譚仔三哥米線 (已結業)

其實都唔係太耐既，只係個幾禮拜到啦。黎到佐敦又唔想食快餐，更加無心理準備享受獄卒式服務。頭痛之際，就黎左呢度止痛。大辣米線唔知點解，我好鍾意辣到漂哂汗，流哂鼻涕。因為果種感覺係好舒服。其實我覺得呢度既米線係辣之外，仲會有麻既感覺。呢個係我好享受。我今次食牛肉，都係無乜特別。而米線都算幾煙韌，食到我好飽好飽。麻辣雞翼因為今日手頭無咁緊，所以可以加。我好鍾意食呢度既雞翼，佢地係即炸既。而且用過n種調味料醃既雞翼，再加上適當既油溫去炸。炸出黎既雞翼係好食同卜卜脆。而且肉質鮮嫩，所以有時都會食佢架。凍奶茶之前聽人講，佢地既奶茶好似加左豆奶。所以係有咁既味道，不過我本身都唔覺有既。點都好，佢地既茶係好濃，好好飲。一向都幾鍾意譚仔既野食，服務就無乜期望啦。有下次既，不過下次都係食呢野架啦。

同Honey突然好想食過橋米線, 自不然諗起譚仔我最想食嘅餸己一早諗好咗 Honey亦知道叫乜嘢但係ＤＤ阿姐只顧吹水及分返食物工作而且好噪我同Honey好驚去噪Ｄ既地方, 結果, 我哋最終叫咗兩碗米線, 亦好快食完走啦所以最後各自各歸家电話sweet..

我本身從未食過譚仔, 聽人講三哥好食D某日同W去尖沙咀買野, 跟住行去佐敦試下南京街間三哥, 果日係年廿九, 晚上七八點入面都係坐得一半人我同W各要左個腩肉金菇三小辣/腩肉雞肉五小辣, 外加五隻土匪雞亦, 凍檸茶X2個米線黎時W話個色好似唔辣咁, 但佢一飲落個湯就開始出汗....五小辣對我黎講真係唔辣, 唔知點解個腩肉有怪味既, 個色水好似白切腩肉咁但係好難食.....雞肉好碎, 味道就一般無咩味, 我只可以講份量(包括米線同D "食送")份量係多既, 但係一D都唔好食....土匪雞亦唔係好夠熱, 入口無咩特別, 唔係其他人講咁驚為天人囉.....成餐最好就係杯凍檸茶好有茶味, W講笑話如果茶餐廳賣唔出浸左好耐既茶都係咁有茶味架.....唔會掛總而言之, 呢野三哥一D都唔好食, 點解有咁多個好呢? 我會唔會唔小心食錯左假既呢? 我可能有機會會試下福榮街果間譚仔, 三哥? no way la

呢日去佐敦，唔知食咩好。又黎番呢度食，好彩呢度都無加過價，都係食特辣米線加杯凍奶茶啦，咁就好啦。特辣米線都係咁辣同咁好食。個湯真係好正，又辣又麻，呢就係麻辣湯啦。配料都唔錯既，牛肉唔錯又唔會太韌。而雞肉入口又唔鞋，唔錯唔錯。米線又唔會整到太淋，唔錯架。凍奶茶都係咁好飲。茶味好夠，奶既份量又唔會太多。咁就好啦。都算係咁啦，米線味道唔錯，奶茶又好飲。

呢一日唔知點解想食米線，就黎左呢間食啦。呢一日又唔算多人，好快找到位啦。都係要特辣米線加凍奶茶。特辣米線都係要雞肉同牛肉，雞肉入口唔鞋。而牛肉就無乜特別，唔韌已經唔錯啦。米線就好煙韌，整得好爽口。特辣湯都係咁辣，真係好正好好食。凍奶茶依然咁好飲，好滑既凍奶茶。奶同茶既份量都好夾。好彩，呢幾排無加價，我先可以繼續食落去。

本身想找茶餐廳食野，點知原來就有間譚仔係度。上次長沙灣店的經驗不錯，所以再黎試試。不知譚仔三哥與譚仔正宗的店有何分別？一坐底先見到 $8 碟的尖椒皮蛋 (只限堂食) - 完全無辣味，但好香蒜味同埋 d 皮蛋切得好靚。再黎土匪雞翼 (大) $23 - black pepper and black sesame 加點香茅的 外層非常入味，但內裡的肉質就稍為無味咁婆婆想試蒜泥白肉 (小) $20 - 有幾湯匙的蒜泥，嚇人~~~，撥開蒜泥，見到 d 肉片都較大塊。同係其他地方食少 d 蒜泥但好吊味的差好遠，呢度 d 蒜多度就算我中意食蒜都嫌太多。加多碗豬潤清湯米線 (清湯) $21 - 好大碗！仲叫了這麼多小食添，食唔落。諗住食少少，但佢 d 豬潤為了要爽，最後煮出黎唔太熟，仲有 d 血 bit 出黎！嗯，要自己浸耐 d 等佢熟。服務小姐都幾細心，見我婆婆係度就問洗唔洗煮淋 d。今次的豬潤唔熟令我有 d 扣分，其他除了蒜泥白肉我都覺得都幾好食既。

禮拜一連午餐都未食，就出左去。始終都要食既，就呢度食啦。都差唔多三點鐘，但呢間都係算幾多人食既。都係叫番例牌野啦。凍奶茶一向都覺得好好飲，茶味好濃同好夠。奶又唔會落得太多，搞到變奶水。試過一次之後就好想再飲。特辣米線依然咁正，米線整得好煙韌。個湯底依舊咁噴火既辣，但我偏偏愛上。而都唔錯既，雞肉同牛肉既份量都好多，又新鮮。所以呢個米線會一食再食。而呢間既食物質素都幾好，同坐得好舒服。有機會既都再黎。

已經很久沒有幫襯譚仔了, 只因常常太擠迫, 實在受不了.今天下午三點經過佐敦, 正在想找點東西吃時, 忽然記得附近有間譚仔.人客不多, 只有十人八人, 地方郤很濶大, 完全沒有裝潢, 只有圓枱和摺橈.服務甚佳, 阿姐勤快有禮, 叫了中辣豬潤腩肉米線加凍咖啡. $31.五分鐘有得食, 米線和料也很多, 湯底是白色帶微紅, 是一貫的樣子.一陣麻辣的味道由口腔直入丹田, 十分刺激, 先吃腩肉, 嫌它稍薄, 有鹹香的味道, 很好.豬潤要在熱湯稍浸以求更熟些才吃, 這樣的口感才剛好, 爽滑, 好味.米線的口感也上佳, 煙韌而滑, 別處吃不到, 連附上的芽菜, 韭菜, 腐皮等同吃, 一流.凍咖啡也不差, 除了冰粒比較多之外, 把味道沖淡了, 但伴著吃辣, 也是ok的.大嘆滿意之餘, 不知道人多爆棚時, 水準可否保持?

試過尖沙咀/旺角/油麻地3家譚仔記,湯底做得最好就算是這家了!雖然3家基本味道是一樣,卻以這店的味道保持得最好!!米線也從來沒有過硬或過軟,土匪雞翼味道如一!只是這次的凍檸茶中的檸檬有壞,水吧負責人竟然沒有發現真是有點說不過去........

今日放左學，就黎呢度食個遲來的午餐啦。無想過三點幾都咁多人，不過都搵到位既。特辣米線都係要反雞肉、牛肉特辣全走。米線都整得幾爽口，而雞肉都算新鮮，一都唔鞋口。而牛肉就普通啦，有幾舊好韌架。個湯底都係咁正，辣辣地，好正呀！凍奶茶依舊咁好飲，茶好滑。又唔算太甜。希望佢可以開多分店，去到邊都有得食。

其實譚仔我都覺得幾好食, 但d人就勁唔得囉, 不過都算喇, 因為好食所以都去o左幫趁,今日去到佐敦南京街果間食, 但有宗no good 叫o左個過橋米線同honey一齊食, 1. 因為honey唔食辣所以問o下可唔可以另比少少辣湯, 侍應話唔得ga冇得咁ga, 一係你要辣, 一係唔辣, 咁我就叫o左唔辣la, 咁大個米線, 好多時都係情侶ge熱門la, 咁都唔就o下d客2. 食食o下發覺冇豬膶, 叫侍應比返我, 仲好笑, 我食緊要我成碗比佢拎入去煮返幾件豬膶, 有冇攪錯呀, 個侍應話要用返我碗湯煮喎, 喂!!!!唔係呀~~我問佢入面係咪冇湯, 佢就話"唔好意思我叫入面煮返", 煮出o黎有血唔熟, 我是但叫o左個埋o黎, 今次係個編號501店長, 態度當時都ok ge, 都有唔好意思前/後, 再煮.......................都係有血唔熟, 501就發揮佢死撐功, 話好多客like爽d, 喂!!!!!大佬呀!個客再叫你煮過, 好明顯係好介意係唔熟, 你咪整熟d啦, 仲撐, 我話ok啦,都唔走, 仲撐...............仲要話d豬膶ge特性仲要走過o黎幾次問有咩幫

平時都有去開譚仔，但呢間分店差唔多成個月無去過。有機會再去呢度食啦，午餐雖然好多人，但都好易找到位既。今次都係食牛肉、雞肉特辣，同飲凍奶茶。特辣米線碗米線黎度，我口水已經直流三千呎。米線依然保持水準，份量又多，米線又夠淋。而都幾新鮮，又好食。雞肉好有味，而牛肉都唔錯既。湯底就剛剛好，特辣果然好夠辣。凍奶茶都係咁好飲，小冰真係小冰。而奶同茶既份量都好夾，一飲就令我愛上。咁多間譚仔，雖然呢間唔係最平，但質素係咁多間比較好。所以一定會繼續幫襯。

今晚放工勁肚餓，唔想等到返屋企先整，我第一時間去呢度食！因為由中環去佐敦係一個方便快捷之選！我平時食開觀塘康寧道果間，而且係食lunch多，晚餐食米線就真係少D，不過今晚咁肚餓就唔緊要啦！我都係食返平時嘅竹笙、生菜、雞肉，中辣，今次飲凍檸蜜！呢間譚仔D座位真係闊落好多，而且七點左右唔多人，我可以自己坐一張二人枱，真舒適！唔知係咪因為肚餓呢，覺得呢間特別好食，D湯又夠熱，我曾經食過一次觀塘D湯唔夠熱架！

今日放左學，又就到時間就過來呢度食米線。一入到去就聽到句"靚仔，你想食咩啊"原來果個人係之前元朗幫過手，又同過我傾過幾句既店務員。今日又係食番同平時一樣既野。特辣米線當然係全走。今次既牛肉就無咁熟，不過都可以接受既。而雞肉好好食，又唔鞋口。米線反而比之前多左，都滿足都我既。湯底既痹係最令我陶醉既。凍奶茶今次都有嗌小冰，真係飲多左既。但今次落奶就落得重手左，都可以啦。今日都唔算太多人既，連同我同既小姐聞到強烈既辣味。佢話我可能食慣左就適應左個辣度，但佢就食五小辣都覺得好辣。不過都係唔好食咁多辣，始終對身體無咁好既。

前排又去呢度食特辣米線，又係雞肉、牛肉特辣全走。飲品當然係凍奶茶啦，但我太大意啦，十二點九先來到。結果我坐得好迫，食得唔係咁自在。食物方面，都無乜野彈既。最留得住我既係辣到噴火既米線，雖然真係幾辣，但又唔算太熱氣。而且辣既感覺經凍奶茶解救後，就好快無左啦。米線既材料都俾得幾足，唔會因為加價而減少左份量。凍奶茶都係咁好飲，不過下次都係要小冰，因為我飲完杯奶茶仲剩好多冰。實有下次既，不過下次都係早點來。坐又坐得舒服，食又可以自在得多。