讚記廚房

营业中

休息中

今日係尖沙咀睇醫生，準時去到但由於醫生未到🙄⋯⋯護士溫馨提示去食啲野一個鐘後先番去。時間尚早，唔想食大快活又唔想食麥當勞，終於係尖沙咀亂行咁搵到一間早餐店！中式西式都有，價錢唔貴，所以就入左去食早餐🤤！揀左早餐E，加錢轉左出前一丁，落單完侍應直接幫忙係台既連櫃入面令埋餐具。餐飲同牛角包+炒蛋等左唔耐，好快黎到。炒蛋係香港人口味，大家鍾意既炒滑蛋。牛角包有驚喜，佢唔係牛角酥，係牛角包！比較鬆軟，溫度暖暖的，好食又冇好似啲牛角酥咁食完口乾牛肉麵，典型的港式茶餐廳味道，麵條口感就剛好唔會太淋。岩岩好有位外國女性搭台，侍應姨姨輕鬆咁用簡單的港式英文解決，再去隔離台用港普幫另一個客人落埋單⋯⋯⋯好有Tam仔姐姐水準feel，兩文三語冇難度（笑左😂😂😂

叫左個黃金蝦球炒飯，配一杯熱飲，$50。我本身GET到既黃金蝦球，係咸蛋黃加蝦，然後炸左，好似一粒波咁。點知原來係普通蝦，然後齋炒飯，連蛋都冇落，再PO D 鹹蛋黃係飯上... 真心失望，飯仲要冇乜味🤦🏻‍♀️

去到尖沙咀工作，醫左肚先。去讃記廚房食過西早先。朝早好多人，要撘枱。牛角包雖然細細個，都有驚喜，新鮮焗出入口嘅時候覺得口感唔錯,唔算太油。腸個皮睇落好脆但咬落去腸仔較淋身蛋就好油, 好似油浸咁好彩桌上有提供紙巾,真係要索左d 油先好食..火腿通粉有水準。唔係一般得個咸字，湯好濃味。應該加咗少少雞湯！火腿份量唔多但味道很不錯。最正係 d 通粉，透透地明好好趙，但又唔會過硬，仲好索湯凍奶茶夠味, 我仲覺得甜左d, 叫伙記加多D冰先飲$40比起茶記係貴左d，不過呢度環境衛生食物質素...無疑係較一般茶記及附近快餐店優勝得多嘅...餐廳也夠大，坐得幾舒服，不過自遊行較多，店員招呼開口也是普通話為先.

來到尖沙咀購物，肚餓的時候路過贊記廚房，看著不錯就進去點了幾個菜，蜜椒金薯牛柳粒料非常足，薯仔好軟，牛柳粒都不會韌，雞煲是香辣味的，雞肉夠嫩，香辣味都非常之入味，吃完還想吃，海鮮什菜煲就一般般啦，太淡，好在幾足料。還有他們的招牌煲仔飯，好香口，撈上醬油鹹甜味好吃吃得好飽，味道都不錯的，性價比幾高。 

一入去都算坐得舒服。歺牌選擇也有很多，我選了常餐A 有沙嗲牛肉公仔麵， 配牛角包，卡邦尼炒蛋加熱咖啡，盛惠$47....... 普通茶餐廳價錢， 面煮得太林吾好食，牛肉夠味既食得出係自己煮嘅沙嗲牛肉並唔係罐頭但係最難食係個牛角包。又林又出氣，非常難食

如何可以十分鐘內完成一個早餐？ 連鎖快餐店排隊時間太耐,腸粉炒麵外賣店太隔夜,粥鋪粥太熱,唯有車上叫外賣自取。每朝早要極速拎早餐返公司用9秒9去ko 份早餐係唯一選擇。又係叫腿蛋治加凍奶茶。如果鐘意厚蛋治可以試下依間奶茶係滑。但飲完好口渴，不過習慣每日一奶茶，唯食飲完勁飲水啦。想外賣又一到鋪頭立刻可以拎就預早25分鐘了。否則其實慢過連鎖快餐店

星期日放假，約friend出去尖東行街四圍揾嘢食，下午4点幾去左讚記食下午茶，我叫左出前一叮雞扒煎蛋麵加一杯咖啡，雞扒好大件，麵湯底冇味道，大不如前，咖啡還可以，friend就叫左咖喱牛肉飯加杯檸茶，買相很差，汁太多，見到已不想食！以後唔會再去。

星期日同屋企人無無聊聊, 逛東逛西~~~逛到肚仔餓~~都成4點幾, 先走去食下午茶~~唔知食乜好, 難得屋企人有主意, 黎左老尖讚記食下午茶。人唔算超多, 都8成滿。但唔駛等ok la..環境都算鬆動, 有唔少卡位。三人叫兩樣野些牙~~~第一個咖喱薯仔牛肉飯。賣相就唔靚架啦。 似canteen 飯。唔多開胃。薯仔煮得冧係好食既, 不過薯仔既然係菜色名既一部份, 就應該睇重d。可惜, 薯仔細舊, 成碗又得3舊。份量唔合格囉。雞扒蛋出丁麵。賣相幾好食落味道一般, 麵好硬。係中學生都識煮既丁麵都煮得麻麻 唔ok wo。另外雞扒稍肥。 檸茶沖得一般, 不過茶味唔會太苦澀, 因為加左兩包糖。

今日， 我帶了一個國內的朋友到店午餐，咁當其時因爲係下午茶時段，店內人流不多，咁我地被安排到一個放滿雑物既位置，都唔緊要啦， 其實都係一心諗住食完就走之後我地睇左餐牌，大家都叫左野食啦野食到左後， 其實我地都冇乜野， 因為從來冇諗過會係超好食， 因為國內既朋友就偏向辣既口味， 而枱上既辣椒醬佢就唔岩， 我就唯有幫佢叫辣椒油啦～我首先叫第一個光頭既阿伯，比辣椒油我，佢就好燥底咁攞過泥，因為碟辣椒油都偏少，國內既朋友唔夠，再叫我幫佢攞啦， 之後我就唯有叫第二個人， 呢個係一個短頭髮既阿姐，佢就好燥咁問我要幾多， 講真～ 我點鬼知個朋友要幾多喎～間間茶餐廳都係一瓶瓶咁放係枱上比人自己攞啦～之後我就同阿姐講一瓶攞過來啦， 點知阿姐大聲話一瓶 $80 喎～ 我真係想問下你地公司不如貼住添加辣椒油要收錢啦， 我覺得佢係超級冇禮貌，野食好唔好食係其次， 連最基本既態度都冇， 唔會再去

今早行過尖沙咀寶勒巷 ，見一間茶餐廳咁多人嘅？於是入去看看， 侍應好快叫我坐低坐，我望望餐牌， 全部不是香港茶餐廳嘅傳统早餐喎，雖然有傳統通粉早餐，但亦都有一些不同款式， 於是我叫了一個肉燥米線啦，有份炒蛋加隻牛角包， 好多茶餐廳都是方包(還要不好食)， 吃過後，肉燥不咸， 配合米線，非常恰到好處！ 我相信這一類餐廳早餐沒有其他地方可以食到， 今日能夠食到一份特別嘅早餐簡直可以令人全日心情開心， 如果有得可以再揀我一定會再返嚟時間茶餐廳，再回味再食。

由於工作關係，路經食肆林立的尖沙嘴。在這一區找一間早餐的份量與價錢成正比的餐廳，其實並不容易。   看了附近幾間餐廳門外早餐系列後，發現「讚記廚房」"精美早餐"幾吸引，還不錯。於是決定入內光顧，試一試。   餐廳內部裝修觀感都不錯，光線十分光猛及坐位嘗算寬敞。坐在餐廳內，侍應們忙著整理外賣無時間替我落單；我等了大約八分鐘左右，才有侍應行過來。我點了吉列炸魚柳配火腿加香滑炒蛋加牛角飽及奶茶。  先說早餐，觀感都不錯，色彩配答鮮艷。但是美中不足的地方是脆炸魚柳太細塊了。原先菜單中的圖片，跟侍應拿著餐碟放在枱上時魚柳的份量印象𥚃有點落差，但是以整個餐份量而言是可以接受。   用餐刀切開以麵包糠炸魚柳，感到內𥚃魚肉很鬆軟。食起來炸魚柳外面脆內𥚃軟，好鮮嫩及好鮮味！接著吃炒蛋，煎煮的火候是拿揑得剛剛好，質感算嫩滑。火腿都煎得不錯，沒有流失過多的水分，肉質鮮嫩。還有再吃新鮮蕃茄及青瓜很水嫩，味道好天然的。再品嚐牛角麵包，麵包質地不太鬆軟。可是食起來不太油膩，嘗算可以。至於熱奶茶，淡奶多過於紅茶，導致奶味重而茶味淡。

這次來食，實在是誤打誤撞而來原本是想上堂前去吃米線，但竟然走過頭了，又不太懂如何走回頭路所謂既來之則安之，就在此一吃MENU第一版已看來很吸引，讚記客家沙薑雞套餐及讚記川味口水雞套餐，同樣是$65， (可加工$10轉雞脾)女友遲到了，叫我幫手叫個讚記川味口水雞，我也不假思索就叫了另一個雞，於是最後就叫了兩個雞餐各一女友來到不久，兩個餐也到了，她看了大家同樣的套餐，也有點哭笑不得讚記川味口水雞套餐，是麻辣的，多吃無益，即使很愛吃辣也要注意身體，適可而止我的是讚記客家沙薑雞套餐沙薑中含有豐富的維生素和大量的微量元素，能幫助補充身體中的營養。不過總體來說雞肉質素只是普普通通，不算很滑，但總體是不過不失。

夜晚要去寶勒巷附近上堂，其實果頭都有唔少餐廳，但今晚食飯時間唔太多，就係附近搵間茶餐廳。見呢到有好多位又唔太多人，就入去食個快飯。晚飯時間黎講，佢都算少人，位置任揀，得幾枱客，見到有一枱係遊客。環境都唔錯，幾光猛，因為本身都唔多野做，侍應唔多都無所謂。打開餐牌，價錢以茶記黎講都算貴，可能因為係尖沙咀區，常餐都要接近$50，咁我就叫左個生炒牛肉飯。炒得夠鑊氣，幾好食，有好多牛肉粒同菜粒，好足料，飯粒粒分明，惟一係味道稍鹹。

贊記喺公司附近...所以經常性喺度食早餐...由於本人實在太專一啦...每日都係叫同一樣ge早餐😂😂😂因為發覺每日食完ge感覺都唔同，有時好飽，有時就唔夠飽，所以就諗住記錄吓每日早餐ge份量😂😂😂雞扒同蛋ge size好難捉摸🤦🏻‍♀️不過，炒蛋真係好好味😋😋😋雞扒又好嫩滑😋😋😋

寶勒巷的讚記感覺是茶餐廳和小菜館的混合體。 和朋友兩人在尖沙咀不知要吃什麼時候， 見到讚記的裝潢不錯就跑了進去。 點了兩個小菜晚餐。 ※蝦仁炒蛋: 炒蛋非常嫩滑，蝦也是蠻大的。 最神奇的是配的例湯。 平常茶記上例湯只是一碗一碗的上，但這裡是大氣的 一鍋給你。 ※咕嚕肉: 味道可跟小館子或小酒樓媲美， 蠻好吃的。 套餐還有配白飯及飲品。整體上 這個價格 非常合理。 在尖沙咀哪裏都貴的狀態下， 確是找到一家 可以坐下 聊天的 合理價錢小館子。 地點接近尖東的巴士站 及尖沙咀地鐵站。 所以 推薦大家可以去試一下。