譽宴 (已結業)

今日係姑媽姑丈娶媳婦即表弟娶老婆嘅大日子！他們選擇咗喺太子始創中心嘅「譽宴」擺囍酒！今晚嘅菜色有：鴻運乳豬全體燒得好皮脆肉嫩，無乜多餘嘅脂肪，唔會有好油膩嘅感覺！由於負責我們呢檯嘅「侍應阿姨」畀經理鬧手腳太慢，所以上翡翠花姿玉帶特別快，快到本人未趕得切影相，已經差唔多分晒，花姿都幾爽滑，玉帶都幾彈牙！碧綠玉環瑤柱甫嘅瑤柱好鮮味彈牙，節瓜吸收晒瑤柱嘅鮮味！黃金百花蟹鉗嘅外層炸得好金黃香脆，肉質相當結實彈牙，而且都幾多汁！紅燒菜膽鮑翅嘅鮑翅都幾大片厚身，質感爽滑，而且膠質都幾豐富！生扣花菇南非鮮鮑魚嘅鮑魚非常鮮味彈牙，唔會好韌，花菇相當嫩滑厚身！清蒸大海星斑蒸嘅時間火候控制得啱啱好，肉質超鮮甜嫩滑！金沙脆皮燒鷄燒得好香口脆身，肉質好軟滑，唔會有「嚡」嘅感覺！瑤柱蛋白炒飯炒得都幾乾身同粒粒分明！鮑魚汁燜伊麵嘅伊麵都幾爽滑，鮑魚汁嘅味道都幾惹味！甜甜蜜蜜係用兩款唔同味道嘅心型糕點，粉紅色係士多啤梨味，而另外一粒就係桂花味，味道好清香！圓圓滿滿係用杞子百合同小丸子造成，味道相當清甜，小丸子好煙煙韌韌！

放假同爸爸媽媽飲茶，點知排左成半個鐘先有位入去，但其實入面一早已經有枱，只係冇人得閒執。入座後環境舒適，位置闊落，唔使搭枱或者要讓位比傳菜放點心。我地三人一共點左七樣點心，傳菜速度幾滿意，因為唔係一次過黎晒，可以邊食住一樣，又有另一樣仲熱辣辣既上枱個人認為重點推薦招牌蝦餃皇的確做得唔錯，蝦好新鮮爽口彈牙，皮薄，做到入面仲有汁既效果。另外一早已比我地消滅左既牛肉腸都非常皮薄同料多。整體黎講除左reception比較黑面同唔helpful，其他服務都算係咁，阿姐都有笑容。

在全沒預算情況下在譽宴吃上海醉雞毫無準備也吃得下的各人都試了多數都叫好除了怕酒份子圖中最上的就是大轉彎即大翼較位於是只有益在下沒美女選擇雞翼，我惟有eat it easy這翼尖正是以前非常重要上海 冷盤菜醉轉彎雞本來就做得好肉滑黃油入味因為用上正式紹興酒不是新派一: 以酒釀替我當然完全不會吃次級，吃完大轉彎家鄉味道出來在一個廣東式菜館第二意外是這兩層紅豆凍上面桂花糕下面酥軟紅豆凍濃郁幾乎太濃幸好不過甜75分意外還有有錦鹵雲吞!!!這裡汁漿還可以放下虾仁大量色彩什菜义燒肉片我覺得肉片幾好但眾人認為配料太粗其實已經沒什麼地方做這種小吃了怕麻煩所以對熱汁內配料還滿意起碼樣樣新鮮但炸雲吞就真是讚不落不鬆不脆色澤普通口感更需改進不合格的炸物可惜腸粉個人鍾情不油膩干身好吃著名蕉糖原籠蒸馬拉糕眾人滿足我卻嫌沒有用上雞油這種馬拉糕對本人是不入流sorry精緻鮮虾燒賣已夠好了豪些的朋友 可以看看譽宴鮑魚引進48元兩只鮑魚燒賣(我想像在映月樓吃過價錢一樣!!???)

今年第一餐嘅團年飯就喺同細胞小組嘅團友食，仲要提早到過年前三星期，因為成十多人，幾個家庭，實在唔易約。年近歲晚，好多酒樓都分兩輪，約到嚟譽宴，就喺貪佢就算星期日都唔分時段，讓我哋慢慢傾，輕鬆食 。譽宴本身都有專搞婚宴，所以，個場環境幾好，廣闊無柱位，樓底又高，天花嘅水晶燈閃閃亮亮，就算唔喺婚宴，都見有人擺百日宴。嚟到食晚飯，唔使擔心消費特別高，有平有貴，又有啲特價嘢，最緊要喺唔使被逼食啲貴價套餐，所以，我哋點啲小菜，又點啲炒粉麵。補充下，餐前小食收$15碟，我哋13人收3碟，茶芥收$12位，其中一個喺阿B，收12人茶錢，所以，依啲濕碎數，都收咗近兩嚿水 。 成都手撕雞 $48 手撕雞幾嫩滑，墊底嘅青瓜絲入口爽脆，淋上嘅麻辣汁，辣勁好強，但唔會好麻，幾醒神醒腦嘅小食。不過，因為晌個餐牌唔見有「辣椒」公仔，所以，無諗過佢會辣成咁！ 上海三鮮烤麩 $48 摷嚟摷走，都好似只得兩鮮：木耳、冬菇，不過，都唔緊要啦，做得好食咪可以囉。烤麩綿柔又吸滿汁，木耳爽，冬菇香，大人細路大都啱食。 燒味拼盤 $168 人多就特別鍾意點袋個餸，當餐前小食又得，當餸伴白飯都得，唔個點解，

香港人至愛食海鮮，加上韓風一直未停，海鮮九層塔一黎到香港，即刻大受歡迎。不過，價錢偏貴，所以一直未往一試。好彩，身邊有精打細算朋友，居然發現平時去飲先去既酒樓竟然有海鮮塔，仲要8位用只係$1988，當然即刻call齊人一試龍與鳯la~一上台，絕對先聲奪人，份量十足，見到都開心！第一層:龍蝦+海蝦每人半隻龍蝦，蝦都每人十幾廿隻！而且好新鮮，無霉蝦出現！第二層:象拔貝+大蜆每樣一人一隻，新鮮，唔"un"，超甜！第三層：蟹+扇貝蟹多羔，唔水，好食;扇貝大大隻唔"un"，正！第四層：多寶魚肉滑少骨，不過呢種魚比較淡魚味，ok la~第五層:蜆＋翡翠螺＋東風螺＋青口＋鮑魚仔全部都好鮮甜，而且蒸左咁耐都唔會過熟，不過由於已經食得太多野，亦都怕胃痛，我只係食左少少。第六層:海鮮湯入面有蝦有蜆有菜有豆腐，食左咁多海鮮，飲番個湯暖下胃，正！總結：鍾意食海鮮一定、一定、一定(好重要，所以要講3次) 要試！

自海鮮九層塔在韓國推出以後，心裡忽然有個為此到韓國一轉的心思，但有天經過譽宴，見到他們推出一個海鮮六層塔的套餐，便打從心底高興起來，於是在朋友圈裡「吹雞」，一行八人就此成局。我還特地跑去太子的營業部先付訂金五百，有點「慌死食唔切」的況味。到了飯局之日，帶了訂金單準時七點到達太子譽宴，說好了付過訂金單後半小時後便可有得吃了，緊張興奮的心情開始醞釀。哪知道七點九了，人人腹似雷鳴，海鮮塔依然無影。喚過經理，喚過接待的職員，俱回道快來了、快來了。結果，在八點正的時候，我們給了最後通牒：不來就算了，我們走！告訴您，這話對飲食業是最佳的催促工具，您這樣說，他們的菜就會到的了，萬試萬靈。要不，走也真的沒關係嘛，對不？好了，六層塔在八點六分終於由傳菜捧出了。由於餓瘋了，當然是先喝底層的海鮮湯了。⋯⋯不喝由自可，一喝把鬼火！這湯除了有幾隻蝦、幾顆蜆、幾根白菜、一點豆腐之外，就是一個鹹字，是鹹得沒道理的那種，根本沒法喝下去。這層戲湯上面又是什麼呢？第一層最可觀了，有八隻約8寸長的賴尿蝦。很新鮮，肉又甜。但不好意思，譽宴沒有剪刀供應，吃的時候很費勁，那些濕紙巾還是要問才拿給您的。服務如此，叫人無話可說。雖有

與很久沒見的親友聚會.當然要選擇些交通方便的食肆嘛~譽宴位於交通樞紐,當然是首選啦!雖然場地較小,但不算擠迫.清蒸海斑仔,口感不算嫩滑,略嫌韌了點醬油亦淡了點香濃芝士焗生猛龍蝦,上菜時濃濃的芝士香,當然極吸引我這個芝士愛好者啦芝士味濃郁,龍蝦亦算多肉,口感厚實是個不錯之選,若然有伊麵底將會更好(轉上湯焗龍蝦,要加錢,而且感覺沒有芝士焗龍蝦般惹味 )松露雪山鴛鴦蚌,上菜時還以為是賽螃蟹,連侍應生都誤會了個人口味覺得帶有微酸的松露與"雪山"不太夾而鴛鴦蚌數量不算多,口感一般,味道平淡相對其他菜色略為失色北海元貝賽螃蟹,雪白的賽螃蟹淋上醋,馬上變成淺啡的醋帶出了賽螃蟹的鮮味,加上賽螃蟹的口感嫩滑,味道非常夾!而且元貝亦不少,確實不錯!燒汁話梅骨,味道偏酸,很少肉呢...所以不知口感是如何還有一道菜海鮮豆腐煲,忘記了拍照份量多,豆腐嫩滑且入味醬汁頗濃雖然是酒樓,但不算嘈雜可以輕鬆地與親人聊天確是不錯之選

朋友前排食完譽宴，見個有牌係食海鮮塔，好想食，好啦，見近近地始創中心就有，太子，始終係最就腳既聚會地點，所以8個人就去左呢度，因為個餐係8個人既，所以成個星期前就約齊腳，book埋位等大家無得放飛機自問滿心期待一個自己未食過既海鮮塔。去到始創有專用lift上去，一上到去又有待應招呼，我真係以為自己去左飲，埋到張台，叫低飲咩茶坐係度等朋友到之時，侍應仲話個塔要得20-30分鐘，自己預時間叫就可以等左10分鐘，朋友仲未齊人，Whxtxpp問一問大家就到即刻叫定先，食物由銀色蒸籠類物體送上，大家都起曬身嘩完一輪，影相，合照.....影相都影得好齊全，由未食到食緊都影曬，因為真係滿心驚喜每一層蒸籠都成個面盤甘大，放滿海鮮，而且都係蒸既，事實上，新鮮海鮮才可以甘做，因為不新鮮既用蒸既方法便會失水準每一盤都睇到好有誠意，底層係一個魚豆腐白菜湯，個湯好鮮味，好甜，醬料十足，不夠用問侍應仲有得加，象拔蛑，貴妃蛑，螺的size都有個碗的大小，不過，青色既螺(不知名）如果細隻D反而會好味D賴尿蝦見到比例真係不細隻，而且鮮甜又香，有埋交剪用，好細心炒飯不是餐，係另外叫既，有飯桶朋友好難不叫飯，呢個瑤柱蛋白炒

又是看了醫生後便來吃下午茶，找個坐的舒服的地方和媽咪一起吃。這裏的點心也不錯，位置也很方便，所以收費都貴一點點的。******************************譽宴是不只一層，這天便來了其中一層，坐在大廳的，茶芥也要HKD8.5/位。下午茶時段特價點心HKD14.8，時菜鯪魚球。這鯪魚球有蔥和蝦米拌勻的，入口味道也很香蝦米，不錯。四寶滑雞扎，HKD22.5。這雞扎包了冬菇、雞件，蟹柳、火腿和魚肚，所以好好味。蟹粉小籠包，HKD24/隻。看到是蟹粉小籠包，便要了2隻和媽媽一人一隻，入口很香蟹粉味道，內裏湯汁也十足，不錯。特式春風得意腸，HKD28。在名點時所吃的春風得意腸和這裏是不同的材料，入口香脆無比，好吃。下午茶時段特價點心HKD17.8，蟹籽燒賣王。這燒賣王的蝦很大粒，真的不錯好吃。下午茶時段特價點心HKD6.8，腐竹薏米糖水。沒想到來到時是那麼細碗的，很濃的薏米味，相比腐竹味還要多，甜度也不甜，很好。

美國Auntie難得回來，剛行到太子始創，便前來食晚飯（唔係第一次黎，但今次好不滿）…我們一行8人點了個套餐：1. 金銀蛋莧菜，2. 蝦仁炒蛋 ，3. 果醋骨，4. 豆腐雜菌煲，5. 脆皮乳豬仔，6. 果皮蒸鮑魚，7. 龍蝦伊麵 + 一煲例湯 （忘記什麼湯）我們坐既位置在舞台附近，只有傳菜阿姐比較快手送上餸菜外，其他侍應好似好唔想行黎我地呢邊（被遺棄咁），水乾塘一段時間冇人發現，好想自己去處理，姊姊叫我等人黎搞，咁咪舉高菜牌先有侍應見到，連帶附近幾枱都紛紛遞上茶壺…連牙籤冇，濕紙巾冇 >< 唉，冷氣又太凍 ><以前就幾好，而家就唔想再黎喇，失望……

2月8日星期日早上去飲茶，落左3個孖寶，各孖寶都黎左1樣，然後等左1個鐘，其他的點心都未黎！然後問樓面催下，穿紫色背心的樓面，只係話叫我地等下，然後我地問個西裝男(部長級？)，佢樣子好不耐煩，叫我等下啦，有架啦！佢連有冇漏單去睇都唔幫我睇，就咁叫我地等！最後，我地要自己出去收銀個度，佢話可能食左單，出單幫我地催....點知再等一陣，都係未黎，見我地叫個d野，隔離枱都有出，好鬼激氣！忍唔住再行出去收銀，話要取消單，佢先拎張單入去廚房幫我地追！食到咁鬼激氣，唔會再有下次！點心方面，叉燒腸的叉燒好硬，腸粉皮ok；豬手好味，但得3舊；皮蛋瘦肉粥太咸！

年尾特別多好事, 身邊適婚朋友續一拉埋天窗, 今日飲呢餐十几年同事既喜酒, 戥佢高興. 呢個場仔細細, 但佈置得好細緻, 枱上仲有超級大電視, 可以播放不同的 backdrop, 以供拍照, 非常特別. 鴻運乳豬全體, 閃閃心心眼乳豬, 每次見到都會好開心, 乳豬皮脆豬味濃郁, 肉地厚實, 少少偏咸.黃金百花皇帝蟹拑, 超大隻, 可惜粉醬厚左少少同埋硬左少少, 但裡面蝦肉十足, 非常彈牙, 呢度提供既醬汁係泰式甜酸醬, 但如果可以擇, 我都會擇番傳統既紅醋, 味道會比較夾. 鴻圖海皇大鮑翅, 翅量太多, 雖然湯底美味, 但環保理由, 還是希望可以有無翅婚宴.原隻南非鮮鮑魚扣海參, 鮑魚都几大隻, 有乾鮑的咸香味, 海参滑嘟嘟, 但吃不到味道. 清蒸大海東星斑, 飲宴有東星斑, 就知道主人家几有誠意, 好重視客人, 畢竟結過婚都知道一條紅色既東星斑每圍要加$500-1200不等, 我地呢條蒸得剛剛好, 果然東星魚有魚味, 肉質細嫩, 配上這偏淡的豉油, 非常非常鮮味. 甜甜蜜蜜, 是棉花糖和桂花糕, 我不喜歡椰絲所以沒有吃棉花糖, 吃了一件桂花糕, 應該是啫喱粉加桂花, 雖然加了桂花,

叫左:叉燒米粉,家鄉咸水角,蜜汁叉燒包,山竹牛肉球,鳳瓜排骨飯,腐竹薏米糖水,上湯鮮竹卷,蟹籽燒賣皇叉燒米粉:叉燒肉質好淋味濃,米粉唔錯湯底做得鮮味.家鄉咸水角:用料十足,炸得唔油,味美香口.蜜汁叉燒包:叉燒味濃汁野味,蠔汁做得出色,包好乾身唔會濕超好味.山竹牛肉球:牛肉大大件,腐竹又淋又夠香.鳳瓜排骨飯:鳳瓜好淋排骨香滑,肉質唔錯.腐竹薏米糖水:同外面食到嘅好唔同,似食麥米粥,味道過甜.上湯鮮竹卷:湯底清甜味美,鮮竹卷做得出色.蟹籽燒賣皇:大大隻蝦幾彈牙,豬肉香滑做得出色.整體:質素唔錯,價錢合理.

叫左:鮮蝦炸雲吞,燒鴨米粉,家鄉咸水角,鳳瓜排骨飯,山竹牛肉球,上湯鮮竹卷,蟹籽燒賣皇鮮蝦炸雲吞:香脆可口,蝦新鮮彈牙.燒鴨米粉:份量唔細,燒鴨味濃,淡淡肉.家鄉咸水角:香甜用料十足,幾好味.鳳瓜排骨飯:份量超大,鳳瓜好淋又夠入味排骨好滑又唔骨.山竹牛肉球:牛味濃又大件,腐竹好香又夠淋.上湯鮮竹卷:湯底清甜味美,鮮竹卷做得爽滑出色.蟹籽燒賣皇:大大隻蝦好新鮮彈牙,豬肉香滑有口感.整體:價廉物美,會再去幫襯.

今天與家人相聚,見之前都坐得舒適,所以再去譽宴.叫左:叉燒米粉,鱆魚肉餅飯,四寶滑雞扎,山竹牛肉球,上湯鮮竹卷,南乳豬手,香煎蘿蔔糕,南瓜西米露,蛋花馬蹄露叉燒米粉:叉燒味美肉質好淋,米粉味道唔錯,湯底做得鮮味,唔錯.鱆魚肉餅飯:薄到好可憐,味道一般唔夠香,肉質過淋.四寶滑雞扎:雞肉幾滑,但味道太淡,普通.山竹牛肉球:平凡中的不平凡,牛肉味足好大件,腐竹好淋好香.上湯鮮竹卷:湯底清甜味美,鮮竹卷做得出色爽滑味美.南乳豬手:味太甜,肉質一般太硬.香煎蘿蔔糕:普普通通,唔夠香,實左小小.南瓜西米露:香甜味美,好香滑.蛋花馬蹄露:爽口香滑.整體:價錢合理,食品可以.