豚道樂 (百合苑商場) (已結業)

久仰大名既拉麵小店，明明咁近屋企但係一路未試🤣週末夜晚七點半到都有十個人左右，好彩流動得快，排十五分鐘左右就入得🧐▪️ 海老湯拉麵 （7/10）💲85見呢個係五六日限定就試左先🤫蝦湯底濃稠，真係啖啖蝦膏既感覺，仲有大量櫻花蝦，要左硬身幼直麵都夠掛湯🦐豬肩肉好軟腍，豬腩肉有陣陣炙燒焦香，但係略油🐽配菜有香蔥、芽菜、木耳、筍、脆身紫菜、有醬油同蛋香既溏心蛋🥚其實鍾意重口味既人士一定好滿足，不過咁濃既湯對我黎講真係過鹹、膩同滯🙈▪️ 原味豚骨拉麵（7/10）💲72豚骨味同樣都係好濃，不過無蝦湯咁鹹，感覺好似一蘭嗰個味🤭🔎 整體評分（7/10）

今日一個人去完黃埔買嘢… 正在努力諗緊去邊度食午餐嘅時候, 見到九號水產入面呢間豚道樂, 排咗條長龍, 有差唔多十個人响度等緊… 就去排埋一份.. 呢度同日本D拉麵店一樣,有湯底揀, 仲有面嘅軟硬度, 要唔要蔥, 要唔要辣醬…. 我就揀咗星期六日先至有嘅濃蝦湯底, 仲好大食咁, 揀咗第特上即係有兩塊叉燒, 兩塊紫菜, 同埋半隻溫泉蛋.. 碗麵嚟咗之後, 睇落都覺得好好味, 食落啲湯底超濃, 有啲’傑’得滯，但係啲蝦味好香同埋好甜, 超級好食!!! 我覺得可以帶個兜, 將部分嘅湯帶返屋企自己煮麵!!! 另外, 我叫咗一支靜岡綠茶可樂, 味道其實同可樂一樣, 不過係綠色, 都幾得意!!!

仲記得黃埔嘅九號水產開幕嘅時候有過鋪天蓋地嘅宣傳 今日嚟咗黃埔行街就去睇吓九號水產嘅近況 發現有一半嘅位置都已經變成咗街市 不過依然有食肆嘅 我就嚟咗呢間豚道樂食碗拉麵😻拉麵湯底有好多選擇 常見嘅豚骨 黑蒜 海老呢度都搵得到 不過我就梗係要試啲特別啲 第二度搵唔到嘅湯底試吓啦😮特上日本芥末拉麵 我一向都係食壽司先會用到wasabi 估唔到芥末可以用嚟做拉麵湯底 碗拉麵一嚟到梗係要飲返啖湯先啦 一入口係有啲嗆鼻 不過其實佢又唔係全部都係wasabi味😂 都飲得出有少少醬油味 有少少甜嘅after taste 拉麵上面嘅叉燒都燒得好香 食落肥瘦都尚算適中呢個特上日本芥末拉麵真係好有新鮮感 鍾意試新野嘅朋友可以試吓 味道有保證㗎🥰👍🏻

唸起食拉麵🍜一定會唸起屋企附近豚道樂因為身邊人成日都話想吃拉麵自己其實就本身麻麻地只係自己比較怕湯底太油同濃味。但其實濃味嘅湯底應該是最吸引為了要滿足身邊人同埋我哋都支持拉麵🍜店。一定必食雖然地方唔係好大。但係坐得舒服同食得開💛值得一試

1. 特上原味豚骨拉麵(直麵) $85湯底香濃帶微甜, 食得出好足料同煲左好耐, 豬骨味好香. 麵底可以揀直或者曲麵, 直麵同一蘭基本上差唔多, 我地叫左普通硬度, 比一般偏硬少少, 不過啱我口味. 升級特上有兩塊叉燒, 炙燒過, 半肥瘦, 燒到少少焦香, 出色！其他配菜有唐心蛋, 木耳, 香蔥, 紫菜同辣醬. 紫菜同木耳好爽有口感, 好食.成碗拉麵應該要有嘅都有, 唯一美中不足係送到上枱嘅時候唔夠熱, 扣些少分2. 特上海老湯拉麵(曲麵) $98另一碗係限定嘅海老拉麵. 提提大家哩款要五六日先供應, 星期一至四係另一款限定-魚介豚骨拉麵.講番哩碗海老湯拉麵, 湯麵超濃海蝦味, 拍得住一幻拉麵, 口味比較重同稠, 同頭先碗豬骨幾唔同. 重口味同中意蝦味會好like. 配料都係特上, 同頭先一樣, 但係多左大量櫻花蝦, 為碗麵再加啲咸蝦味. 啲蝦脆口, 少少似炸魚仔, 食落好過癮, 就算浸湯都唔話冧哂.值得一提係因為湯底比較稠, 食完會有種飽滯嘅感覺.3. 吉列炸蠔+男爵牛肉薯餅 $42+$18炸物相當有驚喜! 好多拉麵店可能只會集中做好個拉麵, 小食例如餃子之類大部分都係一般. 但今次

I have enjoyed the ramen at Butadouraku a number of times over the years and found the ramen to have maintained a consistent quality. My favourite is the Pork Bone Soup noodle with Dried Bonito Flakes. The broth has a slightly smoky aroma yet isn’t oily as some other ramen broth can be. I prefer the curly noodle in a firm texture. The accompaniments include two pieces of tender pork, seaweed, bean sprouts and bamboo shoots. If the soup can be just a little hotter it would be the perfect lunch on

工業風鐵桶裝修🥢拉麵店🍜 豚道樂🐷📍黃埔/荃灣💛______________________________🍢𝓜𝓲𝓼𝓼 𝓛𝓲𝓸𝓷𝓷🦁評分：7/10特上日本芥末拉麵 $93 🌕🌕🌕🌘🌑🌑味道幾特別，但偏甜，食得出好濃郁嘅芥末味，湯唔夠熱，粗身拉麵彈牙爽口，配料都幾多，有兩塊肥瘦適中嘅豚肉、芝士碎、蔥花、味玉、紫菜、芽菜等…..特上魚介豚骨拉麵 $98 +紫菜 $15 🌕🌕🌖🌑🌑紫菜分開碟上，豚骨湯唔夠熱，偏淡，幼身拉麵可以掛哂啲湯汁，中規中矩，唔算話一食難忘配料上都係蔥蔥、味玉，豚肉、荀絲、芽菜等…日式煎餃子$37 🌕🌖🌑🌑🌑對於一間食拉麵嘅店，呢個餃子唔合格🙈煎得唔夠香脆，餃子皮唔夠薄波子汽水 $22細細個最鍾意飲嘅波子汽水，童年回憶招財貓汽水 $22有陣好甜嘅棉花糖藥水味，個樽上面啲貓貓好可愛😸回頭率：50% 🐷🐷💛整體普通，環境舒適，選擇多，賣相唔錯，員工友善👍🏻調味架應有盡有，性價比唔高，湯底可以更熱💔💛紅磡店：黃埔天地百合苑商場(第9期) 地下九號水產G2號舖💛💛荃灣店：荃灣大河道63號卓明大廈地舖💛

特上日本芥末拉麵 🍜 芥末湯底嘅拉麵我都係第一次見，咁當然要試吓佢啦！😆.佢嘅湯頭好吸引，成碗青bb咁，飲落係一種好刺激但又唔會太辣嘅芥末味，同時又會有豬骨湯幾個豬肉濃香，加埋佢嘅芝士粉又會多一種奶香嘅味道，湯底層次味道好豐富～🤩🤩.拉麵有得揀曲同直麵，我個人鍾意曲麵多啲，粗身啲同多啲嚼勁💕.叉燒燒得有油香，肉嫩多汁，有豬鮮味，份量仲要好多，食到好飽🤤.流心蛋真係流心，上面嘅芽菜爽脆，又可以鮮膩。.呢一碗拉麵超特別超好食，encore之選！

今日同朋友去咗黃埔呢邊食飯😗太耐冇食過日本拉麵啦所以去咗呢間喺黃埔好出名嘅拉麵鋪試吓🤣我叫咗個特黑蒜油拉麵，黑蒜油味好重好香🥰聞到香味已經流曬口水了🤤🤤朋友就叫咗個日本芥末拉麵🤪佢話佢差唔多次次都係食呢個😂一嚟到就見到好多芥末粉喺個碗上面，不過食落又唔會話好辣嘅👍🏻最後我地決定叫一個小菜一齊share，點知原來大家都係想食炸紫菜墨魚嘴🐙炸紫菜墨魚嘴炸得好香好脆，每一粒都好大粒😋地址：紅磡黃埔天地百合苑商場(第9期) 地下九號水產G2號舖

週五下午準備入住黃埔附近既酒店staycation 之前，突登安排左一嘗「豚道樂」拉麵既行程。早幾日睇完阿Dee食辣既拉麵介紹，已經好想試了☺️下午2:30同老公用餐，客人人數不多，坐左晌吧枱位，都算舒適。我地點左以下兩款拉麵，職員介紹曲麵會彈口d ，容易d掛湯，所以我地都揀左曲麵底，普通硬度。加$13就變特上拉麵，會有兩塊豬腩肉同紫菜，仲有半隻糖心蛋。職員好友善，提我地平日午市叫特上set 會送埋汽水比我地👍仲有佢哋15:30會截單，問定我地要唔要加麵底，平日午市都係免費👍👍🍤特上海老湯拉麵 - 曲麵 $98 （8/10）我點左呢款拉麵，湯底有超多櫻花蝦，好香濃。可能因湯底好濃郁，曲麵掛走好多湯，食到最後，有少少食緊沾麵既感覺。奇妙係，本身好怕味精既我，食完成碗拉麵飲左咁多湯，都又唔太口渴👍豬腩肉好鬆化，我好喜歡，好怕食乾柴柴既豬腩肉呢。曲麵亦爽口，軟硬適中，唔會淋晒。🔥特上辛辣味噌拉麵（普通辣）- 曲麵 $93 （8.3/10） (平日午市免費加多左個「玉」）呢款辣度有4隻：普通/激辛/鬼辛/鬼滅之辛我老公點左呢款，自以為好食得辣既佢只敢叫普通辣😂 話驚d辣蓋過左個湯底喎～So fa

今日食拉麵 特上松葉蟹番茄湯拉麵濃郁既番茄湯底加上松葉蟹肉 鮮香味美 麵條夠掛湯叉燒大片又肥又甘香肉嫩 隻醬油蛋半熟夠流心蛋味濃蜜燒雞翼都係超好食, 個皮好薄燒到好香脆之後仲仍然好有肉汁另一款拉都係辣豚肉叉燒拉麵 放了3片薄切叉燒再燒過先上比客,肥而不油膩大量蔥同芽菜,仲有一片紅海,即係辣油 濃豚肉加辣油超濃超香辣 麵條有彈性又掛湯配料多,味道豐富,份量大碗抵食紅磡德豐街8號黃埔新天地第9期地舖九號水產G2號舖平均消費$150評分8/10

晚市一丁友食飯，緊係要搵啲一個人食都冇問題嘅餐廳啦又唔想頹飯，又想食好少少，第一時間就諗起 —— 日本拉麵啦！黃埔嘅日本拉麵選擇唔多！咁啱行完Aeon!就過對面 九號水產 行下！發現呢間 拉麵鋪頭！7:30pm左右 都full full地，反正一個人入去好快有位！都係填表叫你要嘅嘢！想叫海老湯拉麵㗎！點知話已經賣晒晚市開咗一陣咋喎⋯⋯sosad唯有叫 原味豚骨拉麵啦應該有兩舊叉燒嘅！但我叫佢俾一塊我就得！食唔曬好嘥嘛！溫馨提示最後一點要注意呀！！P.S 佢哋啲冰水好冰！正到震

黃埔真係勁多野食，今日就揀左豚道樂☺️，下面價錢已經加左$13做特上之選（豬腩肉+紫菜2塊+溏心蛋半隻），lunch包野飲+免費加一次麵，仲有汽水送，keep起佢張印花卡嘅話，唔洗話儲幾多個印仔，lunch都有溏心蛋送🍜魚介豚骨拉麵 $98 (8.2/10)揀左直麵，硬麵質，要蔥同辣醬，佢有3塊叉燒，其中一塊係豬腩肉，豬腩肉烤得好香口，反而令到我覺得另外兩塊叉燒太瘦，啲荀甜得嚟好好食，同個魚介湯好夾，個湯唔會好辣、直麵又夠掛湯🥴好食🍜辛辣味噌拉麵 $93 (8.7/10)揀左激辛、曲麵，特硬麵質，要蔥同辣醬，呢個冇荀，叉燒同上，佢個湯辣得嚟好濃辣椒味，真係好辣😂，唔係好似譚仔啲特辣咁用啲粉hea你嘅味，唔會好大後勁、飲兩啖水就冇事

按照喜好選擇湯底、配料等的拉麵小店。湯底的種類亦頗特別，有期間限定的鴨白湯，日本芥末拉麵。首次嘗試，先由基本入手。魚介豚骨拉麵 ($85) 轉特上 (+$13)• 加配特上後會有豬腩肉、大紫菜、溏心蛋半隻、牛油粟米及罐裝飲品，性價比高！加上原本的配料變得相當豐富，令整體賣相加分。• 我選擇的是直麵、硬身、保留蔥及少許辣醬。• 湯底熟充滿豚骨的油香，但不會過於肥膩，帶有淡淡的魚介獨有咸香。• 豬腩肉口感同樣充滿油香，連肉的部分都處理得很香腍；溏心蛋保持一貫應有水準，蛋白入味均勻，口感香嫩，蛋黃則十分滑溜；紫菜吸收湯底後更加惹味。• 整體而言所有食材都配合得宜，性價比高。

初初開個陣已經有keep住去食，表明立場之後更加要多多支持💛💛 我每次去食都係會叫芥末拉麵🍜因為真係超級好味😋 湯底好濃郁，但唔會搶咗拉麵嘅味道，好少見拉麵鋪有得點芥末湯底，而且整得好出色💚 仲可以揀拉麵軟硬、直曲程度等等，真係好多選擇～ 兩人各點咗個拉麵之外再叫多個墨魚嘴，脆卜卜之餘仲好香口！墨魚嘴亦好軟熟🤤 係會encore嘅小菜呢！😋😋一言以蔽之就係依間嘢真係好抵食，平均除開每人110都唔駛，要大大力支持💛💛