豊勝手丼 (已結業)

今日同女朋友去銅鑼灣諗住買風褸，行行吓覺得肚餓🤧🤧，就去咗搵嘢食，就俾我哋搵到呢一間😙😙。咁啱我又想食日本嘢，就會入咗去食。😆😆------------------------------入到去舖頭空間唔算好大，座位唔算好多，但勝在裝修得幾靚，去到好似去咗日本咁樣。🥸🥸------------------------------我自己就嗌咗一個丼飯同埋一支嘢飲。我嗌嗰支蘋果梳打，好重蘋果味，好好飲！😍😍------------------------------平時食得多普通魚生飯，今日就想食下啲唔同嘅嘢😎😎。所以我就嗌咗炙之海鮮丼。個丼飯都有幾款唔同嘅海鮮，再加埋燒過就更加好食！😋😋------------------------------我女朋友嗌嗰個海之幸丼飯就比較豐富一啲🥸🥸。我哋交換嚟食，啲海鮮都好新鮮😙😙，完全唔會腥。當中我最鍾意食嘅係海膽，食落幾鮮甜🥰🥰。下次再嚟我都會想試吓呢個。🥳------------------------------下次嚟開銅鑼灣，食飯又多咗個選擇揀！🤩🤩

已有一段日子沒有吃過日本菜，難得今天放假，午膳一於去我的飛弗，要吃過痛快啊！大約一時到達，幸好剛有位，便立刻坐下了。坐下後，店員溫馨地提示光顧午市套餐，可享8折優惠；如通過Openrice 訂枱，光顧A La Carte menu，可享75折優惠的。研究完餐牌後，叫了午市套餐的五品貝之風呂丼，套餐跟前菜、沙律及麵豉湯，另加了$20，追配小食炸蟹肉薯餅，及叫了飲品完熟白桃梳打。五品貝之風呂丼：五品貝是海膽、磯煮鮑魚、活赤貝、帆立貝及馬刀貝，一看便知是極尚之選，五款矜貴及新鮮的貝類可一次過品嚐。海膽味道先甜後甘，吃後更帶有after taste 的餘韻在舌上。磯煮鮑魚入味，肉質有口感。帆立貝鮮甜原味，至於活赤貝及馬刀貝也同樣出色，味鮮爽口，令人回味無窮！前菜：今天是烤牛舌，日日款式不同。沙律：蔬菜新鮮，醬汁帶點酸咪咪，令人醒胃。炸蟹肉薯餅：入口熱辣辣，外皮酥脆可口，內裡超級軟滑，確是推介之選！完熟白桃梳打：啖啖白桃清香，充滿果味，正！

咁啱同男朋友去開銅鑼灣睇衫，所以就諗住喺埋銅鑼灣食埋晏晝😋😋。男朋友難得提議不如去食日本🇯🇵嘢，咁我哋即刻揾吓邊到有日本嘢食，然後就比我哋揾到呢一間。🥳🥳------------------------------本身諗住飲白桃梳打，但我就唔好彩，咁啱賣晒，就唯有飲蘋果梳打。🤧🤧但蘋果梳打都好好飲，好重蘋果🍎🍎味。海之幸丼$298個丼飯擺盤好靚，而且刺身嘅份量一啲都唔孤寒，有好多三文魚子，超正😋😋。而隻蝦亦都好彈牙好大隻🥰🥰。海膽亦都好鮮甜😍😍！炙之海鮮丼$268燒過嘅海鮮同冇燒過嘅又唔同風味🥰🥰！食普通海鮮丼飯食厭咗嘅話，可以試吓食呢個😚😚！------------------------------對於好耐冇去過日本，又好掛住日本嘅你哋，可以去試吓食呢一間裝修得好靚嘅日本餐廳😚😚😚！

2022年1月14日 星期五今日晏晝諗住喺銅鑼灣食好啲，於是決定食日本嘢，以解我思鄉之情又再嘗試呢一間餐廳，之前黎到嘅時候都有好多人排隊，等咗好耐先可以入座，今次難得去到嘅時候無乜人，可能已經避開咗午餐人流高峰嘅時段入到去見到裝修仍然保持日本居酒屋一貫嘅風格，用木黎做主色，感覺好溫暖餐牌同我之前嚟食既時候好似有少少分別，但仍然主要係食丼飯，每一款圖片都好吸引，最後選擇左五品貝之風呂丼，仲附有前菜、沙律飲品同麵豉湯添，另外再加多一個小食等咗大約5分鐘左右，小食就首先送到，係一口炸豆腐，上面倒左熱豉油，食落去嘅時候冇咁熱氣，但係外皮仍然保持脆卜卜，裏面嘅豆腐好滑溜，味道好足夠，不知不覺間已經食完之後沙律同前菜就黎到，前菜係麻醬豆腐，酸酸甜甜幾開胃，而蟹籽沙律就好大碗，有好多沙律菜，幾爽口同新鮮終於到左丼飯出場，擺得好精緻，店員話因為無磯煮鮑魚所以轉左活赤貝，睇落去全部都好新鮮，其中帆立貝好鮮甜，而赤貝同馬刀貝都好爽脆，唔需要點豉油都已經好夠味至於我最鍾意嘅海膽，食落去一啲都唔腥，仲充滿海水味添，無論就咁食或者撈飯一齊食都咁正，而且份量都唔少，食得好滿足！！埋單$500有找，可以食到咁新鮮既

登龍街出名多野食 同friend行下行下銅鑼灣 經過呢間日本店覺得裝修好靚 一於試試佢先門口位已經好靚有個吧台位 好有日本感覺 成間餐廳都好岩打卡 當自己去左日本😛打卡地方之餘 仲可以打卡野食添 呢個9宮格入而係9種唔同既魚生 有三文魚 吞拿魚 三文魚子 海膽 蟹肉 蟹膏等等 鮮味十足 不過我同朋友2個share就覺得份量唔夠 所以再叫多左個刺身飯有飽魚 帶子 海膽 赤貝等等 超級滿足最後仲有墨魚漬 就咁食幾好食 不過食食下就覺得太咸 但送飯一流推介大家都去打打卡

豊勝手丼🍱📍 銅鑼灣登龍街18號v Point 地下3號舖┉┉┉┉┉┉┉┉┉┉┉┉┉┉┉┉┉┉┉┉今日要介紹既，就係位於銅鑼灣，賣日式海鮮丼既居酒屋🏮， 一入到嚟呢間鋪，就有d 似去左日本🇯🇵居酒屋既感覺😮‍💨。 真係好想疫情快d 過去⋯⋯⋯好想去旅行🧳🌟大吞拿魚壽司 $68 /一件係幾好味既，有種入口即溶既感覺。🌟豐盛刺身盛合 $298我最鐘意就係個蝦刺身 同埋海膽，個海膽真係好正🤩， 另外所有刺身都好新鮮。🌟 豐盛壽司盛盒 $268呢個都ok 既， 不過對於我，好似件件壽司都差唔多🤣 講唔出有咩特別。🌟鮮漬丼 $268我覺得呢個抵食呀😂， 有三文魚醬油漬、油甘魚醬油漬、赤身醬油漬、赤海蝦🦞同埋 三文魚籽，另外呢個係set 餐，有配湯、豆腐同沙律🥗， 加多$20 仲可以追加小食，有吉列炸蠔 2隻。🏮由於疫情，堂食會有8折👍🏻😌整體推介指數：❤️❤️❤️❤️🤍┉┉┉┉┉┉┉┉┉┉┉┉┉┉┉┉┉┉┉┉

最近在網上看見一間頗為吸引的日式料理餐廳，向來愛吃日本菜的我當然不能夠錯過吧。這間日本餐廳是位於銅鑼灣，名為豊勝手丼。而這頓飯個人相當滿意😋！首先想向大家介紹一款很特別的前菜-蟹膏豆腐。蟹膏的味道很濃郁而且口感軟滑，在上面還有一些很新鮮的魚籽。除了蟹膏豆腐外，前菜還包括了麵豉湯和沙律。也有一定的質素保證！另外，我想向大家推介的是厚燒牛舌，牛舌燒過後的味道更為濃烈，加上店舖提供的蔥花和脆炸香蒜片，整體口感的層次變得更分明。接著我想向大家推介的是我當日吃過的主食-炙之海鮮丼。這個丼飯的材料非常豐富，包括炙燒三文魚、炙燒吞拿魚、炙燒左口魚、炙燒扇貝等。個人認為大家絕對不能錯過，餐廳本身購入的海產類相當新鮮，再炙燒過後，成功把魚的油脂逼出來，而魚油再配上一口丼飯，真的是一種享受呀！最後我嘗試了一枝日本製造的完熟百桃梳打，百桃味也很香濃而且不會太假，絕對值得再嘗！誠意推介大家來這間餐廳享用美食😋😋

🔼見到openrice 訂座有75折book 咗試下，，鋪頭裝修日系，好似去咗去咗轉日本🙆‍♀️🔼叫咗lunch menu 嘅三笑丼，點解叫三笑丼，因為有三款蝦，吉烈炸蝦、赤海蝦、甘蝦～全部都係蝦蝦蝦（哈哈哈），好似笑聲咁，咪叫三笑丼囉🤣，味道方面，啲蝦新鮮好彈牙，而且白肉熱量低，減肥食呢個丼就無咁邪惡🔼 丼飯配咗沙律、前菜、湯，沙律清新有粒粒粟米係上面，增加鮮甜咬口。前菜係麻醬豆腐，清淡冰涼開胃，湯有好多海帶😚提鮮有咬口

又嚟到Happy Friday , 當然食好啲要慰勞一下自己啦😋嚟咗豐勝手丼, 之前試過佢哋嘅晚市相當唔錯, 所以今日就黎食lunch🍽佢地12點開門我就係正正呢個時間嚟食😊免得食飯時間同人逼, 估唔到已經有一排人係未開門前已經開始等位, 好在我隨佢地後都入到😃一坐低店員介紹lunch set會包含前菜等😊我二話不說選定了😋:- 鮮漬丼🍣 $268(隨餐附送沙律, 前菜同吸物, 飲品包左汽水), 改飲品為波子汽水🥤+$36首先講講佢地既前菜:新鮮嘅沙律菜係冇得輸嘅, 而滑身嘅豆腐配合濃厚嘅麻醬👍🏾份量非常之多🌝飲埋飲噌湯其實已經半飽😂輪到主食🍱:刺身份量一啲都唔吝嗇, 全部都係厚切而且肥美(有三文魚醬油漬, 油甘魚醬油漬, 赤身醬油漬, 赤海蝦, 三文魚籽)刺身嘅鮮味完全係口中釋放, 而油脂分佈均勻豐富, 赤海蝦好大隻, 咀嚼期間整個海蝦黏合係我口腔內🥺而三文魚籽大大粒, 醃製得恰到好處!另外好多人食刺身丼都唔會好注重佢嘅米, 而我係非常喜愛食日本米, 佢哋嘅咪粒粒圓潤煙靭, 而且落醋份量適中, 配合少量醬油同三文魚籽已經美味😋雖然我一開始已經半飽, 但最後都比我食清😂

適逢放假，我哋嚟到銅鑼灣行街，肚餓就嚟到登龍街呢邊搵好嘢食～見到呢間日本餐廳，就嚟試吓～佢嘅午市套餐幾抵食，包前菜，沙律等等，唔錯鮮漬丼$268有好多新鮮嘅刺身，包括三文魚醬油漬，油甘魚醬油漬，赤身醬油漬，赤海蝦同埋三文魚籽～三文魚🍣大大片，好厚肉，刺身蝦好爽口，油甘魚同樣新鮮～三文魚籽大大粒，仲有好多魚籽汁，配飯一流照燒牛舌$88一碟有好多厚切牛舌肉，配埋炸蒜同埋蔥，牛舌肉燒得幾香，牛舌食落覺得煙煙韌韌，幾有咬口波子汽水好有童年回憶嘅波子汽水🥤

尋日同阿媽行完山，依家有冇晚市堂食，我哋3:30嚟到銅鑼灣覺得有啲肚餓，見到呢間日本餐廳，感覺幾吸引，就入嚟試吓～下午茶時段有午市套餐前菜午市套餐包沙律🥗麵豉湯同埋鮮豆腐～沙律菜幾新鮮五品貝之風呂丼 $348超級豐富嘅丼飯，有海膽，磯煮鮑魚，活赤貝，帆立貝同馬刀貝～刺身都好新鮮，有好多海膽，食落覺得好爽口，大大隻鮑魚，切開一塊塊，食落覺得煙煙韌韌，赤貝同帆立貝食落都幾爽口信州蘋果梳打$36好香甜嘅蘋果汁🧃幾好飲～餐廳職員服務態度幾好，幾值得幫襯～

銅鑼灣登龍街出咗名好多嘢食，尤其是係超多日本餐廳，今日我就試咗呢間<豊勝手丼>趁12點啱啱開門我即去，咁就一定唔使等位啦。原來堂食仲有八折優惠我揀左餐廳新出嘅人氣之選 : 白雪馥之丼 $228丁香魚干，塩菊帶子，碎蔥吞拿魚套餐跟沙律，前菜，麵豉湯丁香魚干 : 食落去冇魚腥味，反而有一陣淡淡嘅奶味，第一次食啲魚干仔係咁嘅味道，好新奇😙塩菊帶子 : 師傅好有心機咁砌成一朵玫瑰花，黑松露味好香，帶子軟綿鮮甜碎蔥吞拿魚 : 吞拿魚蓉口感幼滑

陪老婆行完sogo，揀左呢到食午市餐，有定食套餐，款式好多，每款丼都會附送前菜+ 沙律+味噌湯我揀左鮮漬丼一碗有5款餸；三文魚籽、油甘魚、三文魚、赤海蝦同赤身吞拿魚，剌身鋪滿好足料，另外追加咗份吉列炸蠔，金黃色炸皮好吸引，有蠔鮮味老婆食白雪丼，有丁香魚干、塩菊帶子、碎䓤吞拿魚蓉，吞拿魚蓉好肥美，帶子厚肉鮮甜，第一次食丁香魚干，好特別，佢追加左油甘魚 ，剌身唔係薄切個種，賣相好靚仲用船仔載添，我哋以為會求其用碟上㗎咋，油甘魚鮮甜值得一讚係侍應服務幾好，會主動幫手加茶

平日晚上跟友人到了登龍街一間日本小店吃晚飯。餐廳東洋氣息濃厚，加上特色的佈置形成日本味很重的居酒屋。最後點了是豐盛壽司盛合，十二件壽司各有千秋，壽司愛好者的我食左呢個一番人氣盛合。海膽同帶子夠新鮮夠鮮甜，仲有大蝦同大大舊鰻魚，食到十分滿足拖羅好多魚香仲要係大拖。仲有我鐘意的左口魚上而燒香過，食落去魚油夠香好滿足。小食吉列炸蠔，十分香口，醬汁越食越上隱，炸到脆卜卜好香脆，入面蠔肉夠熱內面咬入去又好juicy,下次一定會再返食。牛舌切得夠厚，外層有焦香味調味又夠味燒到不會過火喉剛好。。飲品我就要了波子汽水，味道清新可口，一點都不普通,揾番童年感覺。最後覺得員工服務態度不錯好友善，食物質素是可以的而且有好多選擇。

反完半日工，收工梗去食餐好慰勞自己😙星期六竟然有午市定食，隨餐會附送沙律🥗前菜同味噌湯，仲可以優惠價追加小食🌟白雪丼，見餐牌寫人氣之選，有丁香魚干、塩菊帶子、碎䓤吞拿魚，以塩菊調味好特別，有助進一步帶出帶子嘅鮮甜🌟鮮漬丼好豐富，有三文魚醬油漬、油甘魚醬油漬、赤身醬油漬、赤海蝦同三文魚籽，赤身好高質，柔軟而有魚味，赤海蝦厚肉大隻，剌身醬油漬嘅調味並唔係死鹹㗎🌟油甘魚 （追加小食）用小木船盛載，有3塊剌身，色澤新鮮誘人🌟吉列炸蠔 （追加小食 ）熱辣辣，外層酥脆，蠔味濃總結🌸wasabi 係原條磨個種，味偏辛辣，記得一次唔好落太多，否則超嗆鼻