越北牛肉粉專門店

营业中

休息中

返工lunch time 又去覓食，想食越苑但無開，就黎左呢間越北。係呢頭咁耐都未幫襯過。😂午市套餐都幾多選擇，湯河，撈檬，飯乜都有，包一杯熱飲。仲可以加錢加小食！$62 西貢咖喱牛腩飯一般，汁香小辣，但牛腩麻麻地。隔離枱食緊咖喱雞好似好味d，係煎過架。$55招牌牛肉丸湯粉 牛丸粒數比平時多，但細粒d，bite size 幾岩女仔喎😂牛丸幾濃味，唔錯$22 清沅蒸粉包 推薦！好食！如果上枱再熱d就perfect! $15 炸春卷 好熱好脆，但$15得2舊仔完全唔夠喉😕除左個牛腩之外其他野都算幾好食，但呢到d waiter就有待改進，淨係我地張枱上菜都上錯左兩次，希望下次黎會好d啦！

夜晚8:00叫一碗外賣牛肉粉，等到8:20問侍應有未，就話「好快，整緊」，直至等到8:30足足等左30分鐘，期間眼見遲黎既堂食客已經上晒菜，湯粉都食緊，而係依半個鐘內有無數個food panda 同我一樣都係等緊，亦都見有同我一樣既等半個鐘等到發火既外賣自取，我先至發火問佢地有未，侍應對我態度好差，話廚房整緊個湯底，我想講你果頭話8:30 last order,果頭話煮湯？你當人地傻架？其實廚房係唔係唔識分咩叫外賣自取同food panda落單？諗住外賣仔有排黎，所以拖人地半個鐘呀？要個客係條街熱辣辣等半個鐘今次真係一個好唔愉快既經歷，依間野幾好食都冇用，冇下次🤷🏻‍♀️

今日去左大角咀食下午茶呢間越北既下午茶幾抵食🤩番茄蟹檬（蟹，蝦丸，扎肉）（$65)湯底香濃帶海鮮味，材料豐富，有蟹、蝦丸同札肉，而且蟹肉係真係連埋殼嘅蟹肉，唔係一般嘅蟹柳，用了十足，非常抵食。街頭香茅豬扒撈檬 ($50)香茅豬扒入味，帶淡淡的檸檬香。色香味俱全，幾開胃。水晶芒果沙冰加咗錢叫特飲，叫咗杯水晶芒果沙冰，味道唔係太甜，面頭嘅水晶有啲咬口，口感豐富。下午茶加配小食下午茶仲可以加錢配唔同嘅小食，價錢都幾抵，所以我都加咗一份

最近天氣炎熱🥵 好想食d開胃d嘅菜式😋 想食越南菜嘅話，第一時間就會諗起越北牛肉粉～越北除咗有多間分店十分方便之外，食物質素唔錯，價錢亦都好實惠。咁啱公司附近有一間分店，所以平時午餐或晚餐都會時不時去食😌 今次我同朋友兩個人就叫咗地道二人餐，套餐包括二人小食拼盤(蝦餅、魚餅、墨魚餅、春卷)同兩碗麵，我地就揀咗越北綜合湯粉(金邊粉)同香茅豬扒湯粉(金邊粉)，仲可以以優惠價加飲品。飲品方面我哋就揀咗薄荷青檸梳打同荔枝洛神梳打。-二人小食拼盤裡面嘅每款小食都有兩件，非常適合兩個人分享嚟食。全部都炸得香脆可口，而我就特別欣賞蝦餅同魚餅。-麵食可自選河粉、檬粉或金邊粉。越北綜合湯粉裡面有生牛肉、牛腩片同牛丸，配料嘅份量亦都幾多。生牛肉片同牛腩片都好新鮮鮮嫩，牛丸幾彈牙。香茅豬扒湯粉豬扒大大件，肉質亦唔會韌。兩碗粉嘅份量都幾多，好抵食👍🏻

一放工，急急腳咁去到大角咀呢邊睇中醫，睇完中醫都七點幾，個肚就開始肚餓啦！自己一個人又唔知可以食咩，咁啱經過見到越南粉面店，就入嚟食個晚飯！入到餐廳店員幫我量體溫，之後就俾咗個紙袋我裝口罩，仲俾埋濕紙巾我抹手添！好窩心見到啲個ABC餐覺得好抵食!有小食+主食+野飲 都係$82我揀咗越式海蜇沙律，生牛肉河粉同埋椰汁冰 都只係$82凍飲係唔使加錢😍生牛肉河粉份量都幾大，生牛肉有五六片，湯底好清甜咁樣出係用牛骨筒同牛骨煲出嚟！飲多兩啖都唔會口渴！海蜇沙律份量都幾多，夏天食啱晒啦！海蜇好清爽，酸酸地！好開胃！

中午時分叫左兩個午餐L14香茅牛肉撈檬,L22三寶撈檬加兩個小食，無骨鳳爪，炸蝦餅外賣回家食。原本話等十分鐘，但等了足足廿分鐘，算了，店員都有就幫手追，回家用餐，味道同份量都唔錯的，個豬扒真係好食，但當食到60%個陣個面入面有粒黑色野，好似炸蒜，但睇真啲，有眼睛有翼的。為什麼最近外賣都是倒楣的（其他餐廳），不是漏這樣那樣就是「加料」。很不快，疫情下多左叫外賣，但每次都不順利⋯現在連打電話去餐廳都不想了，以免令自己更唔開心，就當運氣不好。

我係用外賣apps買的，包裝非常好乾淨企理重點係個小食拼盤$138有四樣嘢1.牛肉蝦片 2.煎扎肉 3.胡椒豬肉串 4.春卷平時嘅拼盤通常每樣得兩件佢竟然係每樣有四件一個小食拼盤，都分左幾個盒先放得哂仲送咗4塊生菜🥬比你包住食蝦片冧左，外賣關係散左d好厚好大塊嘅煎扎肉，份晒好多胡椒豬肉串都唔錯，唔太咸有驚喜牛油雞翼無得輸，送到來重脆的，不過堂食應該更加好食好味，軟殼蟹仲脆卜卜超厚香茅豬扒總結每一盒都放咗好多配菜，同埋腌蘿蔔絲，乾蔥蒜花生🥜薄荷葉，金不換外賣有呢個質素我比💯重要咁平，以上咁多野只係$280，外賣apps有優惠再平多少少

今日嚟到呢間大角咀嘅牛肉粉食下午茶。下午茶選擇都算幾多，又包餐飲所以就入咗去食啦！座位都算幾舒服啦，闊落嘅。坐有梳化嗰邊就比較舒服仲有少少擺設喺後面。分別叫咗一個雞絲扎肉湯濛同埋香茅豬扒湯濛。幾欣賞佢呢度嘅湯頭，幾好飲，香濃唔油膩，但應該係味精湯啦，飲完會口渴。雞絲方面食到有雪味，又唔多入味就差咗啲啦。香茅豬扒就要一讚，因為真係煎得好香，而且調味好好食好入味，又唔韌，加埋啲炸蒜更加香口。整體不過不失，下午茶算有多間選擇。

這位於大角咀的連鎖式越南菜 性價比極高 晚餐不用一百元 又吃得滿足又有野飲《鮮椰青》$28大大個飽滿水的椰青 喝一口即感受到清甜的椰青水輸入 十分自然 沒有任何添加物的 最健康 最原汁原味 建議喝光了椰青水 再掘椰肉吃 因為一掘便會令到純正的椰青水帶有雜質 失去當中的純潔感 再來 椰肉十分嫩滑 能用匙羹輕易地掘出果肉 正 又解渴 又飽肚 必喝《越北三寶撈檬》$65如果不想雞翼浸濕了 不再脆皮的話 建議於下醬汁前先享用 先說雞翼的香茅味十足 十分惹味 而且微脆的口感 很棒桌上有多種醬汁 讓你自行調味 酸酸的撈檬 十分開胃 扎肉片中有一粒粒軟骨狀 增加當中的口感 豬扒亦很貼心地剪成一條條入口大小 香茅味十足 啖啖肉 必吃十分滿足的一餐 會再來光顧

去開大角咀，想健康外食，越南嘢算健康之選起碼有健康嘢可以點吓 唔係一味煎煎炸炸見餐牌選擇多，價錢合理我們星期五晚約7:00pm到達，不用等位，直入店內人不是太多，2人仍可佔4人檯睇餐牌，一般越南嘢都有齊今晚我們主打少熱氣，唔叫蝦餅呀，春卷呀，串燒了湯河可轉檬都多選擇嘅～～～叫多款小食先，清清地就米紙卷啦另外都有啲期間限定款，啱晒想試新嘢嘅客人而且仲好切合夏天食物都好快上香茅豬扒飯不可貌相，呢個驚為天人（連給2個正）除了有蝦片外，啲豬扒，係堆到成個塔咁多（就咁睇相好似唔覺）撥開面頭嗰層豬扒，下面仲有好多件件件都夠份量份量足都不特止，佢仲要係件件都係咁大件同厚切唔會係紙咁薄，好厲害，份量多到連男人都話好夠份量多，件件豬扒都金黃色，而且仲要超入味㗎！！望見都吸引香茅味唔係表面，你咬落去，係feel到成舊肉都好入味就算浸過檬粉碗湯，啲豬扒都係成件有味，啲香茅味醃晒入去調味好好，唔鹹唔口渴，食到有少少香茅渣係好真材實料香茅去醃肉唔Un，配埋甜豉油撈飯，呢個飯$58直頭超值會安雞絲紮肉湯河（改檬），$55值得吃澎湃的香草，有9層塔，香蔥碎和蔥絲，同埋芽菜多到嚇一跳最鐘意撈埋啲粉來吃下面有勁多雞絲同

今天內地親戚黎探望我地,當然要最地主之誼帶佢地去我最常去既越北試下啦,一坐低我媽就立即叫左3個椰青,因為係我媽既至愛所以都預左佢會叫黎飲但我真係覺得一般,之後就係叫左三寶撈檬同三寶湯河,因為我個人覺得越北既香茅雞翼同豬扒係必食既剛好三寶就滿足曬我地,雞翼炸得外皮香脆得黎又夠香茅味,肉汁又保存到,豬扒肥瘦適中唔會,啖啖肉得黎又夠曬嫩滑,唔會有太老既出現,我食過咁多次都未有失望過,人地話一次半次既好味係唔夠既,保持到水準先係王道...依句話我覺得放係越北既雞翼豬排身上真係剛剛好....

Overall verdict: good place for a quick, tasty lunch. What we ordered:1. chicken and Vietnamese sausage noodle soup2. crab roe and Vietnamese sausage vermicelli in tomato soup3. coconut ice jelly drink and ice lemon teaThis North Viet Pho branch has generously portioned noodle soups for the price. I can barely finish the whole bowl Everytime. This is a good place to grab a quick lunch or dinner with no fuss.On this occasion I had the chicken and Vietnamese sausage noodle soup with pho. there was

今晚收工後去左屋企附近既越北，叫左個越北綜合牛肉河(走青)，大大碗河粉，份量足夠唔馬虎👍🏻有牛丸，生牛肉，牛腩片最正係生牛肉，有好多片之餘仲要係大大片，薄身食落口好爽口牛丸亦算彈牙，唯一要挑剔就係牛腩片比鞋口，另加8蚊叫左杯凍菜蜜，抵食之選

Craved a comforting lunch and this did not disappoint. We arrived mid afternoon to have late lunch and got their afternoon tea set; we both ordered brisket and raw beef pho, one steamed roll, and one pork neck. Pho had a great broth, brisket was tender, beef was ok… pork neck was good and steam roll was tasty. Overall a very enjoyable lunch, will definitely visit again! 2 large bowls of pho, 2 small plates and 2 drinks was a total of 139 dollars, bargain!!

今日lunch食越南野，其實越北有好多野食，除左食pho都仲有其實野食揀咁我今次就係食雜錦牛河，有牛丸，牛腩，生牛肉牛丸就應該唔係買番尼，而係手打的，因為每粒的形狀都唔同，但味道正常，冇話特別好味牛腩就唔同平時粉麵的牛腩咁，因為佢D牛腩係一片片，不過就有少少韌最好味係生牛肉，好入味，我就放佢係個湯入而等到佢熟晒先食!!!麵可以揀河粉，金邊粉，我就揀左金邊粉，不過佢的金邊粉偏碎，食的時候比較辛苦不過碗麵比較貴，好似都要$62，仲要冇野飲