豪隍點心工房

营业中

休息中

之前聽聞呢間點心店要排好耐隊，不過見佢開左分店，算係分散左啲人流，呢日早大概四個字至半個鐘係App度攞飛，去到就啱好有得入😎但座位都係比較迫，限時七十分鐘🫣可能本身太大期望，食完覺得只係還好，同埋感覺頗多味精，口渴足一個下晝🤥▪️ 豪隍蝦餃王（兩粒）（6.5/10）💲27🦐蝦餃真係好大粒，包裹住好多彈牙蝦肉，呢度兩粒等於坊間四粒咁😯就算個皮比平時厚少少，感覺都合理，但係口感偏軟，無左煙韌性▪️ 蝦仁燒賣皇（兩粒）（6.5/10）💲27肥豬肉既比例相對少，口感比較紮實🤤▪️ XO醬蘿蔔糕（6.5/10）💲31蘿蔔糕有少少脆邊，不過佢係就咁加瑤柱XO醬係面，而唔係一齊炒到好入味嗰種，底部全都係油😅▪️ 香茜牛肉腸（6/10）💲27腸粉皮真係太厚，啖啖米漿感，食一舊已經超級飽肚😳個人都係鍾意薄滑啲既👉🏻👈🏻▪️ 鳳爪排骨飯（6/10）💲37排骨肥瘦適中，可惜個飯底比較濕，唔夠粒粒分明，同埋無咩味，差咁啲排骨滲落去嗰種油香😖🔎 整體評分（6.5/10）

在openrice落單，外賣自取。食物準時做好，點了炸曼頭，芝士蝦春卷，排骨，鳳爪，珍珠雞，混醬腸粉等等。炸曼頭 : 脆口，但有少許油益味排骨鳳爪 : 惹味，入味珍珠雞：太實，料唔多整體感覺物無所值7個點心，盛惠200蚊

呢一間點心店喺網上面好友人氣，好多人都有介紹呢一間餐廳但係一直都冇去到！前牌終於同屋企人去咗，點心味道都係正正常常的但係值得一提蝦餃同燒賣都好大粒而且好足料有好多蝦喺入邊！嚟到一定要🤗

🍴🍽🍴🍽🍴🍽🫖🫖🫖🫖🫖🥫🍴🍽🍴🍽🍴🍽-今次係第三次到訪豪隍點心工房，前兩次都係去敬業街分店。今次去嘅呢間分店位於鴻圖道，店舖感覺同敬業街總店好唔同，係行比較新派嘅點心餐廳路線。新店店面寬敞光猛，入面裝修同擺設較新穎，而且仲有好多高達模型🤣。午膳時間排5分鐘到就可以入座。豪隍非常受區內嘅打工仔歡迎，主要因為點心嘅用料十足，份量比其他酒樓更大件！🥢蝦仁燒賣皇 $27 🆙幾鍾意佢哋點心係一盅兩件，兩個人食都可以有多d quota食下其他野！燒賣size俾酒樓嘅大粒，面頭同內餡都有蝦仁。蝦仁咬落彈牙新鮮，肉質鮮嫩唔油膩👍🏻🥢墨西哥叉燒包 $27 🆙必食！墨西哥叉燒包頂層係用牛油、麵粉做成嘅酥皮，包嘅外型好似頂墨西哥草帽，所以叫墨西哥包。叉燒包新鮮焗起熱辣辣，外皮皮脆帶軟，包體軟熟。叉燒內餡偏瘦，食落唔會好油膩。🥢蒜香芝士鮮蝦長春卷 $37 🆙春卷呈長條型，以長筒型容器盛載，賣相似足一個筆筒插住幾支筆🤣🤣 鮮炸嘅春卷咬落脆卜卜，有好重嘅芝士咸香味，不過就唔係好食到蒜蓉味。最後可以食埋青瓜中和番個油膩感👍🏻🥢鮮蝦菜苗餃 $27 🆙菜苗餃一籠有3粒，皮薄餡靚，水晶皮晶凝通透，可以見到入面餡料好充足！

🫖🫖🫖同樓上本店唔同，可能新鋪為左吸引大家，反而有幾款點心係依間獨有，所以真係要為大家介紹下，想試邊種點心就記住唔好去錯地方醬汁茄子拼尖椒 ($32) 👍🏻👍🏻👍🏻茄子尖椒係必叫項目，大大份，可要求汁另上，自己調味亦唔洗浸到茄子尖椒潮州粉果 ($24)都好大粒，味道正正常常，聽聞如果要辣油要加錢，如果想要粉果加辣油，不妨試試用茄子尖椒既醬汁，一樣好美味😋😋👍🏻香茜牛肉腸 ($26)熱辣辣，加埋有芫茜配搭，令到牛肉腸好香，層次感倍增，牛肉腸好多餡料，每咬一啖都非常滿足沙律雜果鮮蝦炸雲吞 ($32)好脆好脆，鮮蝦好彈牙，加埋沙律雜果，酸酸甜甜、絕對唔會油膩以下點心係地鋪先有架✅✅✅XO醬金錢肚 ($36)👍🏻👍🏻👍🏻金錢肚厚肉，份量大，爽口入味，加埋XO醬微辣好惹味XO醬蘿蔔糕 ($30) 👍🏻👍🏻👍🏻蘿蔔糕好足料，XO醬份量足夠沾滿每件蘿蔔糕，每件切成一口大小，方便大家進食、一啖放入口非常滋味杞子濃湯鮮竹卷 ($24)有濃湯浸住鮮竹卷，唔會有以往用蠔油玻璃芡汁既咸同油，地鋪使用杞子濃湯，比起樓上鋪用高湯更有心思，真係有諗過飲埋個杞子湯

想試呢間豪隍點心工房好耐，但係佢敬業街嗰間總店成日都有超多人排隊（排到成條樓梯都係人）所以成日都因為太肚餓就打消念頭😅😅而家佢喺鴻圖道嘅分店可以用app攞飛，所以今日終於的起心肝去試‼️豪隍蝦餃皇（兩粒）$27 😋蝦仁燒賣皇（兩粒）$27 😋果然不負眾望，蝦餃同燒賣都係超級巨型！😱😱😱蝦餃個皮晶瑩剔透，唔算太薄，但都可以理解因為個蝦餃都實在太大，如果太薄嘅話好容易穿🤡🤡但係個皮係超級軟熟（我平時係鍾意食餡多過食皮，但都覺得佢個皮好好食👻👻）個餡亦都係有超級多粒原蝦！燒賣都唔執輸，每一隻都有一隻好大嘅蝦仁喺上面，咬落去真係每一啖都食到蝦肉！🦐🦐🦐 雖然每一籠都係得兩粒，但given佢個size我覺得個價錢係可以接受嘅～籠仔馬拉糕 $27山竹牛肉球 $25四寶雞扎 $33鮮蝦菜苗餃 $27 😋脆皮銀蘿腸 $27脆皮雞中翼 $27杞子桂花糕 $25 😋其他點心質素都好高，最欣賞係佢啲蒸點，夠濕潤但又唔太油（因為有時食到雞扎個皮好乾😅😅但佢哋個皮幾好味😚）印象比較深刻嘅係鮮蝦菜苗餃同埋桂花糕，桂花糕好清同埋冇渣～雞扎都唔錯，係有我唔鍾意食既芋頭姐😅😅脆皮雞中翼就唔太推薦，醃夠味，但係有少少炸得太

新春就好似離唔開要飲茶，食咗咁多日盆菜糕點，就想飲杯茶。豪隍呢間餐廳，良心小店💛，新春照常營業🈺️，重點講明唔加價，唔收加二加三，公道！幫襯過咁多次，想試嘅點心，基本都試過喇！就介紹一下我平時必點嘅點心🥧，等大家唔使花多眼亂！🍴蝦餃皇 $29/ 2隻豪隍點心，出名大大粒兼足料。皮薄餡料多，啖啖蝦肉粒，爽口彈牙，一隻等於食咗2粒😂。味道方面，屬傳統派別，有少許大地魚味，肥豬肉比例均勻，唔會覺得太罪惡。🍴潮州粉果 $27每次必點，最鍾意佢皮薄煙韌，不過今次少少失手，蒸過火少少，一夾就爛咗，不過唔影響味道。韭菜味香濃，粉葛甜，如果鍾意食韭菜嘅朋友，包你啱心水！🍴蝦腸 今次好抵讚，腸粉滑溜綿密，原隻蝦粒，一樣爽口。豉油味唔算濃，配上腸粉，好夾。🍴牛肚 好多酒樓都有得叫，不過有時有陣雪味，加醬料醃完就算。豪隍呢個無呢個問題，好好煙韌，都好入味。貫徹大大件賣點，連牛肚都係大大嚿。東廣場新店，比總鋪裝修靚好多，行日式清新風格，不過地方相對隔涉，方便度就一般般。始終唔係酒樓，用上膠杯膠碟，如果以飲茶嘅角度嚟講，始終都有啲扣分。

高質點心專門店🥟豪隍點心工房（觀塘鴻圖道）二訪觀塘豪隍點心工房，水準依然高👍🏻點心平靚正。今次lunch hour去，大概12:30到達就無需等位，遲少少1點左右就要等位了😌點心有創意得嚟，又抵食夾大件，冇得彈🥳全日正價餐牌🍽人均：$80-$100🕰時間：12:30-13:30🍤蒜香芝士鮮蝦長春卷 $37🥟豪隍蝦餃皇（兩粒）$27🥰養顏紅棗榚 $25😋蜜汁叉燒腸 $31🥠鵝肝醬咸水角 $27🫖茶芥 $8/位特別要讚蒜香芝士鮮蝦長春卷有3條加2條青瓜，好好味😋2個人分就夠哂！另外，要讚埋個蝦餃皇，咪睇佢得2粒，勁大粒！入面隻蝦好似出面加埋嘅2粒咁😙蝦餃愛好者verified👍🏻Bible rating: 8.5/10📍地址：豪隍點心工房 (觀塘)觀塘鴻圖道83號東瀛遊廣場地下B號舖

觀塘名店豪隍點心工房原來喺同區開咗地舖，之前樓上嗰間長期客滿，而家開咗分店，唔知可唔可以分流到食客呢？記憶中佢哋個燒賣皇大大粒蝦仁好高質，今次我哋就試埋個蝦餃皇，不過就有啲失望，皮實在太厚太厚啦，即使入面嘅餡料又多又好食，分數都拉唔返高。同樣情況出現喺蜜汁叉燒腸，腸粉皮又係過厚，唔夠軟滑。其餘蒸物山竹牛肉球同流沙奶皇包等就正常水準。反而炸物有驚喜，全部都新鮮熱辣脆卜卜，鮮蝦炸雲吞唔蘸甜酸醬改為伴以雜果沙律，好似食緊沙律明蝦角咁，好豐富；鵝肝醬鹹水角雖然肝醬味唔算突出，但皮脆內軟糯，整體味道唔錯；鮮蝦腐皮卷外皮超脆，餡料蝦仁夠大粒，又係高質。

成日都聽日講呢間點心好好食，今日專登同朋友一齊黎，本身去左工業大廈個邊排隊，發現有好多人等緊就立即轉黎呢邊呢間排，排左大概半個鐘就有位！不過建議大家想黎試可以去the GULU 攞定飛，咁就唔使等咁耐啦！一入到去就有職員問我地飲咩茶，點心方面就係自己掃QR code 落單嘅！我地就叫左蝦仁燒賣皇（$26/2粒），點心拼盤（$50），鮮蝦菜苗餃（$26），蜜汁叉燒腸（$30），杞子濃湯鮮竹卷（$24），醬汁茄子拼尖椒（$32），xo醬蘿蔔糕（$30），蒜香芝士鮮蝦長春卷（$36）。第一個黎嘅就係蒜香芝士鮮蝦長春卷（$36），芝士味都濃嘅，但蒜香就唔算話好出啦，佢配嘅醬唔係普通沙律醬，而係類似蜜糖芥末醬，都幾特別，佢仲要配上青瓜俾大家解膩，食完一條長春卷再食一條青瓜就可以繼續食埋第2條啦！再上嘅就係蜜汁叉燒腸（$30），上枱嘅時候係冇豉油嘅，我地可以自己倒豉油，自已調味，咁就唔怕人地落得過多，岩晒d唔想食太鹹嘅人，講返腸粉，皮薄餡靚，叉燒超級足料，俾得超級多，腸粉皮唔算薄，但都超級滑，推介大家可以試下腸粉類嘅野食！Xo 醬蘿蔔糕（$30），少少辣嘅煎蘿蔔糕，但唔知係咪因為有醬，所以蘿蔔糕比

🔹觀塘//豪隍點心工房🔹人均約$70🔹▫️蝦仁燒賣皇 $26▪️流沙奶黄包 $26▫️是日燉湯 $36▪️墨西哥叉燒包 $26▫️脆皮蘿蔔絲腸粉 $26▪️甜奶炸饅頭 $24🔹好飽評語個人最鍾意係炸饅頭🤭個面好脆🤭加埋煉奶💛💛而且價錢好抵廿幾蚊3夠🤣🤣第二推薦係是日燉湯，好大碗我哋都分咗四碗飲，而且好份味好健康咁🤣🤣！流沙包都係必食😍咬落去真係流沙！好似食緊月餅咁🥮💛呢間地址係新嘅分店，個人覺得舊地址好似地道啲，好食啲，不過呢間分店就舒服啲新淨啲😗😗！

好耐冇食豪隍，估唔到再食呢間餐廳已經開左分店。記得呢間店最出名係食腸粉，所以今次都有點到食。1. 蝦仁燒賣皇一粒燒賣有兩隻蝦，算足料同好食。不過賣相認真麻麻。2.流沙奶黃包流沙包好夠熱，飼主又一次比入面熱辣辣既餡辣親，大家食個時要小心d。相影得有d朦因為d蒸氣飄出黎，證明夠熱。包好多，饀好少。失望。3.籠仔馬拉糕欣賞呢間店既馬拉糕係滿一籠而唔係出面某點心舖得一磚咁，而且唔算太甜。4.上海生煎包 呢個食到嬲，個饀好苦！ 入面d菜唔新鮮！😡5.山竹牛肉球牛肉球料好足，好彈牙，唔錯。6.香茜牛肉腸作為呢間店招牌，我對佢好有期待，點知⋯貴，得兩條，個皮又厚，失望。7.鵝肝醬咸水角死同一樣野，個皮好厚啊⋯員工服務ok, 但間點心舖水平真心麻麻，有好食有唔好食。價錢⋯過得去但同樣價位有更好選擇。

8點先收工，忽然好想食點心，諗起屋企附近有間豪隍深受街坊支持，一於一支箭飛去食。去到門口哥哥仔提示仲有5分鐘last order，9點要離座，驚我叫唔切食唔切，放心，我好肚餓，一定趕到😂 叉燒腸粉：唔差又唔會嘩一聲嗰隻，我鍾意嘅腸粉要薄、滑同有靭度，呢度算薄、普通滑、冇靭性，已經預切好，趁熱一啖一件感覺到誠意。點心拼盤：兩粒蝦餃，2粒粉果，1個叉燒包、一個流沙包。蝦餃好大隻，不過蝦唔爽口，反而粉果唔錯。另外叉燒飽同流沙飽啱啱蒸好又細隻，所以好軟熟，包同餡比例啱啱好，好滿足。9點前飲多幾杯鐵觀音就走啦，唔好阻住職員收工呀嘛。

📍豪隍點心工房 觀塘鴻圖道83號東瀛遊廣場地下B號舖//觀塘敬業街65-67號敬運工業大廈1樓A室。。相信觀塘友一定有聽過依間點心店！係一間傳統點心店來的幾個月前佢再開多一間分店！新店係地鋪，比較方便老人小孩行動不便人士食！同時環境裝修亦到比較光猛😊所有點心都係即叫即蒸！熱辣辣食真係無得頂！👍🏻🔹蝦餃 $26 （2粒）🔹燒賣 $26 （2粒）🔸鮮蝦菜苗餃 $26 （3粒）本身蝦餃燒賣得覺得有少少貴得2粒，但放上枱一見到咁大粒就即刻覺得對得住價錢！一粒等於平時兩粒! 仲要有好多蝦係入面😍蝦餃同菜苗餃個皮煙靱有咬口，正！🔹墨西哥叉燒包 $26 (3個)熱辣辣即刻焗嘅墨西哥包又係無得輸！鬆脆軟熟!不過叉燒餡料偏少，如果多啲餡會更好！🔸蒜香芝士鮮蝦長春卷 $36 (3條)超級長嘅一條春卷，熱辣辣，配上芝麻醬。蒜香味比較淡，只食到芝士咸味😣個人覺得如果配合沙律醬更夾！。❤️多謝大家支持 Eyefoodfood喜歡呢個post就記得要like同收藏啦💛。。#hkfoodie #foodiehk #hkfoodblogger #食好西 #食好西系列 #hkinfluencer #hkig #hkigs

2022.10.20 星期四 3:15pm平日下午茶時間來飲茶，當然就是不用等位啦。這裡環境十分舒適，也很乾淨，有卡位梳化，播著很好聽的純音樂😌很適合傾偈的地方。••••••••••••••••••••| 墨西哥叉燒包 | (中點) $26🐖🫓表面有點鬆脆，包薄和鬆軟，餡料分量正常，醬汁味濃。叉燒是偏瘦的，沒有很多脂肪。| 沙律雜果鮮蝦炸雲吞 | (頂點) $32🦐🥠脆卜卜，不會太油膩。表面的沙律就是港式的沙律，入面的蝦肉餡料足夠，嚐到有輕微芥末味。| 蝦仁燒賣皇 | (中點) $26🦐🐖蝦仁夠爽，豬肉沒有肥膏，燒賣大小適中，味道正常好吃。| 豪隍蝦餃皇 | (中點) $26🦐🥟蝦餃皮一般厚度，蝦很大隻爽口，味道不錯。| 足料珍珠雞 | (頂點) $32🐖🥚🍚分量和餡料都很多。鹹蛋黃很香，肉碎沒有太多脂肪，糯米濕潤度和黏度剛剛好，不太濃味。| 四寶雞扎 | (頂點) $32🐔🐖🐟🍠腐皮有點難用筷子撕開，但又不會太韌。雞肉很滑，芋頭也很腍，蒸到差不多是芋蓉了。魚肚爽口得來也夠軟腍。蒸雞的油比較明顯，看起來會有些油膩。(隔了一段時間才寫，對於內裡的火腿沒有記憶點)茶芥 $6/位服務費 10