豪宴薈

营业中

休息中

🎈豪宴薈同朋友去街經常都係飲咖啡，今次就搵啲新意思去飲茶🥰皇室堡樓上嘅豪宴薈地點方便，行街過後嚟歎一盅兩件就最適合🎈蟹籽燒賣皇燒賣皇啖啖肉，內有爽口彈牙嘅蝦肉，經典滋味🎈黑松露鮮蝦帶子餃 黑松露味香濃， 蝦肉及帶子爽口彈牙，配煙韌外皮幾好味🎈一口脆皮豆腐外脆內軟嘅脆皮豆腐香口惹味🎈春風得意紅米腸紅米腸包住脆卜卜嘅油條釀蝦肉，配搭創新亦頗有口感🎈沙律明蝦角飲茶必食的點心，香脆外皮裡面有滿滿蝦肉，點沙律醬一流🎈燒鵝瀨粉燒鵝皮微微脆充滿油香，鵝肉滑嫩而且幾厚肉，點酸梅醬食唔會膩🎈切雞米粉下午茶時間$38就有大大碗滑嫩切雞米粉，比唔少快餐店更抵食🎈補腦核桃包第一次在香港見到呢款包，內裡有核桃粒粒，甜甜哋幾有核桃香🎈紅油抄手醬汁帶有醋香，味道微辣

晚上同屋企人想係酒樓食晚飯，發現公司附近嘅酒樓有晚飯孖寶優惠，所以特登黎食下😍酒樓都闊落同幾靚，一出𨋢門已經睇到好多菜式都有優惠😆我地揀左以下開心孖寶同海鮮孖寶D🤤開心孖寶入面有🦞上湯焗西澳洲龍蝦同脆皮吊燒雞🐔龍蝦好多肉，大大嘅龍蝦球好彈牙😍同鮮甜🥰啖啖肉😋食落好滿足🤭烏冬掛上湯汁🤤有滿滿龍蝦鮮味脆皮吊燒雞香脆肉嫩😋雞皮好薄又脆😍海鮮孖寶D入面係白灼海生蝦配晚爐燒鵝皇🤤海生蝦大大隻，口感彈牙又鮮甜☺️晚爐燒鵝皇外皮香香，味道帶油香，燒鵝嫩滑🤩仲有糖水送🥰

極靚維港景觀🥰新開張以來bookmark咗好耐地點就腳 有無敵景觀 重點係親民嘅價錢位於銅鑼灣熱門地段但竟然都有好多套餐優惠本身想食龍蝦拼炸子雞孖寶🦞可惜皮膚過敏🙁冇得食龍蝦咁就一於食啲溫和啲嘅紅燒斑頭腩煲本身仲驚斑頭腩冇咩肉食點知舊舊都多肉仲有大概7大件上菜時吱吱聲勁有鑊氣仲有樂多什菌，洋蔥等配料咸魚煎肉餅咸魚夠晒咸香 味道好出肉餅脹卜卜得嚟又煎得好香口海鮮雜菜煲菜心、西蘭花，白菜仔湯頭好清唔會成煲味精湯仲有好多蝦、魷魚、帶子個底仲有粉絲吸收晒啲精華添炸子雞兩位可以加$48要半隻隻雞醃得夠晒咸香炸得好透徹得嚟又唔會老層皮脆卜卜又唔會好多見膏勁好味！最尾仲有糖水送要咗一碗紅荳莎一碗芋頭紫米露抵讚嘅係夠晒熱兩樣食落都唔會過甜紫米露裏面嘅芋頭好夠綿勁正呢度嘅員工好nice收碟又快❣️

我媽咪好鍾意飲茶🤭我知道銅鑼灣皇室堡新開左間酒樓，梗係同佢一齊去試吓啦，呢到裝修得好靚好舒服👍🏻門口嘅花裝飾打卡一流，重要望到海景😍藍色地氈配超柔和燈光，喺到嘆茶真係舒服到不得了👍🏻呢到嘅下午茶相當抵食，點心二十幾蚊咋，茶芥每位十一蚊。燒汁煎釀茄子 共四件，大大件，煎得好香口，唔會油淋淋，鯪魚肉都好彈牙👍🏻蒜蓉蝦春卷 推介必點之選⭐️第一次食到春卷入面有蒜蓉味😋勁香口脆卜卜，啲蝦好彈牙，點埋喼汁食一流👍🏻魚茸燒賣 第一次食魚茸燒賣，整法係加左鯪魚肉整嘅燒賣，好彈牙好滑油雞飯(碗）呢到啲油雞整得相當入味重相當滑👍🏻份量都好足菠蘿脆皮咕嚕肉 啖啖肉酸酸甜甜，配料五顏六色，望落相當開胃，送飯一流紅燒乳鴿皇 燒得唔錯，肉汁夠juicy,點埋淮鹽食，真係正到暈👍🏻

經過三年疫情，好多餐廳都已經捱唔住，相繼結業，特別係好難搵到一間啱心水嘅宴會酒樓，重拾他日外出用膳的熱鬧氛圍。呢日知道皇室堡新開左間「豪宴薈」，菜式精緻，坐擁全層空間，飽覽維港景色，好想過黎試試。呢晚客人唔少，氣氛頗為熱鬧，結果試完啲菜又覺得非常驚喜🙂值得與家人在此相聚👍🏻開心孖寶套餐（$288）脆皮吊燒雞（半隻）🐤🐤外皮烤得很脆，色澤金黃，非常誘人，內裡則保持了雞肉的滋味和嫩度，燒雞時加入調味料令肉質更香嫩可口，半隻份量適合兩個人享用。上湯焗西澳洲龍蝦伊麵🦞🦞套餐本身跟烏冬，但龍蝦又點可以唔配伊麵呢？所以+$30改左伊麵底，錢都加得無錯。龍蝦色澤鮮豔，肉質鮮美，經過焗烤後更加香甜可口，而且湯汁濃郁，配上彈牙伊麵條非常可口，散發出的香氣令人垂涎欲滴，非常值得品嚐。杏汁燉豬肺湯（$58）🐽🐽非常滋補身體和養生，杏汁則有助於潤燥止咳、養顏美容等功效，滋味鮮美，口感清爽，清熱解毒。西芹腰果蝦仁（$138）🥗🥗非常清爽，西芹的清香和腰果的香脆口感與蝦仁的鮮甜味道相得益彰，營養豐富，非常開胃。這道菜擺盤精美，讓人一看就有食指大動的感覺。豪宴薈 (銅鑼灣)地址：銅鑼灣告士打道311號皇室堡9樓

最近見到皇室堡又新酒樓，即刻上去試下。午市1點左右去到 不用等位就入得💪🏻今日真好彩！ 酒樓內籠都光猛，窗口位仲望到維園風光，座位都闊落👍🏻酒樓姐姐仲好好服務， 同佢講話個風口位有啲涼即刻轉左另一張比我地， 加熱水同收碟速度都讚！酒樓點心的價錢喺銅鑼灣嚟講都算抵食， 二至三十蚊有一籠，質素都有返甘上下👍🏻本人特別中意佢個金錢肚同牛栢菜， 份量足又入味！朋友就中意佢個薑醋， 甜甜地又補身。叫左九碟點心食都捧腹而回都係每人兩百蚊❤️

平時鍾意鍾意飲啖茶食個包😮‍💨，知道大埔「豪宴薈」喺銅鑼灣開咗分店，同母親大人嘆個靚靚下午茶先🥰。🥢原隻蝦餃皇蝦餃皮薄喊靚，大大粒蝦肉。🥢蟹籽燒賣皇口感扎實 。🥢黑松露鮮帶子餃帶子餃鮮甜美味 黑松露香噴噴。🥢沙律明蝦角好耐冇食過蝦角🥹，係回憶的味道。蘸上 沙律醬更淡味。🥢鮑汁炆鳳爪鳳爪軟腍入味，花生🥜食唔停口。🥢紅燒乳鴿皮脆肉嫩，一咬飽滿肉汁，做得不錯👍🏿。🥢燒腩仔米粉燒腩仔肥瘦相間，皮脆卜卜，記得要趁熱食😬。

幾天前和朋友在酒樓用餐不慎遺下錢包，多得貴員工拾金不味，完好無缺交還。多謝領導們教育培訓有方，不留名的員工品德高尚。感謝萬分。酒樓環境優美，全海境，食物質素高！

銅鑼灣的豪宴薈，位於皇室堡的9樓全層，裝修布置了粉紅色的玫瑰，雅緻新潮，充滿著浪漫與溫馨。Menu頗多選擇。西蘭花炒帶子，帶子很大隻，很新鮮，所以口感煙韌及鮮甜。西蘭花食得出用高湯煮，很入味清脆。海鮮孖寶 清蒸沙巴班仔，沙巴班仔不是很大條，肉質嫩及滑，鼓油帶少少甜，調較得很好味。脆皮燒腩仔有少少鞋，切得不是很大件，差不多一件一口，很喜愛脆卜卜的燒腩仔皮，燒腩仔醃得也頗入味的！ 食完餐廳還送上一個紅豆西米糖水。

今日約左朋友去銅鑼灣 又想飲茶不過好少過港島依邊 朋友就帶左我去皇室堡豪宴薈到嘆茶🤭原來新開冇耐 裝修好靚又乾淨舒服 環境好心情好🤍拿拿臨即刻點野食先😋鮮蝦鴛鴦炒飯🍚嘩超大兜啊！都埋勁足料 酸甜味出好惹味 但白汁又好香滑🤤D蝦仲好大隻酸甜炸雲吞/原隻蝦餃皇飲茶必叫！香脆既外皮 每啖都好滿足！而蝦餃又點少得呢？叉燒腸做得唔錯 外皮做得薄厚適中 饀料都好滿 而蝦餃醬皇金錢肚平時好少叫 食得特別滋味 入口軟得黎又唔會好爛 有咬口😍百花蒸釀魚肚第一次點既菜式 幾得意 好爽口😍蓮蓉大壽桃 我朋友不嬲都係蓮蓉怪 見到有壽桃即刻話要做飯口甜品😂依個蓮蓉唔會偏甜！

有去開皇室堡都知果度有好多食肆，今次搵到一間舒適又有海景既茶樓。一入去已經比個環境吸引，花花佈置，一面窗仲可以睇埋海景。除咗飲茶正，相信結婚擺酒都一樣咁正。午市點心都好多選擇，而且講明即叫即整，新鮮程度有保證。原隻蝦餃皇晶瑩的蝦餃皮，蝦餃十分飽滿。蟹籽燒賣皇燒賣大大粒，口感紮實。川味口水雞水準之作，拍得住街外的川味小店。夠麻夠辣，私心會想佢有米線套餐。椒鹽魷魚鬚魷魚鬚外脆內軟，蘸上喼汁令人食唔停口。原隻鮮蝦腸粉腸粉口感滑，鮮蝦夠大隻。流沙奶皇包流沙包熱辣辣，中間有香噴噴的奶黃流出，非常邪惡。沙律明蝦角酥脆香口，中間啖啖蝦肉，配沙律醬滋味好食。

🌳海蜇青瓜$55 叫咗個前菜食，海蜇爽口，青瓜入味🥒🌳花菇紅燒豆腐$98紅燒豆腐簡單家常小菜，芡汁濃稠度適中，花菇切片易入口，豆腐夠香🌳蜜汁叉燒$138叉燒一例多到原條咁🤣無咩肥膏，啖啖肉，蜜汁夠甜，餸飯一流🤤🌳醬爆野菌花枝片$108大碟又抵食，原來有西芹，好彩朋友食，我主要食炒野菌同花枝片🥬花枝片幾爽口，唔會太韌🦑野菌入味，炒得夠香🌳蒸飯小菜配白飯，飯粒偏乾身，加埋醬汁啱啱好🍚🌳桂花糕食飽飽仲有甜品送，係桂花糕🥰充滿桂花香，勾起兒時回憶🦥豪宴薈 (銅鑼灣)銅鑼灣告士打道311號皇室堡9樓

豪宴會放假當然就係去行吓街食吓嘢啦，今次去咗銅鑼灣行完日本超市之後，覺得好肚餓度就睇吓皇室堡附近有咩好食，原來最近開咗間新嘅酒樓，而且做緊一個特價優惠，當然要試吓啦見到佢哋喺門口都已經貼咗呢個開心吓步，一定要時，佢哋果然係開心，一個價錢就兩個主菜，唔叫唔得。兩個主菜，包括吊燒雞，上湯焗西澳洲龍蝦吊燒雞，佢哋嘅雞真係皮脆肉嫩，燒得啱啱好唔會有過多嘅油脂，肉同脂肪比例啱啱好另外一個主角當然就係龍蝦啦，我哋嘅上湯焗龍蝦配咗嘅係日式嘅稻庭烏冬，比起普通嘅伊麵底，我覺得更加好味吸引，而且性價比幾高，佢哋嘅龍蝦肉超多忽略，兩個人食都絕對夠飽，講真呢個性價比都幾高到四百幾蚊就可以食到龍蝦同燒雞，果然開心魚湯鮮竹浸菠菜苗食完開心孖寶，當然要食個菜平衡下啦，佢哋嘅魚湯配上鮮竹，同埋菠菜苗，水準都幾高講真，喺銅鑼灣都可以食到咁高質嘅酒樓真係性價比幾高#香港 #香港旅行 #香港美食#香港探店#銅鑼灣美食#多國菜#中餐#試食 #餐廳#foodie #hkfoodstagram #hkfood #hkfoodlover #kaygorfoodie #hkig #hkfoodie #foodiehk #hkige

這間新開張的酒家位於銅鑼灣，店內環境寬敞舒適，晚市設有多款優惠，還有自設魚缸養飼游水海鮮，性價比好高！開心孖寶 - $288上湯焗西澳洲龍蝦澳洲龍蝦的蝦身肥美飽滿，拆出一件件啖啖肉，鮮活的肉身特別鮮嫩彈牙，肉汁超鮮美香甜，幼身的稻庭烏冬煙煙韌韌，爽滑彈牙又吸飽龍蝦汁和上湯汁。脆皮吊燒雞(半隻)外皮紅潤的燒雞皮酥肉嫩，香脆的雞皮富鹹香，肥美雪白的雞肉流出濃濃雞黃油好嫩滑、好鮮味。海鮮孖寶E - $128/份鹽燒南非鮑魚(2隻)厚肉爽身的南非鮑魚煙韌爽口，有著濃郁的鮮甜味，又有椒鹽惹味的微辣，好特別。白灼海生蝦(1份)十數隻鮮活海蝦比起一般的更加鮮甜，富海水鮮味，爽滑彈牙的蝦肉好易去殼。紅豆沙(送)綿密的紅豆沙好香甜，帶微微陳皮香氣，更有少許紫米和西米添口感。紫米露(送)香甜軟糯紫米帶濃厚的椰香，更有少許綿密的芋頭和晶瑩剔透的西米。

今日同朋友嚟咗皇室堡行街，偶爾發現咗呢間豪宴薈，裝潢雅致得來又高級，而且地方闊落，上菜好快，所以今晚食得好開心😁貴妃雞半隻都份量好足，雞味好重，而且雞肉食落好嫩滑，配搭埋蔥油，風味更佳，食到我舔舔脷☺️蠔皇珍菇豆腐非常之有驚喜，首先非常知足了，而且豆腐好滑身，連埋鮮味冬菇片，非常之好食😝水煮牛肉煲到令人眼前一亮，首先份量好少大，而且牛肉都幾鮮，仲有啲水晶粉同芽菜喺底，仲有萵筍，口感好豐富，簡直係味蕾嘅享受😍鹹魚雞粒炒飯更加水準嘅表現，飯粒炒到粒粒分明，而且鹹魚好有香味，而且雞肉大大粒，連埋菜心片非常之好食，個人都encore左三碗😚冇諗過喺銅鑼灣都搵到啲咁高質又抵食嘅酒樓，仲要啲裝修好靚，下次有機會一定會帶埋屋企兩老過嚟試吓☺️