豪大大雞排 (銓利大廈)

营业中

休息中

今天因為很想念台灣的炸雞排所以特別來灣仔吃這家豪大大雞排。雞排是現炸的而且很大但是老闆可能是胡椒鹽撒太多有一點太鹹 但是雞排本身是蠻嫩蠻多汁的 下次去吃的話可能就叫老闆少放一點調味

對上一次食是幾年前的事，事隔久了，很容易便淡忘之前痛苦的回憶；這次亦不例外，小人再一次墮進無限輪迴錯誤空間之中⋯⋯其實小人是到豪大大雞排旁邊的小店買雲吞麵，詎料心魔作崇，順便買塊雞排，一止心癮。之前買是勁香的，買回家途中一定已是飄揚著令人垂涎的香氣，可是今次卻全然沒有；雖然是即時炸起，怎麼竟也有不夠熱的感覺？！食台式雞排，油膩已在預期之內，追求的只是酥脆外皮內有肉汁，香料味十足，辣味夠過癮的一塊大雞排。今次買的雞排完完全全做到一個反面教材︰雞肉欠肉汁，差不多乾到似柴皮、味粉不辣不香、炸衣又腍到一垞糊咁，完全唔知自己食緊乜。最過份的是雞排的厚薄︰第一啖是正常的，繼續吃下去，愈食愈薄，去到中間簡直薄到似張紙！「豪大大雞排」以後可改名為「豪薄薄雞排」！不禁令人一問：為何如此難食都可以生存到？假如小人的金魚記憶一息尚存的話，應該沒有回頭日。

收工覺得好肚餓, 一定係用腦用太多, 要好好獎勵自己邪惡嘅油炸食品, 就係一個好選擇次次行經灣仔天橋, 就會聞到樓下傳黎香噴噴嘅豪大大雞扒味<香香雞>疫情期間食大雞扒好似唔係太方便, 呢份香香雞一啖一粒就啱啱好啦今日運氣唔錯, 即叫即炸, 新鮮熱辣辣外脆內軟, 再加上少少辣粉, 能量值瞬間提升<薯餅>另外, 見炸薯餅非常抵食, 又嗌多份同朋友分享薯餅上高加咗好多椒鹽粉, 其實唔使落都已經好夠味, 落咗反而有少少畫蛇添足, 有啲過咸

今日早左到灣仔,突然見到炸雞想食,個譚仔聲阿姐問我想食乜,咁我咪話要輕量雞囉,可能我帶豬咀,d 聲有d 怪,佢表現出一副我嚇親佢既表情....仲好似要自己呵返自己咁....我帶豬咀兩年都未試過咁...好啦,雞整既同時佢同入面d 姐姐有講野,d 人又望下我,到問我要唔要辣果時係正常既.其實好食就冇所謂啦,返到公司睇下,塊雞幾好樣呀....一野咬落去,嘩...硬到呢...用手搣開,兩層粉夾埋有件雞咁厚,仲好硬下添,層粉既味道係ok 既,可惜雞係乾既,好似人地健身食果d 白烚雞胸咁,乾爭爭鞋烚烚.(同事話依家果d 健身雞胸又滑又嫩架啦).好啦,冇下次,完.

用水魷魚鬚加粉漿炸，條魷魚鬚完全無味，炸粉漿又厚，食落去鬚還鬚，炸粉還粉皮，點會用水魷魚鬚做架，買魚蛋檔淥水的魷魚鬚，點會用嚟咁整架！？都唔知咩鄉下做的方法，非常難食！

午飯時間，經過豪大大雞扒😆😆實在太香啦！基本上每次經過都會俾佢嘅香氣吸引，好啦，今次就買塊雞扒返公司慢慢食啦。雞扒超級大塊，不過舖頭係唔會幫你切。其實選擇都算多，除咗雞扒之外，仲有薯條，炸雞塊，魷魚鬚，花枝丸，洋蔥圈等等。總之如果想食炸物，呢度都係幾好嘅選擇😎😎午飯時間竟然唔需要排隊，買咗一塊大雞扒，店員即叫即整，所以一定係熱辣辣👍🏼👍🏼等咗大約5分鐘，其實都算幾快幾有效率。雞扒除咗大塊之外，都真係幾香脆，皮好好味！又多肉汁，好滿足😄😄

“大雞排”($35)點解食豪大大都要影😂因為我發覺自己好似食咗咁多次豪大大應該一次大雞排都冇食過😂有日放工唔想食飯咁岩又經過一於買返塊大雞排食吓😛叫咗辣味嘅大雞排🐔即叫即炸拎上手超級熱🤣食落唔算話太juicy但好彩都唔算太乾辣度比想像中低食食下完全唔覺得佢辣😂不過豪大大咁多分店應該每間質素都有啲分別啦😂純粹紀錄一下🤣

今天是聖誕節，可惜今年聖誕都唔打算出外慶祝聚會，越來越掛念出街食小吃的時候，那次是我第一次食豪大大， 在灣仔甘耐，我都未試過豪大大的炸物，於是那次我就去買一份來試，雞排果然是好大塊， 比手掌更大，而且炸雞排香氣四溢，即使帶了口罩都能聞到，這款鹽酥雞排是台灣著名的街頭小吃，外脆內軟，惹味可口，實在令人回味無窮。鹽酥雞排的做法其實不難，將雞肉，配以九層塔，蒜泥，五香粉，黑胡椒粉，醬油，糖等調味，醃30分鐘，然後雞肉加入乾地瓜粉，沾滿粉後等幾分鐘再炸即可。但要整得好吃並不容易，因為不可以炸得太燶，亦不可以太厚粉，要做到恰到好處，而要控制火喉，令整塊並大的雞排都炸得均勻，更是不易，難怪豪大大的雞排甘受歡迎。至於價錢方面，炸雞排的價錢雖然有點貴，但份量多而且好味，我覺得值得一試。 

每次行過大街小巷旺區樓市都會見到豪大大雞扒呢五隻大字。話說以我印象中佢嘅起源係臺灣嗰邊過嚟嘅，因為第一次喺臺灣食過之後就真係返尋味，結果佢哋嚟到香港我都係咁愛。當初有一塊雞扒變到好多小食好多花款。而家某啲鋪頭仲可以配埋飲品食一個套餐。但我自己就總覺得雞扒之中係原汁原味同埋係佢哋嘅主打，所以基本上，嗰日唔係特別，食得飽，我都會買返一塊雞扒嚟食回味一下。基於雞扒比較單一所以一張相就足以代表曬全部嘢。順帶一提，雞扒又大又細又有花資源有雞翼有雞球，仲有其他機嘅配件或者啲雜物，同埋有其他飲品但係啲飲品因為多不勝數好難喺度報到。

經過灣仔，見到豪大大，咁啱想食少少野，就買了一點小吃，薯仔本人都幾喜歡食，平時買開豪大大都係食佢既炸雞，今次例外，試下佢地既炸薯角，$15一份，份量都吾算少，所以這價格都okay，同炸雞一樣可以選擇辣或吾辣，即叫即炸，到我手是熱辣辣的，味道好食，辣辣地幾野味，外皮脆朴朴，裏面既薯肉都好豐富。👍🏻😋

突然想食炸雞，去到灣仔，經過呢間豪大大，佢食品既款式都吾少，跟著就忍唔住買左一份香香雞，買一份比半份多一倍，而價錢又又抵啲，好重香料味，粉槳炸到脆脆，可以選擇又得，吾辣都得。

早前途經灣仔有少少餓，吃了一次吉烈蠔後每次經過其他分店總想再點一客，卻發現吉烈蠔似是灣仔分店限定食物，旺角、銅鑼灣等店均未有售，特意在往灣仔碼頭前再去一去其分店，再嘗炸蠔滋味。20蚊5件炸蠔，即叫即炸，蠔保證是雪藏貨但蠔味仍非常濃郁！炸蠔製作時間比其他食物長，需要等候五分鐘以上。炸粉很薄，外層金黃香脆，蠔本身很是飽滿，一咬下去，蠔汁便湧出來，小心燙口。建議加5蚊要多罐汽水，汽水炸物永恆絕配，五蚊一罐也是抵飲！

我自問係一個非常有禮貌ge人，次次去到門口，見咁多人(大家企到散哂）都唔知邊喥係龍尾，我就問後面啲人係咪排緊隊，舖頭個阿姐突然問我後面啱啱嗰個人要食啲咩？？哇靠！佢見到我嚟先，而且唔係第一次，我幫襯三次都係咁，之前我有建議過，叫佢掛個牌指出排對方向，好俾啲人排隊或等食物就企另一邊， 而唔係邊個衝埋嚟大聲嗌食乜就先俾邊個。「 香港人冇禮貌」 難道名不虛傳？如果呢間鋪頭係咁嘅文化， 我下次一係唔幫襯， 一係去到直接同老細講我要乜，唔會諗排唔排隊。 但我諗會揀前者， 因為我係一個好講禮貌嘅人。本身住過台灣十年，大大小小雞扒都食過，就係欣賞香港開的豪大大雞排都有八成台灣味道，除咗價錢比台灣貴四倍之外，雞排質素唔錯，但衰在服務態度太差，同台灣差別甚遠，所以都係唔會再幫襯灣仔呢間。

這個月天氣常常下著豪雨及小雨！尤其在午餐前後！下著絲絲秋雨，令人感慨抑鬱悶熱而無力感，但是始終都要面對社會，生活及飲食！灣仔區的小食店都是不名經典的魚蛋，燒賣及雞蛋仔等的小食店！下著綿綿細雨，忽然想起有間豪大大雞排店，立刻急步行去買一份香味十足的大大雞排品嚐一下！果然無介紹錯，有足23 cm長度，炸粉份量適中，油炸時間剛好，脆化可口，毫無肥膩感覺！加杯汽水或啤酒就最正阿，與台灣士林夜市分庭抗禮！特別有感而道:不妨做些台灣麵線，米粉及飯類，加落奇脆肉滑的雞排，應該是最佳拍檔，其門如市，都是為食一族的期望！水對

午飯畢，同事忽然在我面前遞上新鮮熱鬧金黃香脆的炸雞膇一隻，原來同事路經豪大大抵擋不了誘惑，買了一包三隻的炸雞膇回來，炸雞剛炸起香噴噴，令節食中的我完全無法招駕，慾拒還迎下還是接受了，大口咬下，表皮薄脆鬆化帶有點點准鹽和微辣，香口非常，肉質嫩滑味美十分juice，簡直可媲美韓國的校村炸雞，正！在灣仔區上班美食如此多，減肥真是談何容易呢！