譽宴 (已結業)

經常有嚟飲下午茶,飲早茶還係第一次今次侍應交嚟嘅一大叠點心紙裡面見到有春風得意腸粉$36.8。特意點嚟試試乜野料果然無叫錯喎依度嘅腸粉有啲特別。除咗係腸粉包住油條之外,油條亦釀有原隻蝦,仲有粟米粒。每件腸粉都有蟹籽舖面入口感覺不能盡言,非常豐富。先有熟識嘅油條接觸到味蕾,跟住食到鮮蝦嘅鮮味。再嚟就有淡淡嘅粟米香,反而舖係最面嘅蟹籽係"遲來的春天"好味都有點咗其他點心首先抵讚嘅係熱騰騰嘅飯出檯,但原來飯心蒸得過爛,水份多咗臘腸當然係一般平價貨色,腸衣都幾煙韌反而雞柳就算有驚喜,做得唔錯。可口蒸蘿蔔糕係encore嘅,可以接受蟲草花魚肚係partner獨食嘅。佢嘅(至愛),當然推介

今日出開太子順道上嚟飲茶,11:15左右無需等位坐落(臘到)11:30前落單有優惠,拿拿臨叫咗幾款點心先講早市A餐 : 鳳爪排骨飯+山竹牛肉球$22.8盅飯認真唔錯喎,無話濕納納。鳳爪好味,唔會太腍容易脫皮。排骨好入味,肥瘦適中。山竹牛肉球好爽口,依啲價錢食得過。 另一個B餐 : 章魚肉餅飯+牛肉腸粉$28.8肉餅略嫌少咗啲,味道偏淡。牛肉腸粉都滑溜咸水角上檯還係暖暖哋,咸香味道足夠。饀料份量充足紫薯流沙果子其實係流沙蛋黃包,不過創意值得鼓勵外皮咬落脆脆哋又帶有煙韌,紫薯味唔算好濃。流沙蛋黃醬香濃好食臘味蒸蘿蔔糕,同檯都話好好味,好快趣KO咗本應想叫一份馬拉糕試吓,但係依度只有成籠上,咁就點一客囉還好入口味道唔差,每人分到兩件。食到飽晒肚食大咗胃口,順便叫埋甜品。嘩 嘩 嘩 正價嘅楊枝甘露,一碗仔收$30好似唔多(對口)喎。還好用料都算交返功課非常多芒果肉,西柚份量啱啱好,配搭合宜。埋單四位二百零蚊都可以(反兜)

今天同媽媽到始創中心的譽宴飲下午茶， 大約等了15分鐘就可以入座。 午市餐牌有好多選擇， 有不同種類的點心。 我們點了韭黃鮮蝦腸$30.8， 油雞米粉$18.8， 懷舊大蛋撻$21.8， 臘味蒸蘿蔔糕$12.8， 椰汁黃金糕$12.8， 南乳蒸豬手$18.8， 山竹牛肉球$12.8， 點心拼盤$32。韭黃鮮蝦腸， 腸粉的皮有點厚身和不夠熱， 蝦肉都算大隻， 但是食的時候沒有發現韭黃。油雞米粉，油雞唔錯，不過湯底有少少似豉油味湯底。懷舊大蛋撻， 最愛酥皮蛋撻做得唔錯， 蛋味香濃， 熱辣辣好好味！臘味蒸蘿蔔糕， 每一啖都食到好多蘿蔔絲蓉， 好足料有很多蝦米和臘腸，加埋豉油和胡椒粉 真係好好味。椰汁黃金糕， 熱辣辣軟淋淋，帶有椰汁的香味但又不太甜。南乳蒸豬手， 醃得好入味。山竹牛肉球， 一般般沒有特別。點心拼盤有叉燒包，燒賣，蝦餃， 粉果各兩粒， 蝦餃皮太厚，燒賣的豬肉香滑啖啖肉，蜜汁叉燒包叉燒味濃， 但叉燒包的皮厚了少少， 粉果味道普通。整體上來說譽宴下午茶都是唔錯的， 店員服務都算幾好， 環境坐得舒適。 叫了八個點心埋單都是$205， 算是抵食之選！

今日難得放假一大早起咗身，於是約埋個朋友一齊出嚟食嘢， 諗左好耐最後我哋決定去飲茶！！因為可能今日係紅日假期嘅關係，我哋要排左好耐先至可以入到去唷排排排排排。。。。不過好食嘅嘢值得等既蟹子燒賣 一籠有四粒，我自己超級鍾意食呢個新鮮熱辣勁好食，豬肉又勁滑啵蝦餃 一啖食落去 勁多蝦唷而且皮落涵靚 值對值得一試的 yummy yummy牛肉球 朋友超級喜歡吃，每次飲茶都必點的牛肉超級大粒，加埋啲腐竹皮腸粉 滑到爆唷 放埋小小蔥係入面，加埋d花生醬🥜甜醬 好好食

今年慶祝母親節食飯, 選擇了這間酒樓, 酒樓供應了2個母親節餐, 我們睇過菜單後, 認為"孝心敬親宴-半席全包宴"較適合, 提前落訂仲敬送愛心桃包6個, 這個餐食完後, 覺得食物尚算好味, 只是個荷葉飯較濕, 甜品桂花糕無桂花味, 而且完全唔甜, 而我覺得這間環境比較迫, 每枱之間椅貼椅, 坐得不夠舒服, 如要起身去廁所, 要起身拉開張椅讓位或撞倒人, 如隔雜枱拉後很大柩坐, 真係變得很擠迫!

同朋友剛食完cafe 天氣又覺得凍凍地 吾多想行岀去 就係附近既餐廳食飯 見今日有優惠就試下呢間酒樓 乳豬半隻都太大隻 食吾晒 但可以接受 都幾脆叫左個東升班 都ok仲有叫左個雞湯 有半只雞係入面 香滑好甜最後因爲太多野食食吾晒 下次都係吾叫咁多

此店推出「經典重現」，即再有淡季的蒸海鮮，燉湯特價餐。迎入眼簾首先是舞台上的錦繡花牆，浪漫的白色，比以往的教堂式佈景，更綺麗。惜不知道是否因天氣寒冷，來貨短缺，大元貝缺席，「東星斑」亦面目全非。該批評是蒸得太熟，況且豉油泛濫。豉油把碟變成魚塘，卻無法令魚暢泳，只會把它化成咸魚。「東星斑」淪為幾十元普通石斑的質素。桂花鹽焗雞亦是眼高手低。原意是揉合炸子雞，鹽焗雞的煮法。上檯的形態大勇，黃金嬌小。惜太乾身，有嚡口感覺。除了脆皮，醬汁惹味之外，無一可取。佛跳牆有驚喜，有很多花膠，鮑魚，海參，香濃醇和。

小人經常會犯同樣的錯誤，到譽宴飲茶肯定是其中一宗。其實之前試過銅鑼灣信和店已覺不妥，今次是因為公務至此，同事提議的。和風脆皮蘿蔔糕有幾片木魚片在上面便叫做和風，敷衍了事，有幾和風。脆皮是不脆的，蘿蔔糕就是一堆粉糰。上次吃過春風得意腸已知是毫不得意的一件事，今次亦不例外。腸粉皮厚而鞋，油炸鬼也不夠脆，兩次都是這麽差。黑色的蝦餃餃皮既濕且靭，味同嚼蠟。蝦餃餡糊糊的不爽，不好吃。同事總是喜歡叫一些奇形怪狀的物體，就像這個鳳梨甜心鼠，未食都知唔好食。吃下果然非虛，糊口黏牙，只有極度輕微的菠蘿香，連造型亦見不堪，相機都不想食先。其他大路點心都是不夠熱的，令人更覺油膩，無甚可取，無甚可提。沒有犯第三次錯的可能性。

our church belongs to the evangeliize China Fellowship Who celebrates her 70 years birthday Different member churches Meeting tonight At Yu Yin U- banquet restaurant Prince Edward thick big steam fresh fish 🐟 Delicious and fresh abalone Mushrooms and vegetables 🥒 green great fatty chicken fried with red bean sauce worthy feast U banquet

去譽宴到飲喜酒 .......服侍我地果台既侍應真係好唔掂😑😑，十問九唔應甘，我地果到座左9個人，甘其實正常都可以照分12份先得既姐，等食完自已果份，邊個想食就自然會拎架啦😶。甘就樣樣分九份，有d就兩粒一碟甘樣之類啦。好似就唔係甘好啦。🤔🤔另外，碟方面，好似放茶既底碟甘，白雪雪，好唔靚呀!😏最好笑就係，由頭到尾我地只係得對筷子食野，連上鮑魚都無得用刀叉切，O嘴😂😂台面又無小匙巾，想畢下d汁都無，真係好騎尼！野食方面 : 果個鮮元貝碧玉盅，唔知想點，舊瓜又簿，侍應阿叔分菜又粗老又hea ,放到落碟都散開晒啦！個翅都ok , 係幾多翅。鮑魚都過得去啦，係要用筷子食姐🙇‍♀️🙇‍♀️已經搞笑啦，最搞笑係最後上炒麵炒飯，分好左幾碗，碟炒麵和炒飯，各碟仲有半碟大大碟，佢竟然即刻將果兩碟拎走左，完全無留番係張台!!!想點呀？咩事呀個阿叔!!!問佢拎盒，又唔彩人唔應人，D服務真係癡癡地。😂😂😂😂😂

同家人係始創中心搵位飲茶, 間間酒樓都排晒大隊, 好難搵位, 見到譽宴冇乜人, 唔使等位, 就入去坐低, 睇吓點心紙, 就叫左和風脆皮蘿蔔糕, 大蝦燒賣皇, 羗汁蒸軟糕, 焗义燒餐包, 懷舊大蛋撻, 點心味道唔係特別好, 價錢又唔係平, 唔怪得冇人排隊和風脆皮蘿蔔糕, 脆漿夠薄但唔脆, 蘿蔔冇蘿蔔味  大點大蝦燒賣皇, 燒賣偏細粒, 味道普通  大點羗汁蒸軟糕, 唔夠羌味, 咬落煙煙韌韌, 甜度適中  中點焗义燒餐包, 味道啱啱好,  中點懷舊大蛋撻, 雖然唔係好熱, 酥皮尚算鬆脆, 不太甜  中點

始創間譽宴其實都幫襯過好多次，飲茶又有，食飯又有，不過，寫嘅次數唔多，主因都喺同枱嘅人腳有時候唔方便影相。今次就唔同喇，同細胞小組聚餐，原來都無打算影相寫食評，但當點心一到佢哋已經話等埋我影完相先起筷。既然大家咁有心，迤迤哋出篇迤評，當喺留個記錄。揀嚟依度飲茶都有少少特別原因，除咗地點就到大家之外，佢哋星期日午市都可以俾訂枱，而且，高樓底，環境闊落，亦喺考量之一，因為我哋一大棚人，幾個家庭，又大人，又細路，一坐就個幾兩個鐘，坐得唔舒服就無謂。講明迤評，真喺樣樣寫得「喺咁二」，就連點心紙都喺隨意拎，印象好似唔止呢兩張。八味滑豆腐 $31.5「八味」唔知何解，「七味」就會諗起日式嘅七味粉，不過，都唔好理佢喺乜，總之啲豆腐細細粒，一口一粒，外脆內滑，入口不膩。蜜汁叉燒包 $20.8個叉燒包包身好鬆軟，咬落唔黏牙，餡料又夠多，大家就鍾意佢無乜肥豬肉囉。百味蒸鳳爪 $29.8雖然依家啲酒樓創作出唔少新派點心，但依類舊款嘢佢大有捧場客。鳳爪非常入味，骨肉輕易分離，但叫「百味」又有啲亂嚟。薑蔥牛柏葉 $33.8牛柏葉一喺打鞭爐，一喺飲茶先會食到，簡單薑蔥蒸，食落清新爽口。北菇棉花雞 $23.8啲雞件

媽媽節食飯揀左地點方便、嘢食又有番咁上下水準既譽宴，正日飲茶平日食飯，費事同人逼但平日星期二晚都已經好多人食飯（媽媽節的威力），提早飲茶時book 定檯兼夾好寫菜的我是醒目的今晚重點係要食好d孝敬老人家所以重點係長老重視嘅湯同條魚度，參考左經理意見寫菜，口味滿足晒老人家既要求其實佢有張母親節菜單都幾ok的不過今次無試到，經理話相信父親節都會出套餐同預訂優惠，或者到時會試下！

「譽宴」成立於2011年，以新世代的婚宴服務配合中式筵席在香港闖出名堂，短短幾年間已擴展至港九7間分店。「譽宴」曾創下多個業界率先婚宴服務：例如提供多個不同婚宴場地任客人選擇、引入演唱會式進場的飛天南瓜車為新人籌辦夢幻婚禮，近年更率先引入高科技投影設備，為籌備婚禮的新人提供一站式摩登婚禮統籌服務。而且譽宴的所有分店都設於交通便利地段，以照顧客人即使在不同地方，也可以乘搭公共交通工具來到婚宴場地赴宴。 這家位於港鐵太子站旁的「譽宴」分店共佔商廈1樓,4樓及6樓三層，由於酒家專搞婚宴，所以餐房的裝飾特別華麗，廣闊無柱位，樓底又高，天花的水晶燈閃閃亮亮，即使不是來參加婚宴，在這裡飲茶也是一種享受。特別一提是這裡的茶市點心價錢以及茶資是按平日、週末、每日時間分為六個不同時段收費。 這裡的茶市點心價錢以及茶資是按平日、週末、每日時間分為六個不同時段收費 紫薯流沙果子 HK$18.80 ~ 賣相嚇人但流心餡好香好好味 香煎蝦米腸 HK$18.80 生滾鮮魚粥 HK$20.80 ~ 粥底一般，茶樓水準 (早市自選孖寶)只限星期一至五

“譽宴“喺始創6樓 上到1樓坐life上6樓係“煌府“要另1部 life上至係“譽宴“ 都幾難搵同學聚餐食全包宴每圍$1,988.- 餐牌普普通通 大路嘢食材尚可 份量細 餸唔夠熱 有啲凍㖭星期二閒日冇乜客 但侍應都係少招呼食咗乳豬龍虾都冇換碟 要自己倒骨壳攞外賣盒又冇比膠袋 游魂咁.....“乳豬全體“ ~ 唔係全體份量少冇尾部冇手腳 瘦身脆口嘅 味道好龍虾伊麵 ~ 壳多 麵淋 水汪汪金湯海皇桃脂燴燕窩~ 唔正海皇粒有啲腥 傑傑嘅 南瓜味 桃脂唔知係咩 有一嚿嚿似蒟蒻嘅嘢燕窩可能溶咗搵唔倒龍躉兩味~鮮味肉 燒得香脆 蒸得滑嫩西紅柿黑豚肉燴飯~ 即是“蕃茄肉粒飯“肉少汁大量 買相麻麻唔吸引 杞香鮑汁雲英雞~凍嘅 汁傑 “ 健康粗糧五豆糕“ 好食 同學力讚嘅冇生果冇糖水 冇限時交枱可以慢慢食 帶酒去免收開瓶