越北牛肉粉專門店

营业中

休息中

今日去到大角咀，好想食越南河粉，就選擇咗呢間乾乾淨淨嘅越北試試。兩個人分別點了兩個午餐，一個火車頭金邊粉，另外一個小食--炸蝦餅，另一個香茅牛肉檬加一個小食--春卷。另外一杯特飲，忌廉柚子蜜。金邊粉d湯幾有牛味，牛肉份量都多，仲有牛腩雖然厚，但係好淋！小食嘅炸蝦餅都唔差，彈牙，仲有4件。香茅牛肉撈檬，份量勁大，牛肉有香茅味，炸到好鬆化，其他冇乜特別。小食係春卷，味道不過不失，都唔錯嘅。整體係好味，價錢又合理，讚！

今天到大角咀training, 跟同事去試試呢間越南野，中午12：30已經要等位，等左10分鐘就有位，坐低左發覺間餐廳D裝修幾舒服，以綠色為主，我叫左個生牛河，朋友叫左香茅豬扒河，2樣賣相都不錯，個湯底都幾好，好重牛骨味同奶香，牛肉都算入味，有少少之前澳洲食嘅感覺，另外外朋友個豬扒河都不差，我偷左一件食，好夠熱同入味，只是有少少頗甜，香港黎說質素已經算不錯，下次training 一於再來試試其他

越北餐廳服務態度良好，無論等位同埋接待都非常有禮貌，會先生有咩可以幫到你👍👍👍 食物的水準都好正，豬排真心真係好好味，肉質好彈牙而味道好入味，係我最鍾意食既😆😆😆最後兩人食飯買單都係120蚊，是咁多野都唔係貴，真係好值得，大家可以去試下

話說，今日係奧海城行街行到攰，一時興起想走去食下越南菜，咁啱見到呢間嘢，就走咗去試。一坐低就叫咗個雞絲撈檬同春卷，嘢食離得幾快，好食。最後叫多咗杯三色冰，好飲！嘢食嘢飲都好好，可以再戰。

想食正宗越南牛肉粉真係越來越難， 越北算系一間做得比較好既。一定要黎呢度試下碗牛肉粉，正宗得黎分量又十足。而且價錢合理，今次黎除左叫牛肉粉中叫埋呢度出名既越式炸蝦餅，一樣keep到水準，真係要比個good。以後系大角咀又多個選擇啦！！

大角咀越來越多新野。住左大角咀好耐，都差唔多食暈。好彩近排又出間越南粉，好自然就去試下，憑良心，幾十蚊食到呢個質素幾唔錯。推介個招牌牛肉粉，真係幾有味。可以值得去多次

眾所周知，奧海城間越棧執左之後呢區做得出色既越式湯河可謂買少見少。然而，第一次幫襯呢間越北既時候真係比左我幾大驚喜，地道既湯底，講究既用料，構成一碗上乘既生牛河。色，香，味俱全，遺憾既係佢實在太吸引，令我未影相之前已經忍唔住起筷。

我入到門口同舖內嘅員工表示我3位，但係講完之後無理會我，我以為該員工聽唔到，再一次講明我3位嘅，呢次位員工聽到，不過轉身行開，我以為佢安排坐位比我，但原來佢去做其他工作，而我再向另一位員工，講多一次（已經係第3次），佢比我嘅反應同之前個員工一樣，完全無理會到我，我覺得你打開個門口咁樣做生意，離晒譜，呢間公司無投訴電話，打電話去其他分店（紅磡店）反映，有位應該係該店嘅經理聽電話，同我講唔係佢舖頭，佢理唔到，咁呢層我都知，不過你公司無投訴電話嘛，我要投訴可以點樣做呢？咁即係咪等於，如果食物同服務有問題嘅時候，都可以唔需要投訴或者比意見你地呢？我確實未去過一間食店係咁差劣嘅。

假日總係訓到黃朝白晏, 下午茶當早餐. 越北新開一直未有機會試, 行過越北門口望下餐牌, 岩食就入去.越式炸蝦餅: 蝦餅好彈，即炸夠香脆，點上甜酸醬十分開胃越式生牛肉湯河: 好多牛肉而大塊，充滿鮮牛味，有咬口唔韌椰青:清甜潤喉, 飲啖已經透水涼, 可惜比較椰肉"鞋"同韌, 而且比較硬. 要用大力才能括出來, 所以飲椰汁算了埋單$72

又番黎大角咀呢個以前工作的地區，約舊同事吃飯，才知附近又開了新餐廳，於是就約了試試這間新開的越北-牛肉粉專門店。 看看餐牌，午市選擇頗多。飲品還可加錢轉原個椰青！ 好吸引呀！ 今次先試這個👇 順化香芧豬扒湯河 $42豬扒很貼心的分開上，岩岩炸起的確脆卜卜，內裡肉嫩。除了濃濃香芧味還有一點甜，同台的舊同事吃過後亦讚口不絕。唯一略嫌脂肪較多，雖然很有油脂香味，但吃後心裡有內疚感。湯河相比之下很遜色，湯底過咸！ 湯河份量少，香草味亦較含蓄。

在屋企樓下開張咗幾個月都未試過。之前見佢都幾多人流，突然今日見小咗人，就決定要試試入到去揾咗個位坐，睇咗menu都好多野食選擇。睇咗陣我選咗《生牛肉拼坑腩片湯河》。等咗大約10分鐘，一碗賣相不錯的湯河就送到面前。食落去湯底同配料味道都好夾，九層塔加大葱的味道輕輕的飄出，整體有越式風味生牛肉新鮮，可惜份量少同湯唔夠熱，做唔到令牛肉輕熟而引出牛味的效果。牛坑腩味度唔錯，嫩口彈牙，可惜份量也屬偏少。 以新張店鋪來計算還有改善空間