譚仔三哥米線 (已結業)

成日未食嘢攪到22:30先食第一餐,只是簡單地叫了酸菜炸醬麻辣米線,味道依然一貫水準,麻辣依然好味,不過好像芽菜比以前多米線份量少過之前,但都算大碗,起碼多過景霖和荃灣雲貴川,而且這間鋪也坐得舒服,老細願意放少兩張枱等食客唔駛坐得咁辛苦和咁迫,絕對好事!

放左監都幾鬼夜, 返番去師傅嘅環頭, 不過都係唔知食咩好, 左諗右諗最後就決定黎呢間食店; 眼見呢間食店又裝修到開張, 師傅都未去過, 所以決定黎呢度食返餐!一坐底即刻睇下食咩好啦, 見上次食牛肉唔差, 所以今次照要牛肉, 再加雞肉同墨魚丸今次湯底要左麻中辣! 當碗米線擺喺師傅面前, 第一時間試下個湯底, 麻辣湯底真係幾鬼頂癮, 入口即麻, 跟住就慢慢咁慶落去, 都幾辣架, 不過好好味; 牛肉都幾鬆身, 份量又唔少, 都算抵食; 相反雞肉肉質好鞋, 同埋似肉絲多過咩, 冇黎味道, 唔得; 墨魚丸有三粒, 咬口幾實, 唔夠爽口, 不過食到有墨魚同有墨魚味, 可以啦; 而配菜有腐皮芽菜, 芽菜爽口, 份量又多, 腐皮就好香, 好入味; 而米線煮得幾煙煙韌韌, 加上份量都幾多, 所以好飽!總括黎講今次食物質素又幾好, 服務普普通通, 環境尚可, 價錢一般啦, 埋單二十九, 真係唔算抵食; 食食下師傅發現呢間鋪個老板叫三哥, 因為佢寫左d野, 話咩多謝大家支持咁啦; 咁師傅希望如果呢位三哥睇到師傅嘅食評, 就高抬貴手收順d啦, 黎你呢度食雲南米線, 要辣都真係好正常啫, 有咩理由要加一蚊? 雖

今日放假，去左譚仔食米線。又係雞肉、牛肉配特辣米線，為左俾大家睇到特辣既程度，個米線係全走。(走芽菜、九菜....)飲野就要好好飲既凍奶茶。米線黎到既時候，我流哂口水。望到紅紅既湯底，食慾急速上升，食碗麵食到個口痹哂就係最高境界。雖然係特辣，但不乏湯底既肉味，而且米線份量都幾大，每次都食 到好飽。 雖然成個月先食一次，但每次都好有新鮮感。凍奶茶真係好好飲，唔知佢地用咩配方做既呢？個茶同奶配合得好好，絕對有料到。我飲過最好既奶茶就係呢度啦，希望可以成日有得飲啦。

19-9-2008到「下場」前搵地方食 dinner, 同行朋友係九龍區路盲 (?) 0既關係, 被我「拐帶」到我一直想試的譚仔 雖然自己唔受得辣, 但0黎到雲南/四川米線專門店又無理由唔試試有辣的湯底, 結果要了最大堆頭的過橋米線 ($39), 配小辣 5 級 (ie 最最最最最少辣) 麻辣湯底 (加 $1), 加杯凍奶茶以備「不時之需」; 另加一細份蒜泥白肉 ($20) 同朋友 share 食.蒜泥白肉咁0既賣相, 叫「紅油白肉」會更貼切 白肉幾肥, 片得好薄, 浸0係一「池」紅油入面, 面頭就有勁多生蒜蓉, 味道又唔算好辣, 蒜味強烈, 舌頭都痹埋, 食得過癮, 唔錯唔錯.過橋米線份量係大得十分嚇人, 個碗仲大過我個頭! 先呷啖湯底, 係先麻後辣 (亦當然愈食愈辣), 到最後舌頭及嘴唇都勁痕, 哈哈. 米線淥得剛好, 爽口又索湯, 仲浸極都唔會「發大」and/or 腍晒, 勁! 可惜份量太多, 食唔晒; 配料乜都有 d, 雞肉幾0鞋不過幾腍, 牛肉豬肉無味六梳打, 豬潤太硬又帶點苦澀, 竹笙爽口索湯, 腐竹幾有咬口, 墨魚丸彈牙又足料, 牛丸彈牙但就幾「粉團」, 仲

在旺角逛了一個下午,母親大人提議到譚仔吃米線新店的位置比較就腳,也順道試試這間分店的水準如何吧6點多,加上新店的關係,人流不多第一次在如此靜焗的譚仔用膳,還是一如以往的要了一碗墨丸雞肉米線跟母親大人分著吃價錢漲了,但芽菜,腐皮還是變少了,連墨丸也縮了水,不過味道還行雞肉依舊的淋,但已經不再滑溜,而是非常的鞋口米線淋到不像話,差最令人失望的是湯底的味精激重吃了一半已見口渴,失望有水準的過橋米線愈來愈多,短期內是不會再到訪譚仔了這分店則是永遠不會再來吃罷馬上動身到松記來換甜品調適一下心情,永別~~

前2日見到有人評依間譚仔，先知原來佐敦新開左間譚仔，所以今日專登試新依間，唔去佐敦道果間，3點半黎，不過可能新開，唔係咁多人知有新依間掛，所以唔係好多人，叫左個細湖南土匪雞翼，同一個雞絲生菜米線加底(小辣)雞翼:好食過赫德道同褔榮街果間，D雞翼唔太有果陣苦味，因為之前食過其次唔知係未果D醃料拎去煎之後就會苦，但今次冇咩，唔錯米線:之前食過幾次小辣先轉去食2小辣，不過今日轉番，湯底辣而痺，唔似出面果D得個辣字，但湯底又幾清，同之前食果幾間譚仔，依間反而好D，雞絲照舊都係好嫩，冇諧，次次食米線都要要埋生菜，生菜有D湯浸住黎食好好味，米線軟硬度好好，而D腐皮、九菜、芽菜就照舊一樣總括黎講，食開譚仔既可以黎依間食，會好食D，未食過既就更加要黎試一次希望譚仔開一兩間係新界區，好似荃灣、葵芳咁，咁樣可以唔使過去長沙灣深水步先有得食

支持譚仔已經數年了...記得數年前$16 一碗,免費麻辣, 加$1 有飲品, 吃一次, 廿蚊必定有找通賬加劇, 現時吃一次, 至少都$25...但份量沒有變, 所以也是物有所值的。看著譚仔愈來愈受歡迎, 數年來極速擴張~平日去開佐敦另外一間, 也去過尖沙咀,旺角, 長沙灣,深水埗分店,所以今次便選擇近來新開的南京街分店。新店的裝潢與譚仔一貫, 但座位闊落好多...坐得好舒服不像其他分店般又怕撞到人, 又怕比伙計拎的一碗碗米線"碌"親譚仔的分店, 質素其實很參差, 例如吃過旺角分店的米線是沒味道的尖沙咀分店份量較少 等等但這家分店卻與長沙灣總店的質素一樣, 米線不太稔, 不太硬連辣度也是一貫的沒標準。雖然譚仔尚有好多需要改善的地方, 不過我是依然支持他的。如果大家第一次吃譚仔, 建議到南京街或尖沙咀分店但不要去深水埗, 在那兒曾經有"可怕的惡夢"

好多年前已經o係深水埗食譚仔米線了, 昨日經過佐敦, 專誠食一食呢間新分店啦!土匪chicken wings超好食, 水準仲好過寶勒巷同佐敦另外的分店! 又夠乾身又香口!米線就同平時一樣咁好食啦! (麻辣) 小辣既湯依然咁夠味!!!唯一唔好既係d阿姐, 冇禮貌, 又唔醒目..... 不過又好難要求樣樣都好既.