越華會海鮮館 (已結業)

諗住第一次黎試下  去到附近搵呢間野去到呢間野樓下  有條直路要行入去搭LIFT咁理所當然周圍望下有冇招牌之類想睇下自己有冇搵錯一路望一路行嘅時候忽然後面有個男人聲態度超差大大聲咁講：「呀，好似聽唔到野咁喎」第一下我都未LOAD到咩事隔咗幾秒先LOAD到應該我行入去嘅時候  呢位大爺男知客可能問我係唔係黎食飯或者幾多位之類我冇為意冇應到佢呢位大爺就好唔滿意即刻開口比說話我聽今時今日做服務業先係客人  先係大爺做客人嘅我地要禮貌周全  知客大人同我地打招呼一定要9秒9應唔可以聽唔到架    否則就係西客就係唔啱  

從來未試過有咁誇張既經驗。話說我同女朋友兩人去左呢間餐廳宵夜。(之前都來過好幾次) 今次就問落單個同事 蟶子同元貝時價係幾多錢。咁個同事就好清楚咁答蟶子38蚊隻 元貝78蚊隻。嘩 蟶子咁平？本身仲想每樣要兩隻 聽完即刻4隻蟶子喇！之後叫埋其他飽肚野。我地仲係度話下次叫埋d同事過來食野又有多樣正野食。如是者埋單個下 計我78蚊隻。下？我地問埋單個女同事 岩岩你個同事話38蚊隻 張單唔岩wor。個女同事話唔會38蚊隻，係78蚊隻 然後拎張餐廳收埋既海鮮價錢俾我地睇話係78蚊隻。我地話係你個同事講話38一隻 依家你收我78蚊既問題 而唔係你賣幾錢。佢話我同事唔會咁講，應該係大家有啲誤會姐。咁我地就話點解你唔打俾你同事 問下你同事點講呢？(落單同事已收工)點知打完仲好野，俾個電話我聽 個同事就問我: 我有乜可能講38 我明明就講78 你有無搞錯呀你？嘩！大佬，我都未問你地有無搞錯 口講價同收客人既價差成倍。你問我有無搞錯？之後就叫左個大既過黎同我講 大家有誤會 不如計少我一隻。我即刻stop佢話唔好，錢你收足我 呢個真係唔係錢問題。依家你地講完唔應，仲要惡返我轉頭。你真係收返足我錢。我想話比你

次次呀媽唔想煮飯 老豆就會叫大家一齊岀街食。一諗起食咩就會去我地嘅飯堂越華會，一人叫一個餸就搞掂啱啱好。第一樣一定叫嘅就係黑松露手撕雞。如果話去陳根記一定要食Wasabi手撕雞，越華會就要食呢個黑松露手撕雞喇！手撕雞其實好大一份，啲雞肉好滑一啲都唔老，加埋黑松露獨有嘅香味真係次次泥到都忍唔住會嗌另外次次都會嗌嘅係蝦多士，平時食嘅蝦多士一定係油淋淋，實會有堆油係個底到浸住哂。但呢到嘅蝦多士炸岀泥好乾身但又脆口，睇落好細但份量其實一啲都唔少嫁

蔥油走地雞半隻 ：爆多蔥油，雞肉又嫩又夠瘦脆皮炸豆腐：top rank果批，外脆內滑椒鹽九肚魚：唔會輸蒜茸白菜仔：夠鑊氣同蒜香3個人食～大滿足$100-$150/位

朋友生日今次揀食中餐，生日主角一直聽聞越華會唔易book但又想試，於是今次預早兩星期訂枱，得咗👌🏻到埗唔使再等就有枱，坐低即睇有咩食，睇完餐牌平時話怕肥唔食咁多嘅女士們，今日好似冇曬減肥大計，見野就想食😂最後五人點咗以下菜式：話梅車喱茄、例湯 - 牛蒡花旗參煲豬𦟌、咕嚕肉、脆皮豆腐、豉椒炒蜆、愛心咸蛋蒸肉餅、炒西洋菜、炒什菜，都唔算好多😅味道方面，總的來說，味唔太濃，冇話食完口乾。推介：愛心咸蛋蒸肉餅，有創意將肉餅整成心型，加上兩個咸蛋黃做眼，巧得意，咬落有啖啖肉汁，餸飯一流👍🏻價錢：每人平均$150，算抵而主角同其他朋友食完之後都表示滿意😄

同幾個朋友去左越華會到諗著食下海鮮 好耐無黎 貴左好多 元貝一隻要去到95蚊 真係太貴 出面餐廳食貴都係六七十 收成95蚊真係唔捨得叫 最後叫左幾碟海鮮同送 真係無咩特別 一般般 但係偏貴椒鹽鮮魷 炸得唔夠滋味 尚算唔錯黃金蝦 蝦唔夠大隻 蛋黃唔夠多糯米飯 都係好普通 無特別蝦多士算幾好味 幾脆芝士蝦球意粉 無特別仲有碟西蘭花帶子 無影相 成200蚊一碟 好貴 但係平平無奇 應該唔會再黎

一家人去食晚飯，發現這裏原來有VIP房的，這裏的腰果很脆很好食👍🏿👍🏿，飯餸未到之前我已經食了半碟😂😂😂哈哈哈。我們六個人叫左八個餸😝😝，黎到發現每碟都很大碟的，冇諗過咁大碟呀😅🤣😝😂😋😝😂😅。這裡的薑蔥桶蠔好好食，蠔嗰邊好脆口😍😍，而且很大隻。其他菜式椒鹽豆腐、椒鹽魷魚都很好吃很脆口。而蔬菜很新鮮，還有沙拉骨、蔥油雞都不錯，每碟餸都很大碟，😋😋😋大滿足。服務都很好，雖然用餐時間只有90分鐘，但係都唔夠時間食。

如果想一家人食餐平靚正既海鮮大餐，黎哩間越華會海鮮館就一流。六點半去到已經等位等到打曬蛇餅。蝦多士：超大塊，鮮炸出黎又熱又香，但係食落唔會成口油，隻蝦都算大隻👍🏻咪睇佢係一塊包咁，食兩塊已經唔洗食飯啦。黑松露手撕雞：首先未食已經比佢個size 嚇親，食落去啖啖都係滿滿黑松露味！正！啲雞一啲都唔肥無咩雞油，啲肉好滑。豉椒炒蜆（唔記得影）+豉椒炒聖子：隻隻有肉唔係得殼，啲肉算好肥，食落又新鮮👍🏻👍🏻👍🏻椒鹽鮮魷：塊塊魷魚都好大塊，唔係得啲魷魚騷👍🏻👍🏻咬落去好多汁，肉一啲都唔刃5個人食五碟送真係剛剛好，叫多樣都會食唔曬，值得推介！

今晚叫了蒜香骨和椒鹽九肚魚，九肚魚的味道還可，但蒜香骨卻是麵粉包骨，每一塊都沒有肉，最後剩下半碟。結賬時，九肚魚在餐牌上寫95元，卻收105元，侍應解釋休魚期價格提高，但叫菜時又不說？

有朋友仔黎香港玩，想食粵菜、海鮮，由於佢住銅鑼灣，所以揀左越華會。兩個女仔，好多餸都想食，叫左成5樣野，包括：馬拉炒通菜、炒蜆、松露口水雞、椒鹽九肚魚同炒麵。餸份量好足，加埋啤酒600幾蚊，少少貴，但價錢好合理。餸幾好味，除左炒通菜淡左少少。當中要讚下侍應哥哥姊姊，因為朋友仔係遊客，問題會比較多，但係佢地好耐好解答。本來我地想叫炒蟹，侍應哥哥答應幫我地揀隻最細既，不過細既稱左要700幾，價錢唔啱，我地最後無要，侍應哥哥完全無黑面，仲叫我地唔好介意，真係麻煩曬～總之，食得開心，會再去。

預早透過WhatsApp 訂枱落單報價，即場減少了三樣餸，有哂記錄都錯，但損失$1000是我。原本叫咗5隻蟶子，變咗5隻瀨尿蝦，價錢相差$1000, 因為我哋9個人正在投入傾計，所以沒有留意我們根本沒有叫瀨尿蝦，因為食咗，店鋪堅持要我哋付款。我要求不收全數，希望給折扣，但也被拒，只是免$90茶位，這種做生意手法，令人髮指。極之難食的魚塊，芝士沒芝士味，像快餐店的粟米班塊走粟米，難食。完全硬蹦蹦，食不出食物本身的味道。全瘦肉，咬不入。

訂了7:30pm員工7:35pm打來問我在哪裡我說正在趕過來 交通阻塞會遲10分鐘員工質疑我並大聲的說 你訂的是7:30pm吖！我想說現在只不過是7:35pm 你們不留檯已經不對 還大聲罵我 所以也沒有去了。

睇完戲都九點幾同朋友出番銅鑼灣食飯，諗起去越華會叫餸食飯真係一路都唔知原來有兩間，今次就試下呢一間越華會叫左幾個餸，豉椒炒蜆，芝士龍蝦伊麵，椒𢇁腐乳通菜豉椒炒蜆好大碟，都係得一兩粒未開，豉椒味濃得黎適中，送飯好味椒𢇁腐乳通菜，味道好，份量足芝士龍蝦伊麵，芝士香濃而不膩，份量足夠撈晒碟伊麵，但又不太多，蝦唔多炸粉，好脆口椒鹽鮮魷，就林左少少，但唔算太油，椒鹽味可以多少少同漏左單既麻辣手撕雞，麻辣味好惹味，可惜漏左單，大家都食到好飽，變左夾硬食咁

是日舊同事聚餐，久違了的8人飯局，選擇食乜又包左響我身上，咁大班人最好就係食中菜啦，越華會一向有質素保證，小炒獲氣夠，很多味餸菜每次都會食的，以往是去開地面的一件，今次人比較多，試試樓上的一家訂房的，大家都想聊聊天，大家到齊人就開始點菜，大家比左少少意見都很喜歡吃這裏的炸物，其他就由我負責選擇，我之前食過很多都很好味，所以幫大家點左以下菜式，最後當然全部吃光光😋😋😋椒鹽鮮魷😋😋😋😋😋魷魚厚肉新鮮，脆漿厚簿剛好，上抬已調好鹽味，加上喼汁👍🏻好味椒鹽豆腐😋😋😋😋😋外脆內軟，最快清碟黃金蝦-咸蛋的魔力😋😋😋😋😋蝦穀炸得很脆，可肉連榖一起吃掉，蝦肉很彈牙蒜蓉蒸扇背粉絲😋😋😋😋😋剛熟，很新鮮，粉絲吸盡了精華，好好味呀💜芝士斑塊😋😋😋😋😋次來必吃炸得外脆肉軟，配上芝士汁👍🏻👍🏻羗蔥𧐢爆燒肉😋😋😋😋生炒骨😋😋😋😋蔥油雞😋😋😋😋生炒糯米飯😋😋😋😋燒乳鴿😋😋😋😋蝦多士😋😋😋😋8人11個餸，大滿足

以前成日去筲箕灣越華會食飯，必叫個芝士斑塊同埋燒汁牛柳條，今次同朋友星期日喺銅鑼灣食飯就一於食呢間懷緬下！不過朋友唔係好鍾意食芝士就試咗個牛柳條先啦！味道都有以前嘅八成水準，係鹹咗少少可能今日太多人嘅關係，食物質素比以前感覺有多少下降，油鹽水蜆胡椒味道夠蜆肉冇沙，最正係啲粉絲索曬啲胡椒香味😋西蘭花炒蝦球正正常常，炸鮮魷就爭少少好似擺得耐咗咁，上檯都已經淋淋哋，唔知係咪炸完冇人攞出嚟嘅關係😅蟶子皇都鮮甜不過個豉椒醬味道麻麻地，另外比較差嘅就係嗰個蒸元貝！蒸到過咗火硬到不堪😕炒麵都還可以啦但食半碗就夠啦，因為上菜好慢食下等下結果炒麵黎到都飽哂