豪宴海鮮酒家

营业中

休息中

來過呢間茶樓幾次，點心質素好差，貪方便先黎，但今次黎一坐底，佢話點解你唔坐呢邊，果邊未開，我話想睇早晨新聞，佢話你要坐返過黎。 我坐果張係四人台，兩個人，咁佢d設計係咁大張，我要同其他人搭台咩？ 間野早晨時段都咁空，d野都唔方新鮮，上次食既時候d肉好梅。

屋企人同我慶祝生日，因為多老人家，決定去就近茶樓食個晚飯。呢間豪宴其實食過唔止一次，d野還可以。-炸子雞果日6個人以上，就可以有4選1既優惠，我地揀左1蚊雞1蚊食到炸子雞，冇搞錯❗️係1蚊❗️皮薄又脆，肉質尚算嫩滑，1蚊食到咁既雞，冇野好彈-龍躉兩味次次黎親都會食呢味餸咁濟，一味係蒸，一味係西蘭花炒，龍躉肉質好滑，我比較鐘意食西蘭花炒多d，味道會濃d，肉質偏硬身，口感會好d。食龍躉一定要食佢好厚既皮下脂肪，骨膠原啊不過次次食，都係冇刨乾淨d魚鱗，真係好困擾我想食皮啊-黑醋柚子骨（唔肯定係咪呢個名）呢個真係好睇個人口味，因為佢個醬汁好甜，好甜，真係好甜(重要野要講3次）我男朋友就一舊都冇掂過，因為真係又甜又酸，唔係個個都接受到不過淨講骨，肉係好林既，啖啖肉，唔會淨係得骨。-節瓜粉絲煲冇乜特別囉，呢味餸好難伏。😅-魚香茄子煲 魚香茄子撈飯一流好香，咸度剛好用黎撈哂一碗飯茄子好林，又入味-成餐基本上係中庸之道，唔會伏，但又未出色到非介紹不可。

之前有幫襯過幾次，服務係差但都算。可惜麗港城得一間酒樓，真係純粹貪方便先去。今次真係離譜得太緊要，一定要上嚟評一評。係星期日朝頭早我同我屋企人兩個去等位。知客叫我攞飛等位，明明我哋張飛（1-2人枱）係下一張，但叫咗成10張3-4人枱的飛都未輪到我哋。我覺得有啲問題所以過去問一問個知客。跟住佢先同我講話兩個人要搭枱，但係我之前從來都冇聽過原來兩個人一定要搭枱。我覺得好過分，重點係佢要我等咗咁耐都唔同我講，要我去問先講。佢仲話如果想唔搭枱就要永遠等落去。嬲嬲地咁我就話唔飲啦我去第二間。我行到去電梯前面，個知客竟然好好中氣咁大聲串我：「兩個人係要搭枱㗎啦!」我自問態度唔係差，佢竟然咁樣對待客人，我真係冇嘢好講。以後我都唔會再去豪宴，其他分店都唔會再去。希望快啲換過第間。

We have been living in this area (LagunaCity) for many years but rarely visit this restaurant. Just happened we have some kids of relatives joining us family dinner this Year on 年初一, so we choose this 豪宴 rather than taking a cab to those nicer ones. We made reservation weeks ago, do not have any expectation on food indeed, just wanna get a venue within walking distance to have a simple meal, family members get together is more important at this festive season.人算不如天算，we arrived on time but was

今日大年初一,三代同堂一行20多人，舉家七點準時到達麗港城豪晏酒家，準備享用早前已訂的兩圍開年飯,豈料知客竟告知預訂跟walk in 的客都是一樣要排隊的，一家大小等了個多小時仍沒法安排座位，頓時令我們大失預算,小朋友又肚餓，老人家又企了一個鐘.真是一個難忘的大年初一這這間酒樓真的不知所謂，完全沒有遵守承諾，完全不理顧客的感受，希望各位以後定位的時候，要再三考慮光不光顧這間酒樓，以免你們以後會遇到我們的遭遇，請廣傳。

菜式冇調味亦別妄想有鮮味，座位安排亂！改善空間可以說很大，可以說完全缺乏！總括！除非有人說已有大改善。否則！有要求既人別光顧，倒錢去填海好過食佢！圖中是其中一味 灼蝦:霉！冇味！買雪蝦自己煮都好過佢！心情如圖今晚初一食飯坐門口，佢地安排錯亂，又要接walk-in 客，又要啲人等成個鐘都未有位比人，仲聽個經理話上埋啲餸埋我地單添。服務質素 劣食物質素 劣工作態度 劣座位環境 劣快啲執左佢換過間好過啦！ 完 夠200字了

我喜歡飲茶,去過無數間酒樓,藍田豪宴員工的服務可以稱得上係全港最差。首先,當寫好點心紙,舉起隻手想遞給樓面,等了良久(最少五分鐘)都冇人理你,有員工見到都裝作看不到。最後要起身去交點心紙給經理。其二,有兩樣點心遲遲未來,(未知是否漏單)問了五六個職員,包括樓面及經理,都冇人理你,原來又係漏入單。其三,暖水壺冇水,又係叫了幾個職員沖水,要叫多個員工才有一個樓面理你。服務認真九流。

服務態度詐死。明明張枱布好污漕，同伙記講，竟然叫我哋座過啲，堅持唔換枱布代。經理唔理人，明顯見到都唔理。經理大大聲爆粗，叫極都唔應。嚟食野大家都想開開心心，佢啲咁嘅服務態度真係令人好火氣。😡😡😡Such a disappointing experience, we're never coming here again. They treat customers like shit. It's the worst customer service in a restaurant I've ever seen!!!

去麗港城探朋友，之後就一齊到麗港城商場吃晚飯。途中發現有一間酒樓，朋友話應該係新開張不久，想試吓新酒樓， 於是就決定在此吃晚飯。酒樓面積頗大，因為新開張，所有裝修、座椅、食具……等都非常新淨企理。睇下菜牌，有任叫任食嘅特價小菜， 就隨便叫了幾個小菜試吓。上湯焗波士頓龍蝦龍蝦都算新鮮，味道唔錯，不過龍蝦殼沒有認真敲碎， 進食時感到很麻煩，而且跟伊麵要加$30，有點貴。砂鍋鹽焗雞半隻$48，幾抵。因為任叫任食，落單時要咗兩份，即一隻。鹽焗雞帶少少鹹香，用大量蔥蒜焗，好惹味。XO醬爆黑豚肉黑豚肉肉質較爽，不過XO醬味道唔夠突出。紅燒北菇豆腐味道唔錯，不過北菇份量太少。西蘭花花枝螺片 花姿片同螺片都夠新鮮，味道可以。整體來說，這酒樓的小菜份量不大， 味道很一般， 比較突出的算是砂鍋鹽焗雞，味道好，價錢平，值得一試。