譚仔三哥米線 (太興廣場)

营业中

休息中

譚仔三哥又有新米線推出啦睇廣告話黑白辛椒式都唔太估到係乜嘢米線原來係指黑胡椒豬扒同白胡椒肉骨茶煳椒肉骨湯米線湯底辣辣地非常惹味配埋白木耳，獨子蒜同埋辣椒仲有黑胡椒豬扒豬扒肉質嫩滑加埋條老油條非常豐富小食方面我哋仲試咗佢新推出嘅超爽脆豬皮揀咗麻辣口味切成條狀嘅豬皮好爽脆仲有黑木耳香辣得來又唔會好油膩每次譚仔三哥有新款式推出都好啱我口味我真係好鍾意食米線㗎不如你哋都話俾我聽睇吓你哋最鍾意食邊一款米線啦？

試左譚仔三哥啱啱出咗個最新嘅「煳椒肉骨湯米線」，佢地話個創作概念係來自新加坡肉骨茶，材料有丁香、肉桂及獨子蒜等香料合併埋譚仔三哥獨創嘅煳辣湯熬製出一碗煳辣「焦香」中帶微辣香氣，同時滲出肉骨茶香嘅「煳椒肉骨湯」。除左湯底，餸方面有黑胡椒醃製嘅上等帶骨豬扒，香脆可口嘅金黃鬼炸鬼，仲有獨子蒜同埋香木耳！當然仲有小食啦，芥辣清爽脆豬皮 ，咬落去爽脆彈牙，仲要有陣陣嘅芥辣香味，非常惹味！食完飲返杯鳳梨乳酸梳打，可以中和返辣味，令口腔有極爽嘅暢快感，解辣又開胃！我都係比3分！

Ooo譚仔三哥-砂砂湯肥牛鹿茸菇米線ooOJeffrey😍陪住食米線💗原本去譚仔我必定叫少米線，今次有Jeffrey 陪住食，加上砂砂湯底，我成碗食得晒😂😂大家都快啲去譚仔三哥搵Jeffrey陪食米線😍😊譚仔姐姐話我知係Cashier 旁有得拎Jeffrey 既廣告卡，想偷偷拎2張，姐姐話一人張架咋😅間間分店都有，下次再食再拎💗真係好靚仔😍OooooO砂砂湯肥牛鹿茸菇米線 🍜譚仔三哥既湯底總有一種獨特的吸引力😍，今次砂砂湯底配埋肥牛🐮的味道，簡直一流！肯定好食過大家經常食既沙嗲肥牛，湯底濃度岩岩好真係無蓋過牛肉味😋仲有大大條鹿茸菇，今次呢款大家真係要試下。OooooO煳麻辣椒豬肚豬肚一定要少少厚,再加麻辣就perfect, 譚仔既豬肚係比較出色😋糊麻辣椒有獨特的麻麻既香辣，喜歡麻辣既要試吓，佢仲有豆卜在底入曬味👍🏻正！

平時食三哥要等到晏就三點鐘先有素湯食 見到廣告賣新素餐仲可以十一點就已經有得食，一定要撐下場其實個餐牌我唔係太睇得明，問姐姐菇菌湯係咪素黎，最後姐姐無正面回應淨係問我係咪要素清湯最後嗌左素清湯，一碗米線上有六隻餃子，仲有幾粒姬松茸，睇落都幾多料，食落餃子餡幾出色，自己平時煮新豬肉時硬係煮得麻麻地，但呢隻餃個餡整得好香，不過餃子皮略嫌厚身左啲其實今次限定推出素餐都係一件好事黎，方便到素食者又鼓勵到人食素，希望遲啲會有埋素食版過橋米線或者十一點已經可以有素湯選擇就更正

依家有返晚市，去做完運動後，終於可以即刻搵餐廳醫肚啦！今次揀咗食三哥，食三哥都可以食得健康架💪🏽💪🏽💪🏽▪️魚蛋雞肉蕃茄湯 $40個人覺得呢間嘅蕃茄湯較為濃稠，蕃茄味濃，雞肉份量都相對較多、雞肉質算嫩身，魚蛋彈牙，但味道有啲怪，酸酸地…..🫢🫢🫢下次叫返平時食開嘅餸就算啦🫣🫣🫣魚蛋另一間好食啲🙈🙈🙈▪️即灼油生菜🥬 $18生菜🥬份量好多，食晒都飽飽地啦😆😆😆一塊大生菜包住啲細塊嘅，生菜爽甜，唔夠味就沾下啲蠔油啦😁😁

🌶 三哥水煮湯5小辣老油條鴨血米線🌶 煳辣湯5小辣油揚、京白菜及鵪鶉蛋米線🍅 香醋芝士鮮原茄🐔 蒜香及蒜辣雞翼尖🍈 鴛鴦哈蜜瓜爆珠梳打最近三哥出左鴨血就去試下啦😍叫5小辣對我黎講岩岩好又夠哂香入口滑溜既鴨血配埋水煮湯永遠都係咁夾再浸埋脆卜卜既油炸鬼一齊食夠哂過癮呀😋試埋三哥日本同步既Menu🇯🇵既然去唔到日本分店就係香港分店食左當去左嚕😂煳辣湯底配埋新加既三款餸尤其係油揚同京白菜😋 索哂煳辣湯好好味👍🏻小食有清新蕃茄加埋芝士粉既味道好豐富而且有香醋令到件事唔會太漏都幾開胃試埋雞翼尖有辣有唔辣無辣既蒜味好香好惹味👍🏻但辣果款對我黎講就太辣了🥵即刻要飲返杯蜜瓜爆珠梳打解解辣先搞得掂🥵

譚仔三哥因為宜家無場堂食, 而我地又未諗到食咩好就聞到好香既麻辣湯味, 原來係三哥!我地就去左買外賣,以往我都係食3小蕃茄湯底, 今次心郁郁想試下三哥酸辣.返到屋企打開仲出煙, 湯同米線分開裝, 米線唔會浸到冧曬, 幾貼心.湯底紅卜卜,加上好香酸辣味搞到我口水都流出黎湯底睇落好姐但比想像中無咁辣, 反而酸味比較出, 仲意食酸既朋友一定要試下.因為我比較仲意食好冧既米線, 婆婆口味^^沒哈哈, 所以依個米線我嫌有點硬, 應該係因為分開裝, 下次我會試下叫職員唔分湯試下.香港人出名好仲意食米線, 譚仔三哥係米線界擔當重任, 無人可以取代到佢既地位..佢地仲時不時有新搞作, 創意大足絕不馬虎.大家都可以試試

好耐冇食譚仔三哥，一直都覺得三個比較好食，佢有佢哋獨特嘅香辣味道，叫咗一碗麻辣腩肉特辣，發覺佢哋特辣都唔算好難，點解咁呢⋯同以前比較起，按住佢將依家啲個獨立只不過係普通嘅中辣咋嘛，不過整體還好啦另外就叫咗一個三哥酸辣中辣，配雞肉，覺得雞肉好乾，好鞋，不過份量可以😌！而且覺得三哥酸辣好似仲辣過麻辣特辣最後叫咗一個土匪雞翼，五隻， $30 ，雖然唔算貴，不過都唔算好平，質素同以往一樣，外皮比較趣，幾香，不過啲肉爆開晒，啲骨都斷開的，所以好多渣

三哥譚仔同埋譚仔我都係成日食，兩間嘅分別就係一間油d濃味d,一間無咁濃，我食開得寶分店係好好味，至於呢間個湯就爭少少，唔怪得之入座率都咁低，個湯底好淡味，同我食開嘅唔同，男朋友叫左糊辣，糊辣就比較濃少少。我個碗麻辣叫左中辣，同平時小辣差唔多下次再食唔會幫襯呢間分店

平時食得太多好嘢，有陣時都會想食下三哥～而三哥嘅蕃茄湯底根本就冇得比！真係超級好食😋所以今次就決定要食三哥嘅雞肉蕃茄湯三小辣，再加細土匪雞翼！蕃茄湯唔會太酸但係又好濃蕃茄味，自從佢出咗之後多數都會食番茄湯三小辣，最適中嘅辣度～而土匪雞翼亦都唔洗講，好入味而且亦好岩送米線！雖然平時一個人食唔曬咁多～但係今日真係太想食三哥所以食得曬😆😆除此之外，想多謝姐姐嘅熱心幫助！佢聽到我跌咗對筷子之後唔使我舉手就已經比左對新筷子俾我！超級好人🥰

相信無人會對譚仔三哥陌生，今日返工睇ig既時候見到佢地新出左「螺酸湯米線」就好有興趣試下，因為本身間唔中都有食螺螄粉。一入到三哥，已經聞到個一陣酸酸縮縮既味，陣味係會令人有啲卻步😂但本身食過螺螄粉既都知會有依陣味，所以都係叫左黎食，碗野黎到既時候果陣味更加濃烈，但望落去係幾吸引既。飲第一啖湯又覺得幾好味，酸酸辣辣之餘仲有種咸香味，螺片都好有咬口，唔會有有時罐頭螺片啲肉唔實果種感覺，豬皮都好爽口，好食👍🏻野飲方面，叫埋新出果杯「鳳梨藍蝶花香梳打」，本身藍蝶花基本上都無咩味，所以可以當藍藍紫紫既鳳梨梳打咁飲😆個人評分（滿分為5）味道：😉😉😉😉環境：😉😉😉😉員工友善度：😉😉😉😉CP值：😉😉😉😉

譚仔三哥米線(太興廣場) 約咗朋友係尖沙咀食飯，我即刻就約佢食三哥，因為有砂砂湯!—————————————————— 雞肉砂砂湯米線(5小辣)  💸 $34砂砂湯加$1，好耐冇食過，因為唔係好多間有得食，所以每次見到都會叫，佢其實唔係喇沙味但又會食到有啲花生味同海鮮味咁，個埋個湯底係有少少甜味，我個人係十分中意食。我係十分之希望佢係每一間分店都有得賣嘅。—————————————————— 譚仔三哥米線(太興廣場) 地址：尖沙咀金馬倫道5號太興廣場1樓

作為愛食辣同三哥fans👧🏻當然要即刻試煳麻湯 🎊依個新湯底融合咗🤎煳辣湯既焦香辣味+ ❤️麻辣湯既花椒麻味食返平時最愛既大辣❤️‍🔥個人認為煳麻湯比麻辣湯更加辣💁🏻‍♀️食開十小既朋友 可以唔洗特登再加辣度今次叫左最入味嘅生菜、新推出咗兩個新餸同香烤芝脆豆腐餅🔸芥末魚籽鱈魚滑豆卜-食第一啖就已經有好濃芥末味 好少會咁嘅配搭🤩🔸 魚爽肚-偏薄身好爽口🔸 香烤芝脆豆腐餅-有家嘅感覺😌估唔到豆腐餅會咁滑 配麻香醬汁好惹味

最近譚仔三哥出左一個新的配搭繼鴨血湯後 出左個糊麻湯魚爽肚米線另外我再叫左一份小食： 麻辣汁豬耳小食飲品就係： 葡萄烏龍茶先講一講個米線， 譚仔三哥諗到既配搭係永遠你都估唔到，魚爽肚真係好好食好有咬口 可惜份量偏少。 另外魚滑豆卜係一個新組合 你估唔到咁好食， 又索晒湯既味 又有魚香 配合糊麻湯底100分。小食方面 豬耳有兩款汁可以選擇 一款係口水汁 另一隻我選擇左係麻辣汁， 豬耳 好有咬口 爽口， 汁底都好濃 ， 不過以豬耳條的形式， 切得唔夠好， 令人唔可以一口食， 汁會四淺， 都不過係小問題。飲品除左基本上的可樂， 檸茶檸水之外， 今次叫左特飲葡萄烏龍茶，以烏龍茶底加上葡萄味道， 老實講葡萄味太重蓋過烏龍茶 不過口味吸引 解渴一流

譚仔三哥又有新品推出：煳麻湯魚爽肚米線🍜同埋香烤芝脆豆腐餅。作為忠實fans，當要一試究竟。煳麻湯魚爽肚米線🍜（HKD 42): 包左腐皮、芽菜、魚爽肚同魚滑豆卜。「糊麻」湯底以「煳」辣湯同「麻」辣湯兩款特色湯底調配而成，辣得黎帶微嗆，比平時的辣再升一個層次，糊令其湯底更香、辛、辣、食到流晒鼻水，過癮👍🏽嗜辣者必試。魚爽肚好爽彈細嫩，咬落脆身，不錯而芥末魚籽鱈魚滑豆卜吸曬煳麻湯底精華，芥末令人有攻鼻效果，有趣。香烤芝脆豆腐餅（HKD 15): 你肉豆腐上面有啲蝦米🦐，香蔥，帶點咸香，底部有充滿香濃芝士味薄脆，似食緊薄餐咁，好特別，唯豆腐吾夠企身，一夾就散。總結：值得一試 煳麻湯魚爽肚米線🍜香烤芝脆豆腐餅