譚仔三哥米線 (希爾頓中心)

营业中

休息中

作為譚仔三哥忠粉（可以日日食既節奏）向三哥出左酸辣撈薯粉之後，竟然遲遲都未嚟食🤫今日終於有時間過嚟試下！.▪️酸辣撈薯粉 （加餸）$45本身配料有豬耳、雲耳、薄脆同青瓜，但驚唔夠都係叫埋麥遠。值得一讚既就係會送一次性圍裙，驚你食到件衫都係👻 個個食完都話好辣，肥師奶覺得辣嘅程度就還可以接受，配料份量其實唔係好多，所以建議再另外點餸。薄脆口感唔錯，但細舊左少少。至於薯粉係偏粗身，唔算好林，三哥酸辣味係幾正嘅▫️蜜桃乳酸 $10乳酸味唔多重，不過可以接受，呢個價錢都唔好要求太多～.個人黎講都係比較鍾意三哥嘅湯麵多過新口味酸辣粉啦

傷心的時候，我習慣去吃一碗三哥米線，記得冬季的某天，跟朋友在討論晚飯吃什麼好，我說我想試試雲桂香，那位朋友跟我說”你又不是傷心 吃什麼米線呀？”這種感覺，就像被一桿打回洞裡 ，開心的是這位朋友是多麼的了解我 ，人總是是矛盾的。但這一天 其實我是心情差才想吃米線，可以在一起是多麼的滿足的事。此時此刻，傷心的時候，有其他好友陪伴自己吃個譚仔，也是個人生一大快事，全賴有你，我點了最愛的豆卜 炸醬 腩肉 配土匪雞翼，心情又好少很多了，吃三哥有你的陪伴，我才活到今天。

今日就想試試譚仔三哥，就點左過橋米線(HKD55)，湯底是蕃茄味(+3)，先說說過橋米線，材料多，同另外一間相同名的差不多，但味道不一樣，就蕃茄湯味比較偏酸，有點像罐頭味，有點假，我比較不喜歡，炸菜及肉醬不好吃。另外還點了土匪雞翼(3隻)(HKD22)，味道也就一般，唯一不錯的是凍檸茶，我就不會再想去食，寧願食其他。

首當其選的小食“蒜泥白肉”: 少少辣，鐘意包住蒜蓉一齊食，必點小食；食譚仔點可以少佐“皮蛋” ，其實我本身唔係特別喜歡食皮蛋，但譚仔既皮蛋係有配菜既，夾埋就係最佳拍檔啦；其實我當時食既係特辣，狀況慘烈我就唔post相啦，因為係懲罰黎。影佐我喜愛的中辣過橋，岩岩好夠味，當然少不了搭配葡萄鮮。

每次去食三哥 一定必叫過橋米線 夠晒大碗🥰又多餸 好足料 最正佢跟埋炸醬同酸菜！兩個人share食都得 唔夠可以加底。清湯味道適中，唔會太咸。另點土匪雞翼 都係一點要點！皮脆 夠入味 入面d雞肉夠嫰 真係會食上癮😂阿姐服務態度不錯👍🏻

譚仔短短幾年已經深得港人愛戴.土匪雞翼是My Favourite, 燒焦香又辣辣地既外皮, 裡面又Juicy.麻辣豬耳 麻辣汁一流又癮味 豬耳又QQ彈彈感覺好有骨膠原.最後當然就係佢地既米線 除左清湯麻辣湯, 亦有其他如蕃茄湯都一樣好好飲架.

The place was packed even after lunch hours! Ordered a big bowl with all the toppings, tomato soup base and the potato noodles. The soup base was really nice! there are tomato chunks in it, and it was quite rich, sweet and sour. The toppings were great in general, just didn't understand why ham would be one of them lol.  We were quite full after we finished the whole bowl. Three words to sum up Tam Jai: Quick, Cheap and Delicious! 

原本呢一餐冇乜嘢好寫，因為呢10年應該全香港一半人以上都食過譚仔，尤其是年輕一輩90後千禧後，但係慢慢發現到譚仔開始與時並進，之前成日出嘅都係唔同湯底，同埋一啲冷盤小食，今次推出新嘅小食試完唔錯，所以就寫下新小食炸醬四季豆，平時食開嘅炸醬，直接加落去四季豆一齊食，四季豆青春冇渣，炸醬同平時嘅份量一樣，小辣墨魚丸雞肉米線，都係例牌嘢冇乜特別，食譚仔都係貪佢辣得唔油，夠清夠純正，同埋冇一粒二粒不知名香料喺湯人面

一個人食晚餐緊係搵啲快令正既食店身為香港人無可能未食過譚仔既，係沙田一田vip day 行完街血拼完就有啲肚餓，就嚟左譚仔三哥食～叫左平時最愛吃的蒜泥白肉，辣得黎又香口，食左一塊忍唔住食第二塊，停唔到口呀～之後叫左清湯腩肉米線，清淡得嚟又有肉既鮮味，好過癮。如果大家食唔到咁多，記得叫小米線，可以平$1，最緊要唔浪費呀～最後緊係唔少得一杯凍檸菜少糖少冰，澀澀地好好味～咁既配答真係無得頂呀👍🏻👍🏻

假日我當然要出外走走，下雨天選擇商場搵食，下雨令冷氣變得更冷，即時要食熱騰騰的食物，米線我想到這家，我是嗜辣之人，辣米線我來啦但經過有陣陣米線香，眼見不用排隊，又有新飲品，早點晚餐啦土匪雞翼 （5隻）$30一如以往，孜然粉味濃，5隻雞翼燒得香，賣相吸引，香辣又惹味我最愛的糊辣，新出了豬肚米線套餐，$38 可選擇多一個餸；腩肉爽滑彈牙，豬肚爽口入味，糊辣我最愛中辣，又香又辣蕃茄湯魚蛋、魚腐米線 $41蕃茄湯酸味重，醒胃，魚蛋彈牙，魚腐香滑，米線爽口店內坐位坐得算舒服，無油煙味，上菜快，抵食

今日周日當然要陪家人出外，逛完街後，本來想同小朋友去玩遊戲，但經過有陣陣米線香，眼見不用排隊，又有新飲品，早點晚餐啦前菜皮蛋 $21味道較以往淡，辣度低，辣油多但味不重，尖椒已去籽所以不辣，賣相吸引新出了糊辣豬肚米線套餐，$38 可選擇多一個餸，豬肚爽口，又入味；豬潤新鮮爽滑，糊辣較以往辣，5小辣已有辣味，辣得香荔枝特飲 套裝+ $10 可以轉飲，有一粒新鮮荔枝裝飾更吸引，凍飲好清新店內坐位相隔有點距離，坐得算舒服

通常會去沙田中心間譚仔，但今晚去開一田買野，就黎左希爾頓間譚仔三哥！可能呢邊人流唔多，呢度啲坐位鬆動，而且客人亦唔多，所有相對坐得舒服😌兩個人叫左一個過橋米線，普通酸辣湯底，啲餸好多下，每款都有少少👍🏻👍🏻👍🏻個豬膶唔會太老，粉粉地，又帶點爽口，配埋酸辣湯底，好好味！另外，加左兩款小食，香草雞翼同麻辣豬耳香草雞翼啲皮有啲燶味，有啲失水準，好在入邊啲雞肉都算嫩口，不過不失至於麻辣豬耳就值得一讚，爽口入味，鍾意食辣野既朋友仔不防一試

譚仔給人的感覺都是出品穩定， 無論你到哪一間分店 所吃的都應該是差不多， 這一點是成功的。但是 若果基礎功夫做得不好， 則所有分店 都不會做得好。 真的是成也蕭何敗也蕭何。就像今天我叫的凍檸檬茶， 一上枱便發覺 茶底 是混濁色， 冰塊也混合了雜質。 知道是什麼原因嗎？ 等我Ben爺告訴你， 此現象行內人稱之為“反"茶， 原因是因為 在紅茶還未 涼透到室溫環境下便倒進冰杯裏面， 就是因為這樣所以令到茶色混濁。 在香港地 ，凍檸檬茶造成這樣 是非常失敗的。 自製冰的濾水 也做得不好， 混進了雜質 所以變成奶白色的冰塊。蕃茄豬腩肉米線， 一大劈蕃茄醬 或應該稱為茄膏 的物體放在麵上， 只裝模作樣的放進一兩嚿蕃茄， 那是欺騙食客的感情。跟著再向服務員要了一張紙巾， 但他竟說要兩元?! 這是什麼待客之道， 客人坐下連一杯水的招待也沒有， 甚至乎一張紙巾竟然要錢， 那麼吝嗇， 情形就等於 在商店的廁所內沒有提供廁紙一樣， 這是基本的待客之道呵!看來譚仔 要有很大的改進空間。

唔係打手我真係好鍾意譚仔！真心支持佢！由一間小小嘅店，冇強大勢力背後支持，就係因為湯底特別，又夠足料，先有今時今日成就！香港人有冇邊個唔識佢？一諗唔到食咩就會話：食譚仔啦！又平又快！做到人人都識，呢份已經係一個好多人都做唔到嘅成功！講真，煳辣係好惹味，麻辣清湯都好好味，料又足，次次叫啲料都多到咩咁，好欣賞！喺香港邊間會係咁？真心讚！👍🏻👍🏻👍🏻好鐘意譚仔😆👍🏻我通常會叫雞肉生菜加炸醬，有時有成三份一個生菜咁多！

一個人嘅時候諗唔到食咩，譚仔三哥係我其中一選，一個人易搵位，一坐低即叫餸，魚蛋，少米線，麻辣三小辣，剛見到最近推出了新嘅小食和飲品，又怎可錯過，當然要叫來試一試。即叫即燒的小食<辛蒜燒茄子🍆>$19，秘製的紅油加上香味濃郁的蒜泥，入口初時不覺辣，只覺蒜香味重，但隨後辣味漸漸湧上來，幸好點了新出的<解辣蘋果🍎酸>，原來真的解到辣，甜甜酸酸的味道，入口有點像蘋果醋，只需加$10就可以飲得到👍🏻