譚仔三哥米線 (希爾頓中心)

营业中

休息中

原來三哥依家2餸送1餸, 只要點2個配料, 即可以選多1款$5的配料!酸辣湯底幾惹味, 米線份量幾多~墨魚丸夠實有咬口~ 魚腐都好味~ 炸醬好味~口水汁豬脷薄切, 反而有D鞋口, 麻麻地~土匪雞翼即整, 出黎黎仲出煙, 真係新鮮!不過一食完, 唔駛2分鐘店員已經走黎收野, 真係好趕.....

今日難得有堂唔洗上就出左沙田同fd食lunch。 2點幾到左沙田到左三哥，諗住都要等一段時間，因為出面都好長龍，然後攞左飛都要等5張。但冇諗過換台率好快，等左10分鐘都唔洗就入左去。雖然要同人share 枱，但都還好唔太逼既。咁我就叫左我既最愛炸醬墨丸米線清湯（$38），仲食左好耐冇食既蒜泥白肉（小）（$26）三哥同譚仔最大既分別就係炸醬，呢度既炸醬比較多肉醬，唔會好似譚仔搞到好爛，食落去比較有咬口。 同埋個味道比較出，比較香，對於食唔到辣既我係最好既調味😋蒜泥白肉就更加唔洗講啦，蒜蓉加上白肉既配搭，唔會太重口味，又開謂。總之就正啦雖然入面得5個樓面，但服務都幾快幾有效率，值得一讚🤔

真係無法抵擋譚仔魔力，又和朋友來吃過痛快，三哥酸辣正，土匪雞翼，尖辣皮蛋，麻辣豬耳，夠麻脆口。拍青瓜酸辣適中。不用30分鐘全吃完，湯都被我清晒超滿足，真係好難抵擋。

食咗咁多年嘅譚仔 我始終都覺得三哥係好食啲 我覺得三哥嘅質素比較穩定之前食過譚仔啲面有時太林有時太硬但係三哥水準好平均而且三哥都與時並進推出左好多小食所以我真係欣賞三哥多啲

喺沙田睇完戲，大部分鋪頭已經收鋪或者過咗last order, 醒起三哥開夜啲，即刻去試一試。入去樓面已經話仲有10分鐘截單，放我哋入去，馬上坐低order個煳辣過橋米線，小土匪雞翼，重口味豬耳，樓面姐姐提我哋last order有嘢要叫晒。好快所有食物都送晒上枱過橋米線份量夠多，兩個人食加埋兩個小食已經好夠飽重口味豬耳食唔停口，好食到用過橋米線啲餸點汁食不過凍檸茶落重手咗，太甜

譚仔三哥嘅三哥酸辣湯間間都唔同效果，就算同一間都要啱時辰先中到啱口味嘅。今日沙田哩間一開門就入去，湯底比夠酸，比較少辣，硬係爭咁嘅香氣，嗰種三哥獨有嘅味道。兩碗米線叫咗小米，因為真係太大碗，勁多米，我地唔會食得哂。竹笙有益又吸湯，又係必點之一。普通酸辣係點嚟比友人比較下同三哥酸辣有咩分別，我個人就鐘情三哥酸辣的。墨丸同炸醬講真都唔係我杯茶，但好似習慣咁每次都係哩個組合。雲耳麻辣味好食，青瓜口水雞汁惹味，蒜泥白肉蒜泥超夠但味道少了點層次

係沙田返工，每次諗唔到食乜就會去食三哥！墨丸魚腐三哥小辣係最正架！再加個大土非！真係人間極品呀！一星期食足五日都仲係咁好味！叫我點樣唔愛三哥！每日的午餐最愛！打工仔最愛！

每個星期都會同同事嚟一次食晏。最近消委會出報告指三哥米線鈉超標，我哋即日就再嚟一次其實出街食嘢你都預咗係咁，個湯應該係最勁嘅，但冇人叫你當個湯底係阿媽煲嘅湯就咁飲。呢度食晏時間人多，特別係附近多學生，我哋五六個人嚟食通常都要等10分鐘左右，遇著學校假期就會少啲人。可能因為人多繁忙，呢度阿姐不時會落錯單，又或者廚房會出錯嘢，要小心留意。嘢食方面其實好似你去連鎖快餐店咁，你都預計到味道同質素會係點，正正常常就可以了。三哥配菜選擇多，米線有咬口，麻辣四小就啱我口味。

幫襯左譚仔同譚仔三哥幾年，還以為日本丸龜製麵收購後，可令侍應態度會轉好添。譚仔同三哥之前請啲鄉音侍應就無可厚非，現在丸龜製麵作老闆就咪攞啲鄉音侍應拍片黎做綽頭啦。我試過叫冬姑，張單變左金菇；單人光顧侍應要我揸住碗麵起身幾次走位讓座，好難受；單人光顧想先上厠所，就比侍應問左兩次唔幫襯就無得去厠所；一張小圓檯侍應迫八個可能唔識嘅大人同坐；啲盪熱米線經常都擦身而過。真係真珠都無咁真。偉華中心、沙田廣場同鼓油街幾間侍應的態度是最差勁。日本公司待客態度一向有好評，希望有所改進啦。留言在譚仔facebook又被封了，借此留言抒發心中不滿。

我一向也是米線控，但自從譚仔三哥岀了蕃茄湯底後，我便不能自拔了！今天晚上9時多還沒吃晚飯，又想念蕃茄湯米線了，便跟寶寶到三哥晚餐。我也點了我的例牌：蕃茄湯小辣墨丸米線。侍應還提點我小辣也很辣喔。而寶寶就點了蕃茄湯雞肉米線。蕃茄蓉滿滿的，墨丸超有咬口，還有六粒。米線份量超大，真是掋食之選！湯很好喝，但不敢喝太多。雖然也想吃土匪雞翼，但時候也不早了，不想吃太飽呢，會胖的。。。可惜這間三間收十點，九點半便催速客人趕快結帳。

太夜收工的關係，需要快快的吃完晚飯後就回家。譚仔三哥，就是小弟間中去的地方。由於接近9時半而差不多關門的關係，所以快快的點了三哥過橋米線(麻辣﹑10小)及凍檸茶。三哥的湯底一直都覺得比另一家兄弟店的濃郁，而且10小不會令湯底味道被嚴重搶去下，飲到比較甜的湯底。而且三哥的竹苼一直都比較足料，吸收了湯底的精華後，吃起來就會爽口得多﹗(當然就會因為沾了熱的湯底而燙口吧!)而米線的份量都是大約1.5人的份量，對我大食的人來說剛剛滿足自己的肚子。所以每次點菜點員都會親切的問候需不需要額外的碗子。(當然一見到我是1人的時候但會無奈的收回了)

新年冇去拜神，今日放就入咗車公廟轉運，之後4點幾但係又未到晚飯時間，但係又有d肚餓，咁岩又見到譚仔，咁又好似好耐無食咁，咁就入左去啦😆尖椒皮蛋，一坐就見到隔離枱有叫，咁又見好耐冇食，所以我都忍唔到手叫左碟😬 味道好蒜，不太辣。大土雞翼，就係因為好耐無食先叫，因為我係覺得有d偏貴既😂$30/5隻，味道當然好，因為都係熱辣辣咁整出黎，岩晒今日凍凍地天氣👏🏻三哥重慶酸辣-豬肉炸醬大辣，係等待時間長左小小之外都做得唔錯，但整體都偏咸🤔唔太覺得辣，第一下聞落去覺得有d苦咁😬

諗唔到食乜,就去咗譚仔三哥買外賣返去食.成日都食三哥酸辣湯底,呢次就食下煳辣湯底,都係揀咗中辣,湯質比較濃稠,飲落有啲啲黏口感,辣度就好似比三哥酸辣稍弱,味道亦稍稍鹹一啲啲,但就幾有香料香,唔係只係得辣味,口感好似比較豐富,感覺都唔錯.湯入面本身就有芽菜,韭菜,腐皮,另外加咗酸菜,腩肉,魚腐,冬菇.呢次啲腩肉好似比之前食過嘅肥脂部位較多,不過都算鬆化爽口.冬菇軟腍,同埋令到個湯底鮮味啲啲.魚腐外皮煙韌入面就幾彈牙.

久違了的譚仔三哥，之前來三哥次次都食麻辣或者三哥酸辣，今日因為有點作病，所以只好叫清湯湯底啦，點了清湯雞肉米線。雞肉和芽菜份量有超多，特別是雞肉，食極都食唔完，可惜雞肉冇乜味道，肉質亦鞋鞋地，而九菜就反而太少了。湯底方面，清湯湯底也略為鹹左少少，不太好吃。。米線份量依然頗多，但煮得好腍，口感毫不彈牙，所以整體非常一般。吃完之後十分飽但沒有滿足的感覺，是填肚好選擇吧。聞到對面食客的麻辣湯底好香，好想食。。

早幾日同男朋友去沙田行街，近近地決定食譚仔叫左個豬潤炸醬清湯，炸醬份量冇之前甘多，不過都夠2個人食，又5會食淨依然系好濃肉味，清湯食炸醬真系好正不過豬潤5夠爽口，質感比較粗身，5夠滑，腐皮亦煮得太耐變到好淋而且量都得好少麻辣汁雲耳系每次必叫個汁實在太香，又夠麻，配埋雲耳食好夾雲耳5算爽口，比較淋身呢間既凍檸茶味道一般，冇咩茶味，得個色，失望最後仲叫左個土匪雞翼外皮依然好香脆又熱辣辣，醃料都好足味，好食