越北牛肉粉專門店

营业中

休息中

星期六行街街又唔想食得咁heavy~見到呢間叫越北牛肉粉就入去試下啦。店鋪裝修好特色，有D草帽同單車掛係牆上幾特別!講番食物~我點左蕃茄蟹膏蝦丸札肉金邊粉。上菜時聞到好香蟹膏味，而望落個湯底都紅卜卜好吸引~可惜味覺與視覺得唔到同樣享受。湯底睇落濃郁但食落淡味，冇我EXPECT既濃蕃茄既甜味，不過蟹膏味係幾出既!蝦丸札肉同金邊粉就不過不失。老公試既係順化湯檬，牛腩片，扎蒂扎肉同牛丸，牛腩片好薄薄得一片，反而牛丸比較出式，但個人覺得轉為撈檬應該好食D 

越北! 其實呢，以呢個價錢算係幾好食，不過近來好似多左味精，食完有點口渴! 🥛.當我望住 menu 煩惱緊食咩嘅時候，公司個妹妹仔話越北嘅蕃茄湯好過芽莊 🤨 really?? 既然咁講唯有試一試，反正蕃茄蟹肉湯濛一向係我首選! 😋.碗粉一放低，我可以肯定咁講，我個妹係呃我嘅 🙄 比我丙嘅時候佢先發現，以為我講越棧 🙄🙄🙄 越棧同芽莊都可以攪錯，佢其實係咪找死?🤔🤔.看圖識味道，札肉 ok 有咬口，蝦丸爽口不過裡面有葱就有點奇怪，湯稀到一個點! ...完。 “三寶湯粉“! 有炸雞翼，香茅豬扒 & 扎肉! 我偷食左一件炸豬扒，好乾🤔 ..一個坐低就嗌肚餓嘅友人最後食剩1隻雞翼，3件豬扒...🤔 大家應該明啦呵! .

剛巧在附近工作完結，想找地方醫肚，地方不太熟適而且街道有點髒髒的，經過一越式小店門外，探了內裡一下，座位也頗舒適便決定在這𥚃落腳。一個人點不了甚麼東西吃，一碗招牌生牛河加炸越南札肉，如圖，份量不少的，還有我最喜愛的香葉，湯底熱度足夠所以牛肉很快就由鮮紅色變成暗肉色一般吃完越南菜都會非常口乾，這𥚃又不能說完全不會，但之後一兩小姐又沒有特別找水喝啊札肉都是剛炸起，怕熱氣可以泡湯一起吃，本身札肉已經有味道所以店員提供的醬了也沒有沾

呢間鋪名打正旗號叫「越北」，如無意外應該係以越北菜作招徠。一入去格局都算企理，待應哥哥安排我地坐左最埋邊個四人位，坐得幾舒服，當時大約十二點半，由於時間倘早人流不算太多。我點左香茅牛肉飯，因為怕河粉會唔夠飽；同事就點左個紥肉湯河。野食速度算快，個飯充滿越菜特色，用生菜鋪底，牛肉用香茅炒乾，又香又惹味，令人口水直流，香茅牛肉用來下飯簡直一流。白飯上有些少香茅等香料，無咁單調，仲有幾片特式蝦片，整體感覺合格有餘。而同事的紥肉湯河功夫亦見紥實，河粉夠幼身，好似越南少女把頭髮咁柔軟。呢間越北仲有好多野食等住我地去開發，下次一定要拉大隊再黎過！

又番嚟大角咀呢個老家,本身同阿肥入嚟係一心要搵相熟嘅髮型師恤髮嘅,點知一直都打唔通佢個電話,索性鏟過嚟睇吓,原來佢個助手話佢去咗旅行......咁冇法子啦,頭髮冇得整但飯仍然要照食嘅,於是乎我哋又走入嚟嘢食多多嘅大全街周圍望吓邊間啱心水喇呢條街而家上至西餐日本料理,下至茶餐廳都有得揀,但估唔到最近連越南嘢都開埋,見佢價錢都OK同埋食啲濕濕哋嘅嘢都幾好,一於就入去試下啦。未到下午茶時間,都仲可以叫午巿套餐,想睇下佢係咪真功夫,叫番碗最原始嘅河內生牛肉湯粉就可以一清二楚喇,阿肥就揀咗碗越北綜合牛肉湯粉,而每個套餐都可以揀選一款小食,咁我哋就嗌咗越南春卷同埋炸蝦餅,而飲品方面都算幾多選擇,見到佢有滴漏咖啡我都想試下,阿肥就叫咗個鮮椰青,只係呢啲特飲都要加番相應嘅金額喇。本住期望唔係好高嘅心情入嚟,結果出嚟嘅食物味道都令人有啲驚喜喎~呢碗河內生牛肉湯粉($50蚊),上菜嘅時候紅噹噹嘅生牛肉片清晰可見,如果怕食得太生嘅人記得要用筷子將啲牛肉反入一下湯入面等佢淥熟小小喇,牛肉份量都算幾多,起碼我食到底都仲有牛肉食,而牛肉切得好薄所以生生哋咁入口感覺滑溜軟腍,最重要嘅就係個湯底味道濃郁夠香,完全食得

這天由油蔴地特意走路去大角嘴，為的就是一碗越南湯粉。在門外已經看見餐廳明顯加價了，比喻一個生牛肉湯粉加了$4，下午茶來說有點貴！不過今天特意來食，最後我還是內進用膳。我要的生牛肉金邊粉一會就送到，熱辣辣即煮，牛肉湯很香很吸引。送上湯粉時給了一些辣椒粒和青檸。我喜歡加上一點在碗裏，帶點辣又能增加清新的味道，不會因為食牛肉而覺得膩。其實金邊粉好像是幼一點的河粉，吸收牛肉湯的精華很好食，我也有飲他們的湯，不覺得口渴。牛肉的片數不少，送上來的時候帶點生，客人吃著吃著浸在湯裏慢慢變熟，又不會夠熟變得很硬很難咬。最後跟餐要了一杯熱檸水，竟然有三片厚檸檬呢。吃個下午茶要四十多，幸好味道依舊美味，分量也差不多沒有減。越北有幾點分店，試過大角嘴和紅磡的我，覺得大角嘴的食物質素比較穩定和出色。雖然大角嘴附近有很多餐廳可以選擇，不一定要選這連鎖店，但若是想食越南菜，這裡是一個好選擇啊！

第一次試這家越南菜，門面企理，座位多，坐得舒服。食物方面來說，價錢不貴而且份量足，性價比高。串燒雞肉撈檬：賣相不錯，雞肉燒得剛剛好，不會過老，味道香口。撈檬的味道就比較「大路」，反正個人覺得食材新鮮已不會太差。馬拉盞炒通菜（走辣）：味道偏淡，沒有辣椒味道真的失色不少。通菜炒得有點淋，不夠爽口。

今日happy Friday, 媽媽停工唔煮飯，就去左座落大角咀的越北牛肉粉專門店。我們安排坐左長方形枱，餐廳算乾淨舒服，不過冷氣有點大。我們三人點了香茅豬扒湯河粉$56、香茅豬扒飯$56、越南咖啡豬軟骨飯$58、一碟通菜$26，由於點選了餐牌食物，只需加$8 / $12 可享用飲品。我們點了椰汁三色冰、凍咸吉水及凍檸茶，合共$224，不用加一服務費。香茅豬扒湯河粉、豬扒香脆、湯底濃、河粉量多。香茅豬扒飯、豬扒份糧比叫湯粉多、飯香軟。越南咖啡豬軟骨飯，豬軟骨鬆軟，飯香軟。飲品（椰汁三色冰、凍咸吉水及凍檸茶）全都正常。

點左一個蝦餅撈蒙，仲有豬頸肉撈蒙，還有鳳爪小食，蝦餅超正好彈牙，豬頸肉就比較鹹左d，鳳爪微辣，對我黎講就岩岩好，太辣我都食唔到，野飲每杯加8蚊，而且係特飲類，我覺得唔貴。

The food there is ok. The usual pho that you can see elsewhere. The raw beef pho was too coarse in its texture, but overall, with the price considered, is acceptable.What is unacceptable is the service. My friend and I ordered the same food, but hers was late for fifteen minutes. The reason, I was told, is that her dish was sent to another client. When I tell the manager about this and asked for compensation, he told me quite bluntly that the wait is “normal”. That’s the stupidest thing I’ve eve

月頭啦 今日岀糧囉 😌😌😌🎉 和同事們一齊買餐美味既外賣一齊食下啦 呵呵呵！！ ！我地選擇了呢間 “ 越北牛肉粉專門店 ” 食越南嘢啦 ^^ 之前都有留意開呢間 今日就食到啦。 越南大餐 到啦 越北炸春卷 x3份 $42越式酸辣無骨鳳爪 x1份 $48越北生牛肉湯河 x2份 $48 (招牌推介) 順化雞茅雞翼湯河 x1份 $48 順化雞茅雞翼撈檬 x1份 $48 ☝🏻☝🏻☝🏻☝🏻 以上就系今次叫既清單。春卷新鮮炸起架 仲有小小脆同熱架喎 ，牛肉河 不過不失啦 同之前食一樣 好食既，酸辣鳳爪 我就覺得都係泰式餐廳嘅好食啲姐，雞翼炸得過左火 有啲硬添 。🙈

今日玩到好攰...簡直係小朋友放電級數既活動...通常係流完汗(缺水)既情況下...我係對打邊爐/bbq/日韓燒都係0胃口.....0食慾....所以食越南野啦^.^有濕野食...又有乾野食(有人最愛食炸野)...老規矩~餐牌行先我地睇左好耐好耐..決定叫越北火車頭湯河~(2人份量架)~超大碗...份量足...味道正常不過不失既~加錢有2隻雞翼~(唔係我食架啦@@)~應該都夠味~加個柚子鮮蝦沙律~(有人最愛蝦蝦蝦)~可惜d蝦唔甜唔爽...反而柚子夠鮮甜...大合照YEAH總結:味道普通人流超疏吹水一流唔會趕客價錢正常不過位置太偏了....應該唔會特登行過來食~

唔食牛肉來牛肉粉專門店都有好西食豬排撈檬好抵食，味道不會太salty, 花生又冇「諗」到，成碗粉都清新可口餐飲奶茶茶味濃，夠熱～朋友食了熟牛肉粉，他略嫌熟過頭。還是生牛肉較好吧？！

係大角咀番工ge好處就係有好多好野食有好多小店食 當然有好多連鎖餐廳今日揀左越北 都係連鎖式ge每次lunch時間 一定好多人等位多人少少出黎食飯都唔夠敢黎呢度難得今日得2個人 當然要試下啦十二點九黎 等左大概10分鐘就有位啦午市套餐 有湯河 撈檬 同飯 包一杯熱飲價錢由48到58不等 都acceptable仲可以加錢 有特飲同小食大家不妨試試 我今次就冇試啦我叫左 香茅豬扒撈檬 朋友就叫左 香茅豬扒湯河香茅豬扒湯河個湯底好濃 好正 豬扒又香又好食香茅豬扒撈檬係用碟上個豬扒當然係好香啦 佢個汁酸酸甜甜咁 撈埋超好食如果鍾意辣ge朋友可以加辣醬又係一流

外賣食咩好 ?? 一定要叫生牛肉湯河~~ 牛肉片份量ok ! 好林 新鮮 !河粉彈牙 ! 吾會碎 ! 最鐘意有多芽菜 食落更有口感 好爽口 ! 我一個人可以食两碗 + 飲埋d湯都得 ! 鮮蝦沙律 ... 唉呀 點解吾係原隻蝦要一開二 ... 變到薄身左有小小失落啊 ...