讚記廚房

营业中

休息中

食物可以嘎。點左個支竹火腩飯。凍檸茶小甜個茶就一般般啦。好澀。服務就真係差D啦好似差距3千800萬嘎。幾本服務業嘎禮貌都冇咯女性服務員Ok。男嘎就真係差D啦。買單65。

作為家中最細嘅二弟，今年20歲還在進修讀書中！平時都係伸手問攞錢，從來沒有賣過一瓶水比我！只會亂花錢。今天帶他出來行街買其最鐘意的一款球鞋，可以太開心，居然話請我吃Lunch終於覺得大個仔雖然係食米線但係都實在太開心因為係佢識得俾錢呀米線炒得好唔錯咬落韌軟適中仲帶住啲嚼勁，蝦都有好幾隻入味鬆氣有少少蛋香味，好唔错F1老干妈星米。一個人一碟有點吃唔完！喉嚨好難咽，點杯凍加冰的檸樂落去即通暢舒服，無水送吃米線攞命咁乾喉嚨

我點了煲仔飯，結果俾左另一個餐我。個阿叔完全唔覺得有問題，只說「你轉唔轉吖？不過要等多25分鐘」。我話「我已經坐左半個鐘，仲要等半個鐘？」阿叔回應「唔係半個鐘，係25分鐘。」阿叔，你好野！😡

又黎尖沙咀食晏，見佢午餐有生炒糯米飯就叫左黎食。餐飲叫左個凍奶茶。奶茶係正常水準，無話溝得唔好飲嘅。唔係講笑，個飯真係好足料：臘腸，臘肉，潤腸都各有兩至三塊，雖然肥就肥左啲，但係食落都唔係話咁油𣺉𣺉。而蝦米，花生，蛋絲都係夠嘅。但略嫌啲糯米飯生左啲，有啲飯芯仲未熟晒嘅。整體都算可以，作為步入冬天嘅踏腳石係合格嘅。

尖沙咀茶仔，第一次食呢間，見門口4x蚊午餐set, 但入到去就改變主意食特餐45位，沙爹牛肉出前一丁，仲有奄列加牛角包同野飲，我覺得咁的價錢算幾抵食。環境舒服，而且侍應好有禮貌，做野又快手，比個讚先。

特餐A牛角包變早餐方飽，價錢特餐價！問除方飽仲有咩選，有：仲有多士，原來多士得半塊，方飽一塊，服務下等沙爹牛肉麵雖然係出前一丁，可惜煮太耐凍奶茶還可以，整體下等不會再幫親

今朝忙完一輪，足足企左6粒鈡，先知已經望下個鐘先知已經點幾兩點，去食個lunch先，已經唔想思考甘多食乜，隨便走左入去呢間茶記食～典解B餐有得食Off嘅？！(無聊廢up中）想食少少蔬菜，就揀左個C餐～凍好立克係我其中嘅至愛，呢度杯野係抵讚，平時出面茶記稀林林，多水冇味冇道，呢杯夠味夠濃郁！菜遠煎蛋牛肉飯煎蛋7成熟，邊脆流心～不過呢⋯菜遠就真係離我好遠…（得2條喳！）但反而牛肉唔少wor，牛肉＂嗱＂過就一定架喇，不過，都可以喺接受範圍內，汁嘅味道可以，不過一般茶記豉油豆粉上lor～飯份量好多，哎喲，今餐做左大嘥鬼！Chair都未坐暖，拿林又開工！

叫左個玉蘭臘味炒飯50$,雜果濱治+12$,先黎杯野飲正常的...唔洗點講究..但之後等左過12MINS仲未黎就叫一叫人.佢知咩事就唔應我一聲就走左入去,隔左5MINS咁上下終於黎了.好明顯係漏單,但D職員若無其事無半點唔好意思..一望就知出事..勁多油..食一啖仲以為濕炒..之後理智話我知我要頂硬上..一餐半餐永無下次就食LA..係臘味同芥蘭有返D味..但飯就巳經糟塌哂..比D油同鹽整到好唔健康同咸..隔離台個唔知咩中東人士..似一家人又似熟客..D職員變面對佢地好好招呼..而佢地其中一個成員就不停係我台下面個拉櫃拉開取D餐具呀紙巾..拎完又"BAND'返埋黎影響到我但佢完全無唔好意思...唉.. 成餐飯都變得無生氣..純粹E肚..

Lunch真係諗唔到食咩好, 見讚記唔多人食個簡單lunch都唔錯。白汁加栗米，個汁比較杰身，撈完個麵唔係好夠汁咁….炸魚柳香脆，魚柳好滑，食落口仲熱辣辣，仲有2塊火腿。意粉就比較淋啦。一個lunc都係$48好平，份量又多。

帶小朋友在科學館玩完，大概晚上六點左右，走到寶勒巷見到讚記，未試過就試試。點了兩個小菜套餐，菠蘿咕嚕魚塊和蝦醬通菜鮮魷。味道不錯，但價錢在尖沙咀來說是差不多。套餐包例湯、白飯和餐飲。菠蘿咕嚕魚塊味道不錯，酸酸甜甜，配上洋蔥、蕃茄和青椒，賣相和份量皆可。蝦醬通菜鮮魷蝦醬味不是太濃，餸飯不錯，鮮魷不太難𡁻，算滑滑的。最後餐飲叫了杯茶走，甜度剛好，但我喜歡再甜一些。

尖咀既下午茶不嬲都要40蚊以上，價錢無得減，唯有搵間大件既茶餐廳食飽啲讚記既特餐算係咁，有粉有蛋有牛角飽，有野飲，一於入去試下餐廳好大間，有好多卡位，兩邊舖，唔仇無位，處處有電視睇。餐牌上有款既下午茶，同埋特餐，好多選擇特餐：沙爹牛肉米粉，牛角飽，奄列，熱奶茶，45蚊特餐本身係包出前一丁，但因為今朝先食完，所以轉左米粉。當個米粉一到，我以為黎錯，竟然係出前一丁既湯底，米粉係彈牙既，好味。牛肉既汁還可以，不過牛肉發得太淋，太假唔敢食。好彩個米粉味道尚可牛角飽熱辣辣，不過唔脆，大細適中。奄列入面有番茄加火腿，味道幾好，配牛角飽食唔錯食完上面既野基本上都好飽，飲埋杯熱奶茶就剛好完滿。茶餐廳既奶茶不嬲有保證，茶味濃，有少少澀味，奶味唔重，未有種厚滑既感覺，整體奶茶味道算好總括黎講，價錢45蚊算普通，份量夠，米粉同湯既味道唔錯，配牛角飽算有少少驚喜，奶茶既味道亦好，整體感覺好最後要講講，佢個廁所真係好唔得，雖然唔細，不過臭味濃郁，忍到唔去既話都寧願出去第二度再搵廁所

當一個人吃飯時，往往都以簡單和簡便為主，茶餐廳和快餐店便提供了簡單而又快捷的餐單，故可不用想得太多。尖沙咀的讚記廚房，雖不是第一次到來，卻可以簡簡單單的，也無需排隊也沒有排隊的煩惱。茶餐廳的餐牌，也許是一式一樣的，只是編排有所不同吧，而午市套餐卻可以免卻從餐牌中選擇食物的煩惱。中式例湯一向不是在下首選的，但在讚記，卻只有例湯一款，故好過沒有吧。例湯一如既往，偏向淡味的，當中只有一塊紅蘿蔔及瘦肉，湯料十年如一日地少呢，也許這就晬茶餐廳的文化吧。紅燒豆腐班腩飯。單點紅燒豆腐，只是一款素食菜式，加上班腩，變成不平凡，表菜中也有魚食吓。豆腐成一塊磚頭般，外層金黃內裡潔白，入口外層略脆，內裡柔軟若綿，班塊雖為呈黃色，但略為硬身少許，但內裡亦算是軟硬適中。熱奶茶。沒有見過沒有碟的熱茶，實在是一奇景，也許就是趕不切清洗吧。在下依然沒有把糖放在茶裡，只有喝著茶原來的味道，和加上淡奶的子滑度。茶固然要甘醇和茶香，但這杯也不錯吧。茶餐廳的好處，就是不會太過花巧，速戰速決和簡簡單單便可以了。

讚記在我工作地點附近，但去得不算多，原因是新開張初期去吃午餐，有小強從天花而降落我女同事手臂，她沒有叫，只是揮小強落地時還被其他食客側目，直到我指一指地上正在爬去她們腳的小強，她們叫得全餐廳也聽到，對比下女同事真淡定。先說早餐，都是普通茶餐廳ABC餐，另有茄通之類。沙爹牛麵餸湯底很淡，麵質較淋，不太喜歡。較好是那麵包並不是多士。午餐每天有5款，每天13:00也要排隊。椒鹽豬頸肉炒飯，份量夠大，也很惹味。西冷牛扒意粉，牛排和汁料份量大，一般茶餐廳味道。晚餐以小菜套餐爲主。嘟嘟雞煲的雞肉很滑溜，豬潤充滿肉汁，夠火喉！

外遊差不多兩星期，回到香港，當然要第一時間溶入本地文化，來茶記吃個富有本土色彩的下午茶餐吧！旅遊期間喝了不少朱古力、紅酒之類的飲品，實在十分掛念我們的港式奶茶。讚記的奶茶茶味不錯，倘若奶再多點會更好。今日的主角是豉油皇豬頸肉炒麵。其實讚記的炒丁向來做得不差，今次改試炒麵，味道一樣感覺良好。不過豬頸肉則肥了一點，入口較靭，這方面可有進步空間。

在酒店工作完畢，與同事們去找一間茶餐廳hea一下，吹一下水尖沙咀茶餐廳林立，可是味道卻參差不齊，一不小心就會「中伏」和同事走到讚記前，見門面好像不錯就推門而入看到有圓形的型格梳化卡位立即衝上去坐，侍應亦醒目快手遞上餐牌看看餐牌，下午茶來說算是比較貴，不怪，旅遊區是會貴一點。快手點了星洲炒米，貪其夠平民，味道差極有限；而且咖啡是即磨，不是水煮的也好。上菜速度一般，也是咖啡先上再到食物，且看張誇的食後感：茶餐廳的水平比比皆是，環看整個尖沙咀都有同樣水準的茶餐廳沒有特別吸引的地方，姑且一試也沒必要再來了！