越華會海鮮館 (已結業)

和家人突然好想食蟹，所以今晚專程來到幾十年老字號的越華會海鮮館幫襯我地選左皇帝蟹，一蟹兩食首先來的是避風塘炒蟹，超級惹味非常好食!這個做法也不失蟹既鮮味，非常考功架!另一做法是花雕酒清蒸，同樣不失蟹鮮味!反而我比較喜歡吃這口味!非常非常好味!我地果然冇簡錯!食得好滋味要食蟹當然要去整開海鮮的老字號啦！如果唔係，浪費食材了

朋友介紹此間食少炒好。4人可以坐卡位，舒服同埋啱傾計👍🏻好喜歡飲魚湯又鍾意食蜆，必叫魚湯煮蜆，蜆肉鮮甜，飲埋個魚湯，真係好正！😋😘蔥油雞是必點的😍蔥油鋪滿半隻雞，D雞非常入味，乜都唔使點😛😛黃金苦瓜就略為咸旦黃太少，不夠甘香☹️鹹魚粒炒芥蘭都好正，全是芥蘭菜梗，沒有葉的！抵讚👍🏻👍🏻👍🏻豉油王炒麵，炒得好乾身，不油且香！

星期四同一堆友人去銅鑼灣吹水食飯，就想搵個食飯飲酒的地方，就揀左去越華會食晚餐。叫左椒鹽鮮魷、椒鹽九肚魚、蝦多士、薑汁芥蘭、招牌菜黑松露手撕雞同豉油王炒面。D 炒野炸野全部都好乾身，有鑊氣同好正。鮮魷好新鮮好爽，九肚魚好滑，蝦多士好乾身好脆，薑汁爽脆唔苦同有薑味，炒面乾身唔咸。個手撕雞的黑松露醬好香，但落得太多，稍為咸左少少，不過連埋青瓜一齊食都OK。啤酒好夠凍，有冰筒上。下次可以再encore食過。

成餐晚飯不過不失，但重點在主食吃完後，我們一行人16人想嗌糖水/甜品，咁我地好自然問侍應，呢度有無糖水/甜品架？侍應哥哥就話無糖水，得蛋散喳 好出色 強調你地「唔嗌就嘥」啦 ，本人已經即時作出 回應，講左「嘥啦」「由佢嘥啦」，並點頭作示，告訴他不需要，但同桌朋友誤以為我喜歡，結果侍應哥哥幫忙嗌左2枱共 9條蛋散，真心是不好吃的，結果多番努力下還剩下2條，結果真係嘥啦，在此奉勸各位 千萬不要不要不要點此甜品，不是惡言中傷，只是一份忠告。

同朋友飯局想食小菜..即人訂位都book到由於太耐冇食小菜...一睇菜單所有炸野都想食主要炸物為主椒鹽鮮魷好大碟..熱辣辣..如果多d 魷魚鬚就更好喇椒鹽九肚魚脆口又滑..密密食...送酒一流鹹蛋黃涼瓜呢個好好食..鹹蛋黃迷最愛...苦瓜又清...咸蛋黃濃味..兩個夾埋好match ..蜜棧蒜香骨呢個骨就比教一般..食淨左半碟...肉比教乾..周埋好硬蒜蓉炒雜菜由於太多炸野同油野...叫返碟清菜食下出奇地受歡迎..最快食哂

大伙兒是為了蔥油雞而來的！不試不知原來蔥油雞可以做到這個程度！是蔥油是主、雞是客！當然雞也的肉質也相當不錯啊！除了蔥油雞外，邪惡「黃金系列」也是大師級水準。秋葵、苦瓜、鮮魷中，我較喜歡秋葵。除了比較特別外，秋葵和鹹蛋黃也是出奇的搭！一餐下來，除了擠了點、吵了點，食物是可以Encore的！

由舊舖開始食到依家，差不多10幾年一直都好支持，一排冇食之後感覺上今次食有少少失望。搬到新地址，裝修OK同埋夠闊落，冇以前咁迫。但係食物方面就無以前咁有鑊氣。避風塘炒蟹唔夠乾，唔夠入味，搞到d肉冇乜味，不過好彩都大大隻有肉，價錢差不多$700。乳鴿OK香口，豉椒炒蜆都OK大隻同多。脆皮炸豆腐，外脆內軟，由以前我都鍾意食。冬瓜盅好足料，好味好大份，可以飲到好多碗。唯一非常滿意嘅係汽水加冰底竟然要$5，咁貴之前又冇同我講；跟住我食唔晒嘅冬瓜盅，打包，個2樓短頭髮女侍應服務非常之差，完全冇諗住要幫我地處理，掉低個盒俾我哋就算，自己處理。收得又唔係平，價錢中上但係又唔係高級格局，如果唔係因為食開有感情，個女侍應今時今日咁嘅服務態度，咁就唔好怪個市生意差左，應該檢討下自己嘅服務態度先。

越華會絕對係以往我地食開嘅大排擋味道！其實巳經唔係好記得啲餸菜名，大都盡量打返啲類嘅字，想食就比張相伙記睇啦😝店面唔算大，所以坐位會比較迫，會比較親密！但款式相當多，機本諗到嘅小菜都會有得食！今次無食啲招牌菜，避風塘炒蟹果啲！只係簡簡單單！沙薑雞。夠味，肉肉好嫩滑咕嚕肉。非常脆口，唔會太酸雜菌炒牛柳粒，超好食，味道濃而不咸杞子魚湯時蔬。魚湯好好飲，但配白菜就一般炒飯。除飽肚外味道無乜特別，但唔會太過乾，所以都好食，飯面會有啲脆魚仔👍🏻蝦多士。好好食，但比較油膩

深夜放毒🤣🤣🤣 避風塘炒蟹🦀炒得好有鑊束氣，比橋底辣蟹好味，前者比教名大於實，越華會就冇咁貴，好味😋蜜餞蒜香骨🍖好脆卜卜，不過Vienn唔太「好」食酸酸味味，中意既朋友仔會覺得不錯，肥仔就好中意👍🏽👍🏽椒鹽鮮油魷🦑係Vienn最愛不過不失椒鹽賴尿蝦🦞好入味，不錯不錯👍🏽豉椒炒大蜆🥘Normal la ~🌟Overall 係平過橋底辣蟹，所以來頂下癮都okay gei ,冇咁離地，但又好味d越華會海鮮館 (銅鑼灣)地址：銅鑼灣駱克道447-449號中威商業大廈2-3樓

依間鋪頭以前都幾好食，經常幫襯，不過今晚叫果碟避風塘炒蟹，賣相其實ok, 點知一啲都唔入味都不特止，竟然連蟹味也沒有，真的很失望........$700食一隻淡而無味嘅蟹，真的中哂伏，以後也不會再幫襯！

等待十點半才放工的女友, 要在銅鑼灣找一間餐廳其實不太困難, 就像零晨三時才打烊的越華會, 就算到達的時間不少, 依然座無虛席. 越華會的海鮮, 我和她的肚子也容不下, 只點了些小炒, 其中炸豆腐內裡的滑, 比很多小炒點出色, 很容易就滑走了我的雙筷. 芝士蝦球伊麵的蝦球炸香, 配上濃厚的芝士醬, 邪惡之餘也夠飽肚, 最後的蒜香骨, 我和她已經吃不下! (笑)

結帳時我問一位男人，他自稱是老闆，拿一條橡筋，他沒有回應我我再問多一次他，他非常沒有禮貌，反問我這位客人知不知道她在做什麼，他沒有幫到我這位客人，還怪責客人騷擾他工作，這種服務態度我不能接受以後不會再幫襯這間食店！他的樣子10分不滿

因為要同同事慶祝生日，所以揀左呢間餐廳，原來已經搬左地方，好彩行過去既時候見到，如果唔係就會錯過🤭上到去發現好多都係訂左位的，好彩同事醒，一早預約左。叫左7菜1湯羹，上菜速度快，而且夠熱，服務都好ok，值得一推。炒蜆，炒蟶子，椒鹽尤魚，炸豆腐，蝦伊麵，海王湯羹，炒通菜，炒蟹價錢方面，都ok既，所謂一分錢 一分貨水準都仲保持到，因為有同事好幾年前都食過，都覺得保持到。我個人覺得，服務都值得一讚，主動加茶加水，收碟換碟都好快。6人合共食左2000左右，所以價錢都可以接受的

今日放工突然一行四人話食飯。諗左一陣港島區有咩好小菜店呢～ 之後嚟到等左15分鐘位！ 或者知道我地肚餓好快俾我哋上咗去！ 見到餐牌嘅嘢食我哋咩都想order 我哋四個人帶咗八個菜一定要嗌佢嘅手撕雞！辣辣地好惹味！亦都帶咗炒蜆啦炒豆苗啦椒鹽豆腐椒鹽鮮魷咕嚕肉仲有手工嘅蝦多士！佢哋嘅水準一直都保持得好好！每樣野都煮得啱啱好！炒麵直情係冇得頂！上面仲有耍左芝麻，好香口！ 配送餸一流而服務都好快上菜！坐位又唔會迫簡直係銅鑼灣小菜嘅不二之選！

I think it’s my first time eating seafood in the city as we usually go somewhere further out for HK style seafood. My friend was staying in CWB and was short of time, so we decided to give this place a try. It was def. much better than my expectation. We ordered steamed fish, crab, scallops, abalone, etc. Everything was quite ok, but a bit on strong flavor side than letting fresh seafood speak for themselves. Fish was good, cooked to right level. Crab was cooked well, but it was missing that fre