越潮

营业中

休息中

Good prices and nice staff! And it seems that by mentioning being a student you can get some special discounts! We got discount in our drinks when ordering food with it✌️I got cold vermicelli with shredded chicken and it was perfect for a warm day and not too filling

Recommended menus are D16(Pork neck vermicell) A1(Raw beef pho) and the red-soup-noodles that I don't remember the names but my Viet friend says it's genuine Southern Viet taste👍

中午食個唔太heavy 既午餐，越南河粉係我既選擇之一今次我就叫了個生牛肉河食越南河個湯底好重要，呢個湯底唔算好清，但以小店黎講淆既牛味都尚可河粉同生牛都可以既，配料如青檸，辣椒就冇，芽菜都唔係分開上春卷係跟湯河，比想像中好食整體黎講都還可以既

今日約了朋友在香港大學附近食晏，友人話附近有一間開左很多年的越南菜很好吃，長期都很多顧客幫襯。我入到餐廳，餐廳掛滿特色的越南佈置，餐廳門面普通，但感到温暖的感覺。坐我右邊的先生係長期熟客。他進來，服務員已知他要什麽，我深信服務員與他已建立很久的感情了。至於我呢，我叫左香茅豬扒金邊粉，好大碗，好抵吃，豬扒好香，肉質很嫩滑，配料又好充足，金邊粉好爽，味道適中。下次我會約人再試其他，價錢合理，值得推介。好味道的香茅豬扒金邊粉

呢間越南河粉餐廳， 其實已經食咗好多次，今次先認認真真影低相寫食評，之前幾次一嚟到已經急不及待食，所以連相都唔記得左影~餐廳環境實屬麻麻，小店格局，但係主要黎食野既，無計啦～ 佢都有啲越南既裝飾佈置~午餐有粉麵飯，包一杯熱餐飲~蟹膏湯檬曉- 呢個湯檬超級正，我平時唔鍾意食蕃茄湯底，但係呢個湯底又配合得好好，熱辣辣連埋一舊舊既蟹膏，入口溶化，認真好味，佢仲有扎肉配埋，叫做飽肚啲，份量好足，我每次黎多數都係叫呢款~ 招牌火車頭 - 包括有牛丸，牛展，生牛肉，牛柏葉，扎肉。呢個岩晒啲愛牛人仕，雖然係清湯底，但混入香草，味道幾香濃~香茅豬扒飯 - 呢個正正常常啦 ，幾重香茅味~ 總括黎講，越南湯河，論味道黎講，我首選呢間~

今日冇食lunch， 三點幾肚餓，咁岩經過呢間熱潮，見佢細細間越南野就入去試吓。叫咗一個越南火車頭河粉，湯底比較油膩。 平時啲火車頭河粉通常都好大碗好多料， 相比起佢味道係唔錯但係配餸唔夠多。$55 唔包野飲

越南生熟牛肉河是越南成為法國殖民地後衍生的產品，它結合了中國河粉、法國牛骨湯與牛肉片，加上越南香料，造就了一位充滿個性又帶地道風味的中法混血兒。這位混血兒最初出現於街頭，後來進入餐廳，再由越南難民帶來香港。說到正宗，越南人認為湯底才是靈魂所在，這靈魂要清澈不混濁，帶牛香又不能太油膩，還隱隱帶有香料的餘韻，這正是令人難以忘懷的味道。賣相：湯吾算淸澈還帶點油，薄荷葉在面倒有點賣相。呷一口湯，嚐一嚐湯底的鮮甜鹹香。再吃那片灼至七成熟的生牛肉，品嚐到牛肉的真正鮮味，隨後再吃幼滑河粉、配料有兩塊白籮蔔，但牙菜只有兩條。跟餐有一條越南春捲。這是我去越南料理餐廳的必點！可惜欠了一片生菜，搭配酸辣的沾醬還算不錯！算一下它的收費，還是價廉物美。

這間在西環已經有很多年歷史的越南食店 -- 越潮, 但自己一直無試, 不過天天都不愁沒有食客,年初八終於等到他們開爐了.柚子蝦沙律 -- $72原本是叫柚子蝦沙律,  但食到一半, ( 又聽到他們用越南話......柚子.......柚子.....). 我都找不到柚子, 到問番一個懂講正確廣東話( 可能是老闆娘 ), 她本來話已經食到一半........其實我只想問找不到柚子, 跟住她話俾番幾粒柚子我.但總是感覺怪怪的, 到回家睇番自己的筆記, 原來之前ORDER是叫柚子蝦沙律,但找不到柚子外, 我一直只吃到雞絲, 而並沒有蝦, 即是, 跟本是他們言語不通,叫錯咗雞絲沙律, 價錢照收蝦沙律, 貴咗!香葉是金不換.沙律內有些香葉, 本來只想問一聲, 但( 老闆娘 ) 有些火........金不換..............是正宗越南來的金不換!!!!!!!!!!!!!無骨海南雞飯 -- $56黃薑飯, 去骨有雞味的雞肶和雞翼, 剛剛熟, 又滑, 又嫩. 牛油雞翼  -- $453件雞中翼, 賣相差咗D, 多油, 但脆槳皮薄, 好味!

胃口麻麻，想食碗粉。越潮門口寫住係正宗越南食店。雞絲湯河+熱檸茶，$30。好平！雞絲河，得雞絲，幾條芽菜，河粉，其他配料一律欠奉，賣相完全唔得，我都懶得影相。賣相差已經打折扣，味道仲要唔得。湯底無味，食食下我想揾辣椒油或豉油自己調味！河粉粉量少，可能因為平，將貨就價。不過我情願俾貴d，但食得飽！最正常係杯熱檸茶，估你唔到！

平時經過見門口up up得得都冇去試，今晚都係周圍想食的餐廳收工先中入去食，約50一碗粉唔算平，但真心覺得好食！而且我食的順化檬粉，D餸好似食極都食唔晒咁，配菜份量亦充足，每啖粉夾埋洋葱同D配料食，湯底亦好香味，good總言之，而家周街都係D環境舒服好坐的但唔多好食的連鎖野，呢D靠實力好食的餐廳買少見少了，要多D幫趁

之前常來，因為撈檬都算唔錯，價錢都算抵。點解唔會再幫襯？因為價錢越來越高，d料仲要越來越少，同埋外賣加錢既數目講既同菜單度唔符合，真係想賺錢想到咩咁。今日中午天氣好熱，唔想食熱野，就去買左份撈檬外賣，加凍奶茶。俾左錢等拎走，無兩分鐘佢走上來話要加多一蚊，我就唔明喇，你講到清楚外賣盒加一蚊，我俾左錢俾你，結果佢話依家凍飲個紙杯都要加多一蚊。我都覺得好好笑，之前次次買佢外賣，都沒試過有咁收錢既，今次解釋俾我聽既時候仲要態度好差，幾個人圍著我話一直都係加兩蚊，未試過我講既咁。我睇凈係一蚊既事，就費事同佢吵喇，仲要我一個人對佢地三個人，好驚，諗住快d攞完就走，唔想同佢地講喇。等左一陣佢將我既撈檬俾我，個態度都唔好就算喇，個盒同飲料仲要係擺得很難拎，同埋我既凍奶茶佢仲搞錯左俾左我凍檸茶。趕時間就費事同佢吵，即刻走人，但係返到屋企樓下d檸茶因為個袋唔正已經灑晒出黎，食既時候個袋仲係度漏水。總之呢間野我唔會再幫襯，亦都睇到之前午市時間坐到滿晒既鋪頭依家冇咩人去食，咁都係可以講明一d問題ga。

 店名：越潮地址:西環石塘咀德輔道西406B地下好味指數：7.3／10價錢：$30燒牛肉撈檬 配青檸水（+$2）燒牛肉撈檬份量足夠。燒牛肉嫩滑入味，配料還有蘿蔔絲，青瓜絲，生菜絲，花生碎和蔥花等，加入大量酸汁撈匀即可食用。檬粉是冰涼的，夏天吃一流。店名：越潮地址: 西環石塘咀德輔道西406B地下好味指數：7.5／10價錢：$28熟牛肉湯河 配凍檸茶（+$2）熟牛肉湯河份量足夠。牛肉是用牛展，吃上來腍且軟滑。河粉嫩滑可口，配料有芽菜，葱花和蘿蔔。蘿蔔和湯底非常鮮甜。 

雖然是下午茶時間，肚餓所以點了午餐的生牛肉湯河送春卷，連飲品$42，凍飲加$2。等了七、八分鐘才送來河粉，春卷不錯，新鮮炸起，略為油膩。但份量只有下午茶份量，味道好重味精，好少粉和牛肉！

打開 menu, 有好多唔同菜式的越南菜，今晚同細妹食晚飯，撐枱腳，hehe, on diet 中， 所以叫左兩樣野食，叫作春卷同埋撈檬， 個春卷可以用生菜包住食，好新鮮，好熱，入面好多材料，大大件，有三件，另外叫左雞絲撈檬，好多鶏肉，又好滑，有d菜絲，紅蘿蔔絲和青瓜絲，加埋酸酸地gei汁， perfect , 我地兩姊妹食得超開心。

今日Lunch來到香港大學站附近既「越潮」，之前見雜誌介紹過話正中便決定來試試！Lunch Set $41包越南河+一條春卷+$2凍飲，價錢算抵食，碗麵好大碗，湯底唔錯帶甜，牛肉可以再嫩D，附上既春卷係越南傳統春卷，咬落好脆身，可惜無影到！成個餐水準不錯！除咗食物，店員服務都好值得讚！雖然午市好繁忙，但態度非常友善！好快應單，好多時叫三四次先有你要既野，但呢度一次就即刻做！值得一讚！食完會同你講慢慢行！