越南麵包

营业中

休息中

肥豬肉 肥豬肉😍🐷：慢煮五花肉麵包 Sour vide pork belly baguette with pickled daikon radish and carrot $92 hohoho🐽 呢舊五花肉低溫慢煮左48小時～ 超級勁入味 係完全爆汁💦 配上大量既酸蘿蔔 感覺完全唔肥膩 所以食幾多都得真係好邪惡🙈 入面仲有個秘制醬汁好好味🌞 一條長長既法包幫你一分為二 兩個人share感覺岩岩好👨‍👧 法包脆得黎唔會過份乾 而且都幾香。跟住仲叫左個豬頸肉青芒果絲沙律。豬頸肉好好好好味，而且亦到大愛酸酸甜甜既汁好開胃。米紙卷 爆餡完全包唔晒咁！係香茅雞肉，香茅味都幾重最後配埋瘦瘦果茶，即刻冇咁肥膩呀。

慢煮五花肉熱鍋伴飯 ($103)蜜桃蝦丸越式米紙卷 ($82)十級推介佢既五花肉啊😋😍好好食😚唔好以為五花肉就會好肥好肥同勁油 呢個五花肉係半肥瘦食落唔會得個油字 而且煎得好香😋而米紙卷入面有青瓜生菜粉絲蝦丸同蜜桃 好fresh👍🏻

文青越南餐廳，經過48個鐘慢煮五花肉配上法式麵包🙂都幾特別！五花肉肉質都好腍軟，醃得好夠入味,咬落去嘅時候仲有小小肉汁流出黎😀面頭鋪上青瓜絲，酸羅白絲，莞茜等材料，可以一解五花肉嘅油膩感😉配料酸酸地又爽口咁，都幾開胃法包烘得多香脆，卜卜聲💥而且麵包嘅份量都幾大，食半個都有小小飽腹，大家可以再嗌啲小食食，咁份量就岩岩好啦☺️鮮蝦豬肉米紙卷都幾清新，有青瓜蘿蔔絲等蔬菜配料🙂食起嚟都幾爽口!旁邊嘅泰式醬酸酸地幾開胃！而且米紙卷嘅份量都幾足，鮮蝦都幾大隻爽口桂花雪梨茶有雪梨乾，玉蝴蝶，桂花，陳皮，金蓮花，麥冬等真係見到玻璃樽內有晒咁多材料😉可以話係真材實料，飲起上嚟暖暖地幾舒服嫁～淡淡陳皮味同桂花香越式燒粟米都係一個唔錯嘅小食選擇，粟米清甜加左沙律醬同埋蔥花去燒，所以味道都幾香，而且沙律醬同粟米味道好夾！

Lunch time由九龍灣飛的去九龍城，趕就趕左啲，不過佢嘅麵包真係好好食！上枱時麵包烘得外脆內軟熟，夾著不同味道的醬汁和肉，比西式三文治heavy，但超好食，咩都唔理啦，吃左先算！.#慢煮咖喱牛肋麵包 - 小辣的咖哩汁（都好辣）+疑似係沙律醬（中和左少少辣味），味雖重，但食完唔會覺得好口渴#照燒雞肉麵包 - 牛肉包太好食、相比下雞肉包就覺得冇咁出色，但都值得推薦，雞肉煮得又甜又淋，唔食牛嘅朋友可試試雞肉、又冇咁肥#蝦餅扎肉撈檬 - 普普通通啦、不過分量成座山咁多.呢度嘅份量偏大、一個人應該會食唔曬、但兩個人share又唔夠、所以都係叫多幾個人一起食啦！

九龍城出名泰國野就唔駛講係人都知但係我竟然發現越南餐廳都咁正！呢碗蟹粉蟹肉湯米線仲要係蕃茄蝦湯底！有哂我鐘意既蕃茄/蝦/蟹肉真係一次過滿足左我3 個願望食落米線係痴線咁滑未食過咁滑既米線好濃既蟹粉味非常之咁好食！推介呀-慢煮蕃茄牛肋條麵包個包外脆內軟 夾埋既羅白絲爽口多汁清新既羅白夾埋牛肉食去除左牛肉既油膩牛肋條腍得好淋 加埋個少辣 好惹味大大件 兩個人先食得哂

越式下午茶餐 $69九龍城，其實都算得上係一個食物集中地；大家印象多數係：泰國菜，火鍋，或者你想食扒又得，傳統小食亦得，今次蘋果乾就反道其行，去咗間食越南菜嘅小店，獨樹一幟，默默隱藏係九龍城幾條食街之中，門拉開時，小店溫馨嘅感覺襲來。蘋果乾好犯賤😂個個都黎食越式法包，我就決定要點啲唔一樣嘅～而由於時間剛好係4-5點，所以決定點個茶餐試試，茶餐都有不同選擇，我點咗鳳尾蝦網卷+素菜米紙卷+特色越南糯米飯（甜）我承認～比想像中好；鳳尾蝦網卷，網卷炸到好好，網紋好明顯，睇落好似好厚身嘅～個炸網卷，但食落意外脆身哦，而鳳尾蝦都好大隻，一個網卷長度=一條鳳尾蝦，一啲都無偷工減料；而個素菜米紙卷，睇落齋齋地咁，真係有啲怯，但食落真係唔錯；我完全無點任何醬汁，但食落好有汁兼且又甜又酸（surprise，完全估佢唔到）素菜卷入面有青瓜絲，蘿蔔絲，木瓜絲，因為醃製過，所以唔需任何醬料食落已經好有味之餘食材也好新鮮，啖啖爽脆；而個特色越南糯米飯配上蔥，香蔥同醃製過嘅肉粒，食落唔會痴牙並帶點點甜味，口感軟綿綿～店員態度友善，推薦咗養顏花果茶，淡淡玫瑰花味，桂圓和紅棗味道較出，以致茶味帶點花香之餘亦能嚐出甜味，

位於banh，是一間越南法包專門店。九龍城龍崗道49號地下 慢煮五花肉麵包$54下午茶套餐包半個法包，飲品，另可加$25要雞翼。聽閒以低溫慢煮48小時的五花肉，深啡肥厚，配上芫荽，洋蔥，醃蘿蔔絲等材料，滿滿一個麵包烤至非常穌脆，內裡鬆軟帶包香，抹上不少辣醬，五花肉非常軟腍，整體入囗惹味，很想吃多一個。下午茶餐原本不貴，但我們加了蔗蝦$9x和米紙卷$9x後，結帳每人需$140,有點貴了

Banh，是一間越南法包專門店。蔗蝦賓海$98雖吃過不少次越南菜，還是不知什麼是賓海。不過也有可能吃過忘記了，哈哈。一碟有三隻蔗蝦，四件賓海。賓海即銀絲米粉繞成薄片形狀，用生菜，蔗蝦等包起來的食物，蘸上辣魚露，清新且惹味，味道不錯，只是蔗蝦不算彈牙。下午茶餐掋吃，但點選兩份小吃後，變成$380二人，有點小貴哦。奇異果冰冰$38芒果軟殼蟹米紙卷$92

近期流行慢煮，看見這間食評不错便试一下，選了鸭腿法包較特别，肉質豐富香口，但和芝士不太配。。太油，亦蓋了鴨香，下次可試其它。。特别小店，擺設不錯賣相不錯，店員解釋詳盡有禮貌Ps..店員清潔枱面值德一讚，清潔用品有點氣味，可等客人離開便更好！

嚟到九龍城，邊個話定係食泰國嘢或者牛肉餅㗎!! 跟住我哋A姐M佬就梗係有新嘢介紹啦，今次試越南菜。話說今年生日，A姐帶咗我去越南峴港，食過傳說中嘅越南法包，無諗過喺香港都有得食。見到嗰餐廳名 — 越南麵包 — 就知道越南法包出名啦!!!嘩!! 嗰法包真係好香脆，而裏面嘅香茅豬扒切得細細舊，又唔韌，配埋芫荽，洋蔥，青瓜同酸蘿蔔，真係食落好清新。仲有大中小辣，我哋揀咗中辣，唔算好辣。小食拼盤根本就係為咗我哋呢啲貪心嘅人而設，一次過食晒4款小食，有牛油雞翼，越式炸春卷，炸蝦餅同魚餅。嗱!! 講真，越南撈檬就食得多啦，越南伴飯就真係第一次食。 真係唔知咩東東…… 伴飯有BBQ烤碎肉，粟米，青瓜粒同青木瓜絲沙律，我哋揀咗慢煮48小時五花肉，肥瘦適中，好入味。

去左一間位於九龍城既越南麵包小店high-tea, 入面既裝修好別緻, 而呢度既法包系列更令我一試就愛上! 開餐囉!! ------------------------------【蜜桃蝦丸米紙卷】HK$82 米紙卷比出面既SIZE為大, 入面有蝦丸, 青瓜, 黃瓜, 生菜同埋大量既粉絲, 咬落去有豐富而有層次既口感, 清新味道, 不過蝦丸有點硬, 無彈牙感~【慢煮咖哩牛肋條麵包】HK$92 【酥炸軟殼蟹麵包】HK$92 呢度既法包焗得好脆身而麵包又夠鬆軟, 先黎一個 "慢煮咖哩牛肋條麵包", 非常足料, 啖啖都食到豐富食材...慢煮牛肋條好林, 而且煮既過程中能夠鎖住肉汁, 所以食既時候更食到juicy既牛肉汁同埋辣辣地既咖哩味~而另一款既"酥炸軟殼蟹麵包"更以全隻軟殼蟹上檯, 唔太油膩, 加埋生菜一齊食, 非常爽脆, 每款法包都夾有醃制過既洋蔥絲同埋莞茜, 食落更加香口~ 客人可以選擇辣同唔辣而加辣椒粒, 岩哂不同口味既朋友唷!!!

今日不停食、食、食，到了晚餐時間只想吃些不太飽肚的食物。早前已留意到這間餐廳，據說越南麵包頗為出色，早已將它列入必吃名單中；就趁今晚到來一試吧！ 餐牌上有很多款不同口味餡料的麵包以供選擇，最後選定了慢煮五花肉麵包(低溫慢煮48小時)和法式油封鴨脾麵包(低溫慢煮10小時)，光是衝著烹煮所需的時間也值得一試了！ 慢煮五花肉麵包（$92）～ 五花腩肉脂香味美，瘦肉的部份也很嫩滑；再配以指天椒、特調醬汁及醃漬過的蘿蔔絲，老婆讚不絕口呢！ 法式油封鴨脾麵包（$128）～ 紫洋蔥經醃漬過後顏色偏紅及有陣陣蕎頭和甜味，鴨脾在低溫處理下，肉質鮮美嫩滑，配上藍芝士更覺滋味，但亦因為它而弄得狼狽非常；因麵包個頭比較大，進食費時，結果弄到滿手也是溶解了的芝士，我還和老婆笑說，幸好我們不是剛剛認識，否則她對我的印象分一定大減😂 Floris Honey（$78）～ 淡淡的蜜糖味，酒精只有4.5%，不說還以為正在飲蜜糖水。女士一定喜歡。 Kasteel Hoppy（$68）～味道清爽，酒精也只有6%，感覺有啲似 Hoegaarden 。比起一般熟口熟面的啤酒，更有新鮮感。 餐後笑說，「自己」原來都幾有份量😅

We woke up with a craving for Vietnamese banh mi. This was not it. SHRIMP AND PORK RICE PAPER ROLLS: Very tasty, good sharing size, very fresh with lots of pickled radish. Came with fish sauce, not the thick peanut sauce summer rolls usually come with. LEMONGRASS CHICKEN BANH MI: Fried chicken super savoury with lots of flavour. Quite a sizeable serving. PORK BANH MI W PATE AND PORK EAR SLICE: We were expecting traditional banh mi with the Vietnamese sliced meats however it was more of a bbq por

九龍城除咗泰國菜之外有比我發現左原來佢哋嘅越南菜都好出名 所以今次試咗一間餐廳入面既香茅豬扒撈檬 剛上枱時 配料比較多 例如有乾蒜頭 洋蔥 紅蘿蔔絲 香茅豬扒好入味好重香茅味 唔太鹹 肉質較為實淨 檬粉質地剛好唔會太碎 但份量略嫌為比較少

點左越南法包食，好好味，法包好香脆，都幾大個，都ok飽肚。入面有莞茜青瓜肉碎蘿蔔絲等， 味道好fresh，不油膩！68蚊賣單，環境和服務良好。我覺得很合理，下次會再幫襯。另外佢d啤酒幾得意，越南啤同比利時啤酒坊間少見，我下次會試試。