越潮

营业中

休息中

今日見好耐冇食越南野....就去左越潮。其實最近都比較多幫襯外賣，唔知係咪加上里個時間我到店連埋只有兩台客因為以前食過, 覺我唔錯.....咁又再去食我最愛生牛河。如果好似我咁當正餐黎講下午茶份量會細少少所以另外叫左春卷, 不過都適合好似我咁鍾意試多幾樣野食既人越式春卷多菜, 所以每次都會叫...不過疫情嚴重，我就冇用生菜包住黎食。牛肉都好生鮮, 夠嫩。越南餐廳愈來愈多，有去過越南既朋友仔都知越南法包都好出名，但係香港唔係周圍有，佢哋就有雖然都係越南食有差別，不過都可以過下口癮質素係唔差,西環朋友可以一試 

今日去食便便地噶越南菜，不過今日唔系大魚大肉，而系食個普通噶晚餐，雞絲湯河粉，個湯底都幾ok噶，真材實料，好味，而雞絲噶量雖然唔系好多，但系都夠食，而河粉就中規中矩，沒咩特別，不過就勝在夠便宜，一碗粉都幾大碗噶，夠食，如果吾夠食都可以點多個小食，甘就剛剛好。

一向都好鍾意越南菜，米紙卷法包生牛河，諗起都想食😋只要一諗起越南野，就即刻聯想到越潮，佢係一間會令人掛住既餐廳😂唔小心短時間內食咗兩次添越潮都有相當嘅歷史，裝修舊式似茶記，但食物絕對會令你刮目相看😚最推介一定係炸蝦餅！唔使解釋直接嗌一碟啦一定唔會後悔，佢唔係嗰啲個皮勁脆，會食到口都損嗰隻😂之後推介越式法包，入面包住醃過嘅蔬菜絲、扎肉、青瓜蕃茄，一流😋😋之後再食沙嗲串燒，揀咗全雞，好味唔嚡口 (第二次食兩個人食唔晒六串，然後侍應姐姐俾我哋嗌半份三串😍)仲有食咗咖喱雞蒜蓉包，點咖喱食真係惹味到盡頭😭眨吓眼就食晒仲有嗌左香茅三寶飯同春卷，香茅雞翼豬扒就比較普通可以唔使嗌，春卷炸得香口，用生菜包住食啱啱好最後再食埋越南蒸粉卷，佢同出面粉卷嘅樣唔同，似粵式腸粉，食落煙煙韌韌，但味道冇乜特別同埋有啲油餐廳係越南人開，所以都係正宗越南菜，呢度嘅菜式令我成日都想返嚟食😝仲有不得不提佢加配嘢飲都係十幾蚊，有椰汁冰青檸梳打都好抵

2020 01月19號 岩岩有時間食飯就泊好架車 行過見到有呢間越南菜就望一望 見到有生牛肉河 咁我就入去試下啦 點知原來我發現一間我絕對會再黎幫襯支持嘅餐廳 暫時係我係香港食過最好食嘅生牛肉河 同我係越南芽庄食嘅味道有8成相似 因為我經常會去越南芽庄所以我食完第一啖飲完第一啖湯真心覺得超好味 呢間越南餐廳廚房都係越南人 老闆伙記又有禮貌！ 而家好少呢種外國人外國口味嘅餐廳 最重要係好有禮貌！當然你自己都要有禮貌！呢間越南餐廳滿分！！

出黎做野後，再約齊朋友食餐飯係一件好難的事，所以接到幾個中學朋友的聚會邀請，而自己當日唔洗加班，當然要去啦🤟🏻😎今次去的餐廳是一位在西環番工的朋友介紹。店的座位唔多，店員們用越南話溝通，細看牆上的報章介紹才得知是兩位越南姐妹經營，味道一定有番咁上下😋食物選擇都幾多，而且都很真材實料👍🏻1. 招牌火車頭這個湯河有很多材料，牛丸、牛展、生牛肉、牛柏葉和扎肉，配合鮮甜的牛骨蘿蔔清湯，絕對是愛牛的人既至愛🤤2. 越潮拼盆（蝦餅、春卷、扎肉、豬蝦片）蝦餅和春卷剛剛炸起，很香口😋扎肉較普通，而我喜歡將生菜包住扎肉和豬蝦片，然後蘸魚露食，雖然係比較大啖，但味道更豐富😝3. 柚子蝦沙律這個沙律很足料，有大大粒的柚子肉、原隻蝦、花生粒和不同的菜等等，很開胃4. 越南蒸粉卷粉卷是新鮮蒸出來，很薄很滑，裏面包住木耳絲和豬肉碎，連面頭上的蔥粒和乾蔥碎，再蘸魚露食，非常美味😋5. 沙嗲串燒 （雞、豬、牛）（6件)串燒燒得唔燶，仍然有很多肉汁，配上沙嗲醬和花生粒食，無得彈🤤

#支持良心餐廳熟牛肉湯檬配春卷 $49牛肉係牛腩部分 食落有少少un 所以下次有機會再黎應該會試生牛肉不過佢地好好 本身個餐係配蒸粉卷嘅都比我改配春卷 最值得讚嘅亦都係個春卷 炸得好脆身👍🏻👍🏻

我經常幫襯呢間越南餐廳，因為我超鍾意佢地啲湯河同撈檬。睇餐廳貼既舊報紙寫，呢間餐廳係由一間越南姐妹開既，口味夠正宗。蝦餅撈檬係我不斷encore 既 favourite。蝦餅夠彈牙，份量又大，每次食完都好滿足。 呢間餐廳好多街坊幫襯架，人流好多，大家經過呢頭不妨試下。

越潮 #西環呢間由越南人主理嘅越南餐廳，價格適中，而且仲要係黃店💛 學生去嘅話仲會免費有嘢飲生牛肉湯河送春卷 $49湯底濃郁，啲牛唔係普通打邊爐嘅肥牛，脂肪比例較少，而且仲係呈粉嫩色，不過略嫌佢嘅牛肉有啲韌。$49仲送埋春卷，少少油膩但係炸得香脆。食過依家好多次，覺得佢生牛肉可湯底比起其他無牛嘅湯底好食，如果鍾意食湯河嘅建議食返生牛肉。味道:3.7/5性價比: 4.3/5豬頸肉飯$52豬頸肉份量都幾多，不過係薄切，而且有少少乾。建議可以加少少用嚟撈檬嘅魚露一齊食。味道:3.5/5性價比: 4/5扎肉雞絲撈檬 $50同樣地雞絲嘅份量都係偏少，不過佢啲花生炒到好香。食撈檬最重要都係睇佢嘅魚露究竟有冇味，好在係呢款鹹甜酸適中，加上佢有少少蔥油喺個麵上，味道都OK。味道:3.5/5性價比: 4/5雖然味道上依家唔係最好，但係價錢合理，而且仲係黃店，老闆娘態度仲好好，可以多多支持。

Tadaaaaa~~~~我係為咗呢碗蟹羔湯檬而去越潮㗎其實我之前食過覺得好好食，但果次我冇影相，我‘特登’去食多次影相比你地睇㗎🤣🤣🤣 蕃茄湯底配上蟹羔，好甜㗎，不過就唔好expect 係有大大嚿蟹羔蟹肉囉😜配菜有生菜，豆卜，扎肉同自制佢話係肉丸（但質感頗鬆散），個肉丸應該係混合咗蟹羔，好好味㗎🤤🤤 我平時出去食麵就唔會一路食一路飲湯嘅，但呢個湯我差唔多飲哂🤤🤤 本身想叫埋炸軟殼蟹㗎，但今日冇貨🥺🥺上次食過佢個軟殻蟹係釀咗蝦膠㗎，啖啖肉，但係我今次食唔到😭😭😭 另一樣必食係蒸粉卷，粉皮又薄又滑，係暫時香港食過最好食嘅粉卷

大食妹轉季氣管唔舒服, 想食清淡啲又唔想食粥, 就去左附近嘅越潮食返碗湯河。<雞絲河配酸辣鳳爪$49> (好味: 3.5/5) (抵食: 3.5/5)越潮嘅湯河湯底非常時別, 咸中帶甜, 清淡但又入味, 有啲矛盾, 但又好順口。河粉就相對遜色, 偏幼偏淋, 無咩咬口。雞肉都唔錯, 嫰得黎唔會好油膩。大隻妹推薦: 病人可以去食

香港嘅越南餐廳都試過唔少，越南當地嘅湯粉麵亦都試過，今次幫襯西環嘅街坊越南菜館， 發現一款喺其他越南餐廳比較少有嘅湯檬， 叫蟹膏湯檬曉 由於我真係好鍾意食湯麵，又鍾意食海鮮， 睇到個名已經好想食 再上網研究一下， 發現呢款湯檬原來喺越南好出名， 特別在於湯底係用豬骨，蕃茄和蟹膏淆製而成， 再配上蟹肉和蟹膏做成嘅配料。 平時去開越南餐廳都指定一定會叫PHO生牛河， 今次一於轉下口味蟹膏湯檬曉到咗之後， 我一望就已經肯定我會愛上呢款湯麵 目測有好多配料， 再加上大量我鍾意食嘅生菜絲和蔥， 第一啖飲湯， 正到呢~ 食得出係真材實料，再加上有蕃茄，酸酸味味非常開胃， 重點有好多肉丸， 食落好似豬肉丸， 但係我唔肯定係咪就係用蟹肉和蟹膏造成嘅， 不過非常非常之好味， 肉丸球唔會整得好硬， 食落有咬口再講番間餐廳本身， 好靚嘅裝修就冇啦，但係睇得出係越南家庭式經營， 價錢合理，做街坊生意 今次有好味嘅新發現， 等我下次去越南，試下當地嘅蟹膏湯檬，再比較一下先

是日放工原計劃係食日本野係要等位嘅情況下同朋友即轉戰食越南野每次食越南野，十次有八次都係叫豬頸肉湯檬/飯今日就一改平日作風轉下新口味 講多無謂 睇相最實際是咁的我朋友是素食者淨湯河對佢黎講係不二之選 就咁睇相都未必睇得出順化湯檬果4大元素分別係牛𦟌 豬手 分蹄 同扎肉不得不提厚薄適中嘅牛𦟌 入味軟嫰又唔韌 正湯檬/湯河都係大同小異所以我都靜係影個餸喇春卷外脆內軟就咁食呢 調味方面就略嫌重左點點 不過同埋湯檬一齊食 就即刻balance返哂對食得較清淡嘅我 湯底都幾重要呢度既湯都幾清 飲得出個湯底有用雞去熬飲完個湯唔會有種好想飲水的感覺總括黎講呢度d野食 份量同選擇都多清清地 又抵食的

我揀餐廳專揀平靚正，環境冇咁好唔緊要，最緊要好食。如果你都係好似我咁樣，唔需要特登去裝修得靚靚嘅餐廳，想食到平平地嘅地道越南菜，咁一定要試下呢度。今日叫咗兩個set，生牛肉河同雞絲河，另配酸辣鳳爪都只係＄47一set，仲有飲品添 (不過唔好對佢嘅奶茶期望太高)。唔好睇小佢賣相雖然麻麻哋，又稱唔上好足料，但係當你食完個湯河，發覺你冇口乾，就知佢個湯底絕對係真材實料。聽到老闆同其他客人傾計，知道原來佢個雞湯真係淆出嚟嘅。相比起一啲連鎖越南餐廳，＄60 $70 食個河粉，食完要狂飲水，呢間真係好嘢嚟。星期日兩點幾，餐廳都坐滿左七成。牛肉可加埋大量洋蔥同蔥好有風味。有需要仲可以問老闆攞指天椒同埋青檸。如果想轉金邊粉係要加$3嘅。雞絲河嚟講， 雞絲係唔算多嘅，但係食雞有雞味，佢係當之無愧嘅。

尼間開左都應該最少有3，4年小弟有間唔中去食 所以就幫佢寫篇食評啦順便同Soo Viet做過粗略比較蝦餅 每次我尼都必叫嘅小食喺屋企附近間Soo Viet冇得食只好口痕時尼呢間止下痕底部有些許生菜絲吸油蝦餅上仲有乾蔥及蔥花作點綴（越南鋪頭嘅小食好鍾意擺乾蔥）個賣相已經夠曬吸引 流曬口水啦蝦餅一開六 切成方便擺入口嘅大小仲好方便同人share尼食外皮炸到金黃酥脆 咬落去發出嘅聲音好療癒內裏嘅蝦肉好彈牙 配合返面頭嘅些許乾蔥再為口感添上一筆 如果再蘸埋啲雞醬食人間極品啊 真喺食幾多都唔會厭啊雖然佢喺油炸 卡路里有啲高 仲有啲唔健康但喺咁好食 唔理得咁多啦 一次半次唔緊要啦介紹完個小食蝦餅 就到主菜順化湯檬啦作為辣控嘅我 理所當然點呢個辣湯底嘅粉啦但我除左喺辣控之外仲喺個河粉控尼個店非常貼心地可以比我轉河粉真喺啱曬我心水啊 辣湯嘅河粉 正上左菜 湯上浮住果層紅豔豔嘅辣油再襯埋面頭啲生洋蔥同埋蔥顏色多姿多彩 辣油嘅辣 生洋蔥嘅白蔥嘅青 湯底嘅啡 一幅圖畫擺左喺我面前啊餸方面有扎肉 牛腩 仲有順化必有嘅豬手豬手有骨 略為可惜 食起上尼有啲麻煩而Soo Viet則已切好起骨一片片 尼點略差一疇食落

今次已經唔記得第幾次幫襯了，越潮係我食過咁多間越南河粉之中湯底最正最濃郁既一間，而且佢係飲晒啲湯都唔會口渴，由此可見係冇味精成份，完全靠佢本身既精華令到個湯咁好味。今次我去到岩岩趕到下午茶時段，叫左串燒同蒸粉卷，另外就叫左火車頭，貪佢多料啲同大碗啲，再加多杯每次必飲既龍眼冰。首先上某既係串燒，我簡左豬同雞，淋上惹味既沙爹醬，啲肉燒到岩岩好，好滑唔鞋身，醬汁有啲原粒花生，增加口感，正！蒸粉卷係我最愛，蒸出來，熱辣辣，滑滑既粉皮包住肉碎、面頭有大量蔥粒同炸乾蔥碎，配埋個醬汁真係天堂級好食。最後到火車頭，一定要加青檸同辣椒🌶️再落少少魚露，無敵