誠記

营业中

休息中

*今日突然好想沙嗲牛 咁不如牛牛佢😍係熟食中心”誠記”既沙嗲牛麵🐮好耐都冇去過熟食中心 點都要搵返感覺既🤣佛系左咁耐 係時候浮返上來先🤣寫個簡短lunch 之選🥰.🔸沙嗲牛麵🔸湯底未去到勁濃 但仍然有花生香味😆牛肉咬落去都軟腍的 味道都唔錯😃.🔹沙嗲牛配墨魚咀麵🔹墨魚咀都幾爽口 食落去都有聲🤣🔸西多士🔸呢pat牛油真係屈哂機 脂肪既感覺返來了🤣So far不過不失 新鮮滾熱辣既就好好食😋

Was thinking of some pungent aroma and strong taste food. Passing by the Kennedy Town market and recalling there is a famous Satay beef noodle restaurant, I decided to drop by.Once the satay beef noodle was served, this place famous for a reason. They served satay broth, unlike the many cha chaan ting out there by adding a blob of satay sauce to the broth. Satay broth was well spiced, nutty and very flavourful. Unlike the south east asian satay or curry, it had its own unique memorable flavour.

最近堅地成為一眾網紅打卡熱點...當然要跟風去去 打返個卡啦打卡之前都聽過依邊熟食中心 有間港大人成日會食既學生飯堂 - 誠記咁一於就去一去,位置就響正地鐵出口 過條馬路就到 勁方便~上到去係自己搵位既,落單之前已經知沙嗲牛同西多係必食 !!所以我地叫左 西多同 沙嗲牛肉炒麵(西多士) 同平時食唔同,佢係落煉奶 身為糖漿派既我黎果下有D SAD 囉但佢個西多真係炸得好好 個脆度話佢係我食過最好食既西多都不為過  ; 係無糖漿差D!!!! (嬲 而依個(沙嗲牛肉炒麵 ) 係個餐牌無架 係坐對面個常客阿叔推介~個炒麵好干身好入味 配沙牛 唔係話好夾 但一D都唔差 但可以做裹menu 響FD面前叫下都幾型總結:西多就真係好好味 一定要叫 其它就...可以留肚 / 想食就叫啦~

終於有機會試到ktown必食嘅「誠記」位於街市熟食中心二樓餐牌睇到眼花撩亂，超級多款配料湯麵、炒麵、炒飯、三文治、包類、飲品最出名係沙嗲牛麵同西多士▶️ 牛筋菜麵 ($38)麵底可揀河粉／公仔麵／幼麵／粗麵／米粉／意粉，揀咗米粉可能本身我唔太鍾意食米粉，覺得唔好食，麵質欠缺咬口同質感，比較易斷，同時掛唔到湯雖然湯底望落唔算清淡，但乏味菜係菜心，份量幾多🥬新鮮翠綠牛筋主要係牛筋腩，質素參差，有啲好黏好淋，有啲偏硬，有啲仲有血色🫢整體欠缺牛味，有啲唔知食緊咩唔推介呢款麵同配料🙅🏻‍♀️怪我唔識揀▶️ 法蘭西多士 ($18)西多士切開八件，炸到外皮金黃色下面有大量煉奶，上面放上牛油方包本身質感好🍞有啲回彈韌力邊邊位咬落香脆，不過蛋味唔算香點咗煉奶甜甜地，即刻變咗甜品，應該好食過落糖漿牛油雖邪惡🧈但係佢魅力所在美中不足係中間冇花生醬 (不過加埋花生醬真係不得了😂會好漏好滯)▶️ 濕炒豬頸肉河粉 ($47)非常大碟😯上面嘅豬頸肉好大片足料炒得有鑊氣，令我諗返起星加坡熟食市場食嘅炒粿條 雖然係濕炒，但保持到河粉煙韌度而唔係一pat pat味道上啱啱好，唔會太鹹-感覺佢哋嘅炒粉麵飯比較好，三文治望落都唔錯🥪

📌堅尼地城馳名沙爹牛茶記呢間位於熟食中心嘅茶記最出名就係佢哋嘅沙嗲牛🐮佢哋嘅沙嗲唔係偏重花生味嗰款 比較鹹香😋 🍴沙嗲墨魚咀牛肉米好少會有茶記會有墨魚咀供應😆墨魚嘴爽口脆身 牛肉食得出係新鮮肉🤓🍴西多士一般茶記發揮～同檯朋友都有叫沙嗲牛麵類 味道差唔多所以唔逐一講啦🍽️ 食物：🌕🌕🌕🌕🌑🥂 飲品：🌕🌕🌕🌕🌑👩🏻‍🍳 環境：🌕🌕🌑🌑🌑💯CP值：🌕🌕🌕🌑🌑✅回頭率：🌕🌕🌕🌕🌑💰人均 $50-60Overall: ⭐️⭐️⭐️ (out of ⭐️⭐️⭐️⭐️⭐️)📍 誠記 地址：西環堅尼地城士美非路12K號士美非路市政大廈2樓熟食中心Hashtags🔎#eatgoodwestsin_kennedytown #eatgoodwestsin_hongkongfood #eatgoodwestsin_noodles #eatgoodwestsin_hongkongisland #eatgoodwrstsin_hongkong

想飲杯正宗凍奶茶， 諗住呢啲熟食中心嘅凍奶茶都唔會點樣失手，點知咁難飲。上午時段，沒有ABC早餐供應，只可散叫。咁簡單啲，煎蛋麵凍奶茶，煎蛋ok冇問題，個麵就擺明係平嘢，勁難食; 至於個凍奶茶，可以咁講，我寧願飲麥記嗰杯凍奶茶，佢個凍奶茶又淡仲有一陣怪味，好似燒仙草嘅味，極難飲。凍飲佢仲有分大細杯（ 因為聽到隔離枱嗌大杯）， 杯凍奶茶比平時飲開嘅杯size細咗四分一， 不過咁難飲，都係飲唔晒。 最後埋單$41，早知過隔離食麥記/大快活冇咁嬲。

地方衛生都先唔講，嘢食尚算好味，所以接受唯獨啲阿姐嘅服務態度超差，坐好耐都冇人執枱都預期之內，叫極唔應都算，等到有人落單，又覆晒單啱嘅，嚟到都係錯(已經得2碗嘢，2杯嘢飲）！等咗一輪問佢點解冇牛肉，佢只係話收嘅錢一樣，唔會計多我，我話我想牛肉嘛，佢竟然話而家加唔到？一碗沙嗲牛肉火腿炒旦米唔可以加返啲牛肉？！一句灑走我，話佢落單時寫錯，覆單嗰時佢仲重覆2次，根本係唔想煩一杯茶走一杯奶茶，我問佢邊杯係走，佢話唔知！收錢時問佢幾錢，另一個話收2個餸錢，結果我碗同人哋有牛肉嘅一樣價錢，而我只得火腿炒旦！！仲要行過特登踢我張櫈！認真谷氣，希望大家健康！

今日去開堅尼地城就上左去熟食中心睇下有咩食，見到誠記多人坐就去食佢出名嘅椒鹽豬排飯啦！🤤🤤碟飯一黎到，嘩都幾大碟喎，一個女仔冇可能食得晒，d餸有豬排有菜心有青椒有洋蔥仲有最緊要既炸蒜，不過d飯就比較爛，唔夠乾身，豬排要跟飯食，就咁食比較咸，同埋佢應該加左咖哩粉有少少辣都好野味，不過都比較多油！54蚊唔包飲品，加飲品大要63蚊，細60，由於係熟食中心，周圍都比較熱鬧，不過熟食中心預左係咁！不過冷氣足夠就得啦！🤣🤣

想食下茶餐廳野，又唔想黎黎去去都係個幾間 特登上網搵下港島有邊間好食，就比我搵到誠記🙌🏻 誠記係熟食中心入面，電梯上到就即刻見到，好容易搵，黎到都好多客人 見到最出名係沙爹牛麵，就即刻叫返個！片片牛肉都大大塊 唔似有啲餐廳得啲肉丁 肉質都好好 唔似拿過嘅 沙爹味都好香 整體黎講好滿意！ 朋友就叫左個魷魚麵 都幾好 魷魚幾新鮮 份量都ok另外我地仲share 左份煎蛋豬扒 份量都十足 豬扒煎得好香 個面好脆 仲有份西多士都好正 唔似出面嗰啲死甜嘅 唯一不足就係軟左啲唔夠脆嘢飲方面 我地叫左一杯大奶茶 黎到真係好大杯😂 仲要唔係90% 都係冰嗰種🥺 整體黎講好滿意 唯一不足就係因為熟食中心環境太大 班伙計要周圍走落單傳菜 所以有時都會漏單同要等耐少少🥲不過overall 超推薦！

必須加入沙嗲牛麵關注組！以前間中都會來士美菲路呢個市政大樓覓食，誠記向來都會是首位。除非有時例休就會試了別的餐廳。久別再來，覺得…點解咁好食但好似無人提及。.。沙嗲牛肉米粉+熱檸茶 $43沙嗲香濃，味道偏甜，辣度剛好不會太辣，不自覺都喝了幾口🙈 （很重口味的me ），米粉又會吸了沙嗲湯，非常滋味。牛肉還可，大部分都好嫩，只有少少有筋。雖然覺到有些評語說職員好像很有態度，很不友善。筆者就認為只不過都是吃東西，職員亦只是冷漠一點，服務還是正常吧～ 特別佩服老闆超強記憶力。

今日星期日到堅尼地城誠記食, 叫咗招牌沙嗲牛墨魚麵. 之前已經食過幾次, 覺得好正好好味, 墨魚鬚好大條, 爽口, 豐滿; 奶茶好滑好好, 另外職員態度之前都好好.但今日黎食實在大失所望首先, 圖中職員態度好差, 每個人正常咁同佢講嘢都會好重語氣, 擘大對眼好惡咁瞪住你. 每講一句都好似得罪佢全家咁. 附近幾枱都有人話, 今時今日態度差到咁…其次, 食品等太耐. 第一碗麵好快到, 但第二碗喺食完第一碗+因為等太耐而去隔離買嘅嘅炸兩都未到… 催咗三次先有. 10:30落單, 11:15先有得食…誇張到最後, 啲墨魚鬚冇之前咁好味, 今次食啲鬚好幼好腥, 但奶茶仲keep到之前嘅水準, 有奶味同茶味.平時星期六朝早食一樣咁多人, 但質素同今日星期日差好遠. 建議特登黎食嘅話平日好好多.失望

📍誠記西環堅尼地城士美非路12K號士美非路市政大廈2樓熟食中心行開堅尼地城，食吓出名嘅誠記。佢係香港沙爹牛肉麵關注組嘅寵兒～沙嗲牛肉煎蛋公仔麵 $35｜煎雙蛋好正！一篤爆佢就好多蛋黃汁漏出嚟～牛肉唔係用鬆肉粉醃，有啲爽口，唔錯。冇得轉一丁，只係普通公仔麵，但係麵質煮得夠硬身，唔會腍擗擗，唔錯唔錯！沙嗲唔係一擗沙嗲醬，而係一煲沙嗲湯，幾稀但好濃味。我個人唔重口味，會覺得太鹹，嗌咗杯凍華田（$18）都解唔到口渴。法蘭西多士 $18｜多士係舊式麵包舖嘅味道，覺得有啲奇怪，但形容唔出，唔知係過分發酵嘅味道定係油饐味。口感有啲腍、外皮完全唔脆，唔明點解咁多人推介呢間嘅西多。

The most famous food here are satay beef noodles and French toast!!! No time to eat so many stuff.According to comments in OpenRice, the chicken sandwich is good. I try this today with scrumbled eggs and toast. The deep fried chicken is nice, hot and crispy. I can still find the chicken is still juicy. It is freshly made and it takes some time to come!!! If more mayonnaise, that will be great!!!I like toast more but I think the bread will be better to match with crispy chicken!!!👍🏻👍🏻👍🏻The staf

西環堅尼地城熟食中心嘅誠記鍾意食沙嗲牛肉麵嘅朋友，應該都有聽講過😍熟食中心樓底好高，誠記佔嘅空間都有幾十張枱見到有位就可以行埋去坐😂冇位就要睇吓有邊啲人食完喇～呢度落單，要叫同事嚟幫手🙏🏼🙏🏼唯一唔好嘅地方就係同事非常繁忙 所以見到有同事經過就快啲叫嘢食啦沙嗲牛肉麵湯底非常濃郁 佢又唔同配料可以俾大家揀 最多人揀應該係午餐肉同炒蛋 仲有太陽蛋等等❤️❤️份量非常多！另外叫一杯凍飲都係10幾蚊 十分推薦大家黎試下😈

大隻仔今次覓食嘅店舖就係💥 誠記 💥 「誠記」可以話係 Kong U 學生同西環街坊既早、午飯堂，食物種類多元化，講得出嘅茶記配搭都可以煮到出嚟，淨係公仔麵都可以有20幾款食物可以選擇，而且價錢大眾化，深受附近街坊歡迎，「誠記」出名沙嗲牛肉麵同西多士，但大隻仔覺得椒鹽墨魚頭同奶醬多士更加好食。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 奶醬多士 $8麵包夠厚，烘得夠脆，真正做到外脆內軟，多士夠熱，花生醬已經完全溶晒，而且查得均勻，每一啖都食到花生醬同煉奶味道，絕不馬夫，超級好食。👍👍🔥 沙嗲牛肉豬扒麵 $35誠記出名沙嗲牛肉麵，沙嗲牛肉湯底香濃，沙嗲汁已經完全混合湯裏面，但牛肉入口唔算好淋滑。豬扒肉質亦比較結實，唔乾柴 ，但唔夠鬆化。🔥 椒鹽墨魚頭飯 $54 配熱飲+$5 / 凍飲+$6大隻仔覺得墨魚頭係咁多樣食物之中最好食，嚟到誠記一定要試一試。😉😉椒鹽墨魚頭飯睇落冇乜色水，原來豉油喺白飯底下，記得拌勻先好食，豉油唔會太甜又鹹鹹地，撈