譚仔三哥米線 (希爾頓中心)

营业中

休息中

今日諗唔到食咩，就決定食三哥，又好似從來冇寫過食評，所以決定一寫叫咗墨丸清湯，唔知有冇人好似我一樣，寧願叫一個餸再加一個小食，都唔會叫兩個餸嘅米線呢，總覺得一個餸嘅墨丸，係有六粒，兩個餸的話，就會少咗三粒，所以我淨係鍾意一餸嘅墨丸墨丸好似轉左來貨咁，同以前有啲唔同，冇以前咁彈牙，粉咗啲好鍾意食土匪雞翼，對比來講，我比較鍾意食三哥嘅，貪佢細隻啲，入味啲，同埋佢會焗得比較脆身。三哥間唔中食下，懷念下個味道都幾好嘅

想不到吃什麼就走進了譚仔三哥3點去到，不用等位，坐都坐很好鬆動番茄湯底和煳辣湯底都是最愛點了煳辣(10小辣)乍醬走韮少米線($35)，另加3隻土匪雞翼($23)，凍檸蜜少冰（跟米線+$10）煳辣湯底有股小肥羊湯底的風味，但今日個湯底稍嫌有d淡，十小辣是完全沒辣味，下次可推高一個辣。配料的腐皮和芽菜都份量足，點了少米線，食完全碗都已經好飽因為只點了一個餸，乍醬一大碗的送上土匪雞翼就不過不失，孜然香氣十足，但送上來的時候外皮已有點腍腍地，無咁脆了，都係自己係屋企焗到脆卜卜好食d

朋友成日問我，乜你成日食譚仔唔悶嘅咩，又成日話要食好野，最後又食返啲劣食。係呀，我就係唔知點鮮好鍾意食譚仔，特別係三哥添。對我嚟講三哥絕對唔係啲咩野劣食，除左貪佢方便menu都唔洗睇就可以醫飽個肚之外。仲有間間出品水準差品多。最近食開魚腐雞肉，今日轉左食木耳雞肉。木耳好爽口。而且份量多。雞肉都一定係用雪藏雞肉。但你唔好理。佢食落似雞胸肉得嚟又帶少少滑身。幾岩得口味。埋單$51食個餐真係賣少見少。最後飲埋杯啡就食飽飽喇。

又係我。今次係嚟食佢個蒜香雞翼尖。午餐時間人好多。等左大約15分鐘先入到去坐低。米線點左竹笙魚腐中辣。飲品點左凍咖啡。之後點埋今之專登嚟食佢嘅蒜香雞翼尖。上次食左蒜辣雞翼尖覺得佢蒜味偏苦。蒜香雞翼尖比蒜辣雞翼尖少左一陣若澀味。雖然本人好辣，但不得不講呢個蒜香雞翼尖係比蒜辣雞翼尖出色。但我略嫌蒜嘅份量比較少。如果蒜多啲嘅話成個口腔都充斥坐蒜嘅香味真係超正。不過如果可以少油就仲好。畢竟大家而家都偏向追求健康食物。

落樓下就有譚仔三哥食，平時成日都食湯米線又比我見到有新野，張相好似好吸引，就支持下食呢個啦😆香辣回鍋肉蝦仁炆米線結合了四川回鍋肉同乾鍋麵既煮法，都幾特別以炆煮方式取代湯米線，每條米線都沾滿辛辣醬料，唔算話太辣，口感依舊滑溜，味道好濃郁。估唔到除咗湯米線之外連蚊米線都唔錯。以回鍋肉就選用左五花腩，肉質肥瘦適中，唔算太肥可接受，辣辣地十分惹味。配料有爽彈蝦仁，同紹菜，想食得豐富啲仲可以追加指定配料～～

提到米線三哥米線一定係我愛店之一因為佢陪伴我度過了整個中學生涯聽聞日本依家都有三哥日本人更為一碗米線排到幾個鐘呢今次我就同日本同步食下佢新出既老油條鴨血米線xd而且Tyson Yoshi代言更加心心眼啦！～～～～～～～～～～～～～～～～～～～～♡ 三哥水煮湯老油條鴨血米線 (5小辣) $42 (9/10)三哥水煮湯果然好味！連我呢個唔喜辣既人都食到滋味～個人認為大家可以大膽d食！講翻佢d料啦估唔到老油條浸落湯底又幾好味喎～索曬湯底精華既油條～軟得黎幾好味！就咁食都唔錯～食法又大家而定而且鴨血有成六舊！！個人感覺非常滿足！！鴨血食極仲有既感覺=美好desu～♡ 鵪鶉蛋,京白菜,油揚三餸米線 麻辣10小湯底 $52 (8.5/10)滿滿的鵪鶉蛋配上京白菜同油揚又係另一種風味喎油揚配上麻辣湯底食落唔會過鹹鵪鶉蛋都比得幾足有5粒估唔到鵪鶉蛋配米線都係一個好選擇～京白菜都好爽～～♡ 香醋芝士鮮原茄 $16 (9.5/10)老實講我估唔到呢個咁好味～完全係辣中帶點酸酸甜甜！好正好正尤其食完辣之後需要d嘢中和嘴巴呢個番茄完全大派用場食完辣令呢個番茄既甜味更～突出！同行朋友唔食番茄真係太感謝佢了XD可

今日收工好肚餓。決定去譚仔食米線。星期六四圍都係人。等左大約二十分鐘。今日點左魚腐竹笙麻中辣。加個細土匪。加多杯凍咖啡。會食譚仔因爲除左唔洗諗食咩之外。鍾意佢嘅地方係水準穩定。唔會呢間中辣比其他分別嘅中辣有太大出入。竹笙同魚腐索晒啲麻辣湯。鍾意食辣嘅我超鍾意呢個配搭。雞翼亦都保持水準。而且熱辣辣放入口非常香口。惟一要彈嘅係，凍啡可能轉左咖啡粉嚟沖定落少左奶。最近兩次食凍啡都偏苦。下次比多次機會佢睇下有無改進。

夜晚飽飽地唔係太想食飯, 朋友話想食米線, 一於去附近既譚仔三哥食因為時間唔係太夜, 所以我地三個人唔係等左好耐就坐低左, 我要左正常吧米線, 朋友就要左個過橋米線, 另外黎三哥點可以唔嗌小食, 所以我地都要左一個尖椒皮蛋同口水汁豬耳朋友碗過橋米線黎左, 黎遠已經聞到個三哥酸辣既湯底, 雖然係好大碗, 但係肚餓既時候一個人食晒成碗都幾爽小食都無令我地失望, 皮蛋好香, 豬耳好爽下次都會繼續黎

要有連串意外先至食到呢一間譚仔，因為附近食肆星期五都很多人，於是諗住快快趣。這間沙田區的譚仔三哥，也用口水雞翼的優惠餐，嗱嗱臨叫個外賣，然之後行過沙田中心就可以領取外賣。豈料去到，店員指我打去叫外賣的不是沙田中心，應該是希爾頓，就好像不是「book麗晶大酒店，而是麗晶大賓館」同樣笑話。麻辣米線五少辣，米線的份量不太多，外賣好像總比現場吃少。五少辣的味道，的確比十少辣少少。腩肉份量偏少，不覺有很多片，半肥瘦的味道還可優惠小食飲品套餐，口水雞翼，切成一半一半，盡吸辣汁，但又不會辣到痺舌頭，過癮好吃始終沙田區食肆不多，星期五很多人外出用膳，無論是譚仔，三哥，定抑或是連鎖餐廳，全部都排隊，連吃個譚仔三哥米線，有時等外賣都要三四個字。

由於公眾假期，去沙田新城市買完嘢，就去譚仔三哥食個下午茶醫下肚。無諗過該店的經理同一位職員態度咁差可能假日，到下午差不多4點都要等位。入座時長髮阿姐問”嘟”左未，我話寫左紙入左盒啦，佢再無乜禮貌咁講多次”嘟”左未，我又重複講多次其實譚仔都成日幫襯，所以都唔使睇餐牌都可以落單。個著黑衫嘅女經理(我估係經理)，見到我舉手當睇唔到，仲要兩次，算！之後繼續舉手，到長髮阿姐同樣見到兩次都無黎落單。店內仲有兩位紅衫阿姐忙於送餐。最後等了超過5分鐘有多，短髮忙碌的阿姐先黎落單。應該係新出品1. 過橋米線($55)丸類唔彈牙，墨丸無味。2. 水煮湯鴨血米線($39)，鴨血無特別。3. 青椒皮蛋($21)，正常。蜜桃乳酸，超甜。原本係叫凍檸茶，但話賣晒，所以先迫住叫這杯由於落左單先知無凍檸檬茶，所以先加$2補返差價叫杯超甜嘅蜜桃梳打。整體來說，職員服務態度好差，這間永遠不幫襯，以免自己受難

見到呢個水煮鴨血米線最近好受爭議大家都討論佢雖然負評佔多但見好朋友話試左不過不失就抱住一試既心態去呀(本身鍾意食麻辣鴨血)去到姨姨問先知有得揀湯底我無轉覺得都係水煮比較夾呀黎到賣相幾好鴨血都算多呀好似有六件仲有豆卜索晒D水煮湯都幾香而且麻味都夠覺得比起坊間有D米線反而更麻呀我覺得佢個水煮五小辣比平時麻辣五小辣DD WO可能麻既關係覺得辣左........總括黎講我覺得鍾情鴨血既可以一試唔好抱咁高期望就OK呀

幾個月冇食過譚仔，其實譚仔嘅味道真係有種癮🤣諗咗好耐食三哥酸辣定糊辣好，最後揀咗糊辣湯底。自己揀咗韭菜牛肉，然後說服媽咪試新嘢花膠胡椒雞米線😝 順便自己可以黐幾啖 🤣🤣🤣花膠胡椒雞米線係配糊辣湯底。足料嘅程度幾令人驚喜，雞大約有三四舊，花膠有成五六片。啲雞幾嫩，唔鞋 👍🏻 花膠就唔夠厚身，亦都好似未煮得夠淋。不過譚仔價錢，有呢啲配料，已經值得一讚！👍🏻👍🏻會再自己encore花膠胡椒雞米線。😋

今日經過沙田，懷念起我的十小辣+土匪雞翼，所以雖然外面好多人都照等...好彩一個人既位好快，可能因為大家都係食完就走。一聽倒叫Axx（記得拎飛）就衝去張枱，忘記探熱（係收銀處），但一諗起之前行過好多間店都有量度，所以冇理坐低就將我想食既全部點了，但欠一個皮蛋，，嗚～太大碟，其實有冇自私食既餐皮蛋半份？雞肉、魚腐、炸醬十小辣，土匪雞翼三隻叫完又想要野飲...於是狂舉手...同姐姐講加單（凍檸茶），收銀阿姐又問我有冇單，咁我當然話冇，收銀姐：「點解冇單ga？」跟住就有姐姐拎住碟野過黎，姐姐：「咁e家先黎嘛⋯⋯」then好客氣咁話：「土匪雞翼。」好欣賞佢地，雖然好難叫人order，但係可接受，因為餸菜上枱算快，吾洗我等，香港人又腌尖又急等齊野食再影相，土匪弟弟都冇冷冰冰，bravo!!! 夠熱、脆皮、味夠、外脆內嫰，100分大推湯夠味，本人十分好重味，最後飽到好後悔叫左咁多...十小辣，辣中又不會失去品嚐其它食物既味道，剛剛好，當然我食左幾淡就發覺自己吾記得叫佢「少米」，即係米粉少d既意思！雞肉好多，吾算鞋口，ok la!魚腐好大，好朔湯，正常！炸醬我覺得好似以前好味d，可能多左d酸味，冇變

📍譚仔三哥 𓇠 酸辣魚片米線加竹笙 $46 𓇠好耐無食三哥，比佢新出嘅酸辣魚片米線吸引到🤩（平時食三哥鐘意食雞肉/墨丸/竹笙，普通酸辣/茄湯/糊辣，五小辣，有冇同好👋🏻😂）呢碗我要咗預設嘅普通酸辣，亦都可以加錢轉其他湯底，比平時普通酸辣湯底多咗辣椒係面🌶魚片份量多，口感爽滑，而且無骨👍🏻佢配酸菜一碟另上，但酸菜偏乾唔夠多汁，而竹笙索汁係必加😋

最近好似好多人去左食譚仔新出的酸菜魚我都想試下係咪真係好食點知....原來酸菜魚只係一個配料 都唔係平時個種完全唔係個回事可以自己選唔同湯底我就選番酸辣湯味真係好普通一個酸辣湯米線 加幾舊魚同酸菜魚係幾片 食落唔係好新鮮唔明點解咁多人讚好食食過一次就夠 唔會番轉頭寧願食番平時叫開個D 墨丸 雞肉個D真係唔需要特別試如果想食酸菜魚一個人的話我比較推介"開餐"個個湯同粉都好味好多不過好似得旺角同佐敦先有分店