越男仔 (已結業)

今日經過荃灣試咗越南菜，餐廳環境佈置充滿咗異國情調，用籐帽做燈罩，連枱面都鋪滿左彩色磗，裝橫落足心思。食越南嘢一定要試越式生牛肉生骨湯河粉，可以另外加蒜油、青檸同埋辣椒粒，令味道更豐富。牛肉新鮮而鮮美，生骨湯醇厚而香甜，河粉滑而不糊。另外小食試咗蒜香牛油脆雞翼同埋得獎嘅法式芝士蝦多士，蒜香牛油脆雞翼外皮酥脆，仲有好多蒜蓉粒，法式芝士蝦多士中間夾住流心芝士，外層撒上了芝麻，炸過嘅多士非常香口。飲品叫咗新鮮椰青，清甜可口，讓人感覺清爽舒適。

越南仔價錢💲: $72/ $66/ $52好味程度😋: 3.7/5服務🍴: 3.7/5環境🗾: 3.4/5性價比🥢: 3/5回頭率😚: 3.4/5 (去食晏)-係旺角的越南仔而家都開到去荃灣了。位於荃灣廣場對面位置都幾方便，舖頭比較細，座位都會有d逼。但平日無論午餐晚餐都幾多人食！晚餐只要叫任何一款主食都可以以優惠價加購小食同飲品的。-🆗招牌手撕雞拼扎肉椰汁酸湯檬粉。呢個酸湯係越南仔的招牌湯底😚 椰汁湯底好順滑，濃濃的🥥味，味道上帶酸令到椰汁湯底都唔會感覺好膩👍🏻檬粉比較碎但好索湯！上面的扎肉同雞絲都小，大概係一個羹份量的雞絲同2片扎肉… 但雞絲有略略火炙過都值得讚🫢-🆗越式生牛肉牛骨湯檬。牛骨湯比較鹹，牛骨味唔係好濃，個人更偏好清甜d的湯底。生牛肉只有5片到，偏瘦但唔柴的。呢2碗粉都夠大碗…-✅越式蝦餅。蝦餅幾大塊，唔同泰國個款。越式呢隻感覺上冇咁炸，反而係半煎炸咁😋蝦餅彈牙有鮮味，口感上比較似魚蛋咁。上面多啲葱油就唔同泰式酸辣汁的感，有啲港式feel🤣-晚市餐牌整體比較貴，碗粉的餸都比較小。但椰汁湯底確實唔錯，小食都好食，不過整體係性價比差小小😳- #piggyfoodiein荃灣

呢間越南仔喺我屋企樓下行十分鐘左右，平時食開正正喺我屋企樓下果間，今日放假就過嚟呢間試下先～-無骨海南雞 黃薑飯 $76啲海南雞都好滑，最鍾意食無骨嘅唔洗吐骨啖啖肉仲有啲炸蒜粒好香脆啲黃薑飯好香黃薑味，啲飯偏淋岩哂我😊仲有雞湯一啖飯一啖湯正呀～-海膽米紙卷 我竟然越南餐廳都有海膽而家真係咩都新穎哂我當然要試試啦啲海膽完全冇腥味海膽味都幾濃郁輕輕火炙過正正常常咁啦米紙卷入邊嗰啲就係檬粉有啲菜口感唔錯加埋啲越南酸甜汁酸酸甜甜咁好開胃🤤-香茅青檸梳打呢個夏天飲一流解解渴有少少香茅味青檸味酸酸地再配埋梳打爽呀👍🏻👍🏻

越南仔可謂是當我想吃越南菜時的選擇旺角 沙田 到荃灣 間間都要試😌今次到了荃灣主要是在鄰近廣場行完街 肚餓了 決定入去吃晚餐餐牌一如既往 都是很多元化不同套餐 不同配搭總有一款 適合大家⋆__ᴛᴏᴛᴀʟ ᴏʀᴅᴇʀ___ ⋆🦐🐥🍜雙生蝦滑雞椰汁酸湯檸生蝦 彈牙爽口蝦頭炸得金黃酥脆雞肉滑嫩椰汁酸湯檸的湯汁帶有香濃的椰奶香氣酸酸甜甜 層次突出🍢串燒沙嗲（牛雞豬）🐮牛肉串燒 烤得剛剛入味肉質鮮嫩多汁🐤雞肉串燒烤得外脆內嫩 帶著淡淡的炭烤香氣🐷豬肉串燒肥瘦相間 香嫩多汁融合沙嗲醬 更加入味------------------------------

餐廳主打特色越南菜，menu有好多選擇，仲有平時越式餐廳少見嘅生蠔、三文魚、海膽等，幾特別喎～▪️生牛雙蝦椰汁酸湯檬粉🐮🦐🍜雙蝦嘅蝦頭炸得好香，連殼都可以食埋，而蝦身亦都燒得啱啱好，好鮮嫩。椰汁酸湯係餐廳嘅招牌湯底，淡淡嘅椰汁味中間帶出酸味，好開胃。另外，餐廳仲有提供調味三寶，分別係新鮮指天椒、新鮮青檸、蝦油蒜頭，可以加入湯入面，更加惹味▪️無骨鴛鴦雞 配 黃薑飯 (海南雞+蒜蓉牛油雞扒)🐔🍚海南雞同蒜蓉牛油雞扒都係無骨，食落啖啖肉。黃薑飯味道唔算好重，可以撈埋蒜蓉牛油，好香口▪️法式芝心蝦多士🦐🍞多士酥脆，有芝麻香。蝦肉好厚，爽口彈牙。而中間夾住嘅芝士仲係流心狀態，要襯熱食▪️ 雙檸七喜🍋🥤飲品正常發揮越男仔📍荃灣大壩街75號地舖📍旺角廣華街2-20號翠園大樓二期地下5號舖📍沙田沙田圍路1-7號勵城花園地下1號舖

位於荃灣的新派越南菜餐廳。以我所知餐廳已有幾間分店，菜式創新精緻，口碑向來不錯；今天途經荃灣分店，便決定一嚐了。餐廳的菜式選項很多元化，除了有飯麵外，更不乏越式法包及不同種類的創新小食，選擇困難的我表示眼花撩亂呀~~而且只要點選主食便可用更便宜的「跟餐價」加配小食及飲品，十分划算.⋆_____ᴛᴏᴛᴀʟ ᴏʀᴅᴇʀ______⋆꙳ 越式生牛肉牛骨湯河粉 $66꙳ 蒜蓉牛油海南雞脾撈金邊粉 $98꙳ 法式芝心蝦多士 $49 (跟餐價)꙳ 蒜香牛油雞翼2隻 $29 (跟餐價)꙳ 鹹檸七 $16 (跟餐價)  ___⋆ ⋆ ___ ✿ 越式生牛肉牛骨湯河粉湯底用牛骨熬製，味道清甜順喉，喝完湯後也不會口乾呢；生牛肉口感嫩滑，而且份量頗多，大概有5大片吧，真的很超值呢!.✿ 蒜蓉牛油海南雞脾撈金邊粉夏天最喜歡吃撈金邊粉了，清爽彈牙，酸甜開胃! 搭配已去骨的海南雞脾，啖啖嫩肉，十分滿足! 雞脾肉質嫩滑，香氣豐沛；但略嫌蒜蓉牛油味不太突出，不太能吃到蒜蓉牛油的味道。.✿ 法式芝心蝦多士 蝦多士有4大件，每件鋪滿了滿滿的芝麻，蝦肉彈牙爽口，入口外脆內軟! 配搭半溶芝士，口感更是豐富呀 .✿ 蒜香牛油雞

好耐冇食越南野喇，夜晚去開荃灣經過越男仔見到menu都好多款，仲有不少fusion野，就吸引左我入去😂餐廳入面播緊越南文嘅歌，都幾有feel! ✨招牌生蠔椰汁酸湯湯金邊粉 - d蠔好嫩滑，有鮮味！食第一啖個粉好香椰汁味，帶點微酸幾開胃！第一次食呢個酸湯，感覺幾特別~✨煙三文魚手撕雞檬紙卷 - 呢款好fusion，造型仲幾有heart，用炙燒過嘅煙三文魚砌左朵花出來🌹三文魚油幾香，倒少少撈檬汁落去仲吊味😋✨串燒沙嗲拼盤 - 豬、牛、雞各有一串，沙嗲汁甜甜地好夾串燒，而且串燒嘅香茅味都好出好入味😚✨新鮮椰青 - 夏天飲個椰青真係超清爽，又解膩🧡

呢一問越男仔平日都好多人等位及等外賣，今日特登同老公過嚟食個早飯。仲用open rice 訂枱，咁就唔使等位同人迫啦。我哋叫咗個串燒撈檬粉，有齊雞、牛、豬各1串，一次過可以食足三個口味。每一款串燒都超級大串多肉，肉質方面牛肉比較韌，而雞及豬肉就好Juicy, 一啲都唔該乾。不過賣相就普通。份量好足，抵食。生牛肉湯河，牛肉份量多又大塊，而個湯都好濃，河粉份量都好多，一個男仔都夠食。最抵讚就係佢哋有辣椒醬及甜醬提供用嚟食湯河。冇咗香草有啲失色！三色脆雞翼，包括蒜香牛油雞翼、金蒜脆雞翼，同火辣蒜椒脆雞翼，每種雞翼都各具特色。不過牛油雞翼唔夠牛油味！整體來講，呢間越南仔餐廳，可以用平靚正來形容佢，而且侍應服務又好夠主動，我見到隔籬枱啲auntie唔係好明餐牌怎樣睇，侍應好耐心咁解釋比佢哋聽。大家值得一試。

🌟今日去荃灣大霸街搵食，「越男仔」門口幾靚吸引咗我入內，而且好耐冇食越南嘢，越南餐牌勁多選擇，花多眼亂，最後以健康大前題，叫咗雞髀肉、青瓜同沙律😋***** ***** ***** ***** ***** ***** ***** 🍗雞髀酸湯檬$98新鮮雞髀肉肉質豐滿，口感軟腍啖啖肉，湯底酸酸甜甜非常開胃。🥒青瓜檸檬紅茶$18 本人好鍾意飲凍檸茶，原來加入青瓜的青甜香味，會有一種感好fresh感覺。🥗牛柏葉沙律$59牛柏葉夠新鮮爽口，加入泰式酸辣汁，超級惹味。***** ***** ***** ***** ***** ***** *****🤩滿$40可以有一個印花，五個印花可以當$20現金券，優惠容易操作幾吸引；搵日再嚟試吓紅荳冰🫘

越南仔是一家位於荃灣新開分店的越式餐廳。餐飲方面，我個人推薦他們的椰汁滴滴咖啡，非常受歡迎。這次我點了椰汁紅豆冰和椰汁綠豆冰，個人認為綠豆冰更加香濃可口。此外，我還推薦他們的豬頸肉撈金邊粉，豬頸肉煎得香脆，搭配沙爹醬非常開胃，而金邊粉則有煙韌的口感，完全滿足了我的味蕾和口感。椰汁雞絲湯檬粉的唯一不足是雞絲的分量稍嫌較少，但幸運的是椰汁湯的味道還算香濃，算是彌補了這個小缺點。 總的來說，越南仔是一家值得一試的餐廳，特別是他們的椰汁滴滴咖啡和豬頸肉撈金邊粉。

越男仔·荃灣今晚去咗荃灣廣場對面嘅一間價格親民越南餐廳～晚市選擇好豐富，亦都可以以優惠價加配唔同嘅飲品及小食👍🏻..✅ 胡志明市紅蕃茄四寶湯檬粉 $92先講佢嘅湯底，蕃茄味真係好濃郁😋 其次佢嘅份量好大碗，男仔都會夠飽！佢嘅餸包括左扎肉、豬頸肉、豬扒以及豬腩肉～每一樣都有幾片，我覺得最好味嘅係佢嘅豬扒，肉質鬆軟😋..✅招牌去骨海南雞配黃薑飯 $76海南雞好肥美，而且肉質好滑😌黃薑飯亦都好好味，不過我就覺得有少少過冧呢間餐廳呢排仲做緊優惠，可以儲印仔換coupon👍🏻下次再去食就抵上加抵！

19-8-2023 (Sat)朝睇完醫生,同老公行去路德圍食台蔡滷肉飯人(https://www.openrice.com/zh/hongkong/r-%E5%8F%B0%E8%94%A1%E6%BB%B7%E8%82%89%E9%A3%AF-%E8%8D%83%E7%81%A3-%E5%8F%B0%E7%81%A3%E8%8F%9C-r757502),但嚟到時重有一個鐘至開門,冇理由等啫,我諗起荃灣廣場呢頭有間西班牙嘢ElCerdo9https://www.openrice.com/zh/hongkong/r-el-cerdo-%E8%8D%83%E7%81%A3-%E8%A5%BF%E7%8F%AD%E7%89%99%E8%8F%9C-r478057),我哋嚟到,又係開12:00pm, 咁行前啲睇,有呢間同美胃餐室(https://www.openrice.com/zh/hongkong/r-%E7%BE%8E%E8%83%83%E9%A4%90%E5%AE%A4-%E8%8D%83%E7%81%A3-%E6%B8%AF%E5%BC%8F-r709823),研究𡁵門口餐牌,見到有好

今日下午喺荃灣廣場附近見對有間越南餐廳，就入去食下午茶，今次揀左生牛肉湯河粉$48,另加凍檸茶$3，生牛肉有六片，呈鲜嫩粉紅，牛肉味好重，牛骨湯幾濃，下次會試吓其他套餐同特色小食…

同老公行荃灣廣場諗住去食河粉星期日夜晚大概7點見到對面有間越男仔唔算太多人就入左去見到個餐牌比起同區越南餐廳來說偏貴一碗最普通嘅生牛肉粉$62 （加嘢飲跟餐價大概+$23）同老公叫咗個生牛肉粉同沙嗲牛肉撈濛再跟餐價加咗牛油雞翼（$29）黎到原本得兩隻🤔唔通正價$49 又係得兩隻鷄翼食左大概20 分鐘 陸陸續續全院滿座⋯⋯一放低筷子諗住咀嚼舊牛收銀嗰位小姐就即刻用手拎走個碗碗嘅肉都都食完由坐底到食嘢其實都只係大概35分鐘⋯牛肉河好食撈濛個魚露味道麻麻舖面比較細成餐食到好似好趕時間咁同區絕對有其他越南食肆嘅選擇

今日去到荃灣，就試下越南仔💓餐廳內環境舒適，而且侍應的態度亦好好👍🏻見到我哋買嘢買咗一袋袋，都特登安排咗一個好闊落嘅位置俾我哋🥰呢種服務態度真係一百分！1️⃣ 法式芝心蝦多士🦐蝦多士份量十足，性價比超高🥰多士外酥內軟，每一片多士都包裹著鮮嫩多汁的蝦肉，簡直係令人流晒口水😋大家嚟到一定要食！2️⃣ 招牌去骨海南雞飯雞肉軟嫩多汁，口感十分順滑。海南飯香氣四溢，米粒粒分明，吃起來十分滿足😋😋配上搭配獨家醬汁，簡直係非常match🥰😋鍾意食海南雞飯嘅大家絕對不能錯過！3️⃣ 鎮店四鳥配椰汁酸湯檬粉鎮店四鳥分別有雞皮、手撕雞、滑雞件、脆香雞，配上酸湯檬粉真係越食越開胃😋😋而且雞件十分嫩滑，一咬落口，雞件嘅精華即刻散發🥰🥰鍾意食酸湯嘅大家, 一定一試難忘😋😋😋