譚仔雲南米線 (九龍城廣場)

营业中

休息中

話說同朋友夜晚去食譚仔點知碗麵來到嘅時候我唔小心打瀉左1/3碗 仲淥親自己隻腳個呀姐 keep住係不停怪責點解倒瀉 而佢係繼續搬來第二碗麵上張枱度 無理過我我都知我吾小心，但都吾洗咁嘅態度呀嗎🙄瘋狂指責我嘅不是 又話2張枱中間條罅就係不平架啦 都明知架啦 仲要就咁搬過去⋯⋯其實我知你地啲設施係咁 我就做左譚仔姐姐一員啦🙃

喺呢間食肆最困難嘅嘢就係落單！可以話係等待店員落單半個鐘頭，等待上菜半個鐘頭，食埋只有五分鐘！員工只識喺前台為外賣客下單，完全冇留意到堂食嘅客人需求。你排隊嚟堂食，明確講「我係堂食，而家幫我下單」，對面竟然輕描淡寫咁講「好呀，請落座」，就好似冇聽到你嘅意思咁。呢種無視顧客需求嘅態度真係令人氣憤！而且，食肆嘅服務速度令人無法接受。等待落單同等待上菜嘅時間長到令人無法忍受。明明係堂食客人，竟然要等咁長時間先可以開始享用食物，真係令人生氣。而一旦上菜之後，竟然只有五分鐘嘅時間可以食，就好似被趕嘅感覺，完全冇辦法好好欣賞食物。員工嘅專業性亦令人懷疑。佢地只知道為外賣客人下單，對於堂食客人嘅需求卻完全無視。好似冇經過任何培訓或者溝通咁，對待顧客嘅態度冷漠無情。真係冇見過咁無禮同無動於衷嘅服務！作為顧客，我哋付錢嚟到食肆享受美食，希望得到優質嘅服務同待遇。但喺呢間食肆，唯一嘅感受就係困難同無禮。我真係好失望，未來一定唔會再嚟呢度食飯！希望食肆管理層可以重視員工培訓同改善服務質素，唔好再讓其他顧客有同樣嘅不愉快經歷！

公司搞app,職員話唔識用今日收到譚仔sms，話用download app 用order送三隻土匪雞翼，即時吸引我download, 去到店舖同姐姐講我有coupon送3隻雞翼，佢第一時間同我講冇呢D優惠，仲叫我睇清楚，係咪coupon過左期？之後另一位姐姐話要用呢個app直接點餐至有得送，👌🏻咁我即時手機落單，搞咗一輪，唔知點俾錢，再問返啲姐姐，佢地竟然話唔知，佢哋都未見過，未用過🫠又話可能係要磅信用卡，連支付寶都冇得用，跟住問佢點樣綁卡，佢哋又話唔知🙄下！你哋係度做都唔知，搞乜呀！算！反正行到黎，唔想再周圍走，照食！最後點左個過橋米線麻辣小辣，多麻（多麻係我第一次點，因為今日用過手機app落單只知原來麻度都可以揀）如果鍾意食麻嘅，都真係要試吓

今日經過新蒲崗，諗住入去九龍城廣場搵嘢食，但係始終時間係中午食飯時間，每一間餐廳都好多人排隊，之後就揀咗食譚仔相對排隊流量都比較快入到去同屋企人每人叫咗一碗米線一個係魚片魚腐清湯米線另外一碗係雞肉小辣麻辣米線食開米線嘅朋友都知道每一間米線嘅軟冧度都唔同，新蒲崗九龍城廣場呢一間軟硬偏向比較冧，口感普通，作為一個米線嘅愛好者，以連鎖式米線舖來講佢呢啲應該叫做正常發揮？食物方面就講完，只到係上菜係都有一啲慢，可能午飯時間廚房比較忙碌，不過都坐左成三個幾四個字先嚟第一碗下次揀返個冇咁多人嘅時間你食應該會好啲🤣味道: ⭐️⭐️⭐️服務: ⭐️⭐️⭐️價錢: ⭐️⭐️⭐️⭐️🦽👍🏻: ⭐️⭐️⭐️⭐️⭐️🚗: 消費$200可免費泊車1小時

落單講3次 都要落漏野巳經唔係人多，無人排隊都可以落漏野堂食既份量多過外賣炸醬 一pat咁擺落個麵到 又少仲要乾到乜咁分開食唔係 放落湯到又唔係可唔可以做好少少，真係真係好差

係屋企無啦啦想食D酸辣嘢，諗起去譚仔米線，所以去咗九龍城間譚仔食返個下午茶。坐定定睇下餐牌，平時會選酸辣米線餐，選兩至三個餸。今次落單前服務員介紹咗餐牌上面既米線，見佢咁推介所以試下之後服務員仲推介咗杯飲品，見佢咁好服務咁好推介，所以都幫襯下。滷汁牛肚蜂巢豆腐配香辣番茄湯(2小辣)+陳皮檸檬愛玉冰-湯底較喊-蜂巢豆腐都好，索咗D湯，其實如果底唔錯既話都無問題，可惜湯底一般般-牛肚食落好似唔係好新鮮，食落一patpat咁飲品方面幾一般，唔吸引，唔會再飲。不過值得一讚既係個服務員，可能公司對服務員既培訓幾好，推介食物既時候係十分自然，之後當我點完食物之後，又會推介下飲品，其實服務係幾好，真係值得一讚。如果服務好，加埋產品都好的話，應該會很多回頭客。如果這個價錢的話，我會情願走多兩步，去九龍城廣場對面街既金豪茶餐廳，食個牛雜河加杯凍檸茶，都只係五十幾蚊，味道上係唔同層次既享受。

 小編係「譚仔」迷，每個星期都起碼會食一次，😂😂繼上次推出『脆肉鯇木瓜魚湯米線』之後，最近更推出了『泡椒酸菜魚湯米線配脆肉鯇』（$42），泡椒酸菜正呀！我自從曾經食過泡椒雞翼，就愛上集酸香辣於一身嘅泡椒～如果你鍾意酸惹味嘅湯底，泡椒酸菜絕對係必試之選！😏😏 「譚仔」泡椒酸菜湯底用上三種辣椒🌶️：泡椒、青剁椒、指天椒，其實泡椒即係用白酒、白醋、鹽、蒜、薑等醃製過嘅辣椒，醃製過嘅辣椒味道酸中帶辣，爽脆惹味，真係辣得幾過癮！😌😌泡椒酸菜湯底辣度最少要由5小辣開始，揀返平時食開嘅辣度，小辣就啱啱好，😏湯底原有少量酸菜，係泡椒嘅完美配搭！💕酸辣層次豐富，叫人口水直流！不過唯一嘅限制係一定要配脆肉鯇，😅（雖然可以再加配其他配料），脆肉鯇無骨，爽脆嫩滑，不過如果唔鍾意泡椒酸菜，其他湯底加$10都可加脆肉鯇做配料。

落錯曬單之餘打番去問，個員工叫我拎番黎然後打斷話題直接cut線，一啲禮貌都無無講拎錯個啲定原封不動全部拎曬番去俾佢睇，又唔問下落錯咩，十分之奇怪呢間分店嘅土匪雞翼係我食過最難食，相反附近嘅mikiki譚仔就正常得多

九龍城廣場一向冷清，疫情下更少人。是日來到譚仔也較少人，只可容納一半的客人。今次試了蕃茄湯配豬肚紫菜米線，另加竹笙及一份土匪雞翼。先說米線，湯底可說是非常咸，沒有蕃茄甜味，很難入口。後悔加了竹笙，因為很吸湯，更咸。豬肚絲切得相當幼，口感一般。份量較少。本想土匪雞翼可挽回分數，可以更令人失望。只得外皮有調味，雞肉完全不入味，應該醃肉時間太短，令雞翼味道有點淡，達不到應有水準。整體來說，真的太令人失望的一餐。

好耐好耐冇食過譚仔， 今日香港政府派嗰一萬蚊到咗手， 就食餐好啦（講笑！）下午茶時段特價， 叫咗兩餸 -🥢雞肉墨現， 麻辣小辣， 走韭菜芽菜。 🥢土匪雞翼連凍飲73蚊。 比平時正價時段平小小！ 份量亦都比正價時段小大約1/3。小辣比其他譚仔心店辣小小， 墨丸雞肉都係正常水準。 雞翼焗得啱啱好， 夠juicy!

又到星期三 星期三一定要去吉之島掃貨因為有好多減價貨品 特別係薯片 🤤 掃完貨我地就去譚仔食晚飯 我最鍾意食米線 😌去譚仔每一次我地都係叫相同湯底和食物 湯底有清湯、番茄、重慶酸辣、酸辣湯底 我就最愛食酸辣湯底而我先生最愛食重慶酸辣三小辣 魚蛋雞肉酸辣米線每一次我都係叫魚蛋雞肉酸辣米線 食極都唔厭 微微的酸辣好好吃 重慶酸辣牛肉炸醬米線而我先生最鍾意食牛肉炸醬米線 佢特別推介重慶酸辣三小辣 尖椒皮蛋每一次去譚仔必叫小食 好好吃！我會用尖椒加米線一齊食

每次同朋友食飯唔知食咩好嘅時候，都會去食譚仔。絕對係我哋嘅飯堂！今次都係叫咗個幾樣例牌，一個過橋米線小辣，細土匪同埋蒜泥白肉。過橋米線入面最鍾意就係食竹笙，縮晒啲湯汁好惹味。細土匪同埋蒜泥白肉都係正常發揮，係每次嚟嘅必點。講到譚仔入面最鍾意嘅小食一定係木耳，好爽口而且份量都幾大份，次次黎都會點。好多人問到究竟譚仔好食啲定係譚仔三哥好食啲，我個人就鍾意食譚仔三哥，因為佢哋嘅湯底同埋米線比較出色，不過譚仔就小食好食啲，各取所需啦，不過唯一共通之處就係無論你食譚仔定係譚仔三哥，食完都一定會屙🤣 但係咁樣係冇阻我食譚仔嘅決心！