越港正宗越南湯粉 (已結業)

由於今日我同個friend 上完山頂，玩完撘返巴士到灣仔，諗住轉車返屋企🤪🤪，點知行過一條小巷，見到有間食越南河粉嘅小店，見到有客人，又見到有位坐就食埋晚飯先返屋企😉。我叫左個香茅雞翼湯河（我叫左走葱，因為我唔食葱😁），第一啖梗係飲下個湯先啦，一飲落去超級濃㖿好好飲😋，個香茅雞翼就另上，超級貼心，因為個香茅雞翼好脆好脆，超讚🥰，食食下加d辣椒🌶️同埋少少青檸汁，個湯即刻提升左，味道完全唔同曬，一樣都咁好飲😋，有機會都要黎食多幾次先得😉

同媽咪去開灣仔個太原街，買玩具比親戚個小朋友3歲生日😹，咁啱個日阿媽心血來潮想食河粉，佢又唔想食d咁普通嘅乜乜河🤨🤨（女人真係煩呀😝😝），所以即刻上網幫母親大人搵下附近有咩好食先。最後行下行下，行到街尾隱約見到一間食越南河，但佢係另外一條小街入面，我二話不說馬上拉咗媽咪入去，又咁啱預著係下午茶時間😸😸，所以有埋飲品，係咁熱嘅天氣下，梗係要飲返杯汽水啦😻😻。我媽咪叫咗佢最愛嘅生牛肉河，我就叫咗香矛雞翼河，湯底好飲😋，加少少辣椒🌶️就更加好食，正😻😻，下次要帶男朋友黎食先，好開心又試到新野。雖然地方唔大，但係好舒適，有我喜歡的水泥牆👍🏻👍🏻

呢間鋪係灣仔郵局對面一條小巷，位置唔算太顯眼，繁忙時間都好多OL👩🏻‍🤝‍👩🏼👩🏼‍🤝‍👩🏽排隊幫襯香茅豬扒河🐖🐖河粉口感似足係越南當地食嘅👍🏻唔似香港某d鋪頭，用香港河粉去煮，完全稱不上係越南河😤豬扒厚身，炸得啱啱好，外脆內軟，好Juice 💦😃食落唔太油膩，啖啖肉，肥瘦恰到好處，唔會啖啖肥膏，食到一口油😋配菜方面，有辣椒、青檸、芽菜，美中不足係芽菜份量唔夠😢湯底鮮甜，唔會好咸，絕對唔似味精湯，食完麵可以當湯飲😚提提大家，呢度河粉加底唔洗另外加錢架！！😆岩哂男士或者大胃王😆唔好睇呢間店地方細細，味道確係唔錯😋值得一試🥰🥰🥰

Openrice既account開左5年幾，終於都打第一篇食評。我地一行5人，樓下得番4人檯，門面阿叔問2樓仲有冇位，明明聽到入面阿姐話有，阿叔都堅持要拍埋張坐緊3個人既4人檯，要求我地3+5咁搭檯。食飯時間搭檯張就一下我明，但現場係過半數的空櫈啊！我禮貌地問一句：咦？冇得就咁一張檯坐5人呀？阿叔回應說：拍埋左咪一張檯囉！我諗阿叔一定好鐘意玩俄羅斯方塊，一定要行行都填滿。食物就正常既，算抵食囉。不過食飯有時除左睇價錢，味道，仲會睇埋服務，所以今餐我會覺得唔好味。食飯時間都有咁多空位，唔洗等。

灣仔有很多不同國家的餐廳，橫街窄巷裡碰到這間越式餐廳， 裝修很平民，不摩登，手寫單，手寫賬單，現金找數。見到店舖推介越式海南雞飯套餐，送越式柑桔水一杯，$68，試試在越南餐廳吃星加坡食物，結果... 飯，不是油飯，有點硬；雞，可以接受，有碎骨；海南，沒有海南醬，換上越南特色醬汁，新奇；越南特包，有一塊大生菜放在雞的下面，有菜食。下次在越南餐廳還是叫生熟牛肉河好了。

又到食飯時間，行到邊食到邊，已有一段時間沒有食越南野了，當然要入內一試啦。店內裝潢簡單，以幾幅掛畫來作襯托，簡潔明亮。湯粉河都是以$52-72不等...價錢都相對實惠。越渦推介的越式海南雞飯當然要試下啦。越式海南雞飯套餐 - $68這裡的海南雞飯未有去骨，客人進食要自行處理；雞肉部分帶瘀色，且欠雞味，軟腍欠彈性，而米飯沒有香料味，只帶少許鹹味，偏硬身。越式金桔水 (跟餐)以新鮮金桔水切開，讓金桔的味道能夠充分散發出來，飲落清新，不會出現太澀的情況。

新開張嘅餐廳 喺OpenRice見到見價錢幾好 評價唔錯 就即管試吓叫咗一個香茅豬扒湯河 燒雞串濱海越式春卷撈檬香茅豬扒湯河豬扒唔錯煎得 又脆 豬扒又唔會太乾河粉還可以 有少少鹹 唔係唔好食不過其他更好食嘅燒雞串濱海雞串真係真係真係好好食😋😋脆得來又唔會乾 又好有雞味 唔會太鹹真係好正 啖啖肉😍濱海就一般 個濱海好鬆一夾塊野就會散 對比平時火車頭嗰啲唔算太好不過個雞串真係可以食 推薦雞串😍🔥🔥🔥越式春卷撈檬撈檬唔錯 春卷就好脆睇得出都係新鮮炸出來的 我鍾意佢個撈夢唔會好似其他餐廳咁配料多過麵配料（青瓜，蘿蔔絲）份量啱啱好環境都唔錯 簡簡單單咁大概五張四人枱 兩張二人枱都算乾淨 老闆都好有禮貌 好Nice最好就係價錢相宜 性價比高佢個地點喺灣仔唔算話好當眼嘅位置不過其實都好方便 近合和中心 係在間酒店隔離嘅一條細街

平時食晏多數去茶記搞掂，但食得多都會悶，上網望下灣仔有咩新餐廳，見到呢間越港，心諗都好耐無食越南野，就試下佢啦。越港位置隱藏於鬧市，但未至於好難搵，去到麥加力歌街轉入去就到。叫左下午茶香茅豬扒湯金邊，店家標榜湯底以鮮牛骨熬製，飲落牛味十足，忍唔住飲多幾啖先開始食粉，湯底本身已經好好味，落埋青檸同辣椒更加醒神！香茅豬扒好香脆，夠厚身一d都唔韌，本身料靚鬆肉粉都慳返。咖啡偏酸，唔岩我口味，加上我飲晒d湯成肚水，最後不得不放棄咖啡。下次試下河粉同其他飲品先。

我地兩個人食，首先叫左個$168二人套餐b個鮮蝦蕃茄湯濛強烈推薦，個湯底好好味，有幾個層次😋雞翼同春卷都好香口，都好唔錯。千層糕唔算太甜，啱啱好!跟住再叫左個串燒雞，正!雖然我怕辣，但點埋個醬汁更好味，照點😆食到好飽，滿足的假日午餐😋😄

今日下午經過來到，有少少肚餓就入咗去食下午茶。入到去叫左碗牛丸河，春卷，雞翼，比左我唔少驚喜。牛丸咬落煙韌又充滿牛味，湯底亦都好濃郁，無落味精，唔覺得口渴。而春捲炸得酥脆， 油而不膩， 配上胡椒同肉內餡，外脆內軟，令人齒頰留香。 香芧雞翼充滿香芧醃制既香味，外面煎到啡色而入面嘅肉都係熟嘅。雞肉亦充滿肉汁。而叫左三個order都係90蚊左右仲送野飲，價錢''實惠，比外面越南河粉平。上菜只係幾分鐘。十分值得一試😋😋

之前飲湯嗰個鋪位開左間越式餐廳，尋晚即管去試下，估唔到又有啲驚喜咼！叫左碗鮮蝦番茄湯檬，上菜好快，望落去已經好吸引——好足料！鍾意飲湯既我第一啖緊係試下個湯底，好香，除左番茄味之外仲飲得出有蝦味，可能落左蝦頭／蝦膏去熬？而且真係有鮮番茄，正呀！同埋最重要係個湯夠熱，食晒碗檬粉再飲都唔會覺得凍左難入口，唔怪之得隔離枱兩個食生牛河既男人可以飲到一滴不漏啦！除左湯底正之外，啲配料都唔馬虎。兩隻蝦好大隻，啲肉係爽既，食得出好新鮮。 平時對扎肉無特別好感，但呢間既扎肉幾得意咼，有軟骨喺入面，又厚身，幾有「趙頭」。至於個檬粉，我覺得軟硬啱啱好，唔會太稔，幾好食。老公叫左個雞串撈檬，店員上菜時會幫我地搖下個魚露，提我地搖匀先加落去，好細心。老公覺得個撈檬可以落多d生菜絲、花生碎呀蒜片呀嗰啲，撈起上來會色彩繽紛啲好味啲，我就覺得魚露味道啱啱好，雞串幾 Juicy ，不過如果可以再多一串就更加抵食啦。本來諗住食炸墨魚餅，點知老闆話越南啲船期延誤左未有貨，咁唯有叫住蝦餅先啦。蝦餅同出面嗰啲都有啲唔同，鬆化啲，食落都唔太油膩。飲品就叫左凍柑桔，幾清新，酸酸甜甜咁，係檸水以外的最佳選擇。間鋪頭裝修普普通通，不

行開灣仔玩具街，見到附近新開咗一間越南湯河就試下，食越南湯河最怕啲湯加味精去調味。太肚餓就叫左扎肉雞絲檬粉，軟殼蟹米卷。賣相唔錯，湯底有驚喜，唔會太濃，啲湯唔會有層油，食得出係冇味精，係冇味精，足料，份量又夠飽。米卷夠清新，大碟，雖然價錢好似同個粉差唔多，但都可以一次。呢間越南湯河可以再食。👍🏻👍🏻👍🏻建議兩個人可以share 一份小食。一定食得飽又性價比高嘅湯河。如果有套餐會更扺食。😂😂😂

Simple hearty pho noodle with wonderfully flavored soup. It’s neither complicated nor pretentious. Hits the spot!

經人介紹灣仔有間新開既越南菜唔錯喺麥加力歌街，灣仔街市附近，都唔算難搵，旺中帶靜。間鋪頭雖然唔太大，但都算光猛，座位又唔逼，環境都算唔錯。本身好少食越南野 冇咩認識 但呢次有驚喜啊叫左個推介既鮮蝦番茄檬 等左一陣碗野就送到來喇一送到來就勁香番茄湯底味啲湯底勁香勁濃，實在有驚喜。好足料，份量十足，一定會飽，隻蝦好大隻 ，啲番茄好香好甜，成碗野啲材料都好新鮮，啲食材索曬啲番茄湯底，一咬落去啲湯底飛曬出來，入味！以呢個價錢來講真係好親民好足料！最後係呢個椰汁糕，煙煙unun幾好食，又唔會太甜，冇個種好膩既感覺。食野個陣聽到原來個廚師同大部分員工都係越南人，唔怪得之咁正宗！好難得係灣仔搵到間好食得來又貼地既小店，見到隔離個手撕雞湯河都好似好正，下次一定會再來試埋其他越南菜！

放假同屋企人行下灣仔，夏晝又熱又焗想食啲開胃嘢，見到有間越南菜新開，就決定試下啦。小店位於灣仔Hotel Indigo/囍帖街附近，旺中帶靜，冇特別裝修，但夠乾淨光猛。坐低睇下menu，有湯河，飯，撈檬，連少見啲嘅濱海都有，一行四人決定樣樣都叫啲。主食叫咗生牛肉湯河，鮮蝦蕃茄檬，雞串撈檬和豬頸肉濱海，加埋小食燒蔗蝦，米紙卷，同牙車快。最欣賞生鮮蝦蕃茄檬，我重加追加咗越式牛丸。蕃茄湯鮮甜，夠開胃，好多配料，連我咁大食都夠飽。爸爸叫嘅生牛肉湯底清甜，有牛味，飲完都冇口乾就知冇加味精啦。小食我最like 蔗蝦，啖啖肉得嚟又唔油膩。牙車快都唔錯，啲菜夠新鮮。叫到成枱都係食物，加埋即開椰青，最後老闆送上小甜點，假日午餐大滿足！小店真材實料夠誠意，價錢親民，一定會再幫襯。