包晒全部送喎，梗係抵食啦。今餐叫嘅係中碗少汁　份量味道依然，很滿足。

天氣凍 最好不過食碗熱辣辣既車仔麵  佢有雜錦車仔麵同自選車仔麵(可選5個餸)仲有分細碗(24$)大碗(26$)同加大(28$) 最後叫左自選車仔麵 要豬紅 白蘿蔔 腸仔 雞翼尖 冬菇 要幼麵 同埋一枝豆漿麵既湯低好濃好香  唔會話太咸   啲麵好有咬感 啲冬菇應該炆左好耐 好入味👍雞翼尖同普通既冇咩分別 豬紅唔知點解會切片 都係立方體既豬紅有咬口啲  蘿蔔唔硬👍但條腸仔就咸左啲  豆漿好滑 豆漿味好清👍總括嚟講 碗車仔麵係好好味既

我呢個新元朗人搬左入元朗大大話話成10個月，都未食倒一碗自己感覺良好嘅車仔麵，今日終於俾我在朗屏地鐵站附近撞倒佢.....我係一個香港出世，地地道道嘅七十後港燦，車仔麵係我由小學到而家都成日食嘅食物，可作早、午、下午茶、晚餐及宵夜。所以對呢種充滿左我童年回憶嘅食物，我真係頗有要求。點先稱得上係正宗車仔麵，個人覺得必須符合以下二点：1. 湯底醬汁要夠濃味以前好多體力勞動階層都食車仔麵作正餐，佢地出汗多，食嘅野大都要夠咸先補充倒鹽份，麵檔大都做濃味去迎合大眾。同時好多車仔餸本身冇味又或者淡味，好似蘿白、豬皮、齋麵根及發水魷魚等，如果唔用濃醬去煮嘅話係唔好食。2. 車仔麵係平民美食，定價必須合理，依家有啲車仔麵要成10幾蚊一個餸，食一碗三餸麵要成4-50蚊，咁嘅價錢老麥食兩餐啦！我嘅指標係三餸一麵唔可以超過40蚊，咁先至叫做合理。上圖嘅就完全符合倒我嘅標準HK$27一碗佢地叫加大雜錦麵，麵底足有兩大個！濃醬咸湯，豬皮、豬紅、大腸、蘿及齋根都非常入味，今時今日咁嘅鋪租物價，呢碗野簡值冇得輸！當然冇野係完美嘅，呢間鋪車仔餸個manual 上面係冇牛腩嘅，可以叫嘅餸都喺我果碗加大雜麵上見哂，車仔麵

許祥昌都算得區內名店，全因為係野食出名平靚正多既元朗，許祥昌絕對係其中既佼佼者。20寧蚊，一大碗，乜餸都有，豬紅，豬腸，蘿蔔，平時食車仔面既餸，叫得出都有。而且絕對唔係粗製濫造，面質爽口不lup，湯底鮮而不膩，蘿蔔夠稔身，豬皮就有少少毛，但都煮得好入味。當然，20幾蚊一碗面，都唔會考慮到佢整得有幾好睇，不過見到成碗面D餸堆起晒，未食已經覺得好飽~

好吧,元朗朋友講到不可不試咁,喜愛車仔麵就去食番一次咁多多啦.睇下牆壁menu,好似好平,又話家鄉枝竹,自家製雲吞,呢類擺明充炮艇的名字,真係out到無人有.點!餸! 幼麵,枝竹.豬腸,魚蛋,豬皮.... 同埋...個樓面已經行走左,order都交埋比麵檔,我想講,我仲未叫完..算吧,拎到來睇下點再算.啪! 突然有碗麵出現,傑撻撻,成碗漿粉水咁,用個細碗埋到懶滿溢,算吧,整啖先.攞命,咖哩漿水溝什水湯底,呢尐叫車仔麵,我突然好懷念屯門何福堂間擺明係街檔格食落口又鬼咁入味既車仔麵.含住包眼淚食,家鄉枝竹,又淋又爛,魚蛋無味,豬皮又係淋巴腺發炎咁,無哂彈力, 豬腸好少少,爽爽又入味.不幸中之大幸,再冒死叫幾粒自製雲吞試下,蝦,呢個麵檔手勢好差,乜野都要淋pat野上面,睇見都想反胃,又試一粒睇過,真係悔不當初,我今年真係犯太歲啊.食完,頸渴到腎上腺標升,叫杯5蚊既豆漿先.啊,好夠凍呀,好滑呀,就好似飲緊一杯有甜味既白開水一樣.今日到此為止.$32蚊速逃,無咩事唔好再見.

今日又係覓食之日，食友平時午餐要食飯，但今日我建議到許祥昌食個車仔麵，真係聞名不如見面，咁我就黎見下係咁真係咁勁。首先，係無餐牌係枱面，只有牆上的餐單， 眼見周圍的食客也很熟手的叫，大碗雜麵，小碗雜麵等等。 午餐時間都好食客，好彩可以坐入面啲位，唔洗曬。兩個細麵都唔細碗嫁，有就黎滿溢既感覺。 豬腸魚蛋粗麵$21(小碗) 本來，小妹想食既係油麵，但口快快叫左粗麵啊！！！不過唔緊要，小妹一點先食午餐餓到傻咁制，所以乜都冇所謂。個湯有種好濃郁的感覺，唔係湯水咁淡口，係有種鹵水加生粉水既感覺，湯水依附住每一條粗麵。 最愛車仔麵既豬腸，因為就好似考驗每間店既鹵水技巧，入味同埋乾唔乾淨。而哩個豬腸好好食唔會太韌，入口都好重味。魚蛋就一般，唔鐘意食。 加左啲辣，令個湯重味啲！！食友的，蘿蔔沒有渣，大致和我的相同，她還點了豆腐$5杯，豆味還可以，我沒有試。 評分：7/10價錢算平價，有三種size既碗選擇，最多人叫雜麵，乜料都有又係幾抵食既。地方乾淨，待應快手。

今晚去了元朗揾下平野吃,就想起許祥昌車仔麵，元朗人冇人不認識這間車仔麵，而家要找平價車仔麵不容易，許祥昌一直走平價車仔麵路線，它的車仔麵分小(21元)/大(23元)/加大(25元),今晚想吃下車仔麵，就去了許祥昌,地點就在元朗廣場附近，許祥昌算是好旺,又不太難揾位，價錢好平呀,今晚叫了小車仔麵，十分夠吃,咖哩湯好多油,油麵只是一般，咖哩汁的味道好怪,蘿蔔又唔夠爽口，豬紅又一般,魚肉亦麻麻,整體一般 ,許祥昌夠平,味道又不是特別好味,應該不會有下次食物水準豬紅,我覺得一般,份量好少魚肉，口感好粉,味道一般蘿蔔，唔夠爽口，我覺得一般咖哩湯,湯又勁多油,咖哩味好怪，味道麻麻油麵，我覺得油麵幼身咗，味道一般豆漿，我覺得幾好飲，豆漿味好濃郁服務我覺得一般環境空氣不太流通，地方適中衞生我覺得一般,今晚去光顧冇見到有烏英價錢26元,夠平番吃未必再去

夏天時經過見到有好多烏英係店內巡遊所以無食到 冬天好好多無烏英店內都幾乾淨 Li到D呀姐都幾有禮貌 我叫左大碗Size $23,叫左我最愛嘅粗麵冬菇大腸魚肉同生菜 碗麵幾分鐘就整好夠快 餸同麵嘅份量都萛多 除左D魚肉好腥 之外其他都可以以$23嘅價錢都好合理下次要試下其他餸先得

週末來到元朗閒逛， 一心想來食地道野， 就揀左呢間車仔麵來試。 經過門口見座無虛席， 就膽粗粗行左入去。叫左個細雜油麵 (細雜=咩料都有， 豬皮蘿蔔魚蛋魚肉鳳爪豬紅……) 加一杯涼粉奶茶， 等左3-4 分鐘就有得食 廿幾蚊碗有咁多料的油麵確實好難搵，， 但係呢碗麵毫無質素可言，， 蘿蔔切得太細冇口感，， 鳳爪大腸豬紅普遍都冇咩特別，， 油麵係淋， 一咬就散開， 仲有渣。。。只可以話:一分錢一分貨。。。 如果專登來元朗食野，， 唔需要浪費寶貴quota食呢d...之後來埋杯涼粉冰>>又幾ok 喎，， 奶味算重，， 但又唔係完全蓋過茶味，， 涼粉都有口感，， 煙煙un un...唔會話因為落得太多魚膠粉硬哂。。。 13蚊一大杯，， 都算有良心，， 唔係加勁多冰增加容量個種，， 抵飲過出面d珍珠奶茶啦。。。 如果夏天行元朗行到熱辣辣，， 來呢度飲杯涼粉冰懷舊下都ok ge...

今日一家三口入元朗行街, 臨走都嚟食埋碗麵先. 舊時我喺元朗返工時經常都嚟架. 舊時就逐個餸計錢, 而家就分細碗 $20.00 / 大碗 $22.00 / 加大碗 $24.00, 每碗最多可配五款餸.我哋叫咗一碗細, 一碗大share食, 再加支豆漿我雖然叫咗細碗咋, 麵底份量一啲都唔欺場, 包食到夠飽.蘿蔔夠入味, 但嫌未夠林豬腸/魚蛋/冬菇都唔錯雲吞外表扁扁的, 不寄予厚望, 但咬落竟有爽口蝦肉, 出奇地好味. 可惜每碗得一隻.今次最失敗係唔記得走辣 (平時我自己食唔使嘛) 攪到百厭仔一路食就一路叫好辣, 最終要老公包底食埋, 另外再買個蛋糕比百厭仔食.埋單$50.00