越北牛肉粉專門店

营业中

休息中

這間越北餐廳 ，也是我一個月會進去 食返一兩次 。其中我必定會叫的是 香茅豬扒飯 ，加一杯凍飲品 。我通常下午茶時段進去， 比較平啲 ，大約60元。 豬扒炸得好味 ，再配上酸辣汁， 特別開胃。

每次去都會點越北綜合湯河，真係非常具有越南风味既料理！湯底鮮美濃郁，搭配著魚醬和各種香草調味料，帶來獨特的風味和濃厚的香氣。湯河本身的口感非常豐富，寬而厚實的河粉配上鮮嫩的肉片、蝦和青菜，每一口都讓人愛不釋口。非常大碗又足料！不過生牛肉上黎比較生，但個湯頭夠熱可以將佢整煮到剛剛好！加埋辣椒同少少青檸汁，一流！給整道菜增添了更多層次和口感！係令人覺得滿足既一餐。味道：8/10環境：8/10整體分數：8/10

身為大角咀街坊，夜晚唔知食咩個陣都會揀越北牛肉粉黎食，原因都係佢價錢唔係貴，而且食物質素都幾穩定。今日同朋友黎食，叫左幾樣野食。生牛肉湯河粉 (餐)佢地晚上都會有套餐配小食同飲品，今次生牛肉湯河粉，上枱個陣牛肉大約30%熟，湯好夠熱可以令到牛肉煮熟。另外河粉份量都好，而且唔係煮到好爛個D，不錯!香茅雞翼湯河粉  ($62) 單點雞翼好夠味，炸到個表皮有少少脆身，入面亦唔會好乾。蒜蓉包  ($38)有少少口痕叫左個蒜蓉包，反而係有驚喜。包烘得好脆身，蒜蓉份量落得唔少，食落十分香口!椰汁斑蘭糕 (餐)餐跟左2件斑蘭糕，食落口感唔會好重粉味，有少少椰汁斑蘭味，重點係佢唔係超甜，好夾倒我食野少甜嘅習慣。

今天要食自己其實沒有很餓不吃也是無關係的但是那嘴饞的欲望就驅使在下去吃餐好的回到家附近找找看愛熱熱濕濕的在下選了越南餐來一碗咖喱生牛肉湯金邊粉 $68味道還不錯 更越吃越濃越入味面層滿滿的菜 下面有微辛洋蔥再下面是不小心熟的的牛肉😅說起來真的好久沒有吃到生牛肉了對上一次都已經是兩年多前在尖沙嘴吃到的雖然是全熟了但因為肉切片得很薄不會太韌太難咬所以啊 在下還是覺得okay 的下面是金邊粉有時真的不太會分金邊粉和河粉金邊粉是更幼身的在沒對比之下在下眼中看來基本是一樣哈..不是日本餐食材在下不懂就不追究了反正也是一樣好吃就足夠吃到接近完成小食香茅酸辣蓮藕曲 $42就到了制作有點久？還是這裡能做到讓客人吃完一道再出第二道？👍🏻也因等了點時間在下好像飽了🤣會吃不完..而讓在下驚喜的是這冷盤有點辣耶這使在下想加點飲料又或是是廚房水吧人手不足還是等待中的時間就是慢長的關係辣辣的口腔等得好苦加上現沖的出來熱辣辣的根本就是欺負我貓舌啊瞬間有著灰階感唯有把未吃完的蓮藕苗玩一玩來消磨點時間熱青檸酸梅茶 $13雖然聞落味道不討好可飲下去是另一種感受本來就愛梅的在下是滿喜歡的整體而言有點太飽食物質表水平好服務周

冇嚟 越北 呢一排 分店多咗 地方多咗menu又多咗選擇多咗 好多依家有勁抵食嘅一百蚊內晚餐 有前菜 主菜同飲品 物超所值之前已經試過佢個牛骨湯牛嘅湯底 非常清甜晚市食咗個套餐set小菜有烤豬頸肉 分量好多簡直抵食 出面淨係呢碟餸都可能六十蚊 主菜點咗咖哩牛腩湯河粉 咖哩湯好濃味 牛腩好香口雖然係好heavy 不過好夾好襯 好飽肚 下次可以另外試過飯 飲品點咗個下火嘅青檸梳打 唔會算好甜 好清新好新鮮 夏天飲凍嘢下火是常識吧 100蚊內食三樣嘢好飽 仲好有質素嘅晚餐 真係啱曬budget

中午去了大角咀買嘢，行行吓覺得肚餓，剛好路經大角咀大全街22-24號地下B1B號舖越北牛肉粉專門店，看見室內的裝修好有越南feel，於是就入去諗住食午餐，但原來已經差不多兩點，侍應很好提我們兩點可以食下午茶餐，於是我們就叫了兩個下午茶餐，仲可以以優惠價追加小食和飲品。初初以為下午茶餐份量會少啲，但原來同午餐一樣咁大碗。越北綜合牛肉湯河粉$63生牛肉夠嫩滑，牛腩片夠淋，牛丸夠彈牙，好味。越式烤豬頸肉湯金邊粉$63豬頸肉烤得微微焦脆，肉質爽口，不肥不膩，不錯。大頭蝦膏通菜$23第一次食通菜用大頭蝦膏炒，好特別，通菜好有蝦味。蜆港炸蝦餅（細）$32炸蝦餅香脆可口，食得滋味。黑糖薑早茶及蜂蜜玫瑰柚子茶跟餐每杯只需加$8，抵飲又好飲。

今晚同細妹去大角咀食飯，去咗好多餐廳嘅中匯街大全街一帶～最後揀咗食呢間越南嘢，因為晚市睇落去都多人食，同埋感覺價錢都OK，識落覺得真係幾好，可以同大家推介下叫咗個套餐，佢有得ABC咁樣揀，可以叫一個麵再加一個小食同埋嘢飲，我哋就叫咗順化湯檬，豬頸肉同埋咸桔水～成個套餐咁樣真係好豐富同抵食跟住仲要多咗個金邊扎肉米紙卷，等於食正餐咁大份，材料好足料跟住仲有無骨鳳爪，酸酸甜甜好開胃整體來講我覺得呢間餐廳都唔錯，環境都坐得舒服，下次都會再帶朋友嚟食

大角嘴食好西，想食越南🇻🇳菜，來越北就最簡單不過啦🤭😋越北晚餐時段的二人餐實在又划算又好吃又正宗，點了二人餐：主食：1. 越北生牛肉🐮牛腩片湯粉🥣 $90(生牛肉勁大件）2. 路邊烤雞肉🐔串撈檬 $88（三串雞串份量足）小食：1. 酸辣無骨鳳爪 2. 越南🇻🇳海蜇🪼沙拉🥗飲品：1. 越南🇻🇳濃咖啡☕️2. 檸檬水🍋吃這麼多好吃的😋也不用$200， 街坊價絕對要happy share 🤭😋🤗

今日黎到越北食越南河粉，中午黎到唔算多人，我地四個人食唔需要等位就直入有得座。座位都算闊落，每張枱邊都放左魚露等等既調味料，餐具都可以喺每張枱側邊個櫃筒攞到。最後叫左個綜合牛肉湯河，配熱檸水，總共係$69。湯河有生牛肉，牛腩片同埋牛肉丸，再配埋蔥花，炸蒜同洋蔥，啲料都算多，但係湯底有d淡，加左唔少魚露都係無乜味。牛肉丸個口感幾特別，咬落有啲肉汁，同埋有少少筋，幾有咬口。總括黎講味道一般，配菜都足料，個人覺得價錢貴左少少。

放工又去咗搵好嘢食，想食越南嘢就搵咗呢間越北牛肉粉，睇返原來佢哋都好多分店。餐廳裝修唔錯，地方寬敞。睇返餐牌佢哋有套餐，性價比高，我哋嗌咗越式炸春卷，春卷好脆口，啱啱炸起熱辣辣😊另外主食就叫咗雞絲扎肉湯河同埋豬頸肉湯河，越式湯底清新，配埋啲蔥花，10分開胃。飲品就帶咗水晶芒果沙冰，同埋甜品就係椰青糕，裏面有啲椰𢇁增加口感。最後買單都係$230兩個人，而家出街食飯真係好少有🥳🥳鍾意食越南嘢就要試吓

今日Work from home，放左工同女朋友去左大角咀搵好野食，心血來潮好想食下越南河炒，就入去越北度。一入到去待應好有禮貌，最後係餐牌整左2個一人餐。生牛肉牛腩片湯河女朋友叫左個生牛肉牛腩片湯河粉，牛肉湯底好甜，無乜味精味，另外生牛肉同牛腩片肉味都好濃，而且河粉份量都好多，男仔都食得飽。蝦頭膏酸辣海鮮湯檬今日最驚喜係食呢碗湯檬，佢係酸辣帶點海鮮味嘅湯底，但如果唔食得辣嘅人要留意下，因為佢相對都有譚仔3小辣度。另外佢D餸份量都幾多，有2隻青口，墨魚仔，蜆肉同埋超好食嘅蝦丸，埋單個陣仲叫個待應建議下淨賣蝦丸。海蜇沙律 & 炸春卷小食每人可以揀一款，海蜇好爽口，不過我自己就鐘意配佢酸酸汁食。另外炸春卷係新鮮炸，超級熱，春卷入面肉個份量都好多。肝醬小法包今次特別再叫多左個小食，肝醬味都好濃下，點埋個辣醬食好有層次感。薄荷檸檬梳打 & 三色咸檸七食越南野點可以唔叫同青檸有關嘅飲品，呢2杯飲品青檸味都好夠，不過個人比較喜歡飲檸檬梳打多D。

North Viet Pho is one of my most visited restaurants for a bowl of comforting pho. The Tai Kok Tsui branch is bright and spacious, and the manager always shows excellent attitude towards work. Was starving so I picked the scrumptious bowl with 3 kinds of beef toppings. Raw beef - not the fatty type but still smooth. Beef ball - bouncy texture, the meat juice bursted in my mouth! Beef brisket - surprisingly tender with gelatinous tendons. The beef broth was piping hot, clear with layered flavors.

【大角咀• 越北牛肉粉專門店 】🐝————————————————————————年30想食的餐廳都冇開😭又凍最啱食碗湯河暖胃。🍯｜越北生牛肉牛肉丸湯粉｜HKD63幾喜歡呢度牛河，自行加了辣椒同青檸汁，更帶岀湯底濃郁的味道。生牛不過不失，牛肉丸側彈牙。河粉質感正常。🍯｜一人帽子火鍋｜HKD98配料充足絕對夠食，牛肉鍋片、牛腩片、招牌牛丸、越南扎肉、蓮藕片、蘿蔔、唐生菜、越南粉。夠哂豐富。。餐廳環境：📸📸📸📸服務質素：😊😊😊😊食物味道：👅👅👅👅👅性價比：💰💰💰💰💰HKD161/2人✨✨✨✨✨✨✨✨✨✨✨✨✨#nkiki大角咀 #nkiki越南菜 🏠 越北牛肉粉專門店📮 大角咀大全街22-24號地下B1B號舖

出大角嘴同朋友食lunch , 想食D有湯嘅野😂所以揀咗呢間食牛肉金邊粉 ，朋友就叫左雞絲扎肉撈檬 。生牛肉湯粉，湯有骨味👍🏻幾香。牛肉片就一般，中規中矩咁。 不過麵底份量就幾多，一個女仔未必食得曬😂雞絲扎肉撈檬：一樣都係麵底好夠份量😂👍🏻2款都試過，個人覺得撈檬好食D🤤因為有好多生菜絲，感覺健康D😂😂同埋撈檬個汁有少少酸辣，幾開胃，幾岩香港咁熱嘅天氣😂🤩跟餐有飲品，人均$60 左右，價錢合理👍🏻

今次就試呢間越南菜，叫了一個豬扒撈檬、一個綜合牛肉湯河及椰菜雞絲沙津。豬扒撈檬既豬扒都幾香口脆口，撈檬屬正常越南野水平；綜合牛肉湯河，裏面既牛肉片、牛腩片同牛丸都幾好味，但湯就略為咸左些少；值得一讚既係佢個「牙車快」，即係椰菜雞絲沙律，個沙律汁係酸酸甜甜既汁，類似係平時食撈檬時會落既酸甜汁，十分開胃，呢個沙律真的很好食。