貓之眼

营业中

休息中

《濃茄牛肉。忌廉雞肉蛋包飯》$82忌廉雞肉係最正 好滑好奶🥰 而且係用雞髀肉 所以好嫩 然後仲有啲蘿蔔同埋西蘭花 不過個汁真係好正好杰 相對來講濃茄牛肉就比較普通😢 係食到蕃茄味嘅汁 而且牛肉都幾冧 但係就唔係好突出 最後個蛋的確好滑 而且飯嘅份量亦都好夠超級飽❤️ 整體：嚟嘅時候要預咗可能要等一陣 因為呢間人氣蛋包飯真係都幾出名 價錢同質素都合理 推介大家可以一試❤️

【#肥波日本野系列】🎈肥成之前已經話想食蛋包飯🍛我地一直都想再食灣仔嘅一間蛋包飯店，尋晚收工就搭巴士出灣仔去食喇‼️對上一次食已經係好耐之前，原來佢地已經搬左舖過對面😂我地仲差啲排錯隊，不過對面嗰間都超多人排隊呀，搞到我地都想試‼️🎈可能係假期前，所以都比較多人排隊，等左都有10-20分鐘左右。等位嘅時候店員就會派定點餐紙比你，入座時記得寫返你個座位編號，咁店員就會上返你個餐比你架喇💛🥢肥波：0️⃣6️⃣咖喱豬肉+燴牛肉汁蛋包飯🍛🥢肥成：1️⃣3️⃣咖喱豬肉+茄汁牛肉+和牛漢堡蛋包飯🍛🎈本來仲想試佢個期間限定牛舌👅不過可惜尋晚已經賣晒喇，無緣😩 蛋包飯呢就keep住非常好嘅質素，蛋依然係滑嚕嚕嘅，日式咖喱甜而不辣🍛燴牛肉幾有驚喜，汁裡面有著紅酒嘅味道，同牛肉好夾👍🏻蕃茄牛肉酸咪咪咁，令人開胃會想食多幾啖🍅漢堡扒試左一啖，佢唔係嗰陣cheap cheap漢堡扒嘅味，而係厚厚（但唔會好死實）但充滿肉味嗰種🥩📍貓之眼 @cats_eye_official 📍灣仔汕頭街24號地舖

🥡 咖喱豬肉．濃茄牛肉．漢堡扒．蛋包飯$108向來眼闊肚窄嘅我，見到menu 上面呢個乜都有嘅飯，梗係第一時間叫嚟食啦！一上枱，最吸引嘅就係半個拳頭咁大嘅漢堡扒，肉味夠濃，咬落唔會乾爭爭，值得食！咖哩豬肉味夠濃，入面仲有唔少蔬菜，肉嘅份量都算足夠～濃茄牛肉就同我想像有啲出入，有啲似蕃茄炒蛋嘅味，不過牛肉都炆得夠冧。最值得讚嘅係汁嘅份量好夠，每一啖都可以有滿滿嘅汁，滿足曬鐘意用汁撈飯嘅我～🥡咖喱豬肉．忌廉雞肉蛋包飯 $82咖喱豬肉同樣出色，而忌廉雞肉就比較清淡，不過一啖淡一啖濃味，都可以接受呀～

其實次次黎都大排長龍同埋選擇唔多 得十幾個款揀 小食都係得幾款不過真係好好食 都值得排既今次叫左咖喱豬肉+漢堡扒+牛肉+蛋包飯 叫左3個款 因為我真係好鐘意食漢堡扒同埋佢個蛋包飯都真係好食既咖喱豬肉就一般 唔算好辣牛肉就都OK既 硬度適中不過個賣相係真係幾好靚 同埋真係幾好食 雖然小店黎 但真係好有誠意之作

🥘貓之眼🐱以前細個屋企成日煮即食日本咖哩雖然好味精但夠方便而且又係細路哥最愛大個咗之後(=^･ｪ･^=)對味道嘅追求增加咗都少食咗呢種即食日式咖哩甚至乎有少少抗拒嗰種味精感所以當我第一次食到貓之眼時係好驚喜(ↀДↀ)✧因為係食到有唔同材料精華集合一齊嘅感覺特別係牛肉汁～究竟係係加咗咩令佢咁美味？！係野菜呀！ฅ(•ㅅ•❀)ฅ滿滿嘅野菜同牛肉燉煮三日令醬汁層次變得更豐富真係送飯一流而佢哋個漢堡扒同牛肉汁蛋包飯又係絕配食落好juice啖啖肉係必點之選另外值得一提係貓之眼嘅小食都好出色由其係沖繩苦瓜沙律同新出嘅煎牛舌都係期間限定苦瓜沙律清爽而唔苦煎牛舌係好有牛味同埋入口即溶咁淋真係無得輸呀！<ΦωΦ>

朋友向我推介左呢間咖哩飯好耐，今次係灣仔區時間尚早，就過去睇下洗唔洗排隊先。 好彩仲有位，我地點左招牌三色蛋包飯同埋手打和牛漢堡扒飯，三色飯比較出色，炒蛋好香滑，而和牛漢堡扒食落沒有太大驚喜，但睇得出好用心做既不得一提，服務好好，店員好有禮貌

呢間專食日式蛋包飯專門店 朋友帶路去試下! 招牌三色蛋包飯非常好食!日式小店風格,坐位不多,午時就需要排隊了大約2點後就唔洗排隊,想食要留意時間三色蛋包飯賣相真係靚~ 自選3色!即係2隻汁一款蛋包飯!濃茄牛肉 用上新鮮番茄燉煮 牛肉軟淋入味 番茄汁酸中帶甜中間的蛋很有蛋香,口感超滑溜！這家醬汁味道比較淡身唔會太濃味是我喜歡的味道另外係忌廉蔬菜雞肉 口感香滑 雞肉煮到好嫩滑 配埋滑蛋都係非常夾既味道灣仔汕頭街24號地舖平均消費$100評分8/10

想去哩間舖頭好耐，但係平時行開都見到好多人，今日就特登早啲去幫襯下啦，晚上六點鬆啲去到，唔使排隊直入，員工態度好好，招呼一流，食物味道100分👍🏼👍🏼*漢堡扒嘅蛋包飯不做外賣，可惜～

灣仔咁多好嘢食就等我慢慢發掘下呢次試嘅係貓之眼主打蛋包飯配菜有四款可以選擇咖喱豬肉濃茄牛肉忌廉雞肉和牛漢堡價錢由$82至$109不等今次試呢個係咖喱豬肉加和牛漢堡蛋包飯 ($96)咖喱係唔辣既非常日式既味道裏面有洋蔥蘿蔔香草豬肉片吸收咗咖喱汁精華好香好啱餸飯食反而漢堡扒可能期望太高有啲失望漢堡扒的確好厚好足料視覺效果係無得挑剔但口感比較似肉泥打散咗牛肉應有既口感較冧身無乜咬口同埋個人覺得調味有啲太重食落有啲膩可以再回訪呢間餐廳不過下次應該會揀咖喱豬肉加濃茄牛肉蛋包飯

Lunchtime大概12點幾嚟到呢度，好多人排緊隊，所以最後排咗45分鐘左右先食到。如果唔想排嘅朋友，可能要早啲或者tea time先嚟！入店後落單，嘢食好快就送到。100%橙汁🍊橙汁甜中帶小小酸，味道自然嘅，唔會有啲化學成份嘅味道或者好重嘅糖漿，消暑一流～招牌三色蛋包飯 🍛 份量好大！！🤪濃茄牛肉嘅牛粒軟腍，汁就有蕃茄酸味，個人覺得可以鹹多少少。咖哩豬肉就係甜甜地嘅日式咖喱，唔辣，而紅蘿蔔煮到好腍，豬肉片就正常～蛋包飯嘅蛋好滑有蛋香，飯粒就偏向乾身，加埋啲汁食就變得啱啱好！😋呢間小店嘅蛋包飯真係好特別，味道都好出色，以後一定會繼續支持！🔥🔥

鰹魚汁茄子呢一個係見無咩人會叫，但其實係超級好食嘅蒼海遺珠。呢個係一個凍食的茄子，茄子吸滿哂好好味的鰹魚汁，但又唔會浸到淋哂，無哂口感。夏天食係非常非常之消暑。我每次黎無論一個人定同一班朋友，都會叫一碟。濃茄牛肉+燴牛肉汁蛋包飯可能第一之黎嘅朋友都會俾個手打漢堡扒吸引到，但真正識食的朋友一定係叫濃茄牛肉+燴牛肉汁蛋包飯。因為咖哩黎講，自己屋企都可以煮到，唔洗特別出街食。但日式茄牛汁同燴牛汁就比較少機會煮到。首先茄牛係非常開胃，佢同港式的茄牛唔同，唔會有一粒蕃茄俾你見到，但酸酸甜甜配上牛肉又夾又好味！超級好送飯。食完開胃的茄牛汁，就可以食燴牛汁，燴牛汁比茄牛汁更香濃，次次食完都好想問下啲店完點整！ 總括黎講，貓眼係每一次去灣仔都會想去食的飯堂。

朋友推薦呢間蛋包飯鋪仔細細 位置不多👯‍♀️幸好有早少少到 唔洗排隊就入到去/蛋包飯嘅配汁有幾款選擇咖哩🥘 濃汁 忌廉🫕蕃茄🍅而配菜就有 漢堡 雞肉 牛肉 豬肉/最後揀左濃汁漢堡同忌廉雞肉/一嚟到個賣相好吸引 好似係日本咁漢堡好厚身 個蛋睇落都好滑估唔到最好食竟然係忌廉雞肉 😍啲雞肉非常滑襯埋個忌廉同蛋一齊食 非常之夾🤤我諗下次會叫淨忌廉雞/相比之下 漢堡賣相吸引 但食落冇咩好驚艷嘅感覺（雖然都係好食的）見到另外有張poster話有得食自家製布甸🍮但原來仲準備中希望下次去個陣有得食啦😆

呢間位於灣仔嘅小店，傳聞經常大排長龍，好食程度係排長龍都要食咁話…呢日大概中午時間嚟到，離遠已經見到有條人龍，既然老遠嚟到，排隊都要食啦…正當跟隊尾排隊之際，有位鬍鬚佬唔知店員定老闆，以接近’指令式’ 口吻管控食客點樣排隊，係絕不友善！排咗大概半個鐘倒就有位，都唔算耐，可以接受，我一行3 人，入到去先知要分開坐，因為佢係得2 人枱而無4人枱，再加3 個bar 枱位，其實一啲都唔friendly，變成我自己個飯自己食，友人們互相分少少試吓都做唔到！最終各自點了3個唔同嘅蛋包飯…▶️咖哩豬肉+濃茄牛肉蛋包飯 ($82) - 蛋包飯確實做得出色，薄薄嘅蛋包住啲飯係唔容易，咖哩汁就略嫌欠缺濃味，唔太食得出咖哩味，至於配餸就正正常常▶️手打和牛漢堡扒蛋包飯 ($89) - 朋友話個燉牛肉汁有少少苦澀味，至於和牛漢堡扒應該唔會唔好食，反正都係來貨，唔會店家自製▶️ 忌廉雞肉+濃茄牛肉蛋包飯 ($82) - 朋友話忌廉汁同濃茄汁都好，配餸就同我睇法一樣，正常而已餐後感：1.) 食物質素ok，蛋包飯確實做得出色，只用薄薄嘅蛋就能包住堆飯，廚師有功架！2.) 鬍鬚佬打從排隊嗰刻就好唔友善，到奉上飯餐到我面前，

知道呢一間午市好多人等位，今次就揀左夜晚黎食，平日6點半左右一入就有得坐，不過店內坐位唔多，再夜d就開始多人需要等位忌廉雞肉+和牛漢堡蛋包飯睇落以為好細碟，不過份量幾足，大食的可以免費加飯，和牛漢堡好大個，充滿肉汁，好食，忌廉雞肉都好好食，中間的蛋好滑，佢係用日本雞蛋黎整的，整體黎講好滿意

見餐廳6點開門，星期五晚6點3就去到排隊，竟然已經有10幾個人排緊 :0 最尾等左半個鐘多少少終於入到座同朋友兩個人都叫左三色蛋包飯，我係圖中既咖喱豬+忌廉雞，朋友叫左蕃茄牛+忌廉雞😋個咖喱果然好好食！係我鐘意既濃味日式咖喱，不過如果有返少少辣就更好，蛋好嫩滑，忌廉一啲都唔漏，一啖咖喱汁一啖忌廉汁咁間住食就唔會啖啖都好濃味☺️ 相比之下朋友叫既蕃茄牛就有啲一般，推介大家都係試咖喱豬先！本身仲想叫多個限定小食，點知7點未夠就賣晒有啲可惜😮‍💨Btw見有啲食評話服務態度差，我就完全唔覺，首先排隊果時都keep住有人理我地，入座我地坐門口bar枱位，職員聽到我地講野仲搭嗲一齊講左幾句🤣