豬小姐

营业中

休息中

叫左呢度出名GE 豬雜湯河, 另叫左麻辣豬耳。呢度一D 都唔平....普通一碗粉麵已經50/60.... D 小食都要50-90....豬雜湯河: 樣樣都有一兩件, 有豬肉, 豬心, 豬肺,豬潤, 仲有D 唔知乜, 食落無腥味, OK GE, 但普通左D LAW, FD 話個個湯好清甜, 我自覺無特別... 以呢個價錢來計, 唔抵i麻辣豬耳:呢個好食WOR, 唔算辣, 好香麻油味, 又夠爽, 想辣就點佢另上的辣醬。

呢排成日入元朗食嘢，就喺openrice睇吓有咩好食，揀咗呢一間，入到去一碗麵最平都要40幾蚊，貴嘅70蚊都有。我哋食咗一碗燒鴨瀨粉$45同埋一碗燒鴨撈蝦子麵$60，間鋪唔係大，我嗌寫野丫唔該，理應過黎問我食咩都好啊，但係佢淨係企住喺廚房個路口冇行到過嚟，做緊自己野，完全唔知佢ready 寫野,所以我等，之後佢直接問:"食咩呀，講丫"，嗰種語氣非常唔好，原本諗住嗌多個皮蛋，但係因為佢呢種態度，令到我唔想俾錢佢賺所以冇落到單。碗野黎到，分量唔算多(圖片張相係未開始食食嘅份量)，一個男仔一定唔夠食，仲有碗所謂嘅蝦子撈麵，嘩，冇色水嘅，啲蝦子少得真係可憐，燒鴨冇特別，以本人標準覺得唔值＄60，走去深水埗食個蝦子麵都冇咁嬲。那那林食完走就算!Btw 佢個湯一飲落去係驚喜嘅，甜嘅，但唔會再食

星期六專登拜訪豬小姐，食下久違的生滾豬雜河！生滾豬雜河有豬肺、豬潤、豬肝、豬粉腸、瘦肉等等，再配上清甜無比的湯底！豬肺非常爽口，咬落爽爽聲，有少少軟骨咬下！豬肝向來對少食內臟既人會覺得有點苦，不過飲多一口湯底完全中和返！豬粉腸亦清楚得乾乾淨淨，更將多餘的脂肪清走！廚師對豬的烹調，完全吸引左食客對豬的追求！非常有質素，湯底又清甜！唯豬小姐的老闆可能太直腸直肚，會引起一些食客反感！

香港週末冇咩地方好去，自從遇上豬小姐，我地不時特登走入元朗食下野吹下風。每次必點燒鴨瀨炒，d湯好清甜，蘿蔔亦冇渣，燒鴨好香肉嫩，冇咩骨，次次都忍唔住飲晒d湯女友叫左個豬膶牛肉米，都幾好味，但我始終都係鴨瀨fans食完行附近有隻大肥貓

豬小姐由一對夫妻經營，每天購買新鮮的食材烹調，售完即止。最受歡迎的生滾豬雜湯河粉($45)，瘦肉、豬粉腸、豬肺、豬潤、豬腰等應有盡有。眾所周知，內臟如果不夠新鮮，就很容易有股腥臭味。但這碗豬雜完全沒有問題，全部都很新鮮。而且店家很仔細處理內臟，以豬粉腸為例，不單通得乾乾淨淨，還去除多餘脂肪，讓人吃得放心。店家生滾內臟的時間也拿捏得剛好，豬腰很爽脆，喜歡吃內臟的人來到豬小姐，可以毫無顧慮的吃新鮮又乾淨的內臟，一定大呼過癮。河粉的湯頭很清甜，因為豬雜一點羶味也沒有，並不需要用胡椒粉湯底辟味。喜歡吃惹味一點的，必定要加豬小姐自家調製的辣椒油，只須加少量，便非常非常香，為豬雜提味。我吃一口加了辣椒油的豬雜湯河後，就忍不住一直加辣椒油，一直加一直加，直至吃完整碗河粉。豬小姐有出售玻璃樽裝的辣椒油，下次要買一樽在家享用。紅棗杞子醉豬手($65)是誠意之作，冰涼的豬手浸得入味，富酒香，沒有肥膏，卻有滿滿的骨膠原。如此用心處理食材的小店值得多多支持！

推出了新產品手打鯪魚球紫菜湯米粉，鯪魚球一啲腥味都冇，幾彈牙潮州紫菜，完全無沙，正！配上薑絲清湯底，好夾呀！值得一試食得出用心制作，大力支持誠意小店！

小心呢間黑店，食完埋單，點知比態度勁惡劣的老闆娘靜雞雞收多 $20 元，跟住問佢，佢承認收多了錢，但最後仲要比佢教訓一餐⋯細節唔多講了。真係佩服呢位老闆娘態度超惡劣，可以咁樣鬧客，唔通真係唔憂做？食物味道還可以，但呢種惡劣態度，食物識飛都唔會再光顧！

一直想試，今日終於去到。豬什湯河湯底清甜，望見碗麵有各式各樣的豬內臟，100個讚！無骨燒鴨湯河湯底有好香的鴨汁，比豬什湯底更濃更甜，蘿蔔炆到同湯的顏色一樣，非常入味、鮮甜，正。以味道作為考慮的確100分，個辣椒油好香，可惜麵的份量只適合早餐、午餐、下午茶等，如果男士想飽肚為大前提，就未必夠。店面的座位有限，適合小夥子，都見有好多外賣單。如果想坐得舒服，或者飯聚之類就唔合適啦。小店的確好有特色，一定會再幫襯。

聽人講話元朗豬小姐幾出名，但係住喺元朗嘅我，竟然冇食過所以，今日我就決定專登過去食，睇吓依個豬小姐有幾巴閉。一去到，見到個門面其實都幾細，放唔到幾多客人，所以我都要等左一陣先有位。一入到去，就睇吓餐牌有咩嘢食，由於我唔鍾意食內臟所以就決定食個鴨胸粉，朋友就叫咗一個豬雜撈面。講返啲嘢食先，鴨胸粉真係麻麻，我覺得同大家樂食嗰啲下午燒鴨瀨冇乜分別，如果係要讚嘅話，佢嘅蘿蔔都幾入味同幾林嘅。\朋友嘅豬什撈麵，佢自己話好好味，佢話係其他地方都好難食到。評分：我5.5/10朋友7/10

首先，鋪頭入面既人態度真係令到我興過火屎。大熱天時，入到去，梗係想係入面位，來到個阿姐即刻問食乜，叫呢樣又話未得，叫叫下又走埋。佢之後番黎同我講：食乜諗咁耐啊，快啦。嘩！前世得罪你啊，仲臭串過B仔，鋪頭又無乜人。原來係番工時候睇下做緊野附近有咩好野食，發現有間賣豬雜既粉檔。小弟都偏好食呢味野，因為個人覺得個湯夠哂豬內臟既入面既營養。大熱天時，食到咁熱既野都咪話唔勁，雖然被無禮對待之下終於叫左碗豬雜河，豬膶唔粉，其餘既都煮得岩岩好，仲有個湯無乜"羶"味，呢一點值得讚。可惜聽聞係咁加價，老細有熱誠是無用的，要同食客有良好既溝通是必須的。希望會改善啦，因為始終野食真係全港獨有，味道真係不俗的。

豬小姐, 之前都食過, 都係食豬潤的, 好耐冇嚟啦, 呢間店細細, 但都算多人幫襯. 今次食豬潤牛肉米粉. 朋友們都食豬什河. 好熱的湯底, 好香又夠濃味, 有好多蔥呀, 我的豬潤好粉, 好味, 牛肉都OK, 唔算好淋, 但都有牛肉的咬口. 米粉吸引D湯的精華, 好入味呀. 正.朋友的豬什, 佢地都好欣賞, 個湯先係精髓, 其它豬的內臟都好出色的, 係招牌呀. 唔會有臭味. 呢度的豬手都好入味, 唔肥又爽口, GOOD. 還有韮菜花都好味.

沒吃豬小姐３個月，美味依然，但豬雜河由$39加至$45，一年內更加了$10, 加幅達 28.5%，令人咋舌。當中有多少是成本／租金壓力，多少是資本主義下的貪心，見生意好想賺多點？業主一年加兩次租？雖然豬雜河在香港是絕無僅有，豬小姐固然有他的吸引力，但一間位於舊區的小店，卻與人和大財團無異的貪心感覺，加上那位阿姐總是黑口黑面，講句野都忟忟地咁，再好吃我也不會再幫襯了。

今日入開元朗買野, 知道有一間新派復古豬雜麵店, 今晚立即前往一試, 店鋪細細間, 十足似日本拉麵店, 得4張細檯, 落單後豬雜河, 見出品很認真, 每一張單就淥一碗, 慢工出細貨, 好有心機, 湯底很鮮, 胡椒味濃, 河粉幼滑, 燒鴨瀨粉, 燒鴨去骨, 瀨粉爽滑, 油薑葱牛肉撈麵, 油揀手, 薑葱幼細, 麵彈牙, 無梘水味, 牛肉新鮮, 連跟撈麵一碗湯也很鮮味, 夠熱, 飲完一碗今晚乃未飲過一杯茶水, 可見沒有濫用味の素, 湯底清甜, 更勝日式湯底,但要有耐心等候出品.唯一要彈劾的, 是豬雜太細件, 口感不足, 內有豬膶, 粉腸有捅過, 豬心, 豬橫脷, 豬肺很白,只售$30一碗, 如果加多些錢, 豬雜大件些更為完滿.

 一間細細既麵店...原來係＜飲食男女＞度曾經賣過廣告...所以黎試一試...menu 頗為簡單...款式唔多...不過唔緊要...好味既野...唔需要咁多選擇...主打兩三樣...相信可以做得更好... 我選左無骨燒鴨米粉...可是只係1900已矣...已經無哂瀨粉... 燒鴨件數唔多...無肥膏...而無骨好適合我呢D懶人 ...蘿蔔入哂味...但原來最正係個湯底...係用鴨殼煲成...無味精...好甜呢... 朋友選左豬雜河粉...有豬肚,豬心,豬腰,豬腸,豬潤等等...豬雜可能薄切...滾幾滾就上碟...所以比較嫰口...保留豬味而不騷...湯底OK...但並不是胡椒湯...總括黎講...都算平靚正...

很久以前就聽過，想不到轉換了工作地點後，來這兒只消五分鐘。這家店子還挺有性格，可說是賣質素，有要求的。午餐時間，吾等一行四人，坐正中間，其餘兩邊只剩兩張二人對食座。此時，有四位年輕OL到來，想坐到後面二人座，店員卻堅持“那是四人座，以免各食客太迫太擠”。結果，四名女士離開沒光顧，這樣，店子變失了四份午餐的生意。豬雜，有瘦豬肉，豬腰，豬脷，豬肚，豬肺，豬肝，豬心，湯底清甜，加青荵。每款豬內臟都有兩三件，還頗清潔，爽，白淖，這樣$38比純豬潤米划算得多。豬潤不算美味，比起維記新鮮淖的好像老了少許。豬脷薄薄的兩片，又鮮又滑，與媽媽煲湯那厚切豬脷是截然不同的感覺。不太喜內臟人士，可淨吃豬潤麵或燒鴨麵。辣椒油何其香辣，與南記的比較，有過之無不及，但礙於現場及當天天氣實太炎熱，吃著鮮滾的湯麵，真是份外熱辣，不能放太多辣椒油。