越蘆越南牛肉粉

营业中

休息中

最近都要OT遲收工，好肚餓，放工就喺上環附近覓食，好耐冇食越南野，所以就揀咗呢間位於皇后大道西的「越蘆越南牛肉粉」。晚上八點幾黎到都幾多客人，仲有唔少外國人幫襯添顧名思義，餐廳主打越南菜式食物，有小食、粉麵、飯類、湯品等等，種類繁多而枱面亦有各式辣椒汁、辣醬、魚露等等醬汁可供選擇，啱晒重口味人士，非常貼心街頭香茅牛肉飯香茅牛肉嘅香茅味頗重，帶有微微香辣，好惹味！牛肉偏瘦，香軟腍滑，少量蔥花同炸蒜令到牛肉更加滋味，口感同味道都好好，一定要送飯食！旁邊仲有木耳豬肉蛋餅，雖然賣相不太討好，但其實佢好有內涵，裏面材料有香蔥、木耳、豬肉碎等等，口感層次都好豐富啊，係不一樣的蛋餅熱檸水檸檬大大片又新鮮

2019年3月11日（星期一）路過被餐廳雅淡型格嘅越藍調吸引着，差唔多晏晝3點，一於歎個越式下午茶。位處街角大單邊，玻璃大窗視野廣闊。裝修、擺設、餐具高貴大方，徹頭徹尾越南風格十分討好，令人食指大動！雞絲扎肉湯河+鹹檸檬柑桔水湯碗大得驚人；當然河粉嘅數量只及湯碗三份一，引證「將貨就價理論」就是了。雞絲帶微微黃油，新鮮好味。扎肉比其他地方都要厚，但係有啲靱。最重要嘅係湯料、河粉都唔夠熱，無奈要扣分！🍲 鹹檸有提鮮作用，好飲！🍺

去開灣仔睇kkbox風雲榜，搵下附近有咩食，見到呢間好似幾越南feel就入左去6點入座，不用等位，d位都算闊落舒適，以藍綠色做主題，配上越南帽做燈罩同綠色既吊扇，好和諧。我地2個人叫左一碗生熟牛肉河，賣相唔錯，已預先加了九層塔同大量既蔥，同正宗係越南食有少少唔同，通常會放係碟自己加，呢度都有青檸同辣椒🌶️加左青檸汁落去個湯帶出左少少牛湯既香味，酸酸地幾開胃，食過好多pho既我地當然要加埋是搵差醬同甜醬啦！不得不讚既係個河粉，好幼細，好有光澤，食落去雪雪聲，一碗係唔夠喉！牛肉如果可以再䭃d會更好。係越南叫極都叫唔到呢款米紙卷，所以係呢度試下：香芒蟹肉牛油果米紙卷，加左日本酸薑，好有fushion既感覺，個人認為唔蘸佢個芒果醬更好食更清新。飲品叫左椰汁🥥冰，幾清香，又唔太凍，岩我！好掛住越南咖啡☕️，揀左個滴漏咖啡，係加左煉奶架！！！場內仲播住越南文歌，好有feel。

中午放飯過咗去上環搵食，之前聽同事推薦近上環街市附近有間越南餐廳幾好食，今日就去咗試吓新野！餐廳位於皇后大道西，地理位置都幾方便餐牌上嘅食物選擇多而且又唔算貴，點多幾款野食都唔會覺得肉赤街頭香茅牛肉飯牛肉片份量都幾多，醃得入味，帶有陣陣香茅香氣，少少辣，但係好香口，牛肉味濃郁，撈飯食就啱晒啦！煎蛋餅大大塊厚切的，裏面仲有豬肉碎同木耳，幾好味，不過就略嫌油膩咗啲啲白飯粒粒分明，有米香，而且唔會太軟腍，係有嚼勁的。面上有炸蒜片更加香口，好味道啊，大滿足的午飯

今晚一個人在上環搵野食，由於黎緊要去越南旅行，不如就食越南野啦~行行下就見到呢間 啦~門口望入去夠大夠光猛， 同埋都幾多人食緊MENU 都好吸引,  急不及待啦~MENU 有埋圖，好清楚生牛肉湯濛粉$58越南牛河一直都是很popular 的食物我改左食濛粉，好爽口呢~生牛肉香味出及夠厚切，入口不 嚡不韌，夠新鮮，成碗非常足料，正呀。有青檸及天椒提供，加在湯入面更加鮮甜美味可口台面有多款醬料提供加少少湯底更鮮甜椰菜苗(蝦膏炒) $72好少機會食到椰菜苗， 而且椰菜苗比一般青菜貴，所以有得叫就試下啦~蝦膏炒非常惹味，而且風味十足。薄荷青檸梳打$28飲埋杯凍飲更perfect ~ 

琴日難得唔使OT，收工同屋企人去咗位於上環嘅越蘆。我哋一行四人總共嗌咗四道餸。首先嘅系咖喱牛腩配法式蒜蓉包。呢個咖喱牛腩，食落去一啲都唔辣，聞落去嘅時候仲有淡淡嘅椰香味道。咖喱牛腩燜得恰到好處，唔會太韌，亦都唔會太軟。配上鬆脆嘅蒜蓉包上面，簡直系一絕。第二道菜系串燒雞撈檬。呢個撈檬份量一啲都唔細，雞串亦都有三串咁多。炭燒雞串亦燒得是外脆內軟，非常可口。然後就系越撈嘅什錦牛肉湯河。呢個湯河料都十分之多，有生嘅牛肉、牛丸、牛百葉。由於我都幾中意食生牛肉嘅關系所以塊牛肉，我喺熱辣辣嘅湯上面燙咗幾秒，咁就即刻放入口，牛肉味非常鮮甜。而佢哋嘅河粉亦都系值得一讚嘅，冇斷開不特止，還非常有彈性。再試下呢個香茅豬扒飯，豬扒厚度十足。亦唔會煮得太老同埋太鞋。香茅味同豬扒成功咁混爲一體。熱情果菠蘿特飲。呢嗰嘅鮮果味道都好重啊，仲可以食到熱情果嘅粒粒。但美中不足嘅地方就系菠蘿肉唔太夠，令熱情果嘅味道蓋過咗菠蘿嘅味道。

就係上堂嘅隔離見到呢間餐廳，見門面幾靚咁，都有唔少人幫襯決定試下🤗串燒雞撈檬($62)雞燒得超香又嫩滑，而且毫不吝嗇有三大條！！連埋酸甜嘅醬汁撈埋黎食，很開胃，令人食欲大增🤤咖哩牛腩配法包（$148）價錢小小貴，但叫咗一定唔會後悔！咖喱味都幾重，食得出香濃既椰漿味，又唔會太辣！牛腩同薯仔都煮到好淋又入味，完全唔韌。再加埋脆卜卜既法式蒜蓉包沾住咖哩汁食，超滿足！椰汁斑蘭糕($42)有4大舊咁多！食落既質地似大菜糕，斑蘭味好香濃，一定要連埋下面既椰汁糕再齊食，唔係既話會有d苦，連住食就岩岩好🤘🏻

1️⃣順化香茅牛肉撈檬 $72 賣相健康得來又好味嘅感覺！配料豐富，有青瓜、酸蘿蔔絲、生菜🥬等。牛肉嘅份量同樣好多！香茅味道幾香濃，d牛肉醃得幾好，仲灑左啲脆脆花生粒落去。記住擠埋粒青檸，加埋撈檬汁，撈匀，食落更有越南🇻🇳風味！😝2️⃣越蘆生牛肉牛腩片湯粉 $66肉嘅份量真係好多！ 牛肉片滑嘟嘟，小心唔好浸泡太耐，以免鞋左😝牛腩片就正正常常。湯底比較清，但勝在香甜，啲河粉都唔會黐埋一住，唔錯😚3️⃣牛油果沙冰超級好味！一定要點！❤️佢嘅牛油果沙冰好清新，牛油果味濃！好想瘋狂飲！😍😍😍另外，呢一間餐廳好乾淨，啲服務都好好😚

同朋友一齊去食嘢，佢話冇胃口要食D濕濕地嘅越南粉，但係我又想食飯，見間舖名係越南粉，原本打定輸數，點知被我見到個menu 有炒飯，估好似好多料好大份咁。朋友個粉好快就上咗，但我個菠蘿可能要爬上樹摘，朋友差不多食完先上，但個賣相都幾吸引打斜切咗個菠蘿成個鏟咁，兜住咗腰果．肉鬆．蝦仁．魷魚．蜆仔同埋金黃色嘅炒飯。個飯都炒得唔錯粒粒分明但係奇怪在菠蘿炒飯裏面冇菠蘿粒。佢成間野嘅裝修幾光猛寬躺應該專門係食越南粉嘅有好多調味料同埋粉擺咗喺display架上邊

今日同朋友去左上環食越菜河粉, 感覺不錯哦!餐廳樓底好高, 掛滿越南帽子, 充滿特色, 坐得又舒適越南河粉, 餸料都有不少選擇, 而且還可以選擇河檬添, 就一於食檬粉餐廳招牌主打的生牛肉檬粉，湯底喝起來有醇厚的肉香卻頗清爽。牛肉河粉是將生牛肉薄片鋪在煮好的檬粉上，再沖入滾燙的牛骨高湯，讓牛肉有著最恰到好處的熟度，口感格外柔嫩，而湯汁清澈鮮美、檬粉滑順，若再擠點新鮮檸檬汁，感覺更加清爽。 加入的豆芽菜和九層塔，味道更香，而豆芽菜也能添增爽脆口感。

喺上環附近工作完，打算食埋晚飯先至返屋企。所以一路行吓行吓就見到呢間越南牛肉粉就入咗去食。店內裝修很有越南風格，好像做了越南妹咁，店內亦播放着越南歌曲，很道地。餐牌有很多選擇，熱的牛肉粉，亦有凍食的撈檬唔鍾意食牛肉粉嘅亦都有菠蘿炒飯等等，任君選擇。今天我就揀咗扎肉蝦餅撈檬，貪佢清淡得來，又有少少炸野，過下口癮。但係好出奇地佢個扎肉反而好好食，唔似一般出面淡貿貿，佢個扎肉好有口感，係有豬軟骨係入面，好特別好有誠意。

這晚約了許久不見的表姐，她是個很注意個人健康的女孩，喜愛吃清淡和素菜類食物。因此我特地挑選了越南菜，清淡又開胃。以鮮蝦🍤柚子沙律($86) 作為頭盤：大蝦十分新鮮，柚子也很清甜可口。這味前菜既健康又開胃再來一碟越式炒金邊粉($118) 札肉煎的香脆，而且跟以往吃的不一樣，咬下去帶點根很有口感。還有炒蛋、苟菜、洋蔥及芽菜等配料，味道不錯札肉米紙卷 ($52) 味道清新，沾一些甜辣芒果醬更美味可口餐廳裝潢設計都較高檔，十分舒適

天氣時熱時涼，個人無乜胃口，想食D濕濕地易D消化嘅嘢,越南粉食品濕濕地又有D酸就開胃D。鋪頭裝修簡約主題牆有越南女士及越南食品材料。見餐牌度個生牛肉河好靚，就點咗佢。先上小件青檸及辣椒粒作湯頭提味生牛肉粉可以選河粉，金邊粉或檬粉，我選擇咗金邊粉，粉色比較有細但係食起嚟有少少硬，我比較鍾意軟D。生牛肉份量幾多，同個圖分別唔大，湯汁滾熱又清而香甜，牛肉片用湯浸泡一下就熟了，整體感覺唔錯。作為晚餐份量都足夠。

越蘆 上環牛油雞翼 $66薄荷青檸梳打 $28牛肉湯河 $72上環自從開通地鐵之後， 愈開愈多餐廳，愈來愈好行。今日行街去到越蘆越南牛肉粉， 餐廳光猛地方大，食物選擇亦多。我地叫左一個牛肉湯河，再點左必叫既牛油雞翼，薄荷青檸梳打會俾一樽梳打水我， 感覺好新鮮。牛肉湯河，湯清味濃，大大碗好味道。牛油雞翼熱辣辣，咬落去面脆，入邊好鮮味， 大大隻。 薄荷青檸梳打， 即開一支新鮮梳打， 正。一共二百有找。我地吃完就慢慢行去中環當消化下。

好少出港島，嚟之前當然做足功課睇有咩好食啦！呢間越南菜近上環站，又咁多好評，一於試試！二人叫咗三樣野食share, 份量對兩個女嚟講剛剛好！鮮蝦柚子沙律🥗柚子新鮮、份量不少，非常開胃！會安烤豬頸肉，份量好多，豬頸肉夠晒彈牙，醬汁亦好好味。越蘆生牛肉牛丸湯粉，生牛肉超級嫩😍份量大，河粉亦唔會太淋，湯㡳都好香牛肉味，好味道！除咗食物好味，環境都好舒適，同隔離枱有一定距離，亦不時有人幫忙加水，值得再嚟食！