許祥昌食店

营业中

休息中

每當我入元朗整頭髮嘅時候，我都必定去到許祥昌食碗麵先去坐定定整頭髮， 由於我久唔久都會有個車仔麵引，每當我係唔同地方食車仔麵時都會作對比～加大雜米$30，有豬紅，豬腸，魚蛋，紅腸，豬皮，雲吞，雞奕尖，鳳爪，蘿蔔，豆卜～配咖哩汁既湯不太濃，豬腸係瘦腸我至愛，雞奕尖煮到好淋好入鹵水味～其實每次我都叫多豬腸走豬皮，佢地跟得好足，但今次我太肚餓忘記了！咖啡紅豆西米，係我最愛淡淡咖啡，粒粒紅豆帶點果皮香架，配西米，囗感一流～其實細個是住元朗的，在元朗長大既唔會未食過～可以話係由細食到大，咁多年食物質數keep住水準，價錢亦不高～如果唔係款款餸啱食，可以點兩三款餸，我比較貪心，要好多款餸先可以滿足我，重點我最滿意就係可以走咩多咩太多就當然唔好啦～

難得同男朋友入元朗Shortlist咗幾間餐廳想試咁啱出西鐵站經過許祥昌食店就試下佢啦Weekend好多人好彩個個都食得好快等咗陣終於有張圓枱有位叫咗個大雜麵share食湯底係咖哩汁我覺得太濃 食到好口渴料方面有豬皮、蘿蔔、魚蛋、魚肉、鳳爪、豬紅都係大路車仔麵料不過啲料其實係隨意比總會有啲料多幾件又會有啲料食唔到啲料入味同幾淋 都ok食咗大半因為太咸所以叫多杯紅豆奶茶叫完又好快飲完兩個人share一碗叫做頂到肚但一人叫一碗肯定咸到食唔落

《許祥昌》🔹細什米$25 紅豆冰$15（豬皮 雲吞 豬紅 蘿蔔 雞翼尖 豆卜 魚蛋 豬腸）💬窮人恩物😂又岩哂選擇困難嘅你地雖然係咁多款 但唔會求奇 豬腸夠淋 豬紅入味 雞尖都好淋好入味豬皮就普通不過都爽口嘅 魚蛋就無咩味雲吞好味 好似係自家製tim🔺紅豆冰甜左d 紅豆大粒夠淋 有陳皮味-byT:7.8/10

呢間的送料好傳統, 選擇唔多,都是豬皮羅白, 雞翼尖, 魚蛋豬紅, 腸仔果D, 連雞翼都無, 莫講話新式D GE送料。湯底係港式咖哩, 無辣味, 有香味, 我幾中意。叫左粗麵, 佢地煮GE麵比較生, 所以有咬口, 浸耐左都唔會林。整體OK,但無乜驚喜. 送料選擇太少。同埋員工執野亂黎, 送汁都丟到我們身上....

搭完西鐵落車，有少少肚餓，咁就食少少野先啦，見到有間車仔麵，search完openrice見到唔係好伏咁就入去試下啦，坐低左，原來唔係劃紙wor,係同呀姐姐講食咩，起初都唔知有咩食，望望下見到廚房頂果度有d餸，咁就望下啦，佢果度餸款式真係勁少，有紅腸，腸仔，支竹，蘿蔔，豬皮，魚蛋，雞翼尖，雲吞，豬紅，冬菇，豆卜同魚肉等咁啦。最後我就同姐姐叫左個油麵，豬皮，蘿蔔同魚蛋三餸麵啦。咁個麵好快就黎到啦，d湯有少少辣，但個問題係呀姐姐都無問我要唔要辣啦，首先就食魚蛋啦，魚蛋就無咩特別啦，唔彈牙，但係都算係交到貨。之後就到蘿蔔啦，蘿蔔一夾就散，炆到過晒火啦，食落去都好入味，都算ok。跟住就到豬皮啦。佢d豬皮係張我地正常見到嘅豬皮切成一細一細塊，跟圖片一樣，即係可能成碗豬皮份量先等於人地出面食嘅一舊，咁食落去味道都無咩大問題，但係有一樣野就好奇怪，就係每一塊豬皮上面都有好多毛，跟圖中所見，所以最後都唔係好敢食晒啦，油麵麵底絕對無問題，整體黎講味道都無咩大問題，期望下次試下佢其他野啦。

許祥昌開左真係好多年，😂😂由細食到大啦，有人話好咪，有人話唔好咪，當然人人口味唔同，各有各說法，成日拎乜乜乜車仔麵去比，講真，人情味麵好重要，老闆娘好好，我本人就覺得好食，加大什米線，配柸三色冰加紅豆，正呀👍👍👍😂😂😍😍😍，相信有好多元朗大既朋友都食過，好抵食架，起碼可以做到咁多年依然係度做緊生意，真係陪住我地長大，由學生，出黎做野，拍拖，到結婚，每個階段都有去食架😂😂😂❤️❤️❤️

當我仲未識永年既時候， 我已經識許詳昌。 十幾年前一碗麵十幾蚊， 而家一碗$25， 通脹黎講， 都應該平絕元朗。 份量細碗已經夠飽。 不過麵底定湯底真係有d沙， 雖則係預左， 但都希望有一日佢可以無。雜麵有魚蛋， 蘿蔔，魚肉， 雞翼尖， 仲有點少得既豬腸感覺無以前咁好食， 不過真係食感情多🙂

原來分大，中，小 碗，但分別只是餸的份量，一樣有5款味道唔似車仔麵，似普通面檔，無得睇住叫餸無得✔，當然各有喜好，我就一般了反而另我眼前一亮嘅係，*(紅豆涼粉冰)*，冰凍水汪汪，甜味夠但唔太甜。整體10分有4分呢間車仔麵店似3餸飯嘅做法。想食牛嘅朋友就唔使來，不設牛肉，牛腩，牛什 ，牛。。。。都係無，無雞奕，只得尖，無豆卜，仲知係6款野對食車仔面而喜歡選擇的朋友絕對係一大可惜，餸款太小，份量太小建議有選擇恐懼症或長期糧尾人仕進食，喜歡吃車仔麵嘅朋友，不需山長水遠來呢到吧？！無得梘，元朗等梗好味車仔面

25蚊有五餸真係夠曬抵， 珍珠紅豆奶茶就係必叫嘅， 唔會話太過甜漏， 但係我覺得嗰度嘅豬紅實在太血腥， 下次唔再嗌， 雖然佢嘅味道都係見仁見智。 分量都算多 ，如果加大嘅話應該夠兩個人食一餐。

今日由住元朗既朋友帶我去食好西，佢話一定要試試元朗地道車仔麵喎去到人流一般，鋪面都算乾淨，車仔麵有分三個唔同既價錢，分別係細碗（$25），大碗（$27），加大碗（$29），可以選擇五個餸，姐姐落單好快手，等左兩分鐘就有得食啦！碗麵一黎到面前就有少少嚇呆左，因為真係好多料，大大碗到好似差唔多滿瀉今次我點左豬紅、大腸、魚蛋、蘿蔔、雲吞，啲餸全部都好美味，特別推薦豬紅、大腸同埋蘿蔔，豬紅好滑，大腸好入味，蘿蔔嫩唔會有渣碗湯好「杰」身，咖哩味，整體黎講都唔錯㗎

好久未有嘗"地道"車仔麵了，所謂之地道⋯其實老娘都未知有否品嘗過呢⋯但這些老店，無論裝橫或"人情"及服務，定必可列入地道之列。車仔麵給人的感覺就是"大堆頭"，可以瘋狂點自己想起的餸菜，然後埋單也只不過是數十元有找⋯（起碼在老娘眼中的感覺，可以用這些去形容而已）好，大老遠來到元朗⋯一個老娘甚少機會踏足之地，所以特地花了數分鐘時間，在西鐵上尋覓地道美食⋯然後，到站前，選中了他！登燈登橷 － 車仔麵！兜了一個大圈才找到⋯如果介意沒有空調雅座的，就不用進去了～（是有空調的，可是也是中門大開，大熱天時╴真的是形同虛設）店內只有一般老店的"餐牌"，分別在於這裡只列出"小／大／加大"的價錢老娘都是第一次來，所以都虛心請教了呀靚姐～～原來大小就是大小之分（廢話）⋯一律每碗"最多"5款餸菜yeah～老娘這麼"輕食"當然點了一碗"小"的來淺嘗淺嘗，"default"湯底是（沒有錯的話應該是加入雪菜的高湯）會加入咖喱汁的，不愛的朋友要注意哦﹗豬紅和蘿白也十分入味﹗只可惜，想多試幾款口味的話，份量會按比例減少⋯幸好用生菜當一個餸也沒有"渣流灘"有quota的，下次不仿叫個一餸麵，不另外叫餸！因當天真的沒有太大

整個上晝都落雨，原本出遊計畫中斷。唯有在下晝停雨時候去元朗覓食。我和家姐按照住之前有介紹元朗十大必食店裡面其中一間試味。呢間其實係朗屏下車後步行約數分鐘就到大廈。只要找到巴士站（好像叫元朗西巴士站），大廈最末位置就係徐祥昌麵店。一進去，見到有熟悉街坊坐係店裡吃。抬頭一看就見到紅色字體簡單的餐牌。我叫了一個細碗雜錦米粉，我家姐就分別叫5餸一面粉麵。麵一上檯就見到滿滿的一碗，沒有偷工減料。雜錦係餐牌上基本上都會有一些。一試湯底，淡淡的咖喱味道，不太鹹。各種的餸都係普通的車仔麵餸，不過豬紅和豬腸有驚喜，因為食落去豬紅幾「林」、豬腸沒有騷味。可以一試。最後兩個人叫左一杯珍珠紅豆奶茶。先講本人喜愛嘅奶茶。奶茶茶味濃，我特意叫了少甜所以飲落去真係少甜，唔多奶，我鍾意。有時去餐廳食飯特意叫少奶少甜都係沒有分別紅豆粒粒分明，幾好味，食落有少少沙質感覺不俗。還有珍珠就偏軟，食時候「林林地」。整體而言這個飲品幾值得大家食下。

25蚊5餸（細size，夠一個正常食量嘅女士食），去邊搵? 以平取勝，呀姐服務夠爽快，蘿白同冬菇都幾好食! 如果咩都想試可以叫雜，所有餸都有。個curry 汁辣辣地，default 一定有，唔食辣要出聲。

其實只是為了紅豆奶茶而來.....點都要點d嘢食嘅...點了細雜米，走豬腸味道不錯，但咖哩味不夠出但唔知點解除咗走嘅豬腸外，佢亦自行幫我走紅腸，亦尖，香腸，開頭以為已賣哂，但之後見搭枱嘅人嗰碗又有喎....😯 不過算啦，我都唔太喜好食嗰幾款 (唔通佢係先知??) 配料大概都好食，魚旦彈口，好過永年的巢皮細粒魚蛋鳳瓜好入味，好好啜😋雲吞就一般啦，豬紅都好味的紅豆奶茶好好味👍🏼 豆大粒，粉而不爛最重要係價錢合理 (永年的要$2x, 痴線!!)有朋友話食親呢間都屙，但我冇事喎😙

元朗許祥昌車仔麵，聞名不如見面。今次叫左個大雜，所謂的大雜即係大的雜錦麵，咩都有啲。最啱我呢啲山長水遠，梗係咩都試吓嘅食客。許祥昌我只可話佢嘅出名係在於平。講真，味道真係嘛嘛喇，唔難食，但都唔見得有咩特別出色。大麵27個大洋食飽個肚就係咁。同區我會寧願選擇永年。但其實我食過最好食嘅車仔麵真係牛頭角下邨嗰間。可惜，而家已經無左喇😢😢