越瀧棧

营业中

休息中

好耐冇入聯和墟，原來呢間越南野都轉左位，不過野食仍舊好食! 叫左個酸辣海鮮粉絲沙律，呢個好足料，好多海鮮，有青口，蝦，魷魚，入面仲有D辣肉碎，呢個都偏辣，粉絲量好多! 酸酸辣辣咁好開胃!!辣椒膏炒蜆好香! 好多時食炒蜆都其實份量好少，得番個殼，都擔心仲要外賣會唔會冇乜蜆淨，但呢到真係隻隻都有! 全部都好入味，好好送飯。蝦多士炸到好脆，做到外脆內軟，隻蝦仲好大隻，呢個真係要襯熱食呀! 餐廳會比埋泰式辣醬，點左仲好食!

收工攰攰地想買外賣番屋企食,行過聯和墟, 比個好SHARP既招牌吸引住睇個店名以為係食越南野, 唸住叫個撈檬粉啦, 點知佢份MENU寫住”泰式”?!思考緊個陣有個哥哥仔出黎介紹番, 原來佢地擴充左, 做越南菜之餘係隔離開多間鋪做埋泰式!! 聯和墟呢頭泰國菜都算大競爭, 仲要市道麻麻既時侯擴充甘大膽? 睇黎有D料到等我轉軑先.!「泰式豬頸肉沙律」十分惹味, 用左好多香料去調教個汁 (偏辣, 怕辣者要叫少辣喔), 豬頸肉又爽又Juicy, 用生菜包埋住佢一齊食真係好正! 肉多過菜真係抵食!「菠蘿海鮮炒飯」炒飯炒得好乾身! 咖哩味好夠吾似出面個D淡而無味, 估吾到甘足料, 有蝦有青口有魷魚絕不欺場! 仲要勁大份量, 我地2個食完之後仲夠我做埋聽日份LUNCH BOX!「乾咖哩雞件」一開個盒就聞到勁香! 雖然佢叫乾咖哩但餐廳都跟左D包比我地, 用來沾汁食一流!(如果個包可以烘一下會更正!) ,吾係水汪汪個D, 加左香矛同九層塔令到個咖哩層次豐富, 可惜太飽, 下次可以叫多個白飯撈汁!!!總結: 估吾到做埋泰國野都掂, 水準仲要比其他對手高, 真係要翻兜!

平時間中都有食越瀧棧都好好食，最近見佢推出新泰國菜菜單於是今日就試下新菜式！我哋order左酸辣扎肉粉絲沙律、三味倉魚同埋泰式海鮮炒金邊粉，再加左個椰汁班蘭西米糕佢啲外賣份量足料又大份喎！ 個沙律粉絲裝得滿滿有肉碎同金不換酸辣野味～粉絲唔乾身，扎肉數量都好多，😋😋呢個好食！泰式三味倉魚原條倉魚，倉魚炸過再加入啲泰式嘅酸甜汁有菠蘿同三色椒，甜甜酸酸，魚炸過但一啲都唔油膩 。泰式海鮮金邊粉份量非常大份！ 拎到返屋企仲熱辣辣，有青口、蝦，蜆～味道唔錯，3個人食都得！當然唔少得甜品啦～ 個椰汁班蘭西米糕唔錯，我唔鐘意食咁甜，所以好岩我口味！ 一間越瀧棧有晒越南野同泰國嘢，我可以咁唔駛周圍揀喇～😋

門面裝修乾淨企理，同朋友毫冇懸念走入去探店！由於時間尚早，可以任揀入座位置～晚市套餐非常豐富，睇返Menu，菜式應該係主打越式～聽返侍應介紹，先知道最近新增咗泰國菜式～凡事一開始總會更有心機，所以決定點泰式嘢😂泰式拼盤（細）～兩個人，最怕食來食去都係果幾樣野，叫個拼盤，每人每樣一粒，比較多口味可以品嚐到！當中以雞翼係我比較喜歡，皮脆肉嫩，夠晒Juicy，而且非常入味！鐵板蠔餅～見到佢起左幾層樓，就知道非常抵食！而且外貌非常壯觀！獨有嘅口感配埋特別嘅辣汁及酸汁，非筆墨可以形容👍🏻明爐青檸烏頭魚～非常大條，佔咗大半張枱，由於係明爐嘅關係，保持到溫度，魚肉非常之厚身，口味方面，酸酸地非常開胃，同時魚嘅腥味都可以完全去除👍🏻呢個甜品係送嘅！上面白色一層椰汁糕竟然有鬆軟嘅感覺！椰汁味香濃，西米香滑，甜度適中，口味一流！

餐廳🍽之前主打越南菜🇻🇳，最近新加左泰國菜🇹🇭泰 • 越菜都有得食🙆🏻‍♀️，不過我今次試晒泰菜先🤗~•~•~•~•~•~•~•~•~•~•~•~•~•~•~•~•~•~•~• ▪ 燒豬頸肉沙律 ($78) 豬頸肉🐷肉質爽口🤓邊邊位燒到🔥焦焦地，好香口😙加埋酸酸甜甜既汁，超開胃😝雖然叫沙律🥗，但肉🥩既份量比菜🥬仲多，好抵食🤑. ▪ 泰式拼盤 • 細 ($85) 小食拼盤🧆最岩我，唔洗怕選擇困難症🙆🏻‍♀️唔洗煩，乜都有😌有4️⃣款野食,每款有2️⃣件，包括有💁🏻‍♀️蝦餅🦐 : 蝦餅都幾彈牙🤓紅咖哩魚餅🐟 : 魚肉中帶有少少🤏🏻檸檬葉香味🍋泰式雞棗🐔 : 除左雞肉碎，仲加左蔥同甘筍🥕，食落唔會鬆散🤌🏻香茅雞翼🐥 : 大大隻，雞皮炸到好脆✨，食落好香既香茅味。👆🏻即叫即炸，點埋配既泰式辣醬🥢如果堂食🔥熱辣辣食，一定更好味😋. ▪ 金不換炒河 • 牛 ($68) 炒得👨🏻‍🍳夠鑊氣🔥，乾身。河粉係幼身🤏🏻，食落有淡淡金不換香味🤪牛肉🐃淋身，𝐒𝐢𝐳𝐞係一舊舊，唔係🙅🏻‍♀️牛肉碎。仲加左洋蔥🧅 • 芽菜 • 紅蘿蔔🥕 • 菜🥬面頭加左🤍白芝麻，好香。. ▪冬蔭公粉絲煮蜆 ($98) 冬蔭公🍲唔算好辣，帶少少

同朋友行經粉嶺聯和墟，附近好多餐廳，我同朋友鍾情越南菜同泰國菜，見到越瀧棧出了泰國菜，進入餐廳點了2份泰式午餐。葱油香茅牛扒紅米飯 ($58)見到紅米飯好健康就點了，葱油香茅牛扒紅米飯上枱時熱騰騰，牛扒煎香及已切到細片，配上葱油及香茅，好有泰式風味。金不換牛肉炒河粉 ($53)河粉加入醬汁夠入味，河粉上灑上白芝麻及帶有金不換的香味，牛肉軟腍有肉汁。熱姜蜜 (跟餐加$12)味道清甜，滋潤驅寒。珍多冰 (跟餐加$10)濃郁椰奶味道🥥，好解渴。🏡 越瀧棧 粉嶺聯和墟聯和路3-5號富貴樓地舖

位於粉嶺聯和墟既越龍棧除左有越南粉食外依家有埋泰國🇹🇭菜食喇！今日早左做完野就返黎粉嶺食野🥳午餐有10幾款選擇🙌我同朋友分別點左2份套餐！🔺香茅雞髀煎蛋紅米飯 雞髀大隻炸到好香脆又保留到肉汁😉把太陽蛋黃吉穿拌紅米隻一齊食好香蛋味👀紅米飯亦相對健康👍🔺泰式香辣雞絲撈檬 鍾意撈檬酸甜汁好開胃😃配料好多🤗有紅蘿蔔絲、花生碎、青瓜絲、木耳、蔥粒及主菜撈好味既雞絲有d似係手撕雞肉質唔會乾柴！分量好足👍🟢薄荷葉青檸梳打 冰涼薄荷飲荷落去口龍好舒服🙌無糖好解渴！🟢珍多冰 成杯野好有口感😉椰汁味濃🥥

不嬲好鍾意食越南菜同泰國菜所以老公今晚專登外賣左越南東南泰國菜翻屋企俾我食。泰式櫻花蝦青木瓜沙律青木瓜沙律食落非常清新爽口配埋啲花生碎同埋車厘茄加埋啲醬汁撈埋真係好開胃。金不換豬肉炒河呢碟河粉份量非常大份，拎到返屋企仲係新鮮熱辣辣，呢盒炒河我諗都足夠三人食用而且配料都非常之多嫁。青咖喱雞配法包食開泰國菜點會少得點青咖喱，平時出邊食開都係丙配薄餅，今次呢到就配法包個法包咬落非常軟熟成個法包吸收晒啲青咖喱汁完全係絕配！青咖喱入邊啲雞件都好滑仲有加我最愛食嘅泰國茄子Tim。香葉肉碎生菜包生菜包估唔到啲肉碎份量都非常之多而且肉碎肥瘦適中，估唔到越食越辣非常惹味，適合鍾意食辣嘅朋友。今天來講呢間餐廳真係非常之唔錯絕對可以再去食過，而且價錢非常便宜添。

本來諗住今日去上水食羅太豆腐花，點知因天氣關係無整豆腐花，可惜！唯有出粉嶺搵食，聯和墟好多選擇，吾知點解天氣熱就好想食越南野！加上今晚要睇奧運，要外賣返家食！二人套餐就最抵，又有小食（雞翼、紙米卷）又有蝦膏海鮮飯。最重要係有蒜茸牛油燒蝦，呢隻蝦真係啖啖肉，蒜茸好惹味！仲有馬拉盞通菜，真係無得輸！雖然係家常小菜，但要炒得好味也不易！火侯剛剛好， 菜梗仲係爽！甜品係腐竹蛋糖水，雖然係中式糖水，也不錯唷！

承上一個post 我同朋友食完飯之後 朋友就話要買埋嘢食俾屋企人 咁岩隔離間越南餐廳個名又有個瀧字 覺得好得意 入去見到個餐牌勁鬼平 於是就買咗幾樣餸返去俾佢屋企人食 最後叫左一個黃咖哩牛腩配法包 越式醬烤骨 同埋蝦頭膏海鮮炒飯黃咖喱牛腩配法包本身就已經係一個冇得輸嘅組合 一邊攞叉吉住牛腩同薯仔食 一邊就用手攞住法包點咖哩汁食越式醬烤骨入味得黎又唔會太乾身 啲肉質好嫩口 勁開胃蝦頭膏海鮮炒飯有驚喜 網絡平平無奇嘅一個炒飯因為加咗蝦頭膏 所以勁濃蝦味 仲要勁多餸 平時出去食一定飯多過餸好多倍

今晚又去食越南野🇻🇳，最後都係外賣返屋企睇奧運。今次去呢間之前食過，老公話呢間嘅咖哩好食，拿拿聲買返屋企，我哋叫咗咖喱牛腩飯，打開已經聞到嘅咖喱香味，牛腩食落肉質幾嫩，裏面仲有配菜薯仔🥔、青椒🫑洋蔥🧅，都幾好味。😋水準保持得唔錯，而且keep 到夠熱，係外賣嘅好選擇😬見到餐牌上有海南雞飯配油飯，都叫咗一份試吓，真係同啲相一樣，雞份量十足，仲份量菜，油飯好夾個雞，唔錯😋我哋叫咗兩杯滴漏咖啡☕️，保持水準👍，必飲之選😉

黃咖哩牛腩飯 $60牛腩炆得好林，肉量多，薯仔炸過好香，咖喱汁惹味香濃，椰汁味香，帶小小甜味，辣度適中，送飯一流。香葉肉碎生菜包 $78豬肉碎分量好多，肥瘦均勻，油分不算太多，加了香葉，香料味突出，粒粒分明，炒得好香，如果肉碎再辣就更惹味，生菜新鮮，洗得乾淨。泰式牛肉炒河$62河粉炒得乾身，有蛋絲、椰菜絲、牛肉，加上花生碎、炸蒜好香口，生色不少， 一打開分量驚人夠三個人食。越式酸辣無⻣鳳爪 $58鳳爪無骨食得方便，酸酸地微辣，好開胃，夠入味又爽脆，最底有酸蘿蔔。

越南美食都可以拎返屋慢慢歎，二人套餐都有好多選擇，而且返到屋企仲係熱辣辣🙂 二人套餐C $208 好抵食🐥香茅雞中翼🦐手打蝦餅🔹️香茅豬扒檬粉🔹️香茅雞扒檬粉🥬馬拉盞炒通菜🥣甜品~凍腐竹糖水 呢個套餐包小食，有入味雞翼同好爽嘅蝦餅。夏天嘅時候真係好熱，食越南檬粉就係最好嘅選擇，揀左雞扒撈檬同豬扒撈檬，酸酸地好好味，雞扒同豬扒都係用香茅醃料。最鍾意有個菜🥬，馬拉盞果然好出色，腐乳味濃又非常入味

平時好少入到粉嶺，但因為同朋友遊車河，所以唔覺唔覺就揸左入黎聯和墟，揸車🚗經過見到大大個黃色燈招牌”越瀧棧”就比佢吸引左😍😍。👋👋今次我哋叫咗外賣自取，可以上車慢慢嘆😙：-叫左個二人套餐（$238）入面包括香茅雞翼2隻🍗，春卷2件，黃咖喱雞煲1個🥘，蒜茸炒時菜，飯1盒🍚，薄餅1盒🍕，再每人加$8要多兩杯飲品🥤等左唔洗15分鐘就拎得！拎到上車仲係熱辣辣😍雖然係外賣，但一啲都唔求其😍雞翼外脆咬落好香，唔會太乾，春卷啲餡超多，個皮同平時飲茶既春卷完全唔同，點埋佢配既醬好match💯。黃咖喱雞煲最有驚喜，打開個盒以為無乜雞，原來寶物沉歸底😋數落成10件雞以上，仲要件件都有大大舊肉，薯仔🥔又多，個汁好香！送飯一流。至於蒜茸炒時菜，我地揀左通菜，個盒一打開，通菜多到爆盒咁制🤣，勁多蒜，岩晒我！套餐入面既薄餅點黃咖喱好好食！呢餐係外賣 但飽到食唔晒，下次可以試其他先🤩人均：$130Janna 翻撻指數：8/10🥢🥢🥢🥢🥢🥢🥢🥢

放工唔想煮飯想買外賣，就黎咗呢間越南餐廳，餐廳嘅見面企理乾淨，見佢餐牌有晚市套餐，非常抵食晚市都有$60個海南雞飯套餐有買油菜同飲品海南雞有¼隻雞，咁好彩要咗個下庄，雞肉嫩滑，好有雞味另外叫咗一個咖喱雞件配法包 $108咖喱好香椰汁味道，唔算太辣，味道偏甜，配法包非常之夾，可惜法包有少少偏硬另外仲嗌左一個蒜蓉炒菜心$68非常之香蒜蓉味，而且佢唔算好多油，炒時菜來講都算健康$200外賣又成枱都係餸，人均都只係$100.1個晚餐，十分之抵食