豚組 (已結業)

不敵日本幅射!~是日不用等位,放學後決定試下豚組 我一向好少食吉列炸物因為會爆瘡而且又唔健康但為左芝士包包!!! 決定一試...二人行! 點了二個套餐加一個雞軟骨...炸黑豚肉定食 - 食友推介, 雖然我唔係好識分白同黑既分別 黑豚肉有D un...芝士包包定食 - 一切開D芝士爆出黎....超澎湃....外皮鬆化&芝士味濃郁! 推介x1000000000000*雞軟骨 - 賣相很小氣...好似得幾粒咁 而且唔係特別好食....所以唔抵食!...有機會 會再黎食芝士包包

之前實在唔明點解有 d 食吉列既餐廳可以收禁貴，今日食完豚組，對比之下茅塞頓開豚組鋪頭其實幾大，加上成個 basement 有幾間餐廳，大家都係間間餐廳都排下，所以事實上就算多人都唔洗等好耐 因為都唔太餓，所以 3 個人點左一個芝士包包，一個普通吉列豚肉同埋一客餃子我地就一邊磨芝麻做醬料，一邊寓等待於娛樂首先黎餃子，食落覺得唔錯，以一間唔係專做餃子既食店黎講算係非常到家之後芝士包包同普通豚肉都好快就黎雖然有心理準備，但一切開芝士包包果下，d芝士好似火山爆發咁湧出黎芝士味濃郁，味道中規中矩，因為芝士關係會較其他餐飽另外個餐既吉列豚肉相對細件冇芝士既關係，一食落去就食得到好柴好乾，點左醬料之後感覺會好少少主菜之外，白飯，椰菜絲都有 d 不足既地方白飯飯味欠奉，而椰菜絲唔知係咪太幼而且唔新鮮，食落口唔爽亦都唔清新點椰菜絲既醬汁有柚子同 wasabi柚子味偏酸，所以唔洗落太多，少少就好夠味wasabi 味唔重，要細味先食得出味道我唔會經常食吉列，所以食既時候都想食得好少少，始終一分錢一分貨，下次會去另一間食豚組呢個價位，相信可以去其他餐廳食到更好質素既一餐

約認識近廿年的老友在旺角食飯，我一直覺得旺角這區是沒什麼好吃的，所以選址的重任就交給他，由他引路到達在家樂坊的豚組。由於時間尚早的關係，直行直入，無須等位，甚至可以選擇位置。不過，我們坐下不久，陸續見到有客人入座，還不到十五分鐘，全場已經爆滿，好在早一步入來。我和老友都點好了吉列的食物，那又輪到一個好玩多過實際的磨芝麻時間，大家起勢咁「盅」，把碗來的芝麻弄好，又確實是幾香的。先講老友的吉列組合，是吉列白豚配吉列蠔。白豚炸得幾乾身，顏色金黃，不會油淋淋咁，吃起來雖不算很鬆化，至少唔會硬柴柴咁，沾上醬汁，大概都是可以接受的。吉列蠔不很大隻，說鮮甜嘛肯定不是，還好的是沒有炸過火，蠔汁仍得以保存，中規中矩罷。我揀既係芝士包包，即是吉豬入面藏著芝士汁。用刀切開，芝士汁澎湃地湧出，一發不可收拾。豚肉本身是薄身又冇咩味，跟芝味濃郁的芝士汁正好匹配，只不過實在太漏，不能多吃。跟吉列食品的椰菜絲，感覺清新，吃落亦爽脆，自行淋上適量的柚子醬，帶出微酸的味道，都幾開胃，也正好中和炸作的油膩感覺；至於米飯，並不是頂級，但起碼飽滿軟熟，都滿意的。把淡淡的麵豉湯喝完，時間又差不多，之後還有節目呢！

還記得五、六年前，日式吉列豬排好像還沒得到香港人的歡心，香港人的味蕾彷彿接受不了吉列脆衣的刺激，在香港能站得住腳的來來去去只有那一兩家老店。不知是經濟起飛，還是社會進步，這一兩年間，吉列豬排成為了一個新戰場。先有從和幸燒肉店，插手進駐吉列豬排店市場的本地薑，再來更有拖著百年老店名號的銀座梅林也在K11亮起了旗幟，要數的話，還有幾家小店陸陸續續的殺入戰場，幾年前，完全沒人想過吉列豬排是個大肥缺。要討好香港人多變又沒依歸的舌頭， 一點也不容易，連老店tokichi也要求變，引入串炸和釜飯等新穎口味；豚組一轉陣地，在旺角開設新concept。價格比銅鑼灣店低一到兩成，用料卻完全一樣！再在基本餐牌中加入不少新菜式，把從前主打吉列豬排單一味的食店，一改成以豬排為主導，配上不少自家特色菜的日本菜食店。改變，也是一種進化。家樂商場的地庫，從Neway雄霸K市場後，地庫的GreenBox便像舞會上的宅男一樣，一直給冷待在路旁。改組後的家樂商場，地庫主打瀛食風。禮拜五的晚上，靠著手扶梯走到地庫，眼底下就是一個活跳脫的小日本地下街，撥開一重又一重的人，終於走到豚組的門口。報上名字，便給引到四人卡座。重新設

近排家樂坊地庫開左多間日本菜,繼上次試完失望嘅大阪王將,今次再試下隔離嘅豚組 ~是日下午12:30左右去到,場內仲有好多座位店內環境幾relax, 燈先柔和 ,waitress 服務好好~今次叫左3個 lunch ~首先係厚切豚肉石鍋烏冬 $55個湯底比較清甜,唔係好濃豬骨味,不過都唔錯至於烏冬,對比TST 間萬豚屋較軟身,同滑D,唔似萬豚屋咁彈身 至於豚肉出奇地好食,豚肉兩面燒過,帶有少少金黃,脂肪融化,肉質嫩滑 Good~第二就係牛肉咖哩石鍋烏冬 $55咖哩湯底好濃咖哩味,咖哩都好香至於牛肉就冇咩特別,唔及豚肉好食最後係吉列白豚定食 $68首先個係芝麻,芝麻比較硬,好難磨碎,同唔香,而豬扒醬汁帶點酸味,唔濃。之後個生菜絲可配柚子汁或芥末汁。我覺得配柚子汁好食D, 芥末汁好唔match,不過整體生菜絲唔清甜。至於麵豉湯,除左好鹹,都係好鹹。至於吉列白豚豬扒,炸得唔錯,但肉質鬆散,唔juicy,只屬一般。本人比較少食吉列豬扒,只記得一年前去過丼吉日本吉列專門店食dinner價錢明顯豚組經濟實惠好多, lunch set 都係 @$60~70 左右, dinner 都係平均多$20丼吉價

食夜市早去唔洗等位即入, 只見地方很大, 不過有點暗之前都一心打算食吉列芝士豚肉餐, 所以2個人共點左2個吉列芝士豚肉餐~等位期間整下D芝麻先~完成等左唔洗好耐就有, 但個餐一到就O左咀, 因為......超 級 大 塊 !有柚子同WASABI汁點個菜做沙拉, 2種都好正~ 我本身唔食WASABI但都接受到~柚子好清新~但建議唔好一開始就食曬D沙拉, 最好一方食豬一邊食沙拉, 無咁滯~真係好大塊......D芝士係源源不絕地流出黎架~好正呀~最後飲埋個湯, 飽到上心口, 好滿足地離開~出去果陣好多人等位~

一直以來都覺得 日本食物係收貴價錢賣d平ge食物呢間絕對唔例外今次係同朋友share食所以冇叫好多野 因為我覺得d食物好普通,唔願意再比錢買呢個餐正常成年人就咁叫一個餐根本冇飽ge感覺係咁食果兜菜 我睇見都覺得慘 好似食草咁飽ge感覺完全係來自d芝士 滯住你個胃,唔係真正的飽總括黎講d食物OK , 但唔會特別好食而且唔值呢個價 比一半都比多佢 ,另一半當比服務費

上次黎愛上芝士包包，今日忍唔住再黎。想點雞肉芝士包包和Wasabi芝士包包，但兩樣都無貨。最後要番原味芝士包包，味道依然正到爆，芝士醬一切開就 “bit”出黎，好香濃。可惜，豚肉唔似上次甘厚身，而係兩簿片地沾上炸粉，然後包住芝士炸，豚肉縮皮呢！一口芝士：外皮香脆，內里軟滑。海鮮奄列：極細件，海鮮細粒唔新鮮，難食。要左清酒一壺，壺酒坐係冰里，一攞壺酒出黎斟酒，就放唔番壺酒落冰度雪番，真係極蠢既設計。

睇完醫生八點幾，醒起家樂basement 開o左幾間日本野。一於去試下。。等o左半個鐘，終於等到。2人叫o左： 吉列雞扒拼虾定食 雞扒好食 ，虾太細炸得好脆，一D都唔油， 個沙律醬好好味 芝士包包原味炸豚肉超好味，一刀切落去，D芝士湧出o黎，好香好濃加＄15 由飯轉烏冬呢個稻庭烏冬好滑，正呀 通常食呢D吉列，會任食椰菜絲。但呢度唔會，只會隨餐有一碟 沙律汁有2款：芥茉汁同柚子汁2款都好，我較LIKE 柚子汁

之前在團購買了COUPON，$55 有一個烏冬，吉列白豚柳兩件和飲品。看到LUNCH MENU，團購真的很抵！因要一個烏冬要$58-62，飲品好像要加$10要厚切豚肉豬骨湯石鍋烏冬和牛肉咖哩石鍋烏冬。乳酸梳打要了白桃和士多啤梨。白桃乳酸梳打：有少少白桃的酸味。士多啤梨乳酸梳打：較甜，有點像杯裝乳酪的味。牛肉咖哩石鍋烏冬：咖哩只帶很少的辣，很濃味。牛肉不會過熟，應該是肥牛來的。厚切豚肉豬骨湯石鍋烏冬：豚肉好像是腩肉，半肥瘦，夠腍。相對牛肉那個味道較淡。烏冬都幾煙韌彈牙，但不算很滑。吉列白豚柳：來到時熱辣辣，剛炸起。不覺得油膩，但肉質有點鞋。這店的服務態度很好，而且時常給客人添茶。環境舒適，座位夠寬闊。

由於團購關係，一試了豚組。個deal係只需 $55，就有：厚切豚肉豬骨湯石鍋烏冬OR牛肉咖哩石鍋烏冬吉列白豚柳兩件乳酸梳打 (巨峰 / 荔枝 / 白桃)日本椰菜絲厚切豚肉豬骨湯石鍋烏冬，豚肉半肥瘦十分惹味牛肉咖哩石鍋烏冬，咖哩湯底好濃好好味吉列白豚柳，炸得好鬆化，個人覺得可以比得上どん吉乳酸梳打, 夠氣好好飲service 都好好，D野食好快上，D staff好NICE，我杯茶未飲過都主動行黎同我加幾次！我睇MENU仲有好多野食想試，價錢又唔算貴，一定會再去食。

吃過銅鑼灣豚組, 覺得很好吃。知道旺角開分店了, 當然要試試。點了三個定食: 炸蝦、炸黑豚及炸雞扒。吃過之後覺得有點兒失望, 因為味道都比不上銅鑼灣分店。最不滿的, 是白飯跟椰菜都不是免費添加的。白飯要加$10才可以任吃; 椰菜加一次要$10。食物質素已經不夠好, 還要加錢才可以添吃白飯和椰菜, 我不會再光顧了。點菜的時候有一段小插曲: 因為日本地震核幅射事件, 豚組張貼了一則告示, 說會暫定供應由日本來的食材。我跟朋友都不怕, 向店員要求要日本來的材料, 誰知店員解釋說除了黑豚, 我們所點的其他菜式一直都不是用日本食材煮的, 所以不受影響...... 聽到以後, 我跟朋友對望笑了。

一睇餐牌已好想食芝士包包炸豚肉，後黎連朋友都激讚好食，最後我地兩人同樣要左芝士包包原味炸豚肉定食。炸豚肉一切開，芝士不斷湧出黎，好感動啊！芝士十分香濃又份量十足；豚肉鮮甜又肉嫩，炸粉香脆但厚身了些。菜絲爽口，加埋柚子醬食最正。白飯硬身了些，而麵鼓湯亦咸左d。無論點，我會為左甘正既芝士包包再黎！

因為買了團購, 所以到來一試: 位於家樂坊地庫的豚組先叫了吉列豬扒配上秘製豬扒醬汁又叫了咖哩烏冬, 好熱, 好味, 但敗筆是烏冬會'痴'著個石煱最後點了炸雪糕, 因為是推介食落覺得太油, 跟經理說希望可改善, 她回覆已跟廚房講了, 服務好好整體覺得幾好, 會再食!!!!

除了朗豪坊，旺角終於有開飯好去處啦！位於家樂坊地庫的豚組是第一間拜訪的餐廳，去到還有陣新裝修的味道，地方企理，空氣尚算流通。門口已有大吉祥物，吉列豬扒日式食店的櫥窗擺設永遠都很吸引。有高達，有大廈，有火車軌，還有格格不入的鐵甲人。。。先來動手把芝麻磨碎，已聞到陣陣香味再加入濃汁，拌勻就成了吉列豬扒的好伴侶燒牛舌，墊底的銀芽好美味。有點可惜的是生菜絲不可添加，配有柚子汁或青芥末汁，試完分不出有什麼不同，而且油溜溜的，最後是用了沙律醬伴著吃。吉列蝦卷份量不欺場，最合我這類大胃王心意。吉列豚肉一定要點芝士的！每切一刀，都有大量的芝士白汁流出來，比起Coco一番屋的精采多了！而且豚肉仍有肉汁，炸漿不厚，整體不油。我不是什麼食家，以這樣價格的吉列豬扒，感覺上當然是比丼吉的優勝了，以丼吉的價位，在豚組夠吃兩餐，味道還差不太差呢。甜品是炸香蕉伴雪糕，必試之作！以這樣的價錢，真是超值的享受，推介大家一定要去試試！