越北牛肉粉專門店

营业中

休息中

不嬲我都係越南牛肉粉迷，次次諗唔到食咩就去食越南野，所以基本既越南粉都已經surprise唔到我，但今次越北呢個帽子火鍋令我食完都繼續心掛掛 帽子火鍋有3隻湯底，清湯、沙嗲、酸湯，今次揀左個特別d既酸鍋試下～一上台見到個份量都好開心，2個人食絕對足夠！有齊牛丸、札肉、牛腩片、生牛肉、金邊粉同菜！一開始飲個湯就偏酸既，但慢慢滾滾下加埋d肉味出左黎，個湯底就變得好好飲啦，但唔鐘意酸既朋友就揀番清底/沙嗲穩陣！ 除左帽子火鍋，仲叫左個雞絲椰菜沙律，好爽口，個source又好開胃，我一個人都食左大半碟沙律 d菜都好新鮮，飯前開胃菜，唔錯唔錯！唯一美中不足就係上菜時間偏慢，我個時食已經唔係peak hour，但等個沙律都等左差唔多30分鐘總體黎講都值得再去encore既～ 兩個人埋單都係$200幾，抵食！

出街食飯，隨便揾左一間食，就入左去！食親越南野我點都叫生牛肉河食落去麻麻，冇濃郁嘅牛肉湯底味唔太好食，總之食落成碗野覺得有點差！咖啡牛腩飯就👌🏻好食🤗🤗炸雞翼不錯，外脆內軟！鳳爪都麻麻，我以前食個啲係爽口嘅，呢間唔覺爽口，得個辣字！失望，平時這碟送也是我最愛下次應該不會再來！

食品種類不少、服務態度良好而且環境還算可以。今天點了二人餐，包含兩碗湯粉、軟殼蟹、雞翅膀和飲料，$268元！店面不是非常寬敞，但整齊有條、衛生舒服。鄰座點食物出錯要求更換，服務員禮貌答應。

一碗粉、一條春卷加一杯熱飲係午餐之選。香茅豬扒、金邊粉、金不換、紅椒粒同青檸全分開上。青檸呀青檸，有佢喺度，代表店主對做菜有誠意。豬扒份量堅多，肉唔係死實，咬得開，肉亦有味道，甜味較重。湯，並非強勁味精水，仲有少少金不換喺度，清香。加十二蚊食一條春卷，上枱時已一分為二，配菜有至愛金不換同爽脆生菜片。脆皮春卷入面塞滿肉碎，味濃香，加埋金不換再沾橙色酸汁一齊食，十足食緊泰式香葉肉碎，每食一啖都覺得好幸福。酸辣鳳爪嗰汁，甜酸度剛剛好，鳳爪肉地厚，入口好實在。隔咗一個禮拜去食晚餐，叫咗香茅雞翼金邊粉同春卷，上枱變咗香茅豬扒。今次碗粉同春卷都唔見有金不換，主動問店主攞先有。春卷依然係好味，豬扒依然係甜，甜過上次少少添。

We ordered the rice pocket （扎肉蒸粉包）and was a tasty and mixed very well with the meat on top ($48). The butter and garlic on the chicken wings overpowered the chicken meat ($42). The soup base for the beef pho was a bit too sweet but the pho couldn't otherwise be faulted at $52. Lastly, the lemongrass beef was a bit of a surprise as the beef seemed to resemble jerky beef ($55). Overall, a very good value for the money. One particular waitress was very friendly and that was a bonus!

現在常常聽到，大角咀現正什麼菜都可以找到並且很有水凖。今晚待我來試菜。這間餐廳食品跟裝修設計都是中高上之水準。簡單和清潔。員工的服務態度也是非常的到位。生牛肉河粉-湯是比較失望，但牛肉跟河粉都好。牛肉的肉質好及非常新鮮。𧎚餅-非常好👍。簡單的菜但要做到到位也需用心去做。春卷-中上之作。因為是炸的食物，所以很不容易才能夠得到高的評價。所以中上之作已經有交代吧。這個汁，魚路，都很大眾口味。整體而言，是一間非常好之越菜的選擇。最後要補充，份量非常足夠。

今日黎到大角咀，網上見佢食評幾高，於是同老婆試下，叫左佢個香茅豬扒河同生牛河，出來個賣相都幾靚，有伴碟的，已經加左份，食落口D豬扒仲熱辣辣，豬扒夠淋身，仲好入味，配埋個牛骨湯底，真係幾正，同幾夾。老婆食完個生牛河都話個湯底好正😋😋😋，外面好難食得倒，佢仲話浄系呢間啲湯底先夠味，其他真你差少少，埋單人均50 幾蚊，好抵食，可惜忙記影相，有機會會再來，試下佢只牛油雞亦見倒膈離台食得津津有味，夠金黃色！😋😋😋

今天去到大角咀，見到有間越南野，裝修優雅於是入去試試。 食物果然有驚喜，叫左個香茅豬扒牛腩河，配蒜香牛油雞亦，個河粉湯底好夠牛骨味，又夠濃，而豬扒又熱辣辣，夠淋身，真的不錯😋😋😋！ 會再來😬

連鎖店，在香港都有幾間，價錢唔貴，午間時份都爆場。點了香茅豬扒檬粉，份量夠哂大，堆得滿滿，基本上一個人是吃不完的，豬扒入味不錯這兒的春卷香脆足料，跟餐有得平，好吃﹔食家試了牛河，湯底偏淡﹔跟餐試埋鳳爪亦唔太入味，只是一般！

原本老公想去大角咀食慶麵，但維修休息一天咁行下附近有咩平的下午茶食咁經過見到越北個下午茶餐牌，大約$40-$60，咁天氣太熱、又唔想行，就衝左入去試下喇生牛肉湯河$38香茅雞翼撈檬$40扎肉蒸粉包（2件）跟餐加$18嘩！第一次食生生肉湯河個湯底係咁好食而撈檬果個汁係有小小酸酸辣辣 好開胃香茅雞翼都OK,仲有跟餐果個扎肉蒸粉包，果塊扎肉同平時食果啲好唔同，煙煙銀銀幾得意，好食所有食物都好出色，而且份量十足，意料之外一定會再去

都聽說大角咀有好多隱世美食小小的一區 卻有很多地道又便宜的食物。今次發現了越南美食鮮茄雞絲湯粉 $46其實是很大的一碗 只是角度問題紅色的湯底 還誤以為是辣的幸好我點的是蕃茄😅雖然蕃茄就不見了 但雞絲還蠻多的 看來師傅一點也不手軟河粉的份量也好似是二人份 🙈雞絲煮完仲好滑 河粉好爽好滑 凍左都唔會變糊狀。越式扎肉米紙卷 $42用竹盒盛上 伴著生菜絲、蘿蔔絲米紙卷的皮就好似加厚版既腸粉皮但是會挺身一點 結實點 口感好豐富因為內裡都包住好多餡料 有木耳絲⋯另外，仲點了個越南招牌菜生牛肉拼牛坑腩湯粉 $46牛肉送上來時還是粉紅色 肉質又嫩又滑 牛坑腩好腍 好香

俾裝修吸引左入黎，haha，左邊牆掛左架大單車，但埋一d綠色植物，好文青的感覺😂😂😂 講返食物先，叫左個炸豬扒撈檬同扎肉撈檬，豬扒數量明題多d😋😋😋 雖然系炸，但都食得出肉新鮮，好惹味，同埋好大碗，都幾抵食; 而扎肉分量較少，味道就是一般。另外叫左杯青檸七喜，又酸又甜👍

我諗好多人好似我咁，見到呢間店嘅鋪頭門口，都冇乜意欲走入黎食，咁你就走寶啦。的確，門面裝修以至logo 無甚特別。我同老婆住在附近，都係抱住試下既心態。點了一客越式香茅牛肉飯 $48，老婆點了生牛肉粉 $42，之後再追加一客蒜蓉牛油燒大蝦 $188。侍應態度很好，先端來飯和粉，賣相非常好，店舖的檯面上醬汁齊備，吃下去，好好食！我覺得食物質素超出了40幾蚊。最後燒大蝦，果然無失望！好好味！雖然略貴，但一定唔會條氣唔順！正呀，必定有下次，加油。

天氣涼涼地 最好就係食番越南河粉暖一下胃呢間越北為連鎖店 好似係港九新界都有分店雖然品質唔會話太出眾架喇 但應該都有番咁上下水平既不過勝在價格親民大眾化雞翼湯河盛惠$46 本來以為會有4隻雞翼點知最後得3隻..... 感覺又有d唔抵希望味道可以搭救一食落去 雖然雞翼幾脆同埋香口但係表面真係有d乾 不過入面d肉都還可以 有d肉汁而且香茅味好惹味 唔錯！河粉方面都幾好味 湯底有多款香菜同洋蔥 整體都係一碗唔錯既越式湯粉

平時幫襯西灣河店，今次來到大角咀，店舖環境比西灣河舒適，環境較寬闊，餐枱距離ok，不會很迫。叫了幾樣嘢食，1.生牛肉牛丸湯河牛肉和河粉的份量非常足夠，配上青檸和辣椒，十分美味。2.香茅豬扒飯略嫌豬扒炸得太乾，好硬。。。。。3.咸檸7 & 熱情果菠蘿特飲特飲偏甜，同埋5係好夠凍。總括來說，已幾十蚊一碗生牛河，這樣的質數，已經好ok.會再來的。