越旺美食 (已搬遷) 新店位置

係大角咀做嘢點可以唔講d間食店呢!!!其實每一次到d間食店都only食咖哩,d到咖哩有兩種印度咖哩&越式咖哩1)印度咖哩牛腩: 個印度咖哩有洋蔥碎係入面, 咖哩汁嘅香味幾特別, 牛腩好入味&淋得合適中!!!!!2)越式咖哩雞: d個係我至愛, 椰汁咖哩味很重, 正到暈, 同gf要order多一個薄餅撈汁先夠喉!!!3)薄餅: ok, 都係一般

這天乃我倆口子拍拖紀念日是也!!之前唔係食任食就係壽司~(呃..都有壽司任食)今次因為陷於財困既非常時期~終於!!!!!!搵食到大角咀!yo! 唔係睇我地2個人...但我地嗌左6,7碟!!!!咖哩同印度薄餅無得彈!!!!d雞肉好滑咖哩汁夠香濃!!熱騰騰既薄餅點d咖哩食真係終極享受!米卷好fresh!!!唔會好易散~平衡返咖哩呀豬頸肉d油膩感~當中既生菜豬頸肉大碟到碟頭飯size!!!!>>即刻宣佈投降!!!要彈既係個個菠蘿紅豆冰!真係....好難飲!!!!!!!!!!!!!!!!!!!係菠蘿個種甜+紅豆!勁怪!!千祈咪學我貪新鮮..!!

話說呢晚路經大角咀,剛好住呢頭既友人介紹食咖哩,就一於去試吓 是晚菜式： 春卷 $20/6條 1辣 印度咖哩牛肉跟薄餅 $34 (連凍飲) 1辣 椰汁咖哩豬扒跟飯 $34 (連凍飲)因為女友個胃呢排要唔可食太刺激既野, 而正好呢度既辣度可以揀,所以就叫左一辣度.而友人就叫5辣春卷 : 炸得香脆唔過火,再點點魚露,酸酸地開胃了 印度咖哩 : 好香的香料味又有咖哩味 , 牛肉唔韌又入味 , 微微既1辣過到口癮又唔使怕太刺激個胃. 得 !! 女友仲讚個薄餅唔油,再點埋印度咖哩 正 !! 椰汁咖哩 : 別以為印度咖哩一定好味過椰汁咖哩 , 呢個椰汁咖哩同樣好味,食落有椰汁味又有咖哩味,唔錯,豬扒亦幾香. , 撈飯好味~~~~再試吓友人既 印度5辣 , 用5辣撈左d飯食 , 第一啖入口唔辣 , 但食落個口興了, 5辣都接受到既 , 辣得好過癮 , 正 另再叫2支獅威($12支) , 少少地啤一啤 , 滿足的一餐 ps. 凍飲跟紅豆冰同價 , 女服務員幾 nice , 有講有笑 ^^可惜 ~~ 地點太唔方便 , 搭車就唔知點去(冇認真研究) , 但行10mins左右到 奧運站 有機會一定

一直很想去吃吃這所亷價越泰小店。趁是日晚上要獨個兒解決晚餐，就乘車來吃吃....一個人能吃到的總有所限，所以就算那小小的餐牌羅列出數十款的越泰菜，還是只能淺嘗一兩味。心想若是水準對版的，下次可帶熱愛越菜的太太來試試....每試一所新的越南小店，小弟習慣上一定會來一客生牛肉湯河或檬。是日貪心一點，來份生牛肉及燒豬手雙併湯檬。也是習慣上先喝湯底，發覺只能喝到點鹹味，牛骨的鮮味卻是完全感受不到就算湯中下了青檸、少許香菜及洋葱，也是於事無補牛肉只是很普通的雪藏切件肥牛，味是沒有甚麼特別的。豬手並沒有甚麼燒過的焦香，味道倒是有點像滷豬手。這豬手質地夠淰，特別是皮的部份挺覺膠口的，不錯....又是例牌的叫碟蒸粉卷(包)吃吃。這裡做的比起其他地方的較細件，木耳絲及粉葛粒皆下得不太多，面頭的炸蒜茸碎及葱粒也是不夠，不過味倒是頗"清"的。吃這味最關鍵自然是那小樽的越式魚露。這裡做的不算是十分夠味及入味，比起小弟覺得最好的老趙(佐敦老店)的，還差得遠。沒有好的魚露，那粉包都不會怎樣好吃的了....奉送的紅豆冰裏頭的冰粒下得實在太多，溶後弄得整杯東西都是淡而無味的紅豆沒有事先浸過糖水，味也是很淡的，不過本身

星期六是拍拖日，跟老公行完街，打算去食豬扒的，點知冇開~見隔離間越南野人頭湧湧...決定入去試一試。是日菜式：1) 咖哩牛腩配千層薄餅...不太辣~牛腩夠哂淋~個薄餅都做得唔錯~不過幾多油~2) 炸扎肉...不過不失3) 香茅豬扒飯...沒甚要求的老公吃第一口就說好味了~~的確...豬扒幾入味~4) 粉卷...四小件~~皮做得唔錯~唔會太厚~入面d 料都幾多~好味~~飲品 free的...太好~!!!唯一唔好就係坐得好辛苦....我成日都整到後面個男人~~好迫呀真係~!!!

幫襯過2次 ~ d野食都OK.越式粉包 : 一碟有4舊 , 細細舊一啖食晒幾皮好薄 , 餡多 , 幾香口豬肉生菜包 : 一般 ~ 唔算好好味 , 亦都唔算好難食炒金邊粉 : 濕濕地 , 有淡淡既茄汁味 , haha , 好似茄汁炒粉咁咖哩羊肉配薄餅 : 咖哩好味 !辣辣地 , 好多薯仔果d配料 , 羊肉既數量都算多配薄餅食 紅豆冰 : 好多紅豆 , 可惜冰都好多飲耐左會溝淡晒椰汁d味道3個人食左$200左右 ~

見到D食評不錯。但離我家裡都很遠，鬼叫自己想試下，於是就......去了，點知.................- 地方不大，好似好迫咁和不太乾淨，所以叫外賣。- 我order一個香茅朱扒河和炸蝦餅，但我吃了一兩口,就不想吃。 Because 朱扒冇香茅味, 湯底好咸, 蝦餅好散,冇蝦味，所以冇胃口。 雖然有紅豆冰送和價錢平，但我就不太喜歡............

看 open rice 這間越旺都有很多笑面, 今早往大角咀工作,完工後都差不多 7:00pm 就決定和同事在此店開餐,小店 7 時多已坐到九成滿, 想食物質素應不會差吧！　2 人點了 : 印式咖喱魚柳 配薄餅 $36 -( 5 級辣 ) - 所謂的 5 級辣就是在咖喱面層加上一大羹連渣的辣椒油 ( 唔係呀 ! ) 老實說絕對是妤普通茶餐廳水準越式炒河 $28 - 所謂的越式就係豆腐干粒加蟹柳粒炒河粉, 除了大碟外, 真係無嘢可以講咖喱炒蜆 $34 - 我叫咖喱來的是豉椒炒, 沒所謂了因為咖喱實在差, 但這豉椒炒也不見好,d 蜆又細又瘦, 乏善可陳送 2 杯紅豆冰, 埋單 $98, 可以說平宜及飽肚, 無甚要求但求飽肚可以幫襯, 但我唔會囉 ! 試過就算了

好耐無黎呢度食野,尋晚試左個以前未食過既三絲湯檬,我一心以為三絲之中其中一絲會係雞絲,點知大失所望,原來只係火腿絲,紥肉絲,同埋蟹柳絲,全部都係加工品,而且無乜味道,唔可以話係好好食,只係覺得好唔抵!早知要雞絲或者牛肉仲好!不過$24包埋熱飲或紅豆冰,都算好平下喇!紅豆冰又唔錯喎!話晒唔使加錢,都有咁多紅豆,而且唔會太甜,飲完都唔覺太漏,真係抵飲!另外,偷食左小牛既咖喱魚柳,越式椰汁咖喱果然夠惹味,連我地要唔辣都咁好食,不過薯仔少左d,有三小件,我一個人已經食鬼晒!魚柳都略嫌細左少少啦!

星期日中午3點, 同男友專程搭車到大角咀為食"豬扒之家", 點知無開舖, 打算離開之際卻突然傳來一陣濃濃的咖哩香味, 即時吸引咗我們入去(4級辣)咖哩牛腩(最多5級)跟飯(可選薄餅)$34 + 凍啡$2 正!!!!咖哩真係好香好濃好味道~至於辣度都幾啃下, 唔食得辣嘅話真係要小心叫~牛腩有埋牛筋, 係超入味, 夠淋又唔痴牙, 如果再多d 飯就好喇, 凍啡無特別香茅豬扒河$20 (+沙嗲$2)配紅豆冰 點解可以咁抵架??!! 大大塊豬扒多香茅又夠味, 仲有最緊要係好好咬, 唔似用鬆肉粉嗱嗰種, i like it~不過河粉就淋咗d, 而且沙嗲汁唔香濃, 似係加一匙沙嗲汁響面而唔係成個湯底都係沙嗲咁~另外最讚係唔洗加錢嘅紅豆冰好多紅豆呀!!!!而且飲落又唔差喎~抵到爛!!P.S. 食野有時真係睇運氣, 你遠一遠專程去食嘅又未必好, 咁啱撞正嘅食落又可能會有驚喜, 真係好睇你撞唔撞到好日, 好師傅, 好時辰.....仲有係好心情, anyway, thank god~

近呢幾日係朋友介紹之下去咗幫襯,d嘢食都幾好味,食咗咖哩豬頸肉+薄餅馬拉盞炒菜,茄汁牛尾煲d薄餅真係幾正!不過美中不足的是.......好嘈啊個唔知係咪是頭婆的女人...真係頂佢唔順,我地一路食嘢一路聽佢係度鬧人,d阿姐係咪都比佢鬧一餐我地都覺得佢好煩啊希望佢會改善下啦

入去果陣,就見到有部大電視店員的服務態度都ok,,,環境幾乾淨我點左越式咖喱魚,超好味(加薄餅/飯),不過我叫左3*辣已辣到爆另外,,,我個friend叫左蒜油炒金邊粉,分量多,夠2-3個人食,水準唔似街邊野,小食拼盤一般,,青檸梳打好掂比預期好,值得一試=]

是晚又有突如其來的事，沒有目標下來個速食晚餐。原來凡唯顧粉、麵、飯均送飲品，真是超值。生牛肉河-上枱時其實已呈半生熟，不過肉質尚可，起碼有肉味，也不韌；河粉不夠幼滑，口感稍為粗嚡；平時不愛喝湯的我，反宜覺得湯底才是主角，味道濃郁帶點青檸的微酸及清香，不知不覺渴了很多後，也沒產生口渴的反應。香茅豬扒撈檬-雖然豬扒的香茅味不夠，但勝在鬆化；而檬粉及魚露互相起不了化學作用，因為魚露缺乏鮮味濃郁，沒有了越式撈檬的精髓。另外雞翼撈檬及雞翼湯河，它的雞翼炸得很金黃飽滿、香口鬆脆。奉送的飲品可選冰類的特飲，有了紅豆冰，大大粒紅豆，十分有嚼勁，沒有因為免費而偷工減料。這間是我近期難得的笑面，希望笑面跟隨我而來。

是夜有事再往大角咀走一趟，饑渴疲交煎下經過這裏，就坐下來．餐牌很長，中越印菜式都有，立刻有點卻步，不過阿姐們都挺熱心，就隨意點了個紅燒腩肉飯，份量是少了點，不過八角與醬油的滷香與腩肉是絕配，很多餐廳都已不做這道菜．不夠便再來一客生牛肉河，湯底很甜，配料都一股腦兒放了進去，味道還可以，就欠了一點底蘊．不過才廿四元，算不錯了．奶茶很香，不是胡亂調出來．值得再來．

越旺美食都o大角咀開左一段幾長既時間啦..由於住o附近..有時都會叫外賣當lunch..今次照舊叫左牛腩河,,走牛筋..!!嘩..份量嚇人..多到滿瀉咁濟..抵死!!味道都唔錯ga..好多牛腩..完全足料!!仲可以免費叫紅豆冰..都算幾抵..幾多紅豆..不錯不錯!!