象泰 (已結業)

又話廿分鐘有得拎，等左三倍時間都未有！啲嘢見佢放晒出又冇人執，生蝦刺身都係咁放喎，咁...你話啦一路追，只係話好多單好多單，咁點解炒飯同炒麵又相差成個鐘先出嚟下次唔會再幫襯

Happy Friday 同朋友去左呢間食野 3個叫左6人餐食左8樣野+3杯野飲都係600零蚊 平均200幾一個，先講價錢方面都算叫做抵食...至於質素方面不過不失，自己平時都成日食泰國菜所以呢間又唔係話特別好好食 如果唔高要求 性價比方面真係抵食。

突然同同事嚟屯門做嘢 想食泰國菜小曼谷又太遠所以黎左呢間象泰1. 小食拼盤外型唔錯 雞翼太乾 蝦餅唔太脆口串燒明顯不是現成燒 有d乾 沙嗲汁有花生味 但差點咸度2. 蛋包金邊粉有點酸 味道一般般3. 招牌焗黃咖喱麵包軟殼蟹黃咖哩好味香味夠 面包可以脆dTotal：$238 飲品另計都算Okay泰國菜 唔算有驚喜

今天是中秋假期的第一天，本身我和家人想在 V City 吃午餐的，可惜由於太多人等位了，所以我們便轉移來到旁邊新墟的雅都商場內吃飯，剛巧看見這間泰國餐廳的午餐價錢非常「貼地」，於是我們立即二話不說便來嚐試一下了No.1【泰式鮮炒金邊粉】$56大多數泰國餐廳的金邊粉都是以雞肉作為配料，但這裡竟然是採用鮮蝦，鮮蝦除了十分脆嫩爽口，柔軟嫩滑外，肉質更非常彈牙和緊緻，小口品嚐的時候，鮮甜無比的蝦汁更迴轉在口中，香甜可口，肉汁四溢，口感細膩而綿延，讓人齒頰生香， 吮指回味另外由於火候控制得剛剛好，所以金邊粉入口彈牙之餘時亦相當有嚼勁，口感煙煙韌韌，最後再配上酸酸甜甜的醬汁，味道立即變得堪稱一絕！鮮蝦，金邊粉和醬汁混合後的濃濃氣息迴旋在口中，甜甜的，香香的，香甜軟糯，餘韻悠長，讓人食髓知味，念念不忘No.2【招牌泰式無骨海南雞配油飯(可轉白飯)】$58自從品嚐過「Grill ขุนทอง」和「Bugis@叻沙・海南雞飯」的海南雞後，我便開始漸漸愛上了海南雞飯，所以我今次又點一份來嚐試一下雖然這份海南雞大部份都是採用雞胸的位置，但是勝在份量十分多，而且肉質亦算鮮美多汁，嫩滑可口，細嚼慢嚥的時候，淡淡的

今日去左屯門的朋友屋企玩，佢話俾我哋知附近有個翻新嘅商場入邊有好多食肆，咁我哋就決定搵吓有咩好嘢食先。一去到商場就好似food court咁，有好多唔同嘅選擇，正當我地返緊食咩嘅時候，行到最尾就見到有間裝修都幾精緻嘅泰國餐廳，叫做“象泰”，咁就試呢間啦。我哋兩個人叫咗三道菜式。泰式生蝦生蝦係必食嘅泰國菜，一隻一個杯裝住幾特別。有兩款泰式醬汁，生蝦非常新鮮又大隻，啖啖肉。原隻椰青海鮮焗飯一嚟到已經聞到有好香濃嘅椰漿味，而且有好多海鮮，有蝦，蜆肉，青口，仲有魷魚。海鮮唔止面頭有，食到中間仲有蜆肉同魷魚，非常足料。焗黃咖喱麵包軟殼蟹軟殼蟹即叫即炸，非常香口，麵包非常軟熟。黃咖喱除咗點印度薄餅好味之外，點麵包都非常美味。百香芒芒估唔到泰國餐廳都追得上潮流，推出左芝士系列嘅飲品，即刻點返杯百香芒芒先。芝士有鹹香味，而且芒果好甜，有果肉，非常驚喜。

今天跟我漂亮的細姨一起吃晚餐。由於他家住在屯門，所以特意選這家泰國店吃晚飯。限聚令解除後夜晚堂食開始多人。應該有一半爆滿。點了泰式鳳爪，豬頸肉飛天通菜，咖哩牛腩煲，泰式汁蒸鱸魚和芒果糯米飯。泰式鳳爪味道最好，辣味適中而且鳳爪多肉實在是吃泰國菜的首選。豬頸肉飛天通菜也不錯。味道中上還可以。但其他三道菜真的很失望。咖哩牛腩煲的咖哩太糊了，很少吃那麼糊的咖喱。蒸鱸魚的魚肉不新鮮，魚肉鮮味欠逢。芒果糯米飯的糯米太實。雖然價錢不貴，但肯定不會再來。

最近好想食泰國野，疫情嚴重都係避免堂食，還是叫外賣最好，咁岩係戶戶送見到呢間泰國菜，咁就試一試，今次叫左個泰式海鮮炒金邊粉，望落賣相唔錯，份量都ok多，味道都算係幾正宗，不過有啲海鮮洗得唔係好乾淨，食落去有沙所以都算不過不失吧。

今餐係foodpanada訂購外賣自取，有6折優惠上個禮拜有五折，諗住今個禮拜先食，點知已經調整到六折，賺少咗啦二人餐$288 (可選3款主菜)要左月亮蝦餅、軟殼蟹包、象泰小食拼盤(小)另外買左芒果芝士沙冰$41 及 香葱蒜蓉包$48合計$377 折扣後$226.20今餐有齊我鍾意嘅食材：蝦、軟殼蟹、蒜蓉、芒果、雞翼全部都係我最愛的食材月亮蝦餅果然係招牌菜，人人都會食，真係唔錯，蝦膠打得唔錯，好爽，調味又啱啱好。招牌焗黃咖喱麵包軟殼蟹軟殼蟹有四件，黃咖喱味比想像中好味道，麵包除咗中間比較軟熟之外，外面都係偏硬。象泰小食拼盤(小)有4款小食:蝦餅2件、春卷2條、豬肉1串、雞肉一串及雞中翼兩隻，春卷及蝦餅唔錯，豬肉串、雞肉串及雞中翼都係偏乾偏硬，附上的沙嗲汁味道不錯。香葱蒜蓉包好靚嘅顏色，但係好睇唔好食，蒜蓉牛油味不太出，麵包都係屬於偏硬，只係中間部份較軟。芒果芝士沙冰幾好味，有機會都會飲多次。因為佢外賣自取關係，出爐後一個小時才進食，可能因為咁樣，所以食物質素下降左，堂食當然一定會好好多。

今日晏左出門口無早餐食，行左去gogomall搵食，但好多餐廳都未開，咁岩見到有間泰國野，餐牌寫11：30開始有午餐食，咁就入左去。店面其實幾大下，但可能疫情關係所以無乜客吧！眼見有2個樓面，1個女既忙接電話，另1個男既忙包外賣，等左陣個男既聲控個女既幫我地落單，講完叫咩佢都未覆單就番去繼續做佢自己嘅嘢。（完全表達係嫌我地阻住佢地做野）落單後等咗30分鐘，唔好話杯飲品啦，水都無杯！最後碗船河黎到啦！（ 牛丸有雪味，牛腩好多，不過似煲完湯果啲肉咁，另外果2舊白蘿蔔仲要未熟既，個湯完全形式容唔到係咩味）正當我就食完碗粉，有第3個樓面番工，我揮手叫佢幫我地跟下張單，成間舖最好態度就係呢個短髮姨姨，真係去幫我地去睇下，而唔係好似另外果2個咁1味執外賣，1味話堂食整梗。於是乎落單後40分鐘出現第二份午餐，咖喱牛腩飯，咖哩個味幾好架，但真係唔明點解可以等咁耐囉！正常午餐個咖哩汁唔係整定架咩？落單後50分鐘，杯咖啡同奶茶終於黎埋！（啲茶同咖啡要煲？）我食咁多年飯未試過食個午餐食到咁燥底，因為真係好差既體驗，所以我決定出post同大家分享下！呢間野我真係唔會再有下次！！

在家抗疫當然都係外賣啦 堂食真係要等等啦 見到呢家狀態用網上外賣平台訂外賣自取有五折即刻攞番個優惠先 無骨海南雞飯醬汁 超好味海鮮炒金邊河都唔錯 牛腩都幾香㗎而且份量都夠半價 超抵

近排偏愛走去屯門gogo mall搵食多野食多選擇，乾乾淨淨，不錯的地方朋友話象泰里間泰國嘢平靚正，所以今次過來試下。餐廳吾算大，座位有限，好彩我預約咗，不需要等位我地4個人坐在餐廳最入的位置，唔算太逼夾，見Menu有4人套餐剛好，唔使諗生虾刺身-新鮮爽口、蝦肉彈口、配上辣辣的泰式醬，好味炸蝦餅-炸得香脆唔油膩，蝦肉同樣彈牙可口其他小食一般。咖喱軟殼蟹面包-一個字硬，軟殼蟹唔脆口好硬咬吾到，麵包同樣是硬身生菜包-酸酸辣辣好惹味，包埋生菜一齊食，還可以抄金邊粉賣相幾靚，金邊粉炒得爽身。4人套餐份量不算太多，質素一般。

見呢排疫情好些，所以都多左約朋友出黎食下飯傾下計。我地冇特別簡定邊間野食，純粹見到岩既就入去。朋友話想食泰國野，咁岩行行下見到象泰，所以就入左去了。係應該兩三年前黎過食，所以都對佢有信心，結果都冇令我失望。我地睇下餐牌，好多都好吸引，有一個二人四人六人既套餐，可以係十幾樣野既野食中簡三或五或八樣野食，都見多野岩食同抵食，我地四個人，所以就簡左四人餐($398)。豬頸肉啫通菜 - 做得好出色。食通菜最怕既就係唔入味，但呢個絕對冇呢個問題，加上唔知係咪有些生蒜，提升左成個菜式，豐富左個口感。象泰小食拼盤 - 唔錯。大件加岩岩炸起，熱呼呼的，有炸蝦、春卷、雞翼、串燒。樣樣都試到，值得一試。海南雞(半隻) - 雖然寫左係半隻，但感覺上得四分一隻，份量較少。焗黃咖哩麵包軟殼蟹 - 唔錯，份量都多。平均每人都可以食到一至兩隻軟殼蟹。另外黃咖哩也出色，配上麵包食簡直絕配。網包鮮蝦炒金邊粉 - 我地都好好奇網包係咩一回事，原本係蛋，所以外表上有點似蛋包飯。雖然食就正常，但幾有心思同特別，唔會只係一碟金邊粉。因為套餐叫飲品有半價，所以我就叫左青檸梳打($11)。總結一下，呢間野由我幾年前黎到依家都保持到

呢間泰國餐廳我都系第一次食，因為在附近整野，又想食泰國菜wor ，上網見到有間，甘我哋就嚟左呢度食，其實都抵食既，我哋兩個人叫左一個2人餐二百幾蚊，另外加多鳳爪，埋單都系300幾，在香港食泰國菜差吾多系甘既價錢

客人已經唔多， 都係得七成滿 ，但樓面伙計又無禮貌又亂七八糟，成日拎住碟野行黎行去，碟碟都唔知邊檯咁，枱又唔係多，啲夥記好似跑龍套咁用嚟裝泰式生海蝦嗰個架好似十年冇洗， 又多油又有跡係上面， 大菌食細菌， 頂得住叫左四五樣野，等多過食，仲要差唔多錯一半，次序亂哂大龍，等到飽正諗住埋單之際，點知仲有個菜上，我話我等咗太耐，可唔可以唔要， 個阿姐一句話“炒咗啦” 就啪一聲掉喺枱面。 個樣好似仲唔耐煩過我， 我有一刻懷疑佢先係客馬拉盞炒通菜，辣椒好似同菜差唔多分量，乜嘢都品嘗唔到， 淨係食到辣味，唔知食緊乜。冇乜可取之處， 整體下等，服務下下，味道中下，無下次，請都唔黎。

今日同朋友尼衣度食晚餐，唔知係咪太多人同外賣訂單，點左餐後四十五分鐘先上菜講番D野食先，豬手煲不過不失，係超過一個鐘後先上既另外有金邊粉，d麵偏硬，爽口，不過上面隻蛋做得幾靚青咖喱雜菜，有少少辣，味道偏淡，咖喱味唔太出，不過份量okay,夠三至四人share叫左個印度薄餅點咖喱食，三十二蚊兩塊，份量正常，口感偏硬四個人坐他位都幾舒服，但上菜速度真係太慢，而且整體質素麻麻，建議避開繁忙時間，或者叫外賣都得