豚道樂 (百合苑商場) (已結業)

因為聽講豚道樂8月有機會執…所以fafafoodie 7月尾即刻去食多次😟原來係續約問題… 暫時仲營業…要留意佢IG update#特上海老湯拉麵 🦐🍜每次黎豚道樂叫拉麵都一定加特上，會多左豬腩叉燒/紫菜/溏心蛋😛海老湯逢五六日限定，海老味濃，以前啲湯太杰身，而家進步左唔會太杰👍🏻，但今次就鹹左啲🙈有曲/直麵揀，直麵超幼身，呢度啲直麵既軟硬度偏軟，大家揀軟硬度時可以揀硬啲😉豚肩叉燒瘦得黎唔柴😚，豬腩叉燒有啲肥膏滑身啲，今次啲櫻花蝦份量有啲少😣溏心蛋一如以往咁好食，流心得黎有微蛋香仲有醬油味🤩HKD98希望佢撐得住快啲續約唔好執😭仲想試埋佢個鯛蜆白湯😣豚道樂黃埔#fafafoodie_紅磡

自從上星期試過呢間拉麵店期間限定嘅鯛蜆白湯拉麵之後，一直念念不忘，於是隔咗一個星期又再嚟試吓其他款式嘅拉麵。今次揀咗黑蒜油拉麵，湯底味道非常濃郁，有好香嘅黑蒜油味，朋友就嫌杰左少少，飲落有少少滯同肥膩。拉麵底揀左普通硬度嘅曲麵，一樣係非常掛湯。叉燒都係正常發揮。本身諗住有儲分卡會送溏心蛋，原來要叫特上拉麵先至有。可能上次嘅白湯拉麵太出色🙈，整體覺得呢個黑蒜油拉麵只係不過不失，相信其他地方有更好嘅選擇。

咁岩去開黃埔，見到呢間拉麵店好似幾好食，一於就入去試吓啦。見到鯛蜆白湯拉麵係期間限定款式就即刻order呢款。基本上揀鯛蜆白湯拉麵嘅話，餐廳已經set好咗邊隻麵，只係揀要唔要蔥同要唔要辣醬就OK。食拉麵最緊要就係湯底，湯頭非常濃郁，但又唔會話好油，一入口就食到鯛魚同埋蜆嘅鮮甜味，令人想一啖接一啖飲晒啲湯。麵嘅質地都啱啱好，唔會話好稔或者好硬。辣醬都好香，又唔算太辣。怕辣嘅朋友仲可以叫佢另上添。叉燒偏瘦，唔啱鍾意食肥叉嘅朋友。溏心蛋都好香蛋味，但我覺得太過流心，冇嗰種漿口嘅感覺。好想再嚟試吓其他款式嘅拉麵呢！

今日勁夜先收工去開飯🥲快快脆脆同屋企人食個拉麵～pick of the day🫶🏼: 🥢黑蒜油拉麵🧄($80)🥢原味豚骨拉麵🦴($72) 兩碗嘅配料其實係都一樣的😙 有木耳、芽菜、蔥花(可以揀走)🌿 個人覺得黑蒜油香好多 不過多幾注已經少膩🥹 豬骨湯底就淡味啲～煙燻叉燒大大片唔柴皮🥰 雖然啲叉燒比較鹹 但浸咗一陣入口啱啱好🤟🏻 麵質可以自己揀 我就揀咗正常硬度嘅曲麵 十分彈牙🤪 份量夠飽肚 價錢亦都相當實惠🙌🏻 我覺得overall真係唔錯㗎!! (所有拉麵加多$13 就多隻溏心蛋同其他配料🍳下次會嗌返 一定食得更加開心🥳)🥢日式一口炸芝士🧀 ($42)呢個小食梗係食得最滋味🤤 外層炸到金黃色卜卜脆✨中間嘅芝士流心成功拉絲添！

男友以前覺得拉麵好似唔飽又無乜料, 但自從食左豚道樂之後就完全改觀, 不停encore! 但好傷心九號水產結業, 佢地淨返香港唯一一間舖都只會做到七月底 真心要瘋狂食埋呢個月! (店長可唔可以搵新舖位繼續做呀)佢地不時推出既期間限定非常有誠意💛 而家果個係鯛蜆白湯配煙燻叉燒, 講究地另上而唔浸入去食就唔會失真用極上紅鯛魚同大蜆熬出🥛奶白色既濃湯, 好似媽咪煲果種豆腐魚湯既濃郁版, 1d都唔腥之餘仲好清甜 係我地一致覺得最正既湯底! 以前仲食過鵝肝鴨白湯🦆/蜆蟹🦀番茄湯🍅/海潮牡蠣🦪, 連肉同麵都會特別配好, 絕對係心機之作❤️常備款既芥末味係獨有既, 有通鼻果種刺激感但唔會辣到條脷同菊花唔舒服, 加埋芝士粉中和返其實好正🧀豚骨湯底濃郁得黎唔油, 加落清澈既鰹魚介🐟或者灑大量櫻花蝦變海老湯🦐都非常掛湯入味🍜 每次揀硬既直麵都可以做到我地最鍾意既爽滑口感配埋流心得黎夠入味既溏心蛋真係大滿足🥚 叉燒仲會分豬肩肉同豬腩肉, 炙燒得好香口🐷佢比同區既拉麵仲多左好多小食選擇, 炸物燒物都有, 香脆唔厚粉, 最緊要係每次都熱辣辣新鮮炸出🍤 例如呢個炸物盛合就有齊炸蝦、炸蠔、炸芝士, 超級豐富-🦀鮮海之

🍜魚介豚骨拉麵💰$85😈今日又去左黄埔覓食💛今日就無食到茶記就走左去食拉麵🍜其實我覺得豚道樂呢間幾好有超多Bar位選擇😈而我就叫左個魚介豚骨拉麵🍜我仲加左💰$13加左個特上之選😈佢有豬腩肉紫菜同埋溏心蛋🥚我覺得佢個豬腩肉夠薄身但有少少口感🤤而個肥瘦度都岩岩好唔會話好油膩😝我仲揀左普通麵食左煙Un有口感💛同埋溏心蛋都流心好好味🌝重點係個湯底超濃郁食落好香豚骨味夠重味🥟日式煎餃子💰$38😈而日式煎餃子🥟就一碟有5隻💛味道就不過不失😝好典型煎餃子🥟味道😈不過食落都唔算油🥔牛肉薯餅💰$18😈而牛肉薯餅都好好味🥲因為始終炸物一定係要用油炸先會好食同香口🤤佢個牛肉薯餅中間都好Creamy同唔會炸到散哂🌝個薯餅中間仲有啲牛肉碎粒🌝而價錢都唔算話太貴😝我都幾推薦豚道樂

知道豚道樂可能會因為租約期滿好快就要同大家講byebye🥲所以有機會真係要黎試一次💁🏻‍♀️第一次黎試就揀咗佢地經典嘅原味豚骨拉麵❤️🍜特上原味豚骨拉麵 ($85) - 湯底十分濃郁，質感結身而不膩，有驚喜😍拉麵方面我揀咗幼麵，麵質彈牙有勁，每條麵都好掛湯，同湯底亦好配合👍🏻由於想食多d料，所以轉咗特上，配料包括有豬腩肉🐷兩塊紫菜同半隻溏心蛋🥚咁就可以一次過試晒兩款叉燒🥰豬肩肉肥瘦均勻，味道岩岩好，而豬腩肉燒得好靚好香，肉質入口即化，兩款都做得非常出色👏🏻另有軟滑嫩口嘅溏心蛋，鮮脆爽口嘅芽菜木耳紫菜，加埋食拉麵一定不可缺少嘅香蔥+辣醬，係無敵嘅配搭🤩唯一係上麵時如果個湯底可以再熱d就完美了😊日式煎餃子 ($38) - 餃子底煎到金黃色，而且仲好脆口😋餃子皮唔會易爛，食落有口感，而入面嘅豬肉餡夠味又多肉汁，真心唔錯😺整體黎講好滿意今次咁豐富嘅一餐，感覺幸福☺️下次會想試下佢地特別d嘅拉麵，例如芥末拉麵❤️見佢寫話可以加芝士真係好吸引😍希望小店可以繼續經營🙏🏼如果唔係就要快d再去食多幾次先夠喉🙆🏻‍♀️

呢間位於九號水產嘅豚道樂 聽聞好似就嚟租約期滿 商場會重新整頓成個九號水產 所以呢間拉麵店應該進入緊倒數階段㗎啦😮今日係平日嘅中午 叫特上拉麵仲有前菜同汽水送 今日嘅前菜係叉燒粒 叉燒都燒得幾香🫢特上原味豚骨拉麵嚟得豚道樂 梗係食豚嘅湯底啦 所以揀咗呢個最classic嘅原味豚骨拉麵 豚骨味道都幾濃郁 質感有少少厚身 唔會係死鹹😄 但係飲完都係要飲返適量嘅水補充返 叉燒片有豬肩肉同豬腩肉兩款 豬肩肉就肥瘦適中 但係豬腩肉嘅肥膏部分真係燒得特別香 都幾邪惡㗎😻平日lunch hour嚟 仲有個平日限定嘅免費加麵一次 咁就唔怕食唔飽囉 整體嚟講 呢間拉麵質素都算唔錯 希望佢租約期滿之後 會喺第二個位置再開過新舖啦🥹

呢間拉麵店自由度真係好大🍜揀咗辛辣味噌拉麵 湯底微辣 幾惹味🌶最正就係佢哋個配料可以加錢轉升級特上！可以一次過試晒豬肩肉同豬腩肉 再加埋紫菜同溫泉蛋 份量十足！面底夠爽口彈牙 重好掛湯💕

海老湯拉麵要星期六日先有🦐upgrade去特上會多左紫菜、蛋同豬腩肉，推薦大家都upgrade，因為豬腩肉比一般叉燒好食好多。普通叉燒有D鞋口，還好有腩肉Balance返。湯底都幾濃😍但海老味唔算重，仲有少少膩。味道其實係唔錯既，不過比佢好既拉麵大有人在😉

位於黃埔有幾間拉麵店，今日嚟到其中呢間，見佢晚市終於開返！必選特上，會豐富好多今日食豬骨拉麵，以前食魚介，今日突然間想食豬骨。豬骨個湯底比較濃厚，比起魚介湯冇咁香口，不過豬骨湯底嘅掛湯能力真係一流，好快就將成個面底食晒。值得一提䓤花好足，大喜歡，唔鍾意葱既朋友記得走青。

今次係第二次去呢間食，決定encore係因為上次第一次食佢個湯底真係好好飲🤤 好濃又掛麵。於是趁佢開返晚市堂食又走去食。因為上次食咗普通辛（最低辣度），只係食曬成碗最尾先覺得有小小辣嘅程度。於是鍾意食辣的me今次就試下嗌下一個辣度🌶️激辛。我寫完紙之後個店員仲特登問我之前有冇食過佢哋嘅普通辣，我話有呀，跟住佢話所以今次想試激辛下嘛，ok。嗰陣我仲唔知點解個店員會咁貼心咁問我，宜家先知原來係因為個激辛真係唔嘢小😅碗嘢嚟到我食咗一啖就知gg了。首先佢個湯底係好味嘅，但超級辣🥵 嗰種辣係可以令你個喉嚨同脷有一種極尖銳嘅痛（雖然辣本身就係痛覺），同埋有一種極重嘅椒味。就咁食已經痛，飲完冰水更痛😅 最好飲返室溫水。真係食咗兩啖已經辣到嘌眼水鼻水。如果同數字表達嘅話，假設普通辛嘅辣度係1，我本身諗住激辛嘅辣度係2-3，但其實上係5。大概就係咁。最尾我等我個frd食完（佢嗌鯛白蜆湯，必須講嘅係真係好有海鮮嘅鮮甜同有濃嘅蜆味，好好飲）攞佢嘅湯底嚟稀釋返啲叉燒，溏心蛋同麵先食得落。但最尾都係淨好多。投降🥲

前日(5-4-2022 羌Tue)清明節假期,同老公去紅磡搵佢男友人M,之後食晏,去邊間食?豚道樂啦,荃灣嗰間冇咗.我哋行到嚟搵,佢係喺九號水產嘅入口,我哋坐bar位,睇完menu就揀咗:1. $90.00嘅期間限定鴨白湯拉麵呢個係香煎鵝肝鴨白湯,嚟到時睇,成碗湯係白色,但點解冇叉燒嘅?之後個女仔拎兩碟叉燒嚟,一碟係得兩片嘅,佢話呢隻叉燒唔好浸白湯食,因為係煙燻叉燒,浸咗就冇晒味.啊,原來係另上.麵嘅份量比老公嗰碗少,咁我食喇,先飲啖湯,唔似鴨白湯嘅?我飲到蜆味喎,唔通係我落完單後,等上菜時至見到另一個牌.寫住嘅鯛蜆白湯拉麵?麵嘅口感冇問題.最後證實呢個係鯛蜆白湯拉麵.味道:5分而煙燻叉燒都幾大片,味道係唔太濃,亦唔係柴皮.味道:5分2. $80.00嘅日本芥末拉麵我記得好多年前,小儀同金剛主持嘅飲食節目,就喺喺荃灣嘅豚道樂介紹呢隻麵,所以我哋都揀嚟試.而好明顯,呢個配菜多好多,有芽菜,沙律菜,木耳同藏紅花,煙燻叉燒都已經放埋入去,老公食咗半碗到我食,呢個連麵都係綠色,但芥末唔算好哽,湯底較杰,可能因為有芝士.味道:5分3. $26.00嘅蒜蜜味叉燒(3片)要肩都唔算細件,蜜味係有唔太

鍾意食依間拉麵店嘅原因係可以自己揀湯底、麵嘅粗幼同硬度、仲有落唔落蔥同辣度。同埋梗係可以追加配料啦😍😍。嗰次我就叫左黑蒜油拉麵，黑蒜油湯底好濃郁，有陣陣蒜香味🤤🤤。如果唔追加配料，拉麵本身都會有豬腩肉俾你食，都算幾足料😋。🍽黑蒜油拉麵: HK $80好味指數👅：🌸🌸🌸🌸✨特濃芝士豚肉依個炙燒芝士豚肉真係值得一試嘅配菜👍🏻，同埋最好趁熱食🤤，如果凍左食會冇左嗰種拉芝的滋味🤔。其實依個配菜係將炙燒芝士鋪係豚肉上面，再夾上紫菜一齊食😌。依個配搭我好似好少係出面餐廳食過，所以對我黎講都幾新鮮，亦都出乎意料地夾😍😍。🍽炙燒芝士豚肉：HK $20好味指數👅：🌸🌸🌸🌸

食肆真係好難做，荃灣間豚道樂早幾日頂唔住結業，要食就唯有去黃埔！雖然好掛住個獨特好味的Wasabi湯底，但見到期間限定係香煎鵝肝鴨白湯拉麵 $90，掙扎左陣決定試新野，仲加左$13升級埋特上。香煎鵝肝表面好似煎餃子咁有層薄脆，食落外脆內軟，入口溶化，正；至於湯底，之前試過雞白湯，鴨白湯就第一次，其實兩者幾相似。豚道樂個鴨白湯底香濃掛麵，我最後成碗飲晒！兩塊叉燒大大塊兼半肥瘦，溏心蛋夠流心，仲有露筍，蔥絲及紫菜，非常豐盛。平日午市仲可以免費加麵一次，大滿足！