越旺美食 (已搬遷) 新店位置

0個晚意外地在大角咀出現, 要搵野食, 見到佢有2x個笑口，10個ok，即管試下，叫左1個咖喱雞煲，1 碗叻沙雞絲河，1客印度薄餅，1杯咸檸七。 , 0甘既價錢，服務唔可以要求d乜啦，講食物~ 可以用九唔搭八黎形容，好似求其乜都放d洛去0甘-----咖喱雞煲裡面有雞、番茄、生菜、洋蔥（但係冇薯仔），材料超古怪都不特只，咖喱又'傑撻撻'，味道仲係勁難食...........叻沙雞絲河材料有雞、河、芽菜、豆Pok 、兩粒白色魚彈，河粉未開哂、豆pok好硬（似未熟)、魚彈係街市有得賣白色一餅0個款魚彈（魚彈味道唔使我多講啦），碗河粉既味道又係唔得.............印度薄餅算係正常小小，但一定唔算好味...........咸檸七就普通啦......... 埋單$106.......唔會再去囉

本來想去車品品食車仔麵的，但去到門口先見到說材料未返，要六時半才可以繼續營業，看看手錶還有大半個鐘頭等，想想都是下次再去試過，就去了另外一間食越南食物的食店:越旺美食。越旺美食就在大角咀道和福澤街的交界，在大街上黃色的招牌和門面十分易認，雖然是未到六點但入到去已經十分之多人，入面完全是港式茶餐廳的格局，全部都是二人的木枱再因需要而組合，牆上貼滿了食物的相片，全部都是越南的美食，而牆上又掛了一部的電視，不過聲音不是開得太大不是太嘈雜。看看枱上的餐牌，食物的種類都是以越南湯河粉和越南炒飯或麵為主，又有一些越南小食、煲仔和蔬菜類選擇，望一望見到原來這裡有咖哩食，更可以選擇印度式或是越南椰汁式的，兩頁的食牌寫得滿滿，食物的選擇都幾多的。進餐當日就選了香矛豬扒湯河、泰式蝦醬炒飯、越式炒雜菜、青檸梳打。香茅豬扒湯河($25)來到時見到有一塊切件的豬扒，上面放了一片青檸和一些的洋蔥，賣相就十分之吸引，食落豬扒就十分之入味和有肉味，想必醃得十分之好，雖然放在湯食但不會覺得十分之鞋口，放了一些的青檸汁在豬扒上令油膩的豬扒中和了不少，增加了不少的清新感覺，伴著一些生洋蔥和蔥粒食，令整個感覺都非常之香口，而

睇完戲，走到附近找吃的，但夜再始深，走來走去腳已軟，便走到越旺，因又多選擇，而且價錢又不貴，下次再要吃多些．燒豬頸肉炒紅飯：豬頸肉就太乾身了，失去一點肉汁，但紅飯就炒得好好味，又甜甜的，不過就多了一點油，少一點就更好啊！紅燒排骨河：紅燒排骨賣相好像燶了點，但卻相反的又淋又入味，湯河又不差，好味！咸檸七,青檸梳打：只是加少少錢就可換特飲，咸檸都有一個，青檸又頗多，但咸檸再咸點就更好，青檸就很鮮了

試左咖哩牛腩..有得揀洋蔥/椰汁...後者怕甜..個刻心情想食辣..就試左洋蔥..5mins左右黎到..叫左2辣..食落第1啖飯幾乾身 有印度個種飯既口感係唔錯..而咖哩就都幾好..整到比較稀個下睇下大家接唔接受到la..我就一般般..其實都係食慣潔潔地好d...之後面頭有d辣油..(心諗唔知佢定義幾多級別辣係咪指d辣油..)係既話自己加都得..當然係度空口講白話..之後d送料以為自己食梗牛肉..全部都係似牛肉囉..係牛筋有一舊先知係牛腩無黎錯...料方面唔太出式..呢下扣小小分..而野飲杯綠豆冰物體..好淡...d料係入面等於無係度咁..下次會試埋椰汁咖哩..比多次機會..但當然唔會再試牛腩...環境方面同隔離豬x之家兩個世界..呢度有冷氣之餘仲開埋強度風扇..但當然我仍然覺得未算係冬個隻..我食到出汗仍然..當然撇除埋咖哩比較易出汗呢點都覺熱.

接左老公收工之後，在大角咀都唔知食乜好，唔知做乜好想食串燒但又想搵間坐得舒服d, 行左大半個鐘, 我老公話：不如去食咖喱啦，可能都有串燒食反正都好耐無去過, 最終就行返過去食咖喱最終點左：印度咖喱雞中辣(跟飯)、炸蝦餅、避風塘炸蝦同串燒咖喱雞：我鍾意佢有好多洋蔥，d汁索哂入去，我老公話唔辣，但其實佢係慢慢辣囉....不過真係好好味炸蝦餅：個人就麻麻地，無乜特別，但係好薄 (我就鍾意食厚身)避風塘炸蝦：d金蒜好似小左d，都夠味，但唔夠蒜味，個殼都炸到脆哂，都幾好味串燒：呢度的串燒真係好神奇，話說佢上左個串燒後我都好一陣子先食 (食左碗好辣的咖喱飯，仲食左蝦餅)，但係攞起的時候見到佢勁標煙.....點解咁耐仲咁熱......食完一串之後再食下其他嘢先食第二串....都仲標好多煙....夠熱而且夠味度，豬同雞都好嫩，我同老公都覺得呢個串燒好正!!

平時都幾鐘意食越南野, 清清淡淡! 但今日就大開眼界啦!!!!!叫左碟飯, 係估唔到咁多....... 油!!!!!!!!!!而且無乜味道!!! 食左幾啖就放棄左!!! 仲叫左份羊架, 一般啦, 無乜特別, 細細件, 有d偏貴!!! 有d浪費~

出長水遠到奧海城睇戲~出發前同MISS P & MISS S食食飯~MISS S 推介既越南菜~拼盤(中) - 蝦片, 應該係即炸, 仲見到有D油在面=V=雞翼, 沙哆豬肉(?)串, 札肉, 唔錯唔錯~炒蟶子 - MISS S 一坐低就話要食~ D蟶子都幾多~ 食得出幾新鮮~ 蝦醬炒飯 - 好好笑, 有4片臘腸在面~ 個飯好惹味~ 好味道~蒜蓉炒芥蘭 - 略嫌炒得太淋~ 各樣都足料~食物又好快上台~服務都幾好~ D阿姐阿哥都幾好~快靚平正~

同朋友去了 "越旺美食" 食下午茶...我叫了一個 "雞扒湯檬 + 紅豆冰 + 越南春卷", 雖然一個下午茶只係 $22. 但佢地冇將貨就价. 仍然好大碗及好好食. 下午再經過, 一定要再幫襯先得

剛巧經過肚餓便入內。點了炸蝦餅湯河、香茅牛肉飯、生菜包。炸蝦餅湯河不錯，湯濃炸蝦餅也脆；生菜包的料十分香口，份量足夠三人用；香茅牛肉飯就遜色了點，是碟頭飯上淋醬油。飲了紅豆冰，一杯奶水加糖似的。整體來說還可以，路過的話會再來。

周末下午茶,人不太多,坐得幾舒適.叫了:越式炒檬粉$26 - 檬粉炒得乾身.入口清爽,掂!千層薄餅-咖哩汁$22 - 薄餅鬆脆,咖哩香,醒神!蒸粉卷 - 下午茶餐送的小食,蔬菜饀,皮軟滑,蘸酸汁食,好味非常!跟套餐的紅豆冰和杏霜都O.K.埋單$48,阿姐招呼又不錯,可以回頭!

大角嘴區內食肆咁多，就算逐間去試都有排未試晒，好似呢間「越旺美食」咁，雖然離家不遠，今次都係第一次幫襯咋。其實呢間食店環境就真係麻麻地，外觀一d都唔吸引，不過在openrice裡都有唔少好評，話唔定真係禾稈裡的珍珠呢？所以都來試下啦。這次試的是咖喱。原來這間小店的咖喱也分兩種，一種是「傳統印度咖喱」、另一種則是「越式椰汁咖喱」。今次就先試了「越式椰汁咖喱」。這裡的咖喱是分5級辣度的，最辣的是5。因為自己不太食得辣，所以只是2級辣度，老婆仔更只是要了1級辣度而已。我叫的是「咖喱牛腩飯」，這飯的咖喱雖然只是2級辣，不過都食得出有辣味，咖喱味道偏甜，椰汁味頗為香濃，很是開胃。牛腩份量頗多，可是就瘦了一點，而且切得比較碎，不是那麼好。老婆仔叫的「咖喱豬頸肉跟薄餅」因為只是1級辣，所以辣味更少，更能顯出味道偏甜的椰汁咖喱味。薄餅整得都幾好，點上咖喱汁後吃始終是最佳配搭。豬頸肉都有幾多，不過味道就無乜特別。因為是吃咖喱的綠故，與熱飲同價的「紅豆冰」當然最受歡迎。這裡的紅豆冰味道不錯，甜度適中，紅豆夠多，也煲得軟腍，確是吃過辣味咖喱之後的最佳飲品之一。雖然這裡只是一間街坊小店，都不妨一試的。

叫左炸蝦餅撈檬 同 hot lemon tea 炸蝦餅撈檬 - 好好味.. 即叫即炸~~ hot lemon tea 就比較苦... 服務麻麻地... 可能因為沒有足夠的員工....

3月9日, 好鍾意黎大角咀搵食, 因為有好多種類又抵食~ 今晚同呀菲喺奧海睇戲, 行大概10分鐘就黎到呢邊~ 行經呢間俾佢d香氣同門口d相吸引咗, 就入去試下~::: 扎肉煎蛋飯 + 紅豆冰 ::: $29真係俾佢張相吸引咗, 仲要係扎肉, 感覺好越南~ 睇實物, 賣相都非常唔錯, 仲好香蔥蒜味~ 蛋望落煎得金黃, 加咗d蔥粒入去, 扎肉份量都好多~ 要讚嘅係面頭仲加咗d肉鬆添, 一個好似好簡單嘅扎肉煎蛋飯只用眼已經睇得出佢地嘅用心~ 食落蛋味果然十分豐富, 扎肉切得都算厚唔會食咗好似無食咁, 加埋d蔥蒜粒同肉鬆, 整個飯都好夾~ 少少彈嘅係飯身比較乾同埋豉油唔夠…跟飯叫紅豆冰唔駛加錢, 味道比較淡, 冇乜椰汁味, 紅豆都硬咗d, 唔駛加錢質素可想而知…::: 香茅豬扒撈檬 + 凍朱古力 ::: $27 + $2豬扒撈檬配料豐富, 有蔥粒、花生碎、炸蒜、蘿蔔絲, 個底仲有d菜絲~檬粉夠散唔會一舊舊黐埋, 配料加上鹹香魚露, 混著檬粉已經幾好味! 豬扒好重香茅味, 亦嫩, 但唔夠焦香~ 同埋如果可以乾身少少更佳~凍朱古力好濃! 又香奶味~ goodgood!呢度其中一個好處係有電視睇,

友善的老闆及店嬸嬸，莫說大食店沒多，卻在大角咀居然找到，小店比熟食街市塲價錢平民，份量足，四人叫了兩隻咖喱蟹只需$170，約兩斤內。第一次幫襯，致電先知沒有訂位，但可先預訂海鮮，友善的老闆會為你預購好野，咖喱好食過西貢所有泰越店食，來致西貢的我好肯定!!! 食咖喱記得叫埋酥香的油酥餅，絕配~其他如拼盤及小食中上之作，馬拉盞炒菜美味，香矛猪扒香矛味略淡及番炸熱，但都OK沒有一般外面淹壞的肉質感。

今天和外子到大角嘴逛街，看見大角嘴的食肆大部分都十分平民化，於是我們朝著便宜和東南亞這兩項去搵食。結果我們在越旺坐下。這兒的裝修有點住家的風格，現在愈來愈少見。這裡的食物主要是越南和印度風味，泰國次之（見圖片一），價錢由廿餘元至四十餘元不等。值得一提的是雖然價錢很大眾化，可是弄出來的食物並不馬虎，他們製作得很專業，家人叫的那個咖哩羊肉+薄餅連紅豆冰$35很正宗且惹味；而我叫的茄汁牛肉粉+紅豆冰=$28有板有眼。一般的越式食肆只提供香茅、沙茶，但這兒連茄汁和生熟牛肉河粉均提供，唯一欠缺就是沒有凍檬。服務令人滿意，尤其男服務員很仔細聆聽客人落單。