誠記小籠包拉麵 (已搬遷) 新店位置

以呢間店既位置，遠離主要道路，遠離地鐵站，得十零廿個座位，稱呼為“隱世小店”都不為過吧！我五點半去到，暫得一枱客，未開始繁忙時間，而且，午餐及下午茶仍有供應，我就叫左一個“雲吞擔擔面” + “4隻小籠包”，凍檸茶。雲吞麵上枱，都嚇一跳，下午茶咁大碗既？而雲吞呢，就應該有五隻，而且又係大大隻的。擔擔應有的花生香，花生味，唔算濃的，但極體下來不過不失。而小籠包，四隻都輕鬆地夾起唔穿底，內裡爆湯亦多，只係略為皮厚。最後其實已經好飽，但既然來到，都忍唔住叫埋佢個“八寶冰”，$25，超抵食，內有幾種芋圓，仙草，小丸子，薏仁，珍珠等等的配料，我會比較喜歡呢間多於1下一條街的康瑞甜品。

上網見人話呢度可以一條龍食哂上海野同芋圓，於是去完嘉頓山順便黎試埋。叫左小籠包、奶油津白、咕嚕魚、排骨菜飯同豆漿。間野冷氣唔夠，我地就坐左係近街張枱，冷氣口。成間鋪用透明膠片間開街同鋪，點知有個醉酒佬想突襲坐喺膠片側邊嘅我地，嚇死，即刻坐返入面。豆漿甜爆，冇豆味，唔好飲。全部菜黎齊，但上錯左個奶油津白，變左津白肉球，變相少左津白，不過我地冇同侍應講，照食。肉球好大，成個網球咁，一人一個好飽。排骨菜飯同小籠包正常，冇咩特別。咕嚕魚得個幾片魚塊，仲要一夾就碎，好脆弱，唔抵食。食完正餐跟手叫個芋圓黎食。超！級！唔！掂！食緊粉團咁，完全冇地瓜同芋頭味。懷疑只係用糯米粉同色素整。轉頭去隔離街食返碗足料芋圓補數。整體黎講，好食嘅上海菜大有餐廳在，甜品又唔出色，唔使黎呢度食。

同友人行完嘉頓山，落黎食上海野，沿路行都驚驚地，深水埗感覺無咁安全。叫左小籠包，正常好食嘅。擔擔麵都唔錯，但好漏，豬扒菜飯勁大碗，嚇親囉食唔哂，但係好味嘅。仲有津白，但寫錯左做獅子頭津白，三個大肉球真係搞唔掂，食埋啲菜就算。最後試左碗芋圓，麻麻地，唔建議試。

我自己係半個上海女，鐘意食濃味野，所以都會成日想食小籠包、鍋貼、粗炒之類既滬菜。早前係深水埗食完晚飯，夜媽媽又口痕想食啲野加糖水，就腳見到呢間有人排隊就試下。見佢餐牌都有幾款推介，就叫左signature既蟹粉小籠包同仙草奶凍，諗住過下口癮。蟹粉小籠包 ($40/四隻)十蚊隻小籠包，以為都會比多啲真材實料啦，點知食落去既所謂既蟹粉，根本食唔出蟹膏既鮮甜味，只係得頂個度一小舊橙色熟左既蟹子。小籠包皮唔算超薄個種，尚可接受。不過裏面既豬肉有點兒腥，湯汁有，但少。呢個價錢但咁樣既質素，同一般小籠包無分別，恕我唔收貨。招牌仙草奶凍 ($25)呢個仙草奶凍，望落都睇得下，有芋圓、地瓜圓、南瓜圓、小丸子、紅豆、薏米同西米。但食落就知道係同區芋圓仙草既冒牌貨...所有既圓類一啲都唔煙韌，又硬又粉，而且無味; 西米煲到太糊口; 主角仙草唔夠軟滑，味道都唔夠仙。單睇小籠包同仙草都嘗不出有幾「誠」意製作...招牌菜質素實屬中下，同區內有較好的選擇吧。

本身鐘意食濃味野，但係佢既海蜇：無味，得芝麻同麻油味蒜泥白肉粉皮：甜的酸辣湯：水狀、淡、材料多醉雞：酒唔濃純、雞鞋左啲、硬左啲水餃同蟹粉小籠包係最好味，小籠包係唯一可再食的

經友人強烈推介來到深水埗誠記，但今日目標只是甜品。誠記主打小籠包，上海雲吞等上海菜，但同時只售$25的八寶冰亦是人氣之選！我們點了一個八寶冰及一個招牌仙草奶凍。八寶冰份量很大，內容豐富。有芋圓、珍珠、紅豆、薏米等。芋圓和珍珠都非常Q彈，配上花奶非常好味！每一口都吃到滿滿的芋圓同珍珠！招牌仙草奶凍則與八寶冰其實大同小異，只是少了冰及花奶。但味道同樣很不錯以今時今日物價，以$25吃到這個質素的糖水，實在值得推介。

同朋友share一個八寶冰（$25）真係超抵食！首先超足料，有八種材料：芋圓，地瓜圓，紅豆，珍珠等等全部份量十足，無偷工減料。絕對建議兩個食，一個人真係食唔曬。。。芋圓，地瓜圓超有口感，芋頭/地瓜味十足其他材料正正常常。下面d冰加左煉奶而且幾幼細，但主角都係上面個八種材料。D服務都唔錯，雖然我地兩個人淨係食左25$，但個server都幾有禮貌，無歧視我地。真心覺得$25有咁嘅質素真係物超所值。。。

小籠包愛我 小籠包好好味 小籠包包頭包得咁 小籠包好多汁 小籠包的皮好透 小籠包唔受得壓否則啲汁飽到你成塊面都係 小籠包是不可褻玩的 小籠包湯汁係偏鹹嘅 小籠包豬肉餡比較少 小籠包必食

鴛鴦小籠包(8隻) ($60)總共有蟹粉同南翔小籠包各四隻 皮都幾薄 不過唔夠滑~ 蟹粉小籠包真係有濃郁既蟹味 不過餡唔係蟹膏 入面爆唒汁 好juicy；原味既南翔小籠包就相對失色 因為汁比較少 肉味亦唔多夠鮮 價錢亦唔算特別平 所以下次黎都係encore蟹粉小籠包算啦手撕雞拌冷麵 ($40) 勁量既麻醬！包你每一條麵都會沾滿香濃幼滑既麻醬~佢有加少少既辣椒 但係都唔係好夠 再可以辣d仲好！手撕雞同青瓜份量都多 雞夠味但未夠嫩滑 青瓜就可以中和麻醬既油膩感招牌八寶冰 ($25)南瓜圓 地瓜圓 芋圓 小丸子 薏米 紅豆 西米 珍珠 仙草~ 哇！一睇就知唔只八寶啦！用料非常足 樣樣材料都俾超多而且唔只睇得 仲好好食！個刨冰雖然比較大顆粒既港式刨冰 要用鐵羹整碎先食到個d 但係食得出係用䉀糖水整成 帶清甜既味道 同練奶好夾~ 唔好忘記最底層仲有仙草呀 配練奶食最正~咁多野都只係$25 兩個人食先食得唒 真係超值！不過呢…明明小編見到人地個個影出泥都有鴨仔同氣球裝飾 點解我………冇既…係咪我太早去 佢唔記得左擺…算……我下次再去過……(太大打擊)

旁晚時分 未見多人點了碗排骨拉麵上海排骨即炸豬排豬排炸得乾身 但本來豬排係無乜味道 亦比較硬 唔叫好食麵比較淋身 似平價拉麵多過上海麵有雪菜 生菜 青瓜伴碟 以充撐場面 雪菜無乜味

其實誠記的食物一d都唔難食，甚至有d好味。但次次都甩甩漏漏，份量少得不合理每次我都有反映返俾店舖員工聽佢地都會處理返或say sorry但其實今次已經第四次與其每次事後先黎講唔好意思，不如一開始做好d令食客有個良好的用餐體驗好嗎？希望餐廳的負責人會用心改善食物要有質素之餘，口碑都好緊要架。希望餐廳正視第一次係鍋貼的入面完全生勾勾，d豬肉完全未熟，得個皮的底煎脆些少，皮上面都仲係未熟。第二次八寶冰不尋常地少，後來問左話係新員工到，唔熟手第三次打電話叫外賣，我一打去，員工話等等，樓面有客埋單。結果佢放低電話唔記得拎返起，等左佢兩三分鐘...收線再打去第四次今次手撕雞冷面d雞肉過少...唔知係唔係不嬲都係咁，但排骨湯面舊豬扒都正常size，點解手撕雞d肉要少到攝牙la都唔夠...我好想成日都幫襯你地，但可唔可以唔好咁甩漏，俾我好好enjoy下d食物.....加油啦誠記

早一陣子，這一間中式拉麵、甜品店，非常之出名，因為這間店子的芋圓甜品，賣相非常之出眾，又有些小黃鴨子、傘子作為裝飾。但聽到後面的女客人問及，這些裝飾品現已不復存在了😯。晚餐時段去光顧，於是點了一個排骨擔擔麵，就是以排骨麵的價錢，再加＄10轉湯底。號稱是即叫即整，需要耐心等候。擔擔麵的湯底不算非常之香濃，亦不會太辣，本人亦都接受得來，但是以湯底來說，火喉還真的比較普通。因為本人最愛「葵涌廣場地下的擔擔麵」，湯底濃郁，火喉十足。看到這碗擔擔麵上面還有兩條青菜及「圓形的小豆」？本人心生疑問，花生大都是橢圓形，或者比較長形🤔，這種小球🤔，非常之圓，但又好像有外皮的，究竟這個小球球是什麼來的？後來結帳時，問問貌似店長的哥哥，他說是炸黃豆！難怪味道有別於花生，可能使用黃豆來扮花生，比較容易多人接受吧，用料講究，值得一讚。不算太冷的擔擔麵湯底，配合麵條，味道還可以，麵條的份量相當足料，麵條不算極林，上湯能力普通。上海式的排骨，就即是炸豬扒。與擔擔麵差不多時間一同來到，排骨不會太瘦，可算是近來吃過上海式排骨之中比較好的一家。肥瘦適中，兩端較多肥膩部份，則比較鬆軟，口感一流。

早上食左餐好滿意既上海菜 但係無食到小籠包就去左深水埗諗住搵癮世小籠包黎食下～結果係點？咪就係極度失望囉～首先佢6粒收人$5X 已經係拍得住出面有名D既連鎖店既價錢，重點係人地出面真係做得好味又得體，餐廳環境乾淨舒適，誠記個個又係點呢～ 就如下圖咁啦 蟹粉小籠包變蟹籽小籠包，皮厚，D汁未夾就流曬係底，D肉餡唔夠鮮，又無調好配小籠包既醋～毫無誠意之作 叫多個醉雞翼，乜宜家雞翼好貴架咩？要比客人食曬皮厚無肉，難咬既雞翼尖位 呵呵至於其他食物好似麵啊菜啊就十分普通囉 尤其係個麵睇到咁既色水既「湯底」都唔開胃啦下嘛 食得你飽咁啦 唔會係出色 （btw仲有附送埋味精添，D飲品好似檸茶都有添加架，佢話無得叫走糖阿，因為已經一早調好左，咁調左咩落去真係佢先知啦，飲落都幾artificial架）

南翔小籠包 - $36小籠包外皮唔算太薄, 但勝在唔會蒸得過火而令外皮爛溶溶, 內餡充滿肉汁, 要飲兩、三次先飲晒肉汁, 所以要先小心咬穿外皮蔥油麻辣雞客飯 - $48 (配例湯一碗)蔥油麻辣的調味就只是加在雞件上, 沒有滲進雞內, 所以雞肉必須要蘸蔥油麻辣汁, 不然係完全無味道的, 另外雞肉"梅梅地"的酸辣湯雲吞 - $42酸辣湯質地較稀, 但味道唔錯, 酸辣適宜, 菜肉雲吞好飽滿, 雲吞饀料味道較淡, 將雲吞弄開兩邊讓酸辣湯都滲進饀料內就Perfect了招牌八寶冰 - $25以往放在八寶冰上的鴨仔&汽球裝飾已經無出現了....配料 & 份量真係超多, 絕對係兩個人的份量, 芋圓、小丸子、南瓜圓、地瓜圓、薏米、紅豆、西米、珍珠、煉奶刨冰, 配料超過一半都係煙韌組合, 絕對適合煙韌控

小籠包要整得好味其實都有難度，除左要皮薄餡靚之外，咬落去仲要多汁先夠好味！前排友人話深水埗其實有好多正野食，知我中意食小籠包，就介紹左呢間俾我啦非常小店feel嘅小籠包專門店！望下隻錶三點半，有得食優惠下午茶喎！即刻揀咗六粒南翔小籠包配豆漿＄28，超抵食！我諗出面真係好難食到呢個價錢！六粒小籠包配豆漿！豆漿豆味濃郁，細細杯暖泣泣，好味道！小籠包外皮厚度適中，咬落去餡料的肉結實不鬆散，最重要的是，爆湯！所以食嘅時候要小心啲呀！