誠記

营业中

休息中

堅尼地城站一出已經見到熟食中心，山長水遠嚟到梗係要叫番啲好嘢食😂😂😂誠記全部嘢食都可以自由配搭，啱哂啲咩都想試，有選擇困難嘅人😬📍沙嗲牛肉煎雙蛋公仔麵身為沙牛麵關注組嘅其中一份子，梗係要嚟試下港島區嘅沙牛麵代表。沙嗲湯底夠曬味，牛肉亦都夠淋，牛肉味重。煎雙蛋同朋友share 每人一隻就啱啱好。📍炸豬扒墨魚頭公仔麵豬扒炸到好脆身，份量十分足夠。墨魚頭喺出面少地方有得食，爽口亦都唔會覺得難咬。📍西多士西多即叫即整，送到上枱面已經切好哂，仲好熱辣辣。最驚喜係西多中間有層咖央，勁邪惡!!2個人埋單都唔洗$100，一定會再嚟食😝😝😝

下午茶真係為懶洋洋既下午充充電🤭上次介紹既茶記, 大家都話比較貴😂唔夠親民~~冇計啦新嘉美係💛店我點都想介紹既..今次食依間下午茶, 就真係夠貼地, 都算係抵食的😋💬沙嗲牛肉公仔麵 - $28同平時食既沙嗲牛麵有啲唔同?! 佢沙嗲汁 係本身湯底度, 唔會浸哂啲汁落湯就冇哂沙嗲味, 佢既湯就有味精feel🤭🤭冇特別飲~不過係濃濃既沙嗲味~就咁食都幾開心既(邪惡公仔麵😏😏💬西多士 - $17佢係一黎到已經切好同落哂啲醬, 有種茶記爽快既亂中美(誤)!? 😂 對於要打卡港女我黎講...呆咗一秒, 心諗希望味道搭夠! 食落味道ok, 煉奶 牛油同花生醬係好朋友, 點整都應該好味既, 不過滿足唔到我想食糖漿西多既欲望 (成日臨訓就想食)🤤🤤小總結:沙牛麵有驚喜, 西多都不錯, 食既係由細食到大既人情味啦~諗起以前同爺爺嫲嫲落黎食三文治 🥺~~any肥撐小店🥰小妹愈來愈麻甩, 成日食茶記, 真係要參考多啲foodie前輩, 食多啲少女心cafe平衡一下, 不然呢我就由宅貓奴變大叔😑😑sad❤️誠記❤️堅尼地城士美菲路街市及熟食中心❤️2817 6931

•誠記•士美菲路熟食市場中的沙嗲麵專家每次去堅尼地城，第一站一定要去一去士美菲路熟食市場入面嘅誠記，食個沙嗲麵先安樂。👍 沙嗲雞絲雙蛋麵沙嗲唔係一定配牛肉，誠記就話咗比我地知，只要沙嗲出色，配咩肉都咁正。沙嗲濃而不咸，又唔會太稀，每條麵都掛湯。雞絲同荷包蛋吸咗滿滿嘅沙嗲味。建議一定要加隻蛋，流心蛋黃大滿足！👍 花生醬西多士新鮮炸起熱辣辣，餡可以揀咖咉/花生醬，面頭配上牛油加煉奶。店家好貼心切好哂，食得好方便。👍 熱奶茶飲過兩次，一次得茶味，一次得奶味，大家都係著重返沙嗲麵同西多士😬📍誠記 西環堅尼地城士美非路12K號士美非路市政大廈2樓熟食中心

市政大廈嘅熟食中心從來都係臥虎藏龍嘅地方，今次試咗呢間備受香港沙嗲牛肉麵關注組推薦嘅誠記，雖然有傳質素比較飄忽，但今次嘅體驗好滿意( ´▽｀) 雖然只有單點，加加埋埋都唔平，但係絕對係會再訪嘅餐廳(๑⃙⃘ˊ꒳​ˋ๑⃙)-🍜沙嗲牛肉麵 $27🍜沙嗲牛肉麵+炒蛋 $33呢度嘅沙嗲湯底最岀名，基本上除咗常見嘅牛肉配，仲可以配墨魚頭、炸豬扒等等(˶‾᷄ ⁻̫ ‾᷅˵)湯底唔杰身，口感清爽得嚟有少少辣勁伴隨濃郁花生香，鹹甜適中，唔會食到好膩，爽口而又做到濃濃香香真係唔多😚牛肉亦都值得一讚👍🏻肉質新鮮，唔係乸到冇晒味嗰種，比起瑞記好太太太多🙂加埋炒蛋半熟綿滑超滿足- ̗̀ ෆ( ˶'ᵕ'˶)ෆ ̖́-🍞西多士 $16呢個價錢真係好抵，最喜歡佢炸到岩岩參參，邊邊酥脆，即叫即炸熱辣辣，本身睇到其他人評價話佢中間冇花生醬心裏都有個底🤔始終都俾咗牛油同煉奶都覺得已經可以，但係原來大家誤會咗😳中間其實夾咗一層淡黃薄薄嘅咖央😳😳😳正啊❣️而且仲要切好上碟好細心ꪔ̤̮‪ ෆෆ ̖́--🍜誠記🏡地址: 西環堅尼地城士美非路12K號士美非路市政大廈2樓熟食中心☎️電話: 從缺🕙營業時間: 06:00-17:00 (Tue-Sun)🌟只收現金

今日嚟到西環熟食街市中心 嚟到誠記 叫咗碗沙嗲豬扒炒蛋面 西多士 凍啡少甜少冰 沙嗲午餐肉麵🍻嘢食方面：豬扒好食 沙嗲湯底都唔錯 味道係偏甜嗰種 不過期望佢係會可以再濃郁啲 整體合格有餘 凍啡甜到飲唔到 彈咗佢一次 先至正常🙁。西多士一般 都可以唔使叫🙁環境一般啦始終都係熟食街市唔能夠期望太高，價錢都算平，兩個人今餐食$90就已經食到好飽好飽😮‍💨服務正常。總括而言，唔會特別再嚟，除非住開呢頭先會有機會再食，冇出邊報道講到咁好食，可能之前係好食啲嘅但出名左之後質素有下降，不過都唔伏，起碼唔貴先👍🏻

凍奶茶顏色靚，但只有甜味，可能太甜，沒有茶味。不過都可入口。沙嗲牛肉麵湯唔夠濃。味道還可以。麵就普通啦。最出色都係個牛肉，有咬口，唔會林啤啤。座位非常闊落，坐得舒服。

知道堅尼地城站隔離，士美非路市政大廈2樓熟食中心間「誠記」食沙嗲牛肉好好食。🥳2個同事都食”沙嗲牛肉公仔麵” (+腸蛋 & +蛋)😂，咁我就叫個”牛筋菜肉餃幼麵”啦😌。另外我地再食多個”西多士”。😙估唔到呢間餐廳😉除咗沙嗲牛肉好食之外，牛筋菜肉餃幼麵都令我有驚喜🤩。湯底腩汁味濃、牛筋炆到好腍、菜肉餃嘅菜同肉味道好分明。重點係幼麵冇咩鹼水味。而西多士係即叫即整，外脆內軟，送餐枱時，已經切好咗6細件，方便我地share食。西多士上面除咗已經有牛油同糖漿之外，仲落埋煉奶。好邪惡呀！但忍唔住要再食多2件。價錢仲好抵食。每碗麵都係27-35蚊。😍西多士16蚊。😎不過飲品就要另外叫，冇套餐嘅。

This place has always been a favorite go-to lunch spot for us. We like their:1. French Toast It is super good!! I crave for it every now and then. One of the best in HK I reckon. 2. Spiced Chicken Fillet with Fried RiceNothing beats pure comfort food like this one does. Crispy, well-seasoned chicken fillet paired with a classic fried rice. A little on the oily side but soooo good!! A classic in its true form!! Price is decent for the price as well.

好耐無去食誠記嘅沙嗲豬扒麵, 突然好想食今日特登去堅尼地城回味一下<沙嗲豬扒炒蛋麵>誠記嘅沙嗲湯底同外面食到嘅沙嗲湯底好唔同, 味道係甜甜地嘅但係過咗好多個月再次食返, 發現佢原本好濃郁嘅沙嗲湯底, 變到好淡正常撈起麵嘅時候, 沙嗲湯汁應該會掛到喺上面, 依家大家可以清晰見到白色嘅麵果然人流上升嘅同時, 唔少餐廳都冇辦法keep到當初嘅水準雖然係咁, 不得不說豬扒同炒蛋依然有中上水平, 如果可以改善一下沙嗲湯底, 就更好啦<凍咖啡>大食妹嗌左凍咖啡少甜少冰, 但甜度依然頗高, 與其話係咖啡, 不如話係糖水

行開嗰邊一定要試一試佢啦！又平又抵食，就算開係熟食中心，味道一樣好好😋小店主打港式快餐茶餐，配搭任君選擇！—————————————《沙嗲牛肉麵》- 沙嗲湯底濃，麵份量亦多，麵煮得軟硬適中，牛肉多，而且牛肉不會太淋，有少少咬口，總括嚟講抵食啊！《西多士》- 多士份量正常，有蛋香，咖央底亦夠特別！中意西多可以叫一個試試佢《蛋牛治》- 牛治香口，份量岩岩好，一隻手拎得哂，仲有得烘底轉麵包，重點價錢夠平！又抵食！評分8/10 🥰—————————————

好耐都冇去堅尼地城嗰頭，去開就好掛住誠記嘅沙嗲豬扒麵，臨走之前特登去朝聖，買返個外賣返屋企食一如既往，基本上所有嘅餸菜同埋粉面都係百搭，餐牌上面冇嘅你都可以自己配搭，搭完姐姐會同你講幾錢沙嗲豬扒時菜通粉$35去誠記食嘢唔叫沙嗲同冇食過誠記冇分別，佢個沙嗲湯底濃郁到無人有，陣陣花甜香，系出邊系食唔到ga!!!!!豬扒炸到好酥脆，Fatbrown 唔係好鍾意食麵包糠嗰種炸粉呢個豬扒係淨係沾左生粉，酥脆酥脆，加咗時菜，絕對唔係平時嘅三、兩條，個份量食到你唔想食真心推介，黎到西環一定要食誠記

熟食市場不嬲係抵食之選，環境無得要求太多，但都坐得闊落，空氣通爽涼快，唔會污煙瘴氣。🤣明明同行友人話呢間以沙嗲湯底作招徠，而且可以自由揀餸，唔駛受限於「沙嗲+牛」嘅組合，但我偏偏為咗控制卡路里，揀咗個相對健康嘅選擇。牛肉麵（轉意粉底）$2424蚊一個lunch，但牛肉量好多！牛肉軟稔，唔知係槌過定加咗鬆肉粉🤔不過肉味都幾重，算係唔錯🤗 意粉同湯底偏淡口🤣但自己無揀沙嗲湯底無得怪人，聞到隔離碗沙嗲麵香噴噴，下次會識揀㗎喇😌

最鍾意食茶餐廳😈大部分野食都好邪惡又好味今日就黎到堅尼地城熟食中心 -誠記茶餐廳講求快靚正，一坐低侍應已經問我哋嗌咩食好彩一早已經諗好凍檸茶同奶茶，茶味濃～正常size唔夠飲仲可以叫大size🍴西多士即叫即整，送上枱見到舊牛油自己溶緊😈再配埋煉奶！邪惡程度100%！！👍🏻👍🏻👍🏻👍🏻👍🏻一定要嗌！🍴炸雞扒-食落都都滑，但唔算太特別🍴雪菜肉絲米-大大碗，米粉感覺上都有1.5個-成碗都好足料-味道都唔錯🍴沙嗲牛肉炒公仔麵見到枱枱都點，我哋都嗌番碟！果然有驚喜！-食落唔係炒到好濕，反而乾身，仲要有好濃既沙嗲醬味！-重口味必食👍🏻👍🏻🤝

特登上網搵好食既沙嗲牛肉麵，就搵咗呢一間，港島區同冇乜嘢選擇。好耐未嚟過熟食中心，suprise 啲位都幾闊落,， 冷氣又涼又唔迫人。講返野食，沙嗲味夠，有少少花生香，牛肉又淋，我仲忍唔住飲左好多湯，凍奶茶夠凍茶味又夠，十分好飲。啲姐姐都好有禮貌。雞翼個皮雖然硬左少少，但新鮮炸脆卜卜都唔錯。三樣野$49算係抵食，食完覺得好滿足。應該會再encore，very good. 我見人地叫牛治，同沙嗲牛肉飯，下次可以試下。

特別推薦大家✅沙嗲蛋牛麵✅墨魚頭豬扒米+沙嗲《沙嗲蛋牛麵》鍾意濃濃沙嗲味人士必叫🟤❗️沙嗲湯底夠濃，但係唔係好漏嗰隻，唔會話過咸，同埋一定要配麵🍜😍😍勁索沙嗲味，好正🤭沙嗲牛好淋🐮，完全冇根，蛋都吸晒沙嗲個味🥚，好好食個麵嚟到要快d食，熱辣辣🔥，擺太耐d麵就會過淋架啦💰$32《墨魚頭豬扒米+沙嗲》鍾意淡沙嗲味人士可以叫依個😌因為依個麵本身係冇跟沙嗲湯底，你可以加沙嗲，不過沙嗲湯底就會稀d🤫佢其他餸都唔錯，墨魚頭爽口🐙，唔會覺得un，豬扒個肉質都唔錯🐽，唔會覺得木，米粉都幾爽，不過我就鍾意沙嗲味濃d(上面嗰個)多d😂💰$35*本身冇沙嗲汁嘅粉麵，都可以加沙嗲架😍**如果叫淨沙嗲牛肉麵就💰$27😋***奶茶味道都幾好，不過就冇乜特別🧋