豪園麵家

营业中

休息中

今日收工同屋企人去左附近呢間餐廳食晚餐。每個餐都有例湯同埋白飯，適合想要家常小菜感覺嘅朋友。例湯仲要落足料，有瘦肉同魷魚。爸爸同媽咪叫咗個鹹魚雞粒炒飯share食，雖然係碟頭飯，但係都見得出用心。份量大之餘鹹魚亦都好香，同時亦加咗唔小生菜炒，令到成碟飯變得健康咗。我同家姐叫咗一碟菜同一碟肉食，蝦醬炒通菜蝦醬非常之香，通菜亦都睇得出好鮮嫩翠綠，食落去亦都爽口。肉方面就叫做黑椒薯仔牛柳粒，黑椒味非常濃烈，同薯仔同埋牛柳粒配合得好好，薯仔炒到邊位啱啱好有少少硬，同時牛柳粒又唔會炒得太過火，仍然稔身嫩口。買單計數都只不過大概$50一位，實在非常之抵食。

約了男朋友食晚餐大家都突然想吃潮州菜醒起之前食過既依一間 — 豪園麵家於是就再黎試下其他菜式點完餐後上左一人一碗例湯今日湯水係薏米豬骨湯湯水味道濃濃 甜甜地好味道還有袪濕的作用 正金銀蛋莧菜莧菜同金銀蛋就最夾鹹蛋皮蛋夠足料 香濃味道配上新鮮莧菜 仲落了肉碎一齊煮 不錯不錯鮮茄鹹菜煮黃花魚這種煮法真是第一次見近和男朋友都覺得挺特別 於是便點了試一試黃花魚炸過 味道香口 口感不錯以蕃茄、香菜和鹹菜等一起煮解膩又清新 是挺不錯的一道菜

除了黃大仙中心的食肆外，位於現崇山下的豪園麵家，無論味道和賣相都十分出色，絕對值得推介，而且價錢經濟合理，一家大細來吃也絕對吃得開懷。蠔仔肉碎粥蠔仔粥絕對足料，分量很多。蠔仔味道鮮美，粒粒飽滿圓潤又肥美，蠔味夠香，好味! 大地魚提升了粥的香味，炸過後的大地魚肉質變得更鬆軟，而且帶出了蠔仔粥豐富的海鮮味道和獨特口感。 粥底飯粒夠軟身，這麼一大鍋，很飽肚。XO醬炸魚腐XO醬是我的最愛，那種鮮中帶辣，對嗜辣的我甚為吸引，以XO醬下廚的菜，味道也不會太差。魚腐大大粒，炸得十分金黃香脆，而且份量也不少。原味單骨雞翼 單骨雞翼超大的一碟，炸得透切，口口都卜卜脆，炸粉量適中，條條啖啖肉，好邪惡~腐乳通菜通菜鮮嫩，時間烚得剛好，通菜配腐乳醬，無得輸。

之前疫情嚴重多數都是外賣，今日終於可以來個堂食吧。設有室內室外座位，室外空間感十足，室內就有澎湃的鑊氣感，是一間環境不錯的茶餐廳。餐牌選擇又多，粥粉麵飯樣樣齊，價錢合理。今晚兩個人點了廚師是日推介的乾蔥豆豉雞，都頗為大碟，雞件醃得入味，炸得金黃嫩滑，跟爆香過的乾蔥豆豉一齊炒，香氣十足，十分好下飯。另外點了一個啫啫芥蘭煲，用上沙鍋盛載，上枱還在滋滋喳喳，熱度及香味十足，芥蘭脆綠幼嫩，十分惹味。每個小菜都跟上一個客飯及中湯，是日中湯為南北杏冬瓜豬骨湯，很清甜，飲完沒有口渴感，應該沒有味精吧。

好耐冇食豪園了，今日行開鑽石山就特意走過來食，水準依舊，正！我們點了兩個小菜，配飯和湯。茄子班腩煲熱辣辣上枱，小心燙手呀。調味剛好，好惹味，茄子🍆軟身，吸收了醬汁，正班腩經過輕炸，啖啖肉，肉質雪白，又一佳作🥰蝦醬炒通菜通菜爽口翠綠，有咸香味，配蝦醬超夾是日湯係白菜湯炸一字雞翼 黑醋欖角味這個很抵食，嚟呢度必食，有十六件單骨雞翼，大大隻，都只是$66炸過嘅雞翼外脆內嫩，很juicy😁個汁先係重點，坊間少有，味道酸甜，食多兩隻都不覺膩今晚食到好滿足呢😍

因為屋企住得近，所以成日都會去豪苑麵家食飯，我都喺嗰度渡過左唔少聖誕除夕。今晚就去食個二人晚餐，一人一碗蠔仔肉碎粥。蠔仔粥多蠔，啖啖肉。雖然都好想食煎蠔餅，但因為粥已經有好多蠔，所以就揀咗個金獎拔絲欖角骨。欖角骨賣相好吸引，味道亦都唔錯，特別係排骨酸酸甜甜， 十分開胃。二人餐仲包一碟時菜，我哋揀咗蠔油菜心。每次都會喺度叫淨水餃，今次都唔例外。因為特別足料，價錢合理。最後嗌咗一個紅豆冰當做今晚嘅甜品。

黃大仙其實都有不少美食，如果想食中菜選擇都唔少，呢間豪園麵家都幾高質。餐廳室內室外都有位，環境相當寬敞。雖然自己一個黎食，但都食得幾舒服。有湯送冬天暖粒粒又滋補。鼓汁蒸倉魚 $128傳統清蒜小菜往往最好味，一直都好鐘意食倉魚，唔多骨但肉質一流，今次果然冇令我失望，一枱出黎一大條好吸晴，魚肉嫩滑且帶鹹香，撈飯食好正。蒜茸炒豆苗 $98叫下蔬菜都比較健康，翠線色非常吸引，濕潤得黎又唔會太淋，食落頗鮮嫩，重有啖啖蒜蓉既香氣添。

放工同朋友食飯唔想煮飯，所以去附近餐廳醫肚，這間小店很有人情味，由六十年代到現在已經幾十年歷史。獅子山下傳統美食，食物質素有保證。餐廳款式頗多有小菜小炒、煲仔飯、煲仔菜、潮州菜、炒粉麵、湯麵撈麵等等。點小菜仲有例湯同白飯一碗支竹豆腐班腩煲香噴噴熱辣辣份量夠多，豆腐炸得香脆又鮮嫩，班腩厚肉嫩滑啖啖肉，支竹好入味加埋蒜頭一起炒夠鑊氣。椒鹽鮮魷鮮魷新鮮酥炸後仍然鮮甜，外脆炸得甘香好惹味。淨水餃每粒脹卜卜餡料好豐富，大大粒鮮蝦非常鮮甜同彈牙，加埋木耳同豬肉口感好夾。

同屋企人食晚餐，小菜是最佳選擇。餐廳坐位寬敞，坐得舒服。除左小菜，餐廳還提供雲吞麵等，選擇多。小菜選擇不少，會配中湯和飯。中湯真材實料。西洋菜湯很濃味，飲落很滋潤。選了數道小菜。黃金蝦，即是以蛋黃炒蝦。份量頗多，而且蝦都很大隻。每隻蝦都被蛋黃包住，濃濃蛋黃味，很香。蝦肉質依然保持爽口。點了粟米斑腩。班腩件大件，啖啖肉。魚肉新鮮有咬口，不會煮過頭。粟米汁配飯很配。啫啫芥蘭煲。即叫即整，有鑊氣。此季節最適合吃芥蘭，很爽甜。爆香肉碎蝦米等配料，有點點辣，非常惹味。

今日去左豪園麵家食晚飯，平日都好多人下！2個人叫左幾款菜式share食！呢間餐廳離地鐵5分鐘，有不同小菜，當日去到見好多人食羊腩煲，好正！「鮮茄咸菜煮黃花魚」$128，黃花魚先煎得香脆，再加上鮮茄同咸菜，酸酸甜甜的口味好開胃，味道仍好夾！魚好大條份量大，性價比之選！套餐是包埋白飯同老火湯！老火湯好好飲，不是味精湯湯水！好正！朋友叫了沙嗲金菇牛肉煲，中菜餐廳的煲仔做得好出色，份量是出奇地多，汁煮的好濃 又不會太咸，送飯剛好！牛肉嫩滑 不會乾柴！仲有粉絲係個底到，好多款菜 。 叫左涷檸茶，但套餐冇包是要加錢的。坐坐下又2個小時，舒服的不想走！

自從老公上次和朋友吃過豪園麵家後便讚不絕口，說小菜很有鑊氣，既然老公強力推薦，點都要食一次。拔絲欖角骨賣相不錯，又大大一碟的，而且果然是拉絲的，每一口都甜絲絲的。 欖角鹹鹹香香，風味獨特 ，鹹甜之間互相調和，香脆惹味。排骨新鮮多肉，軟棉棉的，非常好吃。煎蠔餅蠔餅也是大大一碟，煎得金黃，香脆可口，入口鬆化，還吃得出有真材實料的雞蛋味，不會過多麵粉，幾乎每一口都有蠔仔，值得推薦。炸一字雞翼 鹹蛋黃味老公最愛鹹蛋黃味的東西，雞翼炸得香脆可口， 每一寸都沾上鹹香的鹹蛋，美味又邪惡! 而且很貼心的一字雞翼吃起來非常方便， 令人可以專心品嚐每一口雞翼。我們點的是套餐，套餐包括了白飯和例湯，非常夠飽了。 二百多元三碟菜，而且味道好，算得上是經濟實惠了。

天氣一涼就想食中菜小炒，所以今日就黎到呢間係商場入面既 ”大排檔“。呢間餐廳好得意，除了室內位置，仲有室外位，好似大排檔咁，但又冇大排檔既凌亂，別有一番風味。同朋友2人一共叫了3個小菜，本身係配3碗飯同3碗湯，但我地驚食唔曬浪費所以淨要到2個飯同湯！今日的湯係甘筍白菜湯，睇相都見到有幾足料，成個湯都好鮮甜！鹹魚雞粒豆腐煲呢個煲仔上檯既時候仲係有jar jar聲，好吸引。豆腐嫩滑有豆味，而且吸曬醬汁d味道。煎蓮藕肉餅雖然這個肉餅是煎的，但仍然保持肉汁，肉汁嫩滑，加入蓮藕仲可以解膩！啫啫芥蘭煲呢個芥蘭煲非常惹味，睇相都見到仲有d煙就感受到佢既jar jar聲。菜葉吸收曬成個煲仔既精華，送飯一流。😍😍題外話，呢度既姨姨態度都好好又親切😍😍，真係有種舊香港既感覺，係呢類餐廳入面好少見🥰🥰

香港人精神，當然會想起獅子山下，但這裡就係在獅子山下60年代至今嘅老字號，雖然不是當年嘅老鋪，但仍然有種風味，位置都算就腳方便，最緊要價錢同質素都另人滿意，這裡真係有好多不同款式選擇，見到餐牌有最愛嘅煲仔系列，當然要叫個腊腸排骨煲仔飯，而朋友就點了個焗咖喱牛根腩飯，在等待兩個製作需時嘅晚餐時點了個小食，就係不得不讚呢個炸一字雞翼，新鮮熱辣炸出，入口一啖一件，外面香脆入面肉質軟滑，大小剛好，份量足，真係好好味！腊腸排骨煲仔飯上枱時真係煙噴噴，店員幫忙打開加入煲仔飯嘅豉油，再蓋回焗多陣，打開就見到香噴噴嘅腊腸同嫩滑軟熟夠晒肥美嘅排骨！加上煙韌彈牙嘅飯底，真係胃口大開，當然還有煲仔飯嘅飯焦，脆口乾身又係另一種感覺！而朋友的焗咖喱牛根腩飯亦好大份，上面有濃郁嘅咖喱汁蓋住軟淋嘅牛根腩，而飯底就係炒飯底，濃郁咖喱加埋軟淋牛根腩，完全係濃味之選！雖然今晚沒有點平時會點的豪園皇牌麵，卻發現了另外嘅美食！

一直都未試過現祟山商場地下的餐廳這天跟朋友到來試試沿著現崇山大廈直走便到達餐廳有戶外位置的餐枱，位置較為隱蔽較少逛商場的人會經過，不用怕食飯時有太多路人走過餐廳內有高身bar枱、卡位，餐枱之間有用圍板隔著我們兩個人點了三個餸，其中兩個是小菜，所有小菜都有配湯及白飯.粉葛湯跟在家中飲的差不多，味道剛好，不會太䶢，又不會覺得油，感覺沒有加味精。黑椒薯仔牛柳粒 | $98薯仔炸過，外面脆面但內裡軟熟，牛柳粒好腍，不會韌，沾上了蜜糖有點甜味，另外又加了黑椒炒，少少黑椒辣味，而且份量十足淨牛腩 | $78淨牛腩於餐牌內冇特別標示，要問下侍應有沒有。牛腩煮得好腍，有五香味，份量都多，牛腩下有芥蘭，好抵食椒鹽豆腐腰果 | $88椒鹽豆腐炸得好脆，夠乾身，可以點喼汁，椒鹽不多不會太䶢，用腰果送飯剛剛好兩個人食三碟餸有點多，因為份量都幾大碟

懂這句題目的人，相信也有一點經歷，超人也曾經出過， 這間餐廳位於黃大仙的新型高尚住宅的商場內， 距離地鐵站路程需要十分鐘左右， 不算太遠， 還算可以接受。 食物方面，當然就是香港人的最愛， 港式茶餐廳， 認真的說， 最吸引我的就是他的西多士， 熱辣辣新鮮即叫即做， 完全做到外脆內軟的感覺，中間配搭一層薄薄的花生醬，令整個西多士更為美味。一般的茶餐廳供應給客人的茶水， 只是普通的淡紅茶， 沒想到這間餐廳居然如此貼心，提供的竟是帶有菊花香的清茶， 令我更感到意外的就是無需添加額外收費。