豪園麵家

营业中

休息中

同事發現黃大仙豪園麵家的雲吞麵超正，約我放工一齊去試下。餐廳有分室內外，裝修雅緻，地方整潔。鳳城水餃河，水餃大大隻，皮薄餡多，餡料大都份都是鮮蝦，加左木耳絲、荀絲，超爽口，河粉又滑溜。鮮蝦雲吞麵：每粒雲吞都有鮮蝦，好爽口，幼麵彈牙。雲吞和水餃真的是真材實料，值得一試！金牌炸子雞半隻，即叫即炸，質素媲美專業的酒樓，皮脆肉嫩，入味又香口。叫小菜還有例湯和白飯送，今日例湯是大白菜豬骨湯，足料夠火喉，味道香甜。凍鴛鴦夠味。紅豆冰香甜。香脆薯餅，即炸薯餅熱辣辣的，沾上茄法更美味！

去到豪園麵家已經早上11點左右，估唔到仲可以叫早餐，又可以叫午餐食。今日係星期四，我哋叫咗冬菜蒸黃花魚飯，同早餐西式大餐。冬菜蒸黃花魚飯$50- 西洋菜湯材料豐富，估唔到黃花魚都好大條，大過成隻手掌，冬菜好惹味，黃花魚肉唔腥不過有少少梅，麻麻哋。西式大餐$48- 我揀咗菠蘿包、雞扒、炒蛋、腸仔，仲有薯餅、茄汁豆。呢個早餐比到我驚喜，推介！我最鍾意食菠蘿包，因為佢烘得熱辣辣，好軟熟，夾埋炒蛋一齊食好好味！薯餅、雞扒整得香脆，又唔油膩，配埋茄汁豆食好鮮味。下次嚟一定會再叫呢個早餐！

經常飾演 #宅女 嘅我，呢日有一次單拖去食lunch👉🏻👈🏻 其實都是因為大家約咗下晝去 #林村， 但係又想同屋企人飲完茶先出嚟， 所以先遺棄我啫😅 不過我一向都好enjoy一個人嘅浪漫（間中好喇...🤣）呢日就走到嚟 #車站 附近一間 #茶餐廳 #自我陶醉。仲記得幾年前同朋友仔嚟過 #豪園麵家 食小菜，當時已經體會過師傅嘅鑊氣。呢日我叫咗個 #XO醬三絲炒河，再加杯 #凍檸茶 坐喺bar枱前嘅高櫈向住街邊，自我浪漫一番🤣 講返食物， 估唔到師傅功架依舊，簡簡單單一個炒河粉，不油不膩，熱辣辣咁上枱👍🏻好滋味👍🏻👍🏻 雖然配料唔多， 但係又唔會一啲鮮味都冇... 點解可以咁犀利嘅呢？聽講佢哋係家族生意，喺同區已經打滾多年， 怪不得今時今日都座無虛設👍🏻值得推介👍🏻👍🏻

今晚同朋友去彩虹道打羽毛球，打完係黃大仙地鐵站附近搵嘢食，佢帶咗我去現崇山地下間豪園麵家，佢話上次波友帶佢嚟食過想食多次。去到坐低睇下有乜食，佢哋食物選擇都好多，都要花點時間去選擇。睇咗一輪，最後同朋友一人一個小菜，叫左滑蛋炒蝦仁同豪園小炒王，我地叫套戲送一碗湯。雖然係例湯但飲落絕對唔係一般例湯，夠晒火候。小菜方面，滑蛋炒蝦仁嘅蛋炒得好靚，好滑無改錯名，蝦仁新鮮好食。而豪園小炒王原來係韮菜花豬肉同腰果，好香好有鑊氣，夠味而不會太咸。兩碟小菜好有舊時味道，難怪朋友會想再試

今日放工無飯開，約同事在附近吃埋晚飯才回家，這間炒小菜幾有鑊氣另外蠔仔粥也出色。選擇困難症的我們想了很久，因為款款都想吃如果有四五位朋友來就不用傷腦筋啦！最後點了二人餐，有蠔仔肉碎粥兩碗、拔絲欖角骨、油菜、白飯同例湯。例湯清甜滋潤好足料夠火喉。油菜～腩汁芥蘭疏菜新鮮好脆綠，加上腩汁味道提升。拔絲欖角骨這款招牌菜賣相精緻，紫穌葉新鮮炸得非常鬆脆香甜而欖角骨味道好有層次，吃一口甜甜酸酸之後再有欖角咸香嘅味道。另叫了個小吃～咖喱魷魚咖喱味自家調製特別惹味。蠔仔肉碎粥蠔仔頗多又大隻加埋肉碎同配料味道更鮮美。

午餐想快食，所以嚟到依家老字號嘅豪園麵家，呢度有多款午餐選擇，每日有四款，今日我就選擇咗涼瓜排骨飯，飯餐有湯餸，而且包熱飲，$50來講，都算好豐富。不過今次個涼瓜就略嫌個汁比較臉，同埋排骨都比較硬，雖然份量好粥，不過質素唔係幾好。另外啲飯都比較硬，同埋感覺唔係好夠熱。今次利息，明顯比之前少咗人，唔知係唔係同質素有關，因為今次食完都真係費有啲失望。雖然分量足夠，但係如果食物嘅質素如此，以$50呢個價錢，區內都有其他比較好嘅選擇。

<除左粉麵。茶餐都十分唔錯>😍呢間喺黃大仙既豪園 . 之前新開時食過佢既粉麵。 足料好味 今日食 tea時間再同朋友黎 食下佢既茶餐 都十分唔錯 價錢合理👍🏻🍴炸一字雞翼 28 蚊🐤雞翼都幾肥美 出面個皮炸得十分香脆 帶 d肥膏 一咬開 熱辣辣🔥 雞肉嫩滑 十分唔錯🍴西多士28 蚊🍞西多士個牛油最緊要大 加糖漿勁正🍯 塊多士帶 d香脆。中間夠軟林 入面既花生醬味香濃 好味🍴炸雲吞38 蚊🔥🥟5 粒炸雲吞 好夠鑊氣夠香脆 雲吞入面豬肉幾 juicy蝦肉幾香同彈牙🦐 有層次感 點 d甜酸汁更正 🍴雜果沙律 38 蚊🥙雜果沙律 個醬甜度正常 有薯仔 蘿蔔 蘋果 都算新鮮 側邊係幼身炸薯條 十分香脆🥔🍴咖喱魷魚 48 蚊🦑呢個不是下午茶 散叫既魷魚 佢個咖喱汁十分唔錯 魷魚厚切夠彈牙 好有口感Score 平均分 <7.4/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~豪園麵家

放工回到家中已經8點多，所以今晚晚餐就落樓下商場的飯堂：「豪園麵家」。別以為這裡只有麵食，其實還有小菜及可以安排到會食品，有別於其他小店。因為天氣轉涼的關係，我們點了店家的皇牌「支竹羊腩煲」暖暖身。羊腩的份量都頗多，肉質嫩滑，而且非常入味，沾上腐乳醬令整體味覺可以提升；除了羊腩之外，還有很多香菇及馬蹄，另外還附送生菜，非常豐富👍🏻因為生菜的份量不算太多，所以我們另加了「啫啫芥蘭」。芥蘭用微辣的肉碎炒香非常惹味，口感爽脆，很讚！除了羊腩煲之外，這裡另一道王牌就是「金獎拔絲欖角骨」，墊底的九層塔炸得十分脆口，排骨沾上甜甜的麥芽超級好吃，非常好下飯👍🏻叫「金獎」菜不無道理！這裡點小菜還附送例湯及白飯 ，感覺上這家的例湯沒有下太多的味精。因為太貪心的關係，我們還點了北菇滑雞煲仔飯😂😂新鮮熱辣，而且還有飯焦的，下次可以不用去到太遠吃煲仔飯了🤤

很久未去黄大仙，今日有時間就過去行吓，这间餐廳豪園麵家，是地鋪，在门口已坐满了人，於是看吓餐牌，見到二人餐A很是吸引。餐廳装俢很雅緻，新潮的灯飾带㸃古雅的味道。二人餐A $188，有蠔仔肉碎粥2碗，金奖拔絲欖角骨及送白飯及老火例湯。蠔仔肉碎粥，蠔仔雖然細細隻，但又淋又滑脹卜卜。因為很多蠔仔及裏面有肉碎芫茜蔥...等，所以粥底很清甜。例湯都比較清甜。金奖拔絲欖角骨 例牌拔絲欖角骨，伴碟围了很多碧綠的炸珍珠葉，珍珠葉炸到碧綠带透明状，口感带脆，入口即溶，非常特別。欖角骨深啡色的面上，見到一粒粒的黑色的正是欖角粒，欖角味不是很出，但是整個欖角骨炸得认真香口及入味。清灼時菜再配埋個油菜，有几款選擇，我們要了菜心，食得很是滋味。炸雲吞5粒$32見到小食炸雲吞好似很吸引，所以要多一個炸雲吞，炸雲吞非常多餡料，有蝦及瘦肉等，蝦肉帶爽口，再配上瘦肉，令炸雲吞外脆之餘，又带爽囗又鮮甜。

星期六早上人流很旺，但都找到位坐。點了一份沙嗲牛肉出前一丁加菠蘿油。沙嗲味超濃正菠蘿油夠熱正正正。下次要試吓佢哋一字雞翼！老闆和老闆娘伙記都好勤力。出餐也很快。

今晚同太太去黄大仙探人,探完都7点幾，就去附近食晚飯。行到去現崇山商場，揾下有乜野食，在商場外圍，見到間小菜餐廳，餐廳有户外座位，環境清靜開揚，感覺好舒服。餐廳食物款式多，但看到有個餸好特別，叫拔絲䌫角骨，而且有個二人套餐，有拔絲䌫角骨，再跟每位蠔仔肉碎粥，還有菜一款。蠔仔粥好足料，蠔仔大隻又肥美，粥底好鮮甜，方鱼有多。拔絲䌫角骨，拔絲甜甜地，䌫角骨香口又惹味，味道真係好特别。甜品後加了杯紅豆冰，大大杯，紅豆好大粒，又甜又林身，是傳統紅豆冰。

今晚同太太去開黃大仙探人,探完都7點幾就去食晚飯，行到去現崇山揾野食，在外圍見到間叫豪園餐廳，餐廳戶外都有座位，環境清靜開揚，秋涼坐都好舒服，不過我地無坐戶外坐裹面。餐廳食物款式多，看了心大心细。因為有個餸好特別，叫拔絲䌫角骨，而且踉套餐有蠔仔肉碎粥和菜，組好健康。蠔仔粥好足料，蠔仔又大隻又肥美，粥底好鮮甜，方鱼有多， 真係好鮮甜。個拔絲䌫角骨味道好特別，拔絲甜甜地，䌫角骨香口又惹味。後加了杯紅豆冰，大大杯，紅豆好大粒，又甜又林身，是傳統紅豆冰。

相隔一段時間没有來，仍然掛住他們的鑊氣小炒，又鐘意這裡環境比較靜，有室内/室外座位，比較開揚，揸車又方便。除了小炒，還有麵食，茶記套餐供應。今晚點了豪園小炒皇，用韮菜、蝦乾、魷魚，腰果青椒等炒埋一碟，雖然簡單，但鑊氣很緊要，這裡做得有90 分，如果用xo 醬炒就更正。涼瓜肉鬆煎蛋，將大量有益健康的涼瓜混入蛋漿中一齊煎成蛋餅，頗為厚身，涼瓜没有苦味，只有甘味，很好送飯。這裡仲有幾款小食精選，今次點了麻辣鴨腎，麻辣味足，雞腎爽口有嚼勁，芝麻同芫茜的點綴不但令賣相更好，香味亦會提升。所有小菜均奉送白飯及老火湯。

住在附近都未來過這間茶餐廳 今天一於豪一豪佢實在太餓了 先來個豉椒牛肉煎米 份量也蠻多的 牛肉非常入味 易咬口 煎米粉非常香脆 配合一碟辣椒醬實在是有夠惹味再來 侍應十級推篤我們點這個豪園皇牌撈麵 撈麵本身已包括水餃、雲吞、魚蛋、墨魚丸、牛丸，我地更後加了牛腩嘩 一次過可以試這麼多款材料，真是大滿足！！！撈面的面底我們選擇了幼麵 麵底完全吸收左材料的醬汁 亦沒有鹼水的味道 非常推薦！ 小食點了一個炸雲吞，新鮮炸起 沒有油溢味 包著鮮蝦及豬肉 彈牙香脆

今日約了幾位朋友打麻雀，但屋主要加班，晚一點才回家，我和另一個朋友唯有先去吃個晚飯等他回來。於屋主附件商場找來這家食店，店裡店外均設有坐位，地方都算大，雖則入秋，但有冷氣始終好些，我當然進店內啦，還有電視，就算唔看，望一下也好。簡簡單單吃個飯本來沒什麼要求，又沒想到這家又不錯喎！花彫醉雞煲：很少見以花彫做雞煲主角，半隻雞份量又剛剛好我倆享用，湯底藥材味很濃郁，尤其吃完雞後，飲返半碗，想不到又是另一種滋味。蠔仔肉碎粥：雖然唔係好配醉雞煲，不過每次見總會想點，這裡的不是蠔仔，是蠔肉才對，粒粒都大大隻，重蠔味，好正。