誠拉麵 (已結業)

最近實習實在冇乜力氣出遠門食嘢ε-(´∀｀; )就去左屋企樓下嘅吉之島買定貨存，順便食個快嘅晚餐-🐷白•豚骨拉麵｜💰85豬骨湯底好鮮好濃郁！豚肉片都好鮮麵又係日本麵條！掛汁又彈牙雞蛋都係用日本黎🥰夠流心又入味！海苔都要讚，好鮮！豚肉肥瘦適中，好重🐷味+🥚半熟玉子一隻｜💰10🐤雞軟骨*2串｜💰18燒得好香脆，雞油味香！又唔會太乾身最正係黃色粒野係哂到🥰.🥟餃子*5｜💰22餸子皮唔係話好脆，但內裡超juicy!.🐤明太子手羽*2｜💰25少少辣好惹味！真·外脆內軟，又爆汁.🍥筍絲｜💰10唔落湯都好甜無渣！.開放式廚房見到入邊好衛生👍🏻又即叫即整即烤-成日經過，估唔到佢咁抵又真係都幾好食！大家得閒行吉之島順便試吓啦(｡･ω･｡)

黑豚骨拉麵+追加蔥花=$97 麵質彈牙，湯底好香濃叉燒放入拉麵之前，我見師傅用火槍燒咗兩下，相信就係因為呢兩下令塊叉燒入口特別香叉燒厚薄肥瘦嘅程度剛好，十分平衡店家寫住係採用日本雞蛋，心入面就自自然然幫呢隻半熟玉子加左分整體嚟講的確係一碗令人滿足嘅拉麵另外我見到餐廳有個拉麵set 都幾經濟嘅，$98有一款正拉麵再加埋小食(唐揚雞塊/ 明太子手羽）+飲品，下次可以試下黃埔站行幾分鐘就嚟到誠拉麵，而隔離正正係aeon，都真係幾方便

今日同媽咪去開黃埔Aeon買餸， 一點幾左右黎到「誠拉麵」。🍜黑豚骨拉麵 🍜$89（海苔三片、木耳絲、蔥、半熟玉子一隻、叉燒三片）湯底落咗黑蒜🧄，未食都已經聞到黑蒜味非常濃厚，木耳絲爽脆，加埋沾濕黑蒜湯底一齊食都好入味，半熟蛋一啖過放入口，即溶化😋，叉燒肥瘦均勻，唔會因為過瘦而太乾。🍜豚骨味增 $92（海苔三片、筍絲、芽菜、蔥、半熟玉子一隻、叉燒三片）呢個拉麵嘅湯底比較清淡一點，而碗拉麵本身有好多椰菜，感覺非常健康。🍱兩個拉麵🍜都有+$15 upgrade 配日式沙律🥗、餃子🥟（3隻）、罐裝汽水🥤（1罐「可轉解茶」）日式沙律菜和粟米粒新鮮爽脆，餃子皮煙韌香脆，唔會食到成口油。

同朋友去AEON行街，見到呢間日本過江龍拉麵，決定試一試。我叫咗白豚骨拉麵，朋友就叫咗赤豚骨拉麵。我地都加咗$15要埋日式沙律，餃子同汽水。~白豚骨拉麵有海苔3片，木耳絲，蔥，半熟雞蛋一隻，叉燒3片。湯底好濃郁，好重豚骨味，但食落唔會太咸，味道啱啱好，都唔會太油膩。拉麵嘅質地較幼身，軟硬度適中。叉燒都好大塊，肉質鬆軟。半熟雞蛋係我最愛，採用日本雞蛋，蛋味濃郁。木耳絲好爽口。~赤豚骨拉麵配料一樣，湯底有少少分別。加咗辣，食落更加惹味。~餃子即叫即煎，煎得好香脆。餃子皮好薄，餡料好多，食落好juicy。值得一讚，員工嘅服務態度好好。下次一定會再幫襯。

我同朋友分別叫左兩個套餐，其中一個係(特)黑豚骨拉麵，呢個套餐有兩款小食，鹽燒雞軟骨香脆得黎又有咬口，明太子手羽飽滿多汁，烤得好香口，另外仲有唐掦雞塊可以揀另一個就係(正)赤豚骨拉麵($79)，+$15就可以轉套餐有埋沙律、餃子同汽水，餃子肉嫩多汁，外皮亦都十分之脆，點埋啲醋食簡直一流食拉麵梗係要先飲啖湯，濃厚得嚟帶點膠質，湯嘅溫度亦都足夠，唔會食食下成碗麵凍哂，叉燒肥瘦適中，有焦香味，而麵條軟硬度啱啱好，值得一讚雖然呢間拉麵係AEON food court入面，但係一啲都唔馬虎，下次去開shopping可以去試下

誠拉麵 Makoto Ramen+日本菜+ 拉麵🏠overall/環境/ 服務:+ 全部都係 bar 枱咁 不過係aeon open area 所以感覺唔會好窄而我1700 去 就唔會太多人係身邊經過 + open kitchen 可以睇到師傅 整野食 ‼️ 黑豚骨拉麵 (套餐價） $98好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 套餐 有一串雞軟骨 + 明太子手羽 全部都係即叫即整 好香口 雞翼就塞滿明太子 幾爽✅ 本身鐘急較重口味 湯底好夠濃而有少少creamy 嘅感覺 食完之後唔算渴 唔會有重味精✅ 麵係幼麵 但係唔會入口即係融 仲有彈性同少許咬口 ‼️豚骨味僧拉麵 （套餐價） $98好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 味僧算ok 重 所以唔鐘意味僧嘅朋友應該試其他味✅ 同 黑豚骨一樣 都會跟叉燒 師傅會即場用火槍燒 食落個邊會有少少脆tim ✅ 隻蛋一貫拉麵鋪水平 有蛋味 有流心 合格📍紅磡黃埔天地青樺苑(第5期)AEON百貨地庫B107號舖Shop B107, B/F, AEON Whampoa

今日同朋友行開位於黃埔既aeon mall，不嬲都知道aeon mall既food court質素唔錯，所以今次同朋友特登走左黎試下。係眾多既日本菜裏面，我地揀左黎間都keep住幾多人食既誠拉麵，試下食唔食到久違既日本味道🥰——————拉麵一上枱就聞到好大陣既黑蒜味🤩麵上面既配料都比得好足，三大塊既叉燒、大量既木耳絲，同埋紫菜都竟然有三大塊🤩豬骨湯底由於黑蒜嘅關係令到成碗湯底嘅層次好豐富😆令人有一種想連續飲幾啖湯嘅感覺😍赤豚骨拉麵除咗會有辣醬之外，湯底亦係特別調製，利用麵豉嘅豆香加落豬骨湯底裏邊，令到味道有少少變化，食落嘅衝擊更加大🤣建議如果喜歡重口味嘅朋友可以叫呢款拉麵試吓😛

成日都經過黃埔Aeon呢間誠拉麵，lunch hour 一定排長龍今日過咗午飯時間唔使等，即刻試吓先白豚骨拉麵 特 $85海苔三片，木耳絲，蔥，半熟玉子一隻，叉燒三片豬骨湯底好香濃，夠晒濃稠，好有質感，但係又唔會太油膩，麵條軟硬適中，三片叉燒，肥瘦適中我鐘意，糖心蛋超好味，下次要再加多一隻赤豚骨拉麵 特 $89配料同上，多左辣膏，都幾辣架我未溶開哂整件辣膏都夠辣鐘意辣既一定要試呢個兩款湯底好好味，而且唔會特別鹹，食完都唔會覺得口渴，份量都唔少架飲品仲有汽水或者解茶仲要讚下d哥哥師傅服務好好又好有禮貌下次要試吓魚介沾麵

Aeon行得多但入面的餐廳就比較少食，趁住而家有返晚市同老公收工行supermarket再食拉麵🍜叫左兩個唔同款式試下，一個係沾麵一個係拉麵，豚骨魚介沾麵既湯底相當濃郁，而且咸咸香香，伴有半隻溏心蛋、兩片叉燒同荀絲～老公係拉麵既忠實fans, 經佢認證呢個白豚骨拉麵係好野黎😋叉燒肥美大片 入口融化，麵條彈牙掛湯，以$75黎講真係幾抵!加多$25 仲有5隻餃子、粟米沙律同飲品，餃子隻隻煎至金黃，皮脆多汁，淨係佢都值回票價😃

🍜諗住求其食個lunch 見到呢間拉麵店幾平本身佢呢個價錢 對佢都冇乜太大期望 當試吓新野點知食完發現佢有出邊拉麵店啲水準！-每碗有兩大塊半肥瘦叉燒 食落去好腍而且有焦香食緊時候都會見到師傅用火槍灸燒叉燒🥰麵條係普通幼身拉麵 冇得自己揀軟硬度食落去偏硬少少 富有彈性幾啱我口味湯底真係要讚一讚 豚骨湯底勁濃厚😛😛影咗一陣相 個湯表面直頭起咗一層骨膠原薄膜黑蒜我就多咗陣蒜香 味道層次感更加豐富但配搭起嚟又唔會好膩 重口味人士必試配菜方面都正正常常 不過份量比較少-另外加咗五隻煎餃子 味道就好普通似係平時買日式包裝餃子嘅感覺 個皮有少少厚但係可以接受嘅🤔-佢星期一至五都有餐牌上其中一款拉麵做午市套餐$65 包一細碗沙律 同埋細支裝解茶呢個價錢食到碗高質拉麵真係超級抵🤟🏻🤟🏻

星期六放假去咗紅磡黃埔AEON行街買餸，行到下午肚餓了，就去咗地庫裏面嘅「誠拉麵」醫肚🍜🍜餐廳主打豚骨湯底拉麵，也有供應多款日式小食(特) 白 • 豚骨拉麵拉麵選擇有分(特)或(正)，(特)拉麵的餡料份量比(正)多一點。豐富嘅配料有：半熟玉子蛋、日式叉燒三片、木耳絲、海苔、蔥碎等等，份量十足！半肥瘦的日式叉燒片輕輕火炙燒香過，肥美香軟，滿有肉脂香！糖心蛋採用日本雞蛋製作，蛋味濃郁～木耳絲增添爽脆口感👍🏻(正) 白 • 豚骨拉麵湯底及配料跟上者一樣～白豚骨湯底都幾濃稠，鹹香滋味，配上軟硬適中又掛湯的的日本拉麵，不得了呢烤餃子五隻食拉麵又點少得餃子呢！呢度嘅日式餃子🥟皮薄餡靚，用烤焗方法烹煮減低了油膩感，且保留左餃子內原有嘅肉汁，好好食呢

Food Court形式的拉麵店，拉麵主打四款 🍜「白」「黑」 「赤」「味噌」仲有沾麵😍哩度主打係博多拉麵，麵條幼身🍜 湯底係唔止豬骨湯，仲有味僧味，岩哂我呀🤩再配了餃子🥟 明太子雞翼，雞軟骨小食😋🔺豚骨味僧拉麵 🍜拉麵內有三塊紫菜、大量芽菜、蔥、半隻溏心蛋、叉燒2片同埋荀絲，叉反肥瘦適中， 好大塊，表面係有炙燒過，經火灸過，多一份香口感覺🥳滿滿的油脂🤩，味僧濃稠度超完美🤟🏻叉燒燒得太好食啦，所以再追加😍一層肥一層瘦好靚🥳🔺跟餐配埋三隻餃子🥟皮薄而且香脆，即嗌即炸🤩饀料好足，肉汁幾juicy 🤩🔺愛吃溏心蛋嘅我另外追加多一隻，真係好幸福喔😋😋🔺明太子雞翼咸咸地，啖啖肉，係放滿明太子，脆卜卜😝😝🔺 雞軟骨炸得好脆口，好有咬口😍😍🔺食完拉麵🍜飲番枝解茶，真係好似去左日本嗰啲居酒屋呀😝😝😝

餐廳：誠拉麵 (紅磡)地址：紅磡黃埔天地青樺苑(第5期)AEON百貨地庫B107號舖前排行開Aeon諗住買野囤積係屋企，尼埋返一頭半個月👴🏼，經過見到間誠拉麵店好多人食🍜，引唔住食返個last super🍴，準備好長時間自我隔離，直到疫情好轉為止🦠白豚骨拉麵 (特) $85拉麵有5種湯底，我揀咗款無咁濃嘅白豚骨拉麵🍜，一碗特大拉麵有3片叉燒、1隻半熟玉子🥚、3片海苔、木耳絲同蔥，湯式有香濃豬骨味，就算飲完都唔會口乾👍🏼，值得一提嘅係佢地嘅叉燒都用灸燒過🔥，食落更香口惹味話明last supper更係要食好啲😆，加$25轉套餐加配咗5隻餃子🥟、日式沙律🥗同1款飲品，幾抵食，餃子即點即烤，皮有啲厚但菜肉餡料都算足，蘸埋甜酸豉油就更加開胃，比多5隻都食得落😎另外仲用$22追加咗2隻明太子雞翼，雞翼燒得好靚😍，一咬落去啖啖肉，明太子都幾多，有少少香辣🌶，仲好Juicy添，值得你叫黎試下

呢排疫症爆發 選擇喺屋企附近嘅餐廳環境安全先夠膽食🥺黃埔aeon呢間拉麵 啲位全部面壁 睇師博煮麵客同客之間嘅距離好遠加上我平時好鍾意食 所以忍唔住喺度堂食😂我哋兩個都叫咗餐 加15蚊就有沙律 嘢飲同埋餃子 認真抵叫👍.💟特 白豚骨拉麵 $89有紫菜木耳絲蔥半熟玉子叉燒推薦嗌特 因為貴少少啲配菜就多好多個豬骨湯好濃 煮到奶白色飲落去好濃厚 濃味得嚟又唔會覺得好油膩加上本身係由日本拉麵店加持再用成廿萬嘅高壓煲整成嘅湯底 有保證玉子真係整到流心 食落去真係好香蛋味🥚叉燒好大塊 有用火槍灼過 食落去彈牙又香🍖加埋其他配料 真係超滿足個麵做得幾彈牙唔會淋啤啤仲要似係手拉 你可以見到每一條個size唔係一樣手工嘢果然係唔同啲💁‍♀💟特 赤豚骨拉麵 $89其實配料同個湯底都大同小異但係加咗特製嘅辣椒醬令到原先比較清新嘅豬骨湯生色不少由日本醬油辣椒粉辣椒乾仲有蒜蓉整成非常惹味🤩另外要讚佢啲餃子 皮薄餡多非常香口 感覺就係似食緊大阪王將嘅多肉板本點埋佢特製嘅黑醋 好正正🤪🤪.🎀誠拉麵Makoto Ramen🎀紅磡黃埔天地青樺苑(第5期)AEON百貨地庫B107號舖

肚餓時難以抵擋拉麵嘅魅力。呢間拉麵店原來由東京有數間分店嘅「博多拉麵一心堂」監製，所以食物質素相當高😋。.🍜白豚骨拉麵$75講起博多拉麵一定諗起濃厚嘅豬骨湯頭，而呢度嘅湯頭亦係又白又濃。麵底選用咗幼麵，質地爽口之餘又容易吸收湯汁。叉燒經過炙燒，雖然油脂香味唔係好出，但賣相確實吸引😎。.🍜黑豚骨拉麵$79本來想食沾麵，但麵條未返貨只好作罷。呢款蒜油唔算多，因此蒜味唔算好濃，萬幸嘅係湯頭唔油膩。.🥟餃子$25拉麵配餃子可謂皇道組合。皮脆多汁冇羶味，合格有餘。.🍗雞軟骨$18鹽燒雞軟骨一般來貨質素，冇咩好評價🤣。.🍜誠拉麵紅磡黃埔天地青樺苑(第5期)AEON百貨地庫B107號舖