越翠苑

营业中

休息中

讚1. 黎幾次都仍然保留水準，豬肉湯河出色，豬肉醃得入味，香料落得足，湯底唔係一味得啲味精，真係有煮過既骨香，河粉滑溜煙韌2. 牛油果沙冰好足料，牛油果味相當足彈1. 肺炎下，餐具最好就唔好放係度比人自己拿啦，驚驚

越翠苑低調黄店嚟 次次三罷都有支持 老闆係越南人 嚟呢到可以食到正宗嘅越南菜🥰近排肺炎疫情比較嚴重 老闆都好貼心為每枱客人準備左枝裝消毒酒精 抵讚😚.👉🏻扎肉湯檬($54)湯底係用雞同埋豬骨淆嘅 味道會比出面個啲更加鮮甜😼每塊扎肉都厚切 有一定嘅厚度.👉🏻香芧牛肉湯檬($54)牛肉醃得好入味 肉質好淋份量都好足夠 一碗都有8片左右檬粉質感似米粉 易入口 唔會好似出面碎濕濕好難夾🤪———————————————越翠苑Viet Thuy Uyen荃灣德士古道36-60號東亞花園地下A101B號舖

單看其門面 , 只會感覺平平無奇 , 但其實 越翠苑 是一家由越南人主理的正宗越南餐廳 , 更是一家「黃店」, 所以筆者經常去支持 ~Menu ~越南咖啡 : 慢慢滴 , 慢慢滴 , 不用操之過急 , 味道濃香亦比較甜 ~牛油果沙冰 : 沙冰打得細密 , 飲落口入不感覺到有冰粒 , 牛油果亦都落得重手 , 飲飲落有牛油果香味 , 超讚 ~蟹膏檬粉 : 算是坊間少見 , 蟹膏湯底味道濃郁 , 呷一口就知道是真材實料 , 餸料有紮肉、蕃茄、豆卜、生菜、以及用蟹膏煮過的蛋碎 ; 配上滑嫩的檬粉 , 味道極有驚喜 , 風味滿滿 ~本篇完 ~

這是一間低調得過分的黃店，幾次參與罷市，但從不作聲。只是默默地製作美食，君子寡言也許正是如此。但有麝自然香，有誠意的店舖又怎會被香港人冷落忽略？不像普通連鎖式越南餐廳，這裡的食物是地道而有性格的，令人耳目一新。就來試試蟹羔湯檬吧！嫌未够特别，轉了越南米通。上枱一大碗，看似平平無奇，實則內蘊豐富。慢慢撥開生菜及香葉，將之浸到湯底，便會開展一個尋寶之旅。發現一大件以蟹羔，肉碎及蛋煮製的食團，兩片扎肉，幾件猪紅，幾大個豆卜，一大個番茄，包羅萬有。每吃一口，就會在口腔内形成一個驚喜，湯底集酸，鮮，甜，咸於一身，偶爾混着香葉和生菜同吃，又添加了清新。偶爾又吃到幾絲爆香了的乾葱，變得冶味。充滿層次的湯底灌入煙韌又可口的米通粉內，完美地配搭着。那團蟹羔混合物，充滿鮮味，但卻没有膩、腥，滯的缺點，完全將蟹羔的優點發揮到極緻。既然要懲罰，就要狠狠地，埋單時點了十件糕點回去給同事作甜品，同事表示每一款都好味，但絕不是千篇一律，有特色之餘又不會過甜，最推薦紫米糕及芒果糕。又食又拎先收$114蚊，性價比超高。p.s曾經有人和我講過，盲目的追捧支持對一個有才華的作家來說，是一種極大的侮辱。或許，這家食店也有如此

讚1. 水準實在係好，黎咁多次食咁多唔同野，由湯粉到飯到小食到野飲，無樣失準，調味準，煮得有心機，雞翼剪到漲卜卜咁，又入味，連啲飯都煮得好，勁仔細，唔怪得次次都咁多人2. 勁有氣氛，成場侍應同老闆都講緊越南話彈1. 侍應之間好似有啲面左左，對客無野，但互相之間有互凶

朝聖到訪罷工越南餐廳， 食咁耐越南嘢，第一次見餐牌有蟹膏麵， 就試下啦。最快到是香茅牛肉河，標準沒甚驚喜，牛肉香，湯甜，但另要的辣椒粒非常驚喜，沒有惹火的紅，卻是黃綠的椒絲，非常的辣，比吃平常的紅椒粒有意外驚喜。蟹羔麵來到好有雜錦麵感覺，有豆卜，豬紅，扎肉，牛腩碎，生菜絲，蕃茄同蟹羔，初時真係唔知蟹羔在哪，但原來係一件件熟蟹羔伴在類似煎蛋上(定成件黃色都係蟹羔？)湯底有D似馬拉亞參喇沙，酸酸地，檬粉白幼米粉咁，幾滑幾特別，開啟了我越南食物的新境界，意想不到的味道。越式豬扒法包，到枱見蔥不見豬扒，一大堆蔥原來有意思，法包拌著大量生鮮的蔬菜，煎的香軟的豬扒，外脆內軟的法包，老公讚不絕口，法包夾著材料又冇跌材料出來，一大口少少甜的豬扒法包，好吃。熱水有點檸檬清新，阿姐們是流利的普通話對話，到這店好多驚喜。區區食玩遊-荃灣

今日想食越南野 喜歡到處覓食的得 就一定去揾小店呢間野好似好多好評 就去試下去到東亞花園地下商場入面行左成個圈都唔覺原來係外面就係大快活隔來影埋比大家易點找星期日的12 點鐘 餐廳唔算太滿 一入都有位但到1 點幾 我地食完開始多人要排隊啦叫左蟹膏湯檬wow....超足量 一大舊蟹膏餅2塊扎肉 4 5 粒豬紅 又有菜湯底好夠蕃茄味 加埋d蟹味 超香濃我差唔多飲哂d湯暫時我食過最好食的蟹膏檬！另外朋友叫左個吹波雞脾飯我地都唔明咩呻吹波雞好似無咩太特別 但隻雞脾好大隻好新鮮炸的！！都幾有誠意再叫了一杯奶茶同越南滴漏咖啡都要等10-15 mins先滴完心急就唔好叫啦 味道我太喜歡 有點太濃太重味整體來講係一間好高質的越南小店 一定要再來食蟹膏檬！！！

真係好好味最鍾意佢哋嘅雞絲湯米通粉據知佢哋嘅米通粉真係由越南運嚟唔怪得只喺佢哋度食過好煙韌好彈牙有咬口湯又有越南菜獨有嘅香草味雞絲分量亦足下午茶餐好抵呀$44包飲品熱奶茶茶香夠佢哋嘅米紙卷同越式法包都好推介鍾意牛油果一定要試佢哋嘅牛油果沙冰唔太甜牛呻果味又出仲要勁滑一啲冰粒都無飲到最後都無分層地方亦十分乾淨企理佢哋每個細節都好用心為客人著想老闆至員工都係真正越南華僑質素正宗有保證最近聽聞生意差左希望大家多多支持良心小店！ 加油💪🏻支持你！

最愛越南食物，呢間去過好多次都有水準。之前次次去都係食佢嘅蟹膏檬粉&越式法包。今日去到試吓佢d飯類，叫咗一個豬扒蒸蛋碎米飯和滷水豬肉鴨旦飯。好味好味 👍🏻👍🏻香茅豬扒夠香味，蒸蛋入邊有米粉碎肉，夠晒份量又好味滷水豬肉唔鹹而且炆得好夠霖，唔知係咪用鴨蛋嘅關係係特別香。而且蛋好有咬口比起雞蛋真係有唔同。肥肉我冇食，不過淨係食佢啲豬肉都已經好夠飽了佢個牛油果沙冰大有豆奶香味都好滑好好味，差唔多次次都會叫一杯飲。

黎過好多次喇，好食，仲要係良心小店，一定支持💪🏻😋推薦蟹膏檬粉，個湯好正，食完唔口喝，無味精，而且好足料，入面d豬紅好入味，另外叫左一碗淨豬紅食，員工問左只收10蚊一碗，因為Menu無😋😋仲有越式法包，即整足料熱辣辣，好味😋

越翠苑- 越式牛肉炒米通呢間小店都幾特別，第一次係香港食越南野見到有越式炒米通粉食. 呢隻越式米通比較薄身但係食落都幾煙韌有口感幾特別，而且佢哋炒得好乾好香香茅味又幾好食喎！另外佢哋個越式法包真係一流細份已經好夠，超多餡料，有肉鬆、扎肉、酸菜蘿蔔絲青瓜等等！個法包都幾香脆但又唔會過硬，真心好好食！一定下次會再ORDER法包～呢間店好似係越南華僑開架，食物種類都幾多而且都幾多人食，應該好多回頭客值得支持小店！

這店位於大窩口村對面,同事力推一定要試餐廳,但平時午餐行過,都全廳滿座,所以一直都冇試。今日午餐時間早了出去,路過見到有位,所以入去一試。同事力推話呢度嘅法包好食好正,有正宗越南啲做法,所以叫咗一份豬扒法包+青檸梳打。個包嚟到,佢地已好貼心地將包分兩份,仲用紙包好,包入面有芫茜,酸蘿蔔,青瓜,蕃茄,豬扒。因芫茜太多,所以食前,要撥走一部份,個法包入口,真係好脆,同芫茜,酸蘿蔔一齊食,真係好好味,個豬扒,好有香茅味,咬落有肉汁,唔乾,好正。這間真係值得推介嘅餐廳

平時唔鍾意係香港食越南野，因為越南物價真係好好好平，講緊係10蚊港紙一碗pho、6蚊港紙一個越南包，所以係香港食親越南野埋完單都覺得心理好唔平衡😂😹😹但係今日突然好掛住越南菜，而且其實根本食咩都係去當地平啲架啦，所以就諗試下揾間相對抵食架啦！！！！！！呢間餐廳真係冇令我失望~ 鋪頭望落似茶記 餐q廳同餐牌都係用鮮黃色做主調~ 以為會係普普通通咁啦，坐落就開始有啲期望喇，因為連杯熱水都好飲啲架(應該係加左檸檬)個蟹膏檬粉真係好好味！首先湯底好濃，檬粉唔係平時個隻，但碎碎幼幼又幾好味！重點係好足料，啲料食極都有，又大碗！盛惠$52~不得不提埋杯牛油果沙冰($30)﹐完全冇苦澀味，超級綿滑，令人忍唔住係咁飲，同係越南飲既一模一樣，如果大杯啲就好喇，好想encore呀！呢間價錢唔貴，唔知算唔算正宗(因為同食開既檬粉唔同，小妹孤陋寡聞)﹐但味道其實相當唔錯，冇違和感，所以都強烈推介俾掛住越南既大家，不妨黎試下啦！😌位置係悅來附近，本身以為好遠，但原來地下過馬路穿過荃薈商場，轉右就到架喇~ (Google map大神會幫到大家)

平日中午12：30到，冇人．地方吾算太細．服務ok------------------------------雞翼炒米通：第一次見到有越南既炒米通粉食味不濃，口感好軟簿．幾特別．炸雞翼好香口．新鮮炸，好熱．------------------------------咖哩牛腩飯：飯不算多．咖哩不辣，甜既．牛腩大件．份量ok.但牛腩過林，一夾就散．所以口感差D．凍奶茶:超甜

平時做完GYM後會係荃灣食完野先番屋企，大部分時間都係食快餐或粉麵，由中意食都變到唔想食…咁岩撞正元宵夜，比個藉口自己行遠少少，去到大窩口搵食。由於臨時決定，無時間比我慢慢研究，行行下見到間越式小店，價錢唔算貴，而且見到我中意既越式法包，無道理唔試。晚上9點幾，餐廳人流唔多，較為冷清，所以職員一直企係附近等我地落order，好大壓力..越式咖哩腩飯 $54個牛腩炆得好軟好淋，雖然有人會嫌咁既牛腩無哂口感，但我偏偏就係中意軟淋既牛腩，所以我同朋友都中意。不過個咖哩汁比較水，唔夠杰身，而且偏甜、無唔係好辣，唔夠惹味。越式法包 (大) $40餐廳提供幾款越式法包，但我只鐘情最普通果款。由於即叫即整既關係，朋友幾乎食哂個飯，個法包先到，等到頸都長烘到外脆既法包，夾住札肉、腩肉、肉鬆，加入醃蘿蔔解膩，再配上蔥段同我最愛既芫茜，每一啖都係幸福既滋味~~食到一半既時候，先發現原來法包入面搽左一層蟹膏，但由於其他配料味太重，食落唔會察覺。餐廳價錢唔貴，食物質素唔錯，連水都用檸檬暖水，就知道佢地既用心，值得大家一試。