譚仔三哥米線 (已結業)

翠屏譚仔執咗笠唯有麻煩男友行遠少少去搵三哥食辣野其實最好可以係屋企慢慢食食到出晒汗都無所謂所以麻煩24孝男友喇😝我既係特辣過橋，男朋友嘅係五小辣要過橋其實因為唔使男朋友記住我想食乜乜都有啲咁啦最鍾意三哥可以轉薯粉，因為我鍾意食薯粉多過米線係啲豬肉用鬆肉粉醃過丶係淋，但自己就唔鍾意就算有啲人話佢個底係用粉開都好啦我自己真係好鍾意佢個味道夠麻夠辣尖椒皮蛋外賣都整得好靚仔蒜泥白肉呢就唔夠雲貴香好食雲貴香入邊有啲青瓜丶清爽好多食譚仔其實係情意結嚟嘅

呢排冇人煑飯，唯有出街食。行過譚仔，外面有好多人等位。唯有買外賣。鳮肉魚腐 米缐 走芽菜 韭菜牛肉米缐簡簡單單的米缐 總有佢吸引力 特別是小辣湯底。食極都吾厭 所以一到食飯時候都要等位。

一直好中意食三哥既胡辣湯底，不過愈來愈唔香，而且而家d辣度亂黎，我叫到中辣都好似5小辣甘，以前真係有分別架！話說琴晚去到，見到門口勁多人，心諗，死火，要等位？入去又有位剮！叫左兩碗米線，就開始無限既等待。。。。最後足足等左27分鐘碗米線先黎。。。！係等既其間，我check單就有落，所以排除左溜單既情況，望下週圍，全場有一大半人未有得食。其實唔夠人手就請多d人啦，甘樣枱枱等半個中，食半個中，生意仲做少左啦！等到都無晒引，張枱又油淋淋，好污濁，下次都唔再去了。

譚仔三哥周圍都係 唯獨呢間特別好食d 而且樓高兩層唔會太逼 都係叫返最常食既腩肉炸醬 同大土肥 大蒜泥白肉 我唔食辣的 可以叫茄湯 好濃！好食 同埋好有速度 好快就送到來！快餐之選！而且不用排隊！真的很快！！！

關於譚仔三哥既麻辣湯底, 我本人就唔會將佢定性為正宗麻辣口味, 不過無可厚非, 三哥的確有自己獨特秘方同味道, 若果你係麻辣死硬派, 可能未必能滿足閣下要求, 除左湯底, 我幾欣賞三哥個土匪雞翼同麻辣雲耳!! 有樣野不得不提, 我已經食云無數三哥分店, 依間大埔店既豬潤係最爽脆好味!!

比賽輸波唔多甘心頂住條氣，飲左支白酒加一兩杯健力士太醉，斷斷地片打唔到啦！輸左閃走去 baby  散散心，撞啱 Yuka 同俊俊叫譚仔外賣咁高興不如一齊啦，食辣野會開心啲。麻辣大雜錦米線大辣，第一次食外賣，每次都係堂食，飲到醉芬芬是但食咩都好啦。分湯好，米線又幾爽喎，雖然我唔鍾意食米線，但 good 喎。倒個極濃麻辣湯撈米線食，又麻又酸好鬼正，麻可以再強一點，細細個外賣碗混合榨醬同吃，超濃肉香，每啖米線都能掛上大量肉鬆，美味！雜錦併盤包羅萬有，豬潤、墨魚丸、魚腐、豆卜、韮菜、腐竹、肉片，無一失準，全部合格。蒜泥白肉，第一次試您，豪不吝嗇大大篤蒜泥，辛辣香甜又惹味，用白肉卷住大量生蒜入口，肉汁跟蒜汁奏起美味樂章，好滿意。如果質地可以做到爽脆就更加開心啦，依家只係普通五花腩連瘦肉質感，另外油實在落得太多，仿如油浸五花腩囉。土匪雞中翼，不過不失，孜然味濃，外皮烤得乾爽香脆，裡面肉質依免強嫩滑帶肉汁，還可以啦，土匪雞翼時好時壞，睇采數喇。

譚仔唔係我杯茶，麻麻地，幾年先食一次無問題啦！突然想辣勁辣，有咁辣得咁辣，最順路就譚仔啦，食完落酒吧剛剛好！幾年無見試吓新口味酸麻辣湯底中辣先，經常都係煳辣好悶呢，加多份雞翼應該夠飽喇麻。竹笙魚腐榨醬扭紋薯粉酸麻辣湯中辣走芽菜，賣相滿意，顏色鮮艷紅卜卜，香噴噴酸辣味道，流晒口水喇！無需客氣大量肉醬隊晒落去，豪呀！肉醬惹味，質感鬆軟好好味！堅係比以前好食左百倍呀，三哥酸辣湯中辣加大量炸醬肉鬆，香甜中帶點酸辣，撞到啪啪聲勁有火花！高質魚腐無得頂，啖啖彈牙魚肉又鮮又甜，索盡湯汁無得輸！係咪轉左新師傅呀？好有 heart！魚腐軟棉鮮甜，爽口竹笙索晒汁，正！大啖湯大啖紐紋薯粉一齊送入口，又滑又彈又嚥韌。土匪雞中翼，堅燒得好香口，皮脆肉嫩，多種香料醃得香濃，味道豐富。以前醃都無醃過，求其燒完撒少少香草孜然係面算數，諗起都覺得可怕呀。

尖椒皮蛋皇，其實我好想試架，我對新菜式係好有好奇心，亦好有冒險精神﹗但朋友仔唔食冷盤的呢。豬潤木耳牛肉米線配酸辣湯，賣相求那期，車仔麵都好過佢。湯底只有勁酸味，酸味蓋過一切，食唔到辣。我明明記得多年前酸辣都可以撰擇辣度架喎，為何依家無得揀？只有大埔店唔得？大量生滾芽菜，草青味濃，全數撥比朋友仔，我唔食芽菜的。豬潤保持水準，乾鞋硬齊晒，木耳爽脆無特別。腐竹牛肉雞肉扭紋紅薯粉配煳辣湯，淡而無味水汪汪。仍然唔比我揀辣度，以前食煳辣大辣要煳辣大辣不知幾鬼刺激呀 ﹗滑牛乸到腍劈劈，雞肉乾鞋，腐竹索湯好味，紅薯粉又彈又嚥韌連湯一齊食，好味。土匪雞中翼，跟我多年前食嗰次完全唔同，當年完全無醃過，裡面半點味道都沒有，燒熟就洒上孜然粉同香草係表面撈混就算，好難食。但今非昔比，醃得入味，外層有香濃香草孜然味，燒得外皮香口裡面嫩滑，條脷仲食到有點麻痺添 ，好食！

都好耐無黎喇，照舊食 HKD44 蚊特大雜錦煳辣扭紋紅薯粉啦，鍾意佢夠嚥韌。侍應姐姐清一色係北方人，操唔流利鄉音廣東話，係譚仔特色？服務一般。由細到大我都對雲南米線麻麻地，每次都係因為大伙人想食，我又無咩所謂咁囉。依家見到日日都大排長龍，好似唔洗錢派米咁，我真係要一探究竟，點可以客似雲來。食後感不過不失，以前層經好食過。雖然依家味道又唔出眾、服務又唔係特別好，但口味大眾化，價錢便宜大大碗，明白晒，抵食夾大件。木耳豬潤米線酸辣湯底，阿姐話只有麻辣有大中小辣揀，但我記得唔係架喎 ﹗酸辣湯勁酸喎，酸到縐眉頭，辣就唔太辣。豬潤又鞋又乾又硬，您識煮唔識煮架，救命﹗木耳無咩特別，爽脆撈埋配菜一大堆。勁生既芽菜，就咁洒係表，好怕陣腥味，全部比晒朋友仔食。米線免免強強接受，太腍了吧。 特大雜錦過橋扭紋紅薯粉煳辣湯底全走，HKD44 蚊兩個人份量，好平好抵食，睇一睇薯粉比以前少左好多，成碗歸我一個人，勁滿足。我明明記得可以揀辣度架喎，有相為證，以前食大辣既湯底非常濃郁又勁辣勁香架﹗依家水汪汪，味道唔夠香唔夠辣﹗十多款食材沒有任何驚喜，不過不失。薯粉晶瑩剔透、嚥嚥韌韌又夠滑溜，但個湯底唔得，影響晒﹗只有肉

很久没有吃過這間米線突然很想吃他們的酸菜所以叫了工人姐姐去買外賣回家吃。因為吃不得辣所以每次也是要清湯。當中所有配料我已經吃過晒了。這店其中一個好處是米線和湯是分開放的雖然不環保但米線不會吸湯至發脹！我也試過多次吩咐工人自備保溫壼和盒子去買外賣。今次和平時吃一樣湯底夠味有齊九菜、鮮腐竹等雖然每次食完都會覺得口渴但都是想吃配了的酸菜個人認為是吃過的最好味有少許辣夠酸和夠爽脆真的很好味。腩肉也是推介之一我一直都是不吃肥膩東西的有一次老公叫了腩肉叫我試試我初初話腩肉仲要連皮？我話唔試他就說妳會吃的咁我就大膽吃一塊果然吃落完全不覺肥膩而且爽口有咸味亦沒有我最怕的豬肉味從此我每次呢這間粉線定要這兩種配料！粉線就不過不失。今次還要了士匪雞翼～很入味加埋面上的芝麻粒很香十分香口好吃。我希望可以不下這麼多味精就更加好！我願可外賣回家慢慢吃如果在店裡吃人多坐得密密麻麻又嘈！

今日喺附近做完野, 一心諗住行快兩步搵地方醫肚唔覺意比我喺後街發現有間譚仔~!嘩~真係開心~!見到佢個名已經掛住佢D大辣~!入到去冇乜人~可以一人一張大枱~! 服務員好醒目,落單同送面時先出現,唔會成日行黎打擾你~大麻辣湯米線 - 辣味未如理想~唔知係咪師父太留手~只好自己加少少辣油~米線煮得唔夠耐有少少硬,師父太趕時間,好想同服務員講,但又唔係條條都係咁, 有少少冇仇報的感覺~細蒜泥白肉 - 蒜泥算多~唔會得一茶匙,豬肉片唔錯,又淋又軟,唔會覺得雪左好多人先拎出黎咁~加上我叫佢少醬油,所以唔會有水浸的情況~~炸醬 – 佢話會有少少辣味,但係我食到有香甜的茄汁味~ 味道唔錯~!

行過這間小店，好似有好多分店，就試一下啦！ 可惜佢地既米線OK，但係其他米線以外既食物同飲品都好失色！ 【腩肉，貢丸，腐皮 ＋ 酸辣湯底】﹣ 老實說個湯底同腩肉都幾好， 但係貢丸同腐皮好普通。【土匪雞翼】﹣ 真係令人失望，是偷走了味道？ 雪味重過所有味，很難食。【飲品】﹣ 我從未飲過咁難飲既奶茶。 茶好似沉了很長很長時間，濃到苦。衛生要改善一下，個服務員成柸奶茶反翻了，都說無事，不換比我。 差！

這次食呢間的第二次.因為食午餐時間,比較多人等,所以在外賣自取前15MINS 已打電話落ORDER去到都等左15分鐘先令得..時間上慢左小小....我叫左個套餐-清湯湯底,$44唔算好貴, 因為好大碗,可以2個人唔大食都OK.入面有菜.肉,魚旦,牛丸,火腿,芽菜(感覺均衡,樣樣有少少)但比平時出面既分店少左我最愛的竹笙...有點失望....一個人食,都幾飽.不過食物質數都幾好,不太咸不太淡味.食完都不用飲太多水.餸都幾多, 食餸都好飽.麵份量比平時單點多D..至於禮貌,暫時都未試過唔禮服對待,打電話黎落ORDER 同收錢都好有禮服,語氣不錯.有時見堂食的服務態度方面的確有少少惡咁,好似唔算友善,不過可接受.經濟既食店,服務一定有時好時唔好,不過可以接受就算啦.下次會再食!

我其實咁大個女都係第一次黎譚仔自己食一碗，之前都係share人地ge，原來一個人食一碗真係好飽我唔鍾意食米線，轉左有咬口ge扭紋薯粉，要清湯湯底，個餸要雞肉，雖然$24唔貴但雞肉都幾多，唔會話得幾條雞絲 有幾條韭菜芽菜，都幾健康（幾條都好過冇）味道都幾好呀，雞肉唔會太鞋，唔太鹹唔太淡二十幾蚊叫幾經濟喇服務態度方面的確唔算友善，但我又冇受到咩唔禮貌ge對待就是但啦

事源24/may 晚, 跟爸媽細佬一行四人去晚餐, 我跟爸媽先到先點餐, 細佬隨後才來所以點餐後再加點一個餐給細佬!!當晚坐在入門口廁所對開,電腦旁的台, 我們3人坐下時已有一位女士在用餐!!! 好了! 那位女士用餐完畢要離開 ((細佬還未到的,點給他的餐也未到), 服務員想安排兩夫妻坐下(太太是大肚的), 當時我們的台是貼住柱, 免強坐6位也可以,不過會迫一點! 沒關係, 我們告訴服務員,還有一人來緊(因為她不知道的), 好, 就沒安排人坐了, 過了一會,正題來了! 另一位服務員又再安排那對夫妻坐下, 我們又告訴他還有一人來緊, 點知, 佢話" 話來啫, 都未必會來架啦!!" , 我馬上告訴她" 餐已點, 人正在行過來!!!", 她仍然再爭論, 點左餐都可以唔來嘅啫!!!!即時感憤怒!!!! 我們不是不讓你給人坐下, 你可以把台拉出一點(當時太太因大肚也感覺太迫,自己也不坐下的), 但服務員沒這樣做, 還態度差勁地說,張台可以坐6-8人, 你現在只有3人,根本可以坐到!!! (3人??? 我們已一再強調還有一人來, 為何依然說我們只有三人呢??)由於有幾他服務員是知道我們還有一位,